๒. สงฺขฺยาวาโร

สุทฺธํ

๗๓. นเหตุยา ปนฺนรส, นอารมฺมเณ นอธิปติยา นอนนฺตเร นสมนนฺตเร ปนฺนรส, นสหชาเต เอกาทส, นอญฺญมญฺเญ เอกาทส, นนิสฺสเย เอกาทส, นอุปนิสฺสเย จุทฺทส, นปุเรชาเต เตรส, นปจฺฉาชาเต ปนฺนรส, นอาเสวเน นกมฺเม นวิปาเก นอาหาเร นอินฺทฺริเย นฌาเน นมคฺเค ปนฺนรส, นสมฺปยุตฺเต เอกาทส, นวิปฺปยุตฺเต นว, โนอตฺถิยา นว, โนนตฺถิยา ปนฺนรส, โนวิคเต ปนฺนรส, โนอวิคเต นว (เอวํ คเณตพฺพํ).

ปจฺจนียํ.