๑. ปจฺจยานุโลมํ

๑. วิภงฺควาโร

เหตุปจฺจโย

๓๙๒. กุสลํ ธมฺมํ สมฺปยุตฺโต กุสโล ธมฺโม อุปฺปชฺชติ เหตุปจฺจยา – กุสลํ เอกํ ขนฺธํ สมฺปยุตฺตา ตโย ขนฺธา, ตโย ขนฺเธ สมฺปยุตฺโต เอโก ขนฺโธ, เทฺว ขนฺเธ สมฺปยุตฺตา เทฺว ขนฺธา. (๑)

๓๙๓. อกุสลํ ธมฺมํ สมฺปยุตฺโต อกุสโล ธมฺโม อุปฺปชฺชติ เหตุปจฺจยา – อกุสลํ เอกํ ขนฺธํ สมฺปยุตฺตา ตโย ขนฺธา, ตโย ขนฺเธ สมฺปยุตฺโต เอโก ขนฺโธ, เทฺว ขนฺเธ สมฺปยุตฺตา เทฺว ขนฺธา. (๑)

๓๙๔. อพฺยากตํ ธมฺมํ สมฺปยุตฺโต อพฺยากโต ธมฺโม อุปฺปชฺชติ เหตุปจฺจยา – วิปากาพฺยากตํ กิริยาพฺยากตํ เอกํ ขนฺธํ สมฺปยุตฺตา ตโย ขนฺธา, ตโย ขนฺเธ สมฺปยุตฺโต เอโก ขนฺโธ, เทฺว ขนฺเธ สมฺปยุตฺตา เทฺว ขนฺธา; ปฏิสนฺธิกฺขเณ วิปากาพฺยากตํ เอกํ ขนฺธํ สมฺปยุตฺตา ตโย ขนฺธา, ตโย ขนฺเธ สมฺปยุตฺโต เอโก ขนฺโธ, เทฺว ขนฺเธ สมฺปยุตฺตา เทฺว ขนฺธา. (สํขิตฺตํ.) (๑)