๑. วิภงฺควาโร

นเหตุปจฺจโย

๓๕๑. อกุสลํ ธมฺมํ สํสฏฺโฐ อกุสโล ธมฺโม อุปฺปชฺชติ นเหตุปจฺจยา – วิจิกิจฺฉาสหคเต อุทฺธจฺจสหคเต ขนฺเธ สํสฏฺโฐ วิจิกิจฺฉาสหคโต อุทฺธจฺจสหคโต โมโห. (๑)

อพฺยากตํ ธมฺมํ สํสฏฺโฐ อพฺยากโต ธมฺโม อุปฺปชฺชติ นเหตุปจฺจยา – อเหตุกํ วิปากาพฺยากตํ กิริยาพฺยากตํ เอกํ ขนฺธํ สํสฏฺฐา ตโย ขนฺธา, ตโย ขนฺเธ สํสฏฺโฐ เอโก ขนฺโธ, เทฺว ขนฺเธ สํสฏฺฐา เทฺว ขนฺธา; อเหตุกปฏิสนฺธิกฺขเณ วิปากาพฺยากตํ เอกํ ขนฺธํ สํสฏฺฐา ตโย ขนฺธา, ตโย ขนฺเธ สํสฏฺโฐ เอโก ขนฺโธ, เทฺว ขนฺเธ สํสฏฺฐา เทฺว ขนฺธา. (๑)

นอธิปติอาทิปจฺจยา

๓๕๒. กุสลํ ธมฺมํ สํสฏฺโฐ กุสโล ธมฺโม อุปฺปชฺชติ นอธิปติปจฺจยา… นปุเรชาตปจฺจยา – อรูเป [อารุปฺเป (สพฺพตฺถ)] กุสลํ เอกํ ขนฺธํ สํสฏฺฐา ตโย ขนฺธา…เป… เทฺว ขนฺเธ สํสฏฺฐา เทฺว ขนฺธา. อกุสลํ ธมฺมํ…เป… อพฺยากตํ ธมฺมํ…เป….

นปจฺฉาชาต-นอาเสวนปจฺจยา

๓๕๓. กุสลํ ธมฺมํ สํสฏฺโฐ กุสโล ธมฺโม อุปฺปชฺชติ นปจฺฉาชาตปจฺจยา… ตีณิ. นอาเสวนปจฺจยา… ตีณิ.

นกมฺมปจฺจโย

๓๕๔. กุสลํ ธมฺมํ สํสฏฺโฐ กุสโล ธมฺโม อุปฺปชฺชติ นกมฺมปจฺจยา. กุสเล ขนฺเธ สํสฏฺฐา กุสลา เจตนา. (๑)

อกุสลํ ธมฺมํ สํสฏฺโฐ อกุสโล ธมฺโม อุปฺปชฺชติ นกมฺมปจฺจยา. อกุสเล ขนฺเธ สํสฏฺฐา อกุสลา เจตนา. (๑)

อพฺยากตํ ธมฺมํ สํสฏฺโฐ อพฺยากโต ธมฺโม อุปฺปชฺชติ นกมฺมปจฺจยา. กิริยาพฺยากเต ขนฺเธ สํสฏฺฐา กิริยาพฺยากตา เจตนา. (๑)

นวิปากปจฺจโย

๓๕๕. กุสลํ ธมฺมํ สํสฏฺโฐ…เป… อกุสลํ ธมฺมํ…เป… อพฺยากตํ ธมฺมํ สํสฏฺโฐ อพฺยากโต ธมฺโม อุปฺปชฺชติ นวิปากปจฺจยา – กิริยาพฺยากตํ เอกํ ขนฺธํ.

(สํสฏฺฐวาเร ปจฺจนียวิภงฺเค นกมฺเม จ นวิปาเก จ ปฏิสนฺธิ นตฺถิ; อวเสเสสุ สพฺพตฺถ อตฺถิ.)

นฌานปจฺจโย

๓๕๖. อพฺยากตํ ธมฺมํ สํสฏฺโฐ อพฺยากโต ธมฺโม อุปฺปชฺชติ นฌานปจฺจยา – ปญฺจวิญฺญาณสหคตํ เอกํ ขนฺธํ สํสฏฺฐา ตโย ขนฺธา…เป… เทฺว ขนฺเธ สํสฏฺฐา เทฺว ขนฺธา. (๑)

นมคฺคปจฺจโย

๓๕๗. อพฺยากตํ ธมฺมํ สํสฏฺโฐ อพฺยากโต ธมฺโม อุปฺปชฺชติ นมคฺคปจฺจยา – อเหตุกํ วิปากาพฺยากตํ กิริยาพฺยากตํ เอกํ ขนฺธํ สํสฏฺฐา ตโย ขนฺธา…เป… เทฺว ขนฺเธ สํสฏฺฐา เทฺว ขนฺธา; อเหตุกปฏิสนฺธิกฺขเณ…เป…. (๑)

นวิปฺปยุตฺตปจฺจโย

๓๕๘. กุสลํ ธมฺมํ สํสฏฺโฐ กุสโล ธมฺโม อุปฺปชฺชติ นวิปฺปยุตฺตปจฺจยา – อรูเป กุสลํ เอกํ ขนฺธํ สํสฏฺฐา ตโย ขนฺธา…เป… เทฺว ขนฺเธ สํสฏฺฐา เทฺว ขนฺธา. (๑)

อกุสลํ ธมฺมํ สํสฏฺโฐ อกุสโล ธมฺโม อุปฺปชฺชติ นวิปฺปยุตฺตปจฺจยา – อรูเป อกุสลํ เอกํ ขนฺธํ สํสฏฺฐา ตโย ขนฺธา…เป… เทฺว ขนฺเธ สํสฏฺฐา เทฺว ขนฺธา. (๑)

อพฺยากตํ ธมฺมํ สํสฏฺโฐ อพฺยากโต ธมฺโม อุปฺปชฺชติ นวิปฺปยุตฺตปจฺจยา – อรูเป วิปากาพฺยากตํ กิริยาพฺยากตํ เอกํ ขนฺธํ สํสฏฺฐา ตโย ขนฺธา…เป… เทฺว ขนฺเธ สํสฏฺฐา เทฺว ขนฺธา. (นวิปฺปยุตฺเต ปฏิสนฺธิ นตฺถิ.) (๑)