๑. วิภงฺควาโร

นเหตุปจฺจโย

๓๙๖. อกุสลํ ธมฺมํ สมฺปยุตฺโต อกุสโล ธมฺโม อุปฺปชฺชติ นเหตุปจฺจยา – วิจิกิจฺฉาสหคเต อุทฺธจฺจสหคเต ขนฺเธ สมฺปยุตฺโต วิจิกิจฺฉาสหคโต อุทฺธจฺจสหคโต โมโห. (๑)

๓๙๗. อพฺยากตํ ธมฺมํ สมฺปยุตฺโต อพฺยากโต ธมฺโม อุปฺปชฺชติ นเหตุปจฺจยา – อเหตุกํ วิปากาพฺยากตํ กิริยาพฺยากตํ เอกํ ขนฺธํ สมฺปยุตฺตา ตโย ขนฺธา, ตโย ขนฺเธ สมฺปยุตฺโต เอโก ขนฺโธ, เทฺว ขนฺเธ สมฺปยุตฺตา เทฺว ขนฺธา; อเหตุกปฏิสนฺธิกฺขเณ วิปากาพฺยากตํ เอกํ ขนฺธํ สมฺปยุตฺตา ตโย ขนฺธา, ตโย ขนฺเธ สมฺปยุตฺโต เอโก ขนฺโธ, เทฺว ขนฺเธ สมฺปยุตฺตา เทฺว ขนฺธา. (สํขิตฺตํ.) (๑)