๕. สํกิลิฏฺฐตฺติกํ

๑. ปฏิจฺจวาโร

๑. ปจฺจยานุโลมํ

๑. วิภงฺควาโร

เหตุปจฺจโย

๑. สํกิลิฏฺฐสํกิเลสิกํ ธมฺมํ ปฏิจฺจ สํกิลิฏฺฐสํกิเลสิโก ธมฺโม อุปฺปชฺชติ เหตุปจฺจยา – สํกิลิฏฺฐสํกิเลสิกํ เอกํ ขนฺธํ ปฏิจฺจ ตโย ขนฺธา…เป… เทฺว ขนฺเธ ปฏิจฺจ เทฺว ขนฺธา. (๑)

สํกิลิฏฺฐสํกิเลสิกํ ธมฺมํ ปฏิจฺจ อสํกิลิฏฺฐสํกิเลสิโก ธมฺโม อุปฺปชฺชติ เหตุปจฺจยา – สํกิลิฏฺฐสํกิเลสิเก ขนฺเธ ปฏิจฺจ จิตฺตสมุฏฺฐานํ รูปํ. (๒)

สํกิลิฏฺฐสํกิเลสิกํ ธมฺมํ ปฏิจฺจ สํกิลิฏฺฐสํกิเลสิโก จ อสํกิลิฏฺฐสํกิเลสิโก จ ธมฺมา อุปฺปชฺชนฺติ เหตุปจฺจยา – สํกิลิฏฺฐสํกิเลสิกํ เอกํ ขนฺธํ ปฏิจฺจ ตโย ขนฺธา จิตฺตสมุฏฺฐานญฺจ รูปํ…เป… เทฺว ขนฺเธ ปฏิจฺจ เทฺว ขนฺธา จิตฺตสมุฏฺฐานญฺจ รูปํ. (๓)

อสํกิลิฏฺฐสํกิเลสิกํ ธมฺมํ ปฏิจฺจ อสํกิลิฏฺฐสํกิเลสิโก ธมฺโม อุปฺปชฺชติ เหตุปจฺจยา – อสํกิลิฏฺฐสํกิเลสิกํ เอกํ ขนฺธํ ปฏิจฺจ ตโย ขนฺธา จิตฺตสมุฏฺฐานญฺจ รูปํ…เป… เทฺว ขนฺเธ ปฏิจฺจ เทฺว ขนฺธา จิตฺตสมุฏฺฐานญฺจ รูปํ; ปฏิสนฺธิกฺขเณ อสํกิลิฏฺฐสํกิเลสิกํ เอกํ ขนฺธํ ปฏิจฺจ ตโย ขนฺธา กฏตฺตา จ รูปํ…เป… เทฺว ขนฺเธ ปฏิจฺจ เทฺว ขนฺธา กฏตฺตา จ รูปํ; ขนฺเธ ปฏิจฺจ วตฺถุ, วตฺถุํ ปฏิจฺจ ขนฺธา; เอกํ มหาภูตํ ปฏิจฺจ ตโย มหาภูตา…เป… มหาภูเต ปฏิจฺจ จิตฺตสมุฏฺฐานํ รูปํ กฏตฺตารูปํ อุปาทารูปํ. (๑)

๒. อสํกิลิฏฺฐอสํกิเลสิกํ ธมฺมํ ปฏิจฺจ อสํกิลิฏฺฐอสํกิเลสิโก ธมฺโม อุปฺปชฺชติ เหตุปจฺจยา – อสํกิลิฏฺฐอสํกิเลสิกํ เอกํ ขนฺธํ ปฏิจฺจ ตโย ขนฺธา…เป… เทฺว ขนฺเธ ปฏิจฺจ เทฺว ขนฺธา. (๑)

อสํกิลิฏฺฐอสํกิเลสิกํ ธมฺมํ ปฏิจฺจ อสํกิลิฏฺฐสํกิเลสิโก ธมฺโม อุปฺปชฺชติ เหตุปจฺจยา – อสํกิลิฏฺฐอสํกิเลสิเก ขนฺเธ ปฏิจฺจ จิตฺตสมุฏฺฐานํ รูปํ. (๒)

อสํกิลิฏฺฐอสํกิเลสิกํ ธมฺมํ ปฏิจฺจ อสํกิลิฏฺฐสํกิเลสิโก จ อสํกิลิฏฺฐอสํกิเลสิโก จ ธมฺมา อุปฺปชฺชนฺติ เหตุปจฺจยา – อสํกิลิฏฺฐอสํกิเลสิกํ เอกํ ขนฺธํ ปฏิจฺจ ตโย ขนฺธา จิตฺตสมุฏฺฐานญฺจ รูปํ…เป… เทฺว ขนฺเธ ปฏิจฺจ เทฺว ขนฺธา จิตฺตสมุฏฺฐานญฺจ รูปํ. (๓)

อสํกิลิฏฺฐสํกิเลสิกญฺจ อสํกิลิฏฺฐอสํกิเลสิกญฺจ ธมฺมํ ปฏิจฺจ อสํกิลิฏฺฐสํกิเลสิโก ธมฺโม อุปฺปชฺชติ เหตุปจฺจยา – อสํกิลิฏฺฐอสํกิเลสิเก ขนฺเธ จ มหาภูเต จ ปฏิจฺจ จิตฺตสมุฏฺฐานํ รูปํ. (๑)

สํกิลิฏฺฐสํกิเลสิกญฺจ อสํกิลิฏฺฐสํกิเลสิกญฺจ ธมฺมํ ปฏิจฺจ อสํกิลิฏฺฐสํกิเลสิโก ธมฺโม อุปฺปชฺชติ เหตุปจฺจยา – สํกิลิฏฺฐสํกิเลสิเก ขนฺเธ จ มหาภูเต จ ปฏิจฺจ จิตฺตสมุฏฺฐานํ รูปํ (สํขิตฺตํ). (๑)

๑. ปจฺจยานุโลมํ

๒. สงฺขฺยาวาโร

๓. เหตุยา นว, อารมฺมเณ ตีณิ, อธิปติยา นว, อนนฺตเร ตีณิ, สมนนฺตเร ตีณิ, สหชาเต นว, อญฺญมญฺเญ ตีณิ, นิสฺสเย นว, อุปนิสฺสเย ตีณิ, ปุเรชาเต ตีณิ, อาเสวเน ตีณิ, กมฺเม นว, วิปาเก ปญฺจ, อาหาเร นว…เป… มคฺเค นว, สมฺปยุตฺเต ตีณิ, วิปฺปยุตฺเต นว…เป… อวิคเต นว (สํขิตฺตํ.)

(ยถา กุสลตฺติเก วิภตฺตํ, เอวํ วิภชิตพฺพํ.)

๒. ปจฺจยปจฺจนียํ

นเหตุปจฺจโย

๔. สํกิลิฏฺฐสํกิเลสิกํ ธมฺมํ ปฏิจฺจ สํกิลิฏฺฐสํกิเลสิโก ธมฺโม อุปฺปชฺชติ นเหตุปจฺจยา – วิจิกิจฺฉาสหคเต อุทฺธจฺจสหคเต ขนฺเธ ปฏิจฺจ วิจิกิจฺฉาสหคโต อุทฺธจฺจสหคโต โมโห. (๑)

อสํกิลิฏฺฐสํกิเลสิกํ ธมฺมํ ปฏิจฺจ อสํกิลิฏฺฐสํกิเลสิโก ธมฺโม อุปฺปชฺชติ นเหตุปจฺจยา – อเหตุกํ อสํกิลิฏฺฐสํกิเลสิกํ เอกํ ขนฺธํ ปฏิจฺจ ตโย ขนฺธา จิตฺตสมุฏฺฐานญฺจ รูปํ…เป… อเหตุกปฏิสนฺธิกฺขเณ…เป… อสญฺญสตฺตานํ เอกํ มหาภูตํ. (สํขิตฺตํ.) (๑)

(ยถา กุสลตฺติเก วิภตฺตํ, เอวํ วิภชิตพฺพํ.)

สุทฺธํ

๕. นเหตุยา เทฺว, นอารมฺมเณ ปญฺจ, นอธิปติยา ฉ, นอนนฺตเร ปญฺจ…เป… นอุปนิสฺสเย ปญฺจ, นปุเรชาเต สตฺต, นปจฺฉาชาเต นว, นอาเสวเน นว, นกมฺเม ตีณิ, นวิปาเก นว, นอาหาเร เอกํ…เป… นมคฺเค เอกํ, นสมฺปยุตฺเต ปญฺจ, นวิปฺปยุตฺเต ตีณิ, โนนตฺถิยา ปญฺจ, โนวิคเต ปญฺจ. (สํขิตฺตํ.)

๓. ปจฺจยานุโลมปจฺจนียํ

เหตุทุกํ

๖. เหตุปจฺจยา นอารมฺมเณ ปญฺจ, นอธิปติยา ฉ…เป… นปุเรชาเต สตฺต, นปจฺฉาชาเต นว, นอาเสวเน นว, นกมฺเม ตีณิ, นวิปาเก นว, นสมฺปยุตฺเต ปญฺจ, นวิปฺปยุตฺเต ตีณิ, โนนตฺถิยา ปญฺจ, โนวิคเต ปญฺจ. (สํขิตฺตํ.)

๔. ปจฺจยปจฺจนียานุโลมํ

นเหตุทุกํ

๗. นเหตุปจฺจยา อารมฺมเณ เทฺว…เป… วิปาเก เอกํ…เป… มคฺเค เอกํ…เป… อวิคเต เทฺว. (สํขิตฺตํ.)

ปฏิจฺจวาโร.

๒-๖ สหชาต-ปจฺจย-นิสฺสย-สํสฏฺฐ-สมฺปยุตฺตวาโร

(สหชาตวาโรปิ ปจฺจยวาโรปิ นิสฺสยวาโรปิ สํสฏฺฐวาโรปิ สมฺปยุตฺตวาโรปิ วิตฺถาเรตพฺโพ.)

๗. ปญฺหาวาโร

๑. ปจฺจยานุโลมํ

๑. วิภงฺควาโร

เหตุปจฺจโย

๘. สํกิลิฏฺฐสํกิเลสิโก ธมฺโม สํกิลิฏฺฐสํกิเลสิกสฺส ธมฺมสฺส เหตุปจฺจเยน ปจฺจโย – สํกิลิฏฺฐสํกิเลสิกา เหตู สมฺปยุตฺตกานํ ขนฺธานํ เหตุปจฺจเยน ปจฺจโย. (๑)

สํกิลิฏฺฐสํกิเลสิโก ธมฺโม อสํกิลิฏฺฐสํกิเลสิกสฺส ธมฺมสฺส เหตุปจฺจเยน ปจฺจโย – สํกิลิฏฺฐสํกิเลสิกา เหตู จิตฺตสมุฏฺฐานานํ รูปานํ เหตุปจฺจเยน ปจฺจโย. (๒)

สํกิลิฏฺฐสํกิเลสิโก ธมฺโม สํกิลิฏฺฐสํกิเลสิกสฺส จ อสํกิลิฏฺฐสํกิเลสิกสฺส จ ธมฺมสฺส เหตุปจฺจเยน ปจฺจโย – สํกิลิฏฺฐสํกิเลสิกา เหตู สมฺปยุตฺตกานํ ขนฺธานํ จิตฺตสมุฏฺฐานานญฺจ รูปานํ เหตุปจฺจเยน ปจฺจโย. (๓)

อสํกิลิฏฺฐสํกิเลสิโก ธมฺโม อสํกิลิฏฺฐสํกิเลสิกสฺส ธมฺมสฺส เหตุปจฺจเยน ปจฺจโย – อสํกิลิฏฺฐสํกิเลสิกา เหตู สมฺปยุตฺตกานํ ขนฺธานํ จิตฺตสมุฏฺฐานานญฺจ รูปานํ เหตุปจฺจเยน ปจฺจโย; ปฏิสนฺธิกฺขเณ อสํกิลิฏฺฐสํกิเลสิกา เหตู สมฺปยุตฺตกานํ ขนฺธานํ กฏตฺตา จ รูปานํ เหตุปจฺจเยน ปจฺจโย. (๑)

อสํกิลิฏฺฐอสํกิเลสิโก ธมฺโม อสํกิลิฏฺฐอสํกิเลสิกสฺส ธมฺมสฺส เหตุปจฺจเยน ปจฺจโย – อสํกิลิฏฺฐอสํกิเลสิกา เหตู สมฺปยุตฺตกานํ ขนฺธานํ เหตุปจฺจเยน ปจฺจโย. (๑)

อสํกิลิฏฺฐอสํกิเลสิโก ธมฺโม อสํกิลิฏฺฐสํกิเลสิกสฺส ธมฺมสฺส เหตุปจฺจเยน ปจฺจโย – อสํกิลิฏฺฐอสํกิเลสิกา เหตู จิตฺตสมุฏฺฐานานํ รูปานํ เหตุปจฺจเยน ปจฺจโย. (๒)

อสํกิลิฏฺฐอสํกิเลสิโก ธมฺโม อสํกิลิฏฺฐสํกิเลสิกสฺส จ อสํกิลิฏฺฐอสํกิเลสิกสฺส จ ธมฺมสฺส เหตุปจฺจเยน ปจฺจโย – อสํกิลิฏฺฐอสํกิเลสิกา เหตู สมฺปยุตฺตกานํ ขนฺธานํ จิตฺตสมุฏฺฐานานญฺจ รูปานํ เหตุปจฺจเยน ปจฺจโย. (๓)

อารมฺมณปจฺจโย

๙. สํกิลิฏฺฐสํกิเลสิโก ธมฺโม สํกิลิฏฺฐสํกิเลสิกสฺส ธมฺมสฺส อารมฺมณปจฺจเยน ปจฺจโย – ราคํ อสฺสาเทติ อภินนฺทติ, ตํ อารพฺภ ราโค อุปฺปชฺชติ, ทิฏฺฐิ อุปฺปชฺชติ, วิจิกิจฺฉา อุปฺปชฺชติ, อุทฺธจฺจํ อุปฺปชฺชติ, โทมนสฺสํ อุปฺปชฺชติ. ทิฏฺฐึ อสฺสาเทติ…เป… วิจิกิจฺฉํ อารพฺภ…เป… อุทฺธจฺจํ อารพฺภ…เป… โทมนสฺสํ อารพฺภ…เป…. (๑)

(ยถา กุสลตฺติเก วิภตฺตํ, เอวํ วิภชิตพฺพํ.)

สํกิลิฏฺฐสํกิเลสิโก ธมฺโม อสํกิลิฏฺฐสํกิเลสิกสฺส ธมฺมสฺส อารมฺมณปจฺจเยน ปจฺจโย – อริยา ปหีเน กิเลเส ปจฺจเวกฺขนฺติ, วิกฺขมฺภิเต กิเลเส ปจฺจเวกฺขนฺติ, ปุพฺเพ สมุทาจิณฺเณ กิเลเส ชานนฺติ, สํกิลิฏฺฐสํกิเลสิเก ขนฺเธ อนิจฺจโต ทุกฺขโต อนตฺตโต วิปสฺสนฺติ, เจโตปริยญาเณน สํกิลิฏฺฐสํกิเลสิกจิตฺตสมงฺคิสฺส จิตฺตํ ชานนฺติ; เสกฺขา วา ปุถุชฺชนา วา สํกิลิฏฺฐสํกิเลสิเก ขนฺเธ อนิจฺจโต ทุกฺขโต อนตฺตโต วิปสฺสนฺติ, กุสเล นิรุทฺเธ วิปาโก ตทารมฺมณตา อุปฺปชฺชติ; สํกิลิฏฺฐสํกิเลสิเก ขนฺเธ อสฺสาเทนฺติ อภินนฺทนฺติ…เป… โทมนสฺสํ อุปฺปชฺชติ, อกุสเล นิรุทฺเธ วิปาโก ตทารมฺมณตา อุปฺปชฺชติ. สํกิลิฏฺฐสํกิเลสิกา ขนฺธา เจโตปริยญาณสฺส, ปุพฺเพนิวาสานุสฺสติญาณสฺส, ยถากมฺมูปคญาณสฺส, อนาคตํสญาณสฺส, อาวชฺชนาย อารมฺมณปจฺจเยน ปจฺจโย. (๒)

๑๐. อสํกิลิฏฺฐสํกิเลสิโก ธมฺโม อสํกิลิฏฺฐสํกิเลสิกสฺส ธมฺมสฺส อารมฺมณปจฺจเยน ปจฺจโย – ทานํ ทตฺวา, สีลํ สมาทิยิตฺวา, อุโปสถกมฺมํ กตฺวา ตํ ปจฺจเวกฺขติ, ปุพฺเพ สุจิณฺณานิ ปจฺจเวกฺขติ; ฌานา วุฏฺฐหิตฺวา ฌานํ ปจฺจเวกฺขติ, อริยา โคตฺรภุํ ปจฺจเวกฺขนฺติ, โวทานํ ปจฺจเวกฺขนฺติ, จกฺขุํ อนิจฺจโต ทุกฺขโต อนตฺตโต วิปสฺสนฺติ; โสตํ… ฆานํ… ชิวฺหํ… กายํ… รูเป… สทฺเท… คนฺเธ… รเส… โผฏฺฐพฺเพ… วตฺถุํ อสํกิลิฏฺฐสํกิเลสิเก ขนฺเธ อนิจฺจโต ทุกฺขโต อนตฺตโต วิปสฺสนฺติ; ทิพฺเพน จกฺขุนา รูปํ ปสฺสนฺติ, ทิพฺพาย โสตธาตุยา สทฺทํ สุณนฺติ, เจโตปริยญาเณน อสํกิลิฏฺฐสํกิเลสิกจิตฺตสมงฺคิสฺส จิตฺตํ ชานนฺติ. อากาสานญฺจายตนํ วิญฺญาณญฺจายตนสฺส…เป… อากิญฺจญฺญายตนํ เนวสญฺญานาสญฺญายตนสฺส อารมฺมณปจฺจเยน ปจฺจโย. รูปายตนํ จกฺขุวิญฺญาณสฺส อารมฺมณปจฺจเยน ปจฺจโย…เป… โผฏฺฐพฺพายตนํ กายวิญฺญาณสฺส อารมฺมณปจฺจเยน ปจฺจโย. อสํกิลิฏฺฐสํกิเลสิกา ขนฺธา อิทฺธิวิธญาณสฺส, เจโตปริยญาณสฺส, ปุพฺเพนิวาสานุสฺสติญาณสฺส, ยถากมฺมูปคญาณสฺส, อนาคตํสญาณสฺส, อาวชฺชนาย อารมฺมณปจฺจเยน ปจฺจโย. (๑)

อสํกิลิฏฺฐสํกิเลสิโก ธมฺโม สํกิลิฏฺฐสํกิเลสิกสฺส ธมฺมสฺส อารมฺมณปจฺจเยน ปจฺจโย – ทานํ ทตฺวา, สีลํ สมาทิยิตฺวา, อุโปสถกมฺมํ กตฺวา ตํ อสฺสาเทติ อภินนฺทติ; ตํ อารพฺภ ราโค อุปฺปชฺชติ, ทิฏฺฐิ อุปฺปชฺชติ…เป… โทมนสฺสํ อุปฺปชฺชติ; ปุพฺเพ สุจิณฺณานิ อสฺสาเทติ…เป… ฌานา วุฏฺฐหิตฺวา ฌานํ อสฺสาเทติ…เป… จกฺขุํ อสฺสาเทติ. โผฏฺฐพฺเพ… วตฺถุํ… อสํกิลิฏฺฐสํกิเลสิเก ขนฺเธ อสฺสาเทติ อภินนฺทติ, ตํ อารพฺภ ราโค อุปฺปชฺชติ… โทมนสฺสํ อุปฺปชฺชติ. (๒)

อสํกิลิฏฺฐอสํกิเลสิโก ธมฺโม อสํกิลิฏฺฐอสํกิเลสิกสฺส ธมฺมสฺส อารมฺมณปจฺจเยน ปจฺจโย – นิพฺพานํ มคฺคสฺส, ผลสฺส อารมฺมณปจฺจเยน ปจฺจโย. (๑)

อสํกิลิฏฺฐอสํกิเลสิโก ธมฺโม อสํกิลิฏฺฐสํกิเลสิกสฺส ธมฺมสฺส อารมฺมณปจฺจเยน ปจฺจโย – อริยา มคฺคา วุฏฺฐหิตฺวา มคฺคํ ปจฺจเวกฺขนฺติ, ผลํ ปจฺจเวกฺขนฺติ, นิพฺพานํ ปจฺจเวกฺขนฺติ. นิพฺพานํ โคตฺรภุสฺส, โวทานสฺส, อาวชฺชนาย อารมฺมณปจฺจเยน ปจฺจโย. อริยา เจโตปริยญาเณน อสํกิลิฏฺฐอสํกิเลสิกจิตฺตสมงฺคิสฺส จิตฺตํ ชานนฺติ. อสํกิลิฏฺฐอสํกิเลสิกา ขนฺธา เจโตปริยญาณสฺส, ปุพฺเพนิวาสานุสฺสติญาณสฺส, อนาคตํสญาณสฺส, อาวชฺชนาย อารมฺมณปจฺจเยน ปจฺจโย. (๒)

อธิปติปจฺจโย

๑๑. สํกิลิฏฺฐสํกิเลสิโก ธมฺโม สํกิลิฏฺฐสํกิเลสิกสฺส ธมฺมสฺส อธิปติปจฺจเยน ปจฺจโย – อารมฺมณาธิปติ, สหชาตาธิปติ. อารมฺมณาธิปติ – ราคํ ครุํ กตฺวา อสฺสาเทติ อภินนฺทติ, ตํ ครุํ กตฺวา ราโค อุปฺปชฺชติ, ทิฏฺฐิ อุปฺปชฺชติ; ทิฏฺฐึ ครุํ กตฺวา อสฺสาเทติ อภินนฺทติ, ตํ ครุํ กตฺวา ราโค อุปฺปชฺชติ, ทิฏฺฐิ อุปฺปชฺชติ. สหชาตาธิปติ – สํกิลิฏฺฐสํกิเลสิกาธิปติ สมฺปยุตฺตกานํ ขนฺธานํ อธิปติปจฺจเยน ปจฺจโย. (๑)

สํกิลิฏฺฐสํกิเลสิโก ธมฺโม อสํกิลิฏฺฐสํกิเลสิกสฺส ธมฺมสฺส อธิปติปจฺจเยน ปจฺจโย. สหชาตาธิปติ – สํกิลิฏฺฐสํกิเลสิกาธิปติ จิตฺตสมุฏฺฐานานํ รูปานํ อธิปติปจฺจเยน ปจฺจโย. (๒)

สํกิลิฏฺฐสํกิเลสิโก ธมฺโม สํกิลิฏฺฐสํกิเลสิกสฺส จ อสํกิลิฏฺฐสํกิเลสิกสฺส จ ธมฺมสฺส อธิปติปจฺจเยน ปจฺจโย. สหชาตาธิปติ – สํกิลิฏฺฐสํกิเลสิกาธิปติ สมฺปยุตฺตกานํ ขนฺธานํ จิตฺตสมุฏฺฐานานญฺจ รูปานํ อธิปติปจฺจเยน ปจฺจโย. (๓)

๑๒. อสํกิลิฏฺฐสํกิเลสิโก ธมฺโม อสํกิลิฏฺฐสํกิเลสิกสฺส ธมฺมสฺส อธิปติปจฺจเยน ปจฺจโย – อารมฺมณาธิปติ, สหชาตาธิปติ. อารมฺมณาธิปติ – ทานํ ทตฺวา, สีลํ สมาทิยิตฺวา, อุโปสถกมฺมํ กตฺวา ตํ ครุํ กตฺวา ปจฺจเวกฺขติ, ปุพฺเพ สุจิณฺณานิ ครุํ กตฺวา ปจฺจเวกฺขติ, ฌานา วุฏฺฐหิตฺวา ฌานํ ครุํ กตฺวา ปจฺจเวกฺขติ, เสกฺขา โคตฺรภุํ ครุํ กตฺวา ปจฺจเวกฺขนฺติ, โวทานํ ครุํ กตฺวา ปจฺจเวกฺขนฺติ. สหชาตาธิปติ – อสํกิลิฏฺฐสํกิเลสิกาธิปติ สมฺปยุตฺตกานํ ขนฺธานํ จิตฺตสมุฏฺฐานานญฺจ รูปานํ อธิปติปจฺจเยน ปจฺจโย. (๑)

อสํกิลิฏฺฐสํกิเลสิโก ธมฺโม สํกิลิฏฺฐสํกิเลสิกสฺส ธมฺมสฺส อธิปติปจฺจเยน ปจฺจโย. อารมฺมณาธิปติ – ทานํ ทตฺวา, สีลํ สมาทิยิตฺวา, อุโปสถกมฺมํ กตฺวา ตํ ครุํ กตฺวา อสฺสาเทติ อภินนฺทติ, ตํ ครุํ กตฺวา ราโค อุปฺปชฺชติ, ทิฏฺฐิ อุปฺปชฺชติ, ปุพฺเพ สุจิณฺณานิ ครุํ กตฺวา อสฺสาเทติ อภินนฺทติ…เป… ฌานา วุฏฺฐหิตฺวา ฌานํ ครุํ กตฺวา อสฺสาเทติ อภินนฺทติ…เป… จกฺขุํ ครุํ กตฺวา อสฺสาเทติ อภินนฺทติ…เป… โผฏฺฐพฺเพ…เป… วตฺถุํ อสํกิลิฏฺฐสํกิเลสิเก ขนฺเธ ครุํ กตฺวา อสฺสาเทติ อภินนฺทติ, ตํ ครุํ กตฺวา ราโค อุปฺปชฺชติ, ทิฏฺฐิ อุปฺปชฺชติ. (๒)

อสํกิลิฏฺฐอสํกิเลสิโก ธมฺโม อสํกิลิฏฺฐอสํกิเลสิกสฺส ธมฺมสฺส อธิปติปจฺจเยน ปจฺจโย – อารมฺมณาธิปติ, สหชาตาธิปติ. อารมฺมณาธิปติ – นิพฺพานํ มคฺคสฺส, ผลสฺส อธิปติปจฺจเยน ปจฺจโย. สหชาตาธิปติ – อสํกิลิฏฺฐอสํกิเลสิกาธิปติ สมฺปยุตฺตกานํ ขนฺธานํ อธิปติปจฺจเยน ปจฺจโย. (๑)

อสํกิลิฏฺฐอสํกิเลสิโก ธมฺโม อสํกิลิฏฺฐสํกิเลสิกสฺส ธมฺมสฺส อธิปติปจฺจเยน ปจฺจโย – อารมฺมณาธิปติ, สหชาตาธิปติ. อารมฺมณาธิปติ – อริยา มคฺคา วุฏฺฐหิตฺวา มคฺคํ ครุํ กตฺวา ปจฺจเวกฺขนฺติ, ผลํ ครุํ กตฺวา ปจฺจเวกฺขนฺติ, นิพฺพานํ ครุํ กตฺวา ปจฺจเวกฺขนฺติ, นิพฺพานํ โคตฺรภุสฺส, โวทานสฺส อธิปติปจฺจเยน ปจฺจโย. สหชาตาธิปติ – อสํกิลิฏฺฐอสํกิเลสิกาธิปติ จิตฺตสมุฏฺฐานานํ รูปานํ อธิปติปจฺจเยน ปจฺจโย. (๒)

อสํกิลิฏฺฐอสํกิเลสิโก ธมฺโม อสํกิลิฏฺฐสํกิเลสิกสฺส จ อสํกิลิฏฺฐอสํกิเลสิกสฺส จ ธมฺมสฺส อธิปติปจฺจเยน ปจฺจโย. สหชาตาธิปติ – อสํกิลิฏฺฐอสํกิเลสิกาธิปติ สมฺปยุตฺตกานํ ขนฺธานํ จิตฺตสมุฏฺฐานานญฺจ รูปานํ อธิปติปจฺจเยน ปจฺจโย. (๓)

อนนฺตรปจฺจโย

๑๓. สํกิลิฏฺฐสํกิเลสิโก ธมฺโม สํกิลิฏฺฐสํกิเลสิกสฺส ธมฺมสฺส อนนฺตรปจฺจเยน ปจฺจโย – ปุริมา ปุริมา สํกิลิฏฺฐสํกิเลสิกา ขนฺธา ปจฺฉิมานํ ปจฺฉิมานํ สํกิลิฏฺฐสํกิเลสิกานํ ขนฺธานํ อนนฺตรปจฺจเยน ปจฺจโย. (๑)

สํกิลิฏฺฐสํกิเลสิโก ธมฺโม อสํกิลิฏฺฐสํกิเลสิกสฺส ธมฺมสฺส อนนฺตรปจฺจเยน ปจฺจโย – สํกิลิฏฺฐสํกิเลสิกา ขนฺธา วุฏฺฐานสฺส อนนฺตรปจฺจเยน ปจฺจโย. (๒)

อสํกิลิฏฺฐสํกิเลสิโก ธมฺโม อสํกิลิฏฺฐสํกิเลสิกสฺส ธมฺมสฺส อนนฺตรปจฺจเยน ปจฺจโย – ปุริมา ปุริมา อสํกิลิฏฺฐสํกิเลสิกา ขนฺธา ปจฺฉิมานํ ปจฺฉิมานํ อสํกิลิฏฺฐสํกิเลสิกานํ ขนฺธานํ อนนฺตรปจฺจเยน ปจฺจโย. อนุโลมํ โคตฺรภุสฺส… อนุโลมํ โวทานสฺส… อาวชฺชนา อสํกิลิฏฺฐสํกิเลสิกานํ ขนฺธานํ อนนฺตรปจฺจเยน ปจฺจโย. (๑)

อสํกิลิฏฺฐสํกิเลสิโก ธมฺโม สํกิลิฏฺฐสํกิเลสิกสฺส ธมฺมสฺส อนนฺตรปจฺจเยน ปจฺจโย – อาวชฺชนา สํกิลิฏฺฐสํกิเลสิกานํ ขนฺธานํ อนนฺตรปจฺจเยน ปจฺจโย. (๒)

อสํกิลิฏฺฐสํกิเลสิโก ธมฺโม อสํกิลิฏฺฐอสํกิเลสิกสฺส ธมฺมสฺส อนนฺตรปจฺจเยน ปจฺจโย – โคตฺรภุ มคฺคสฺส… โวทานํ มคฺคสฺส … อนุโลมํ ผลสมาปตฺติยา… นิโรธา วุฏฺฐหนฺตสฺส เนวสญฺญานาสญฺญายตนํ ผลสมาปตฺติยา อนนฺตรปจฺจเยน ปจฺจโย. (๓)

อสํกิลิฏฺฐอสํกิเลสิโก ธมฺโม อสํกิลิฏฺฐอสํกิเลสิกสฺส ธมฺมสฺส อนนฺตรปจฺจเยน ปจฺจโย – ปุริมา ปุริมา อสํกิลิฏฺฐอสํกิเลสิกา ขนฺธา ปจฺฉิมานํ ปจฺฉิมานํ อสํกิลิฏฺฐอสํกิเลสิกานํ ขนฺธานํ อนนฺตรปจฺจเยน ปจฺจโย. มคฺโค ผลสฺส… ผลํ ผลสฺส อนนฺตรปจฺจเยน ปจฺจโย. (๑)

อสํกิลิฏฺฐอสํกิเลสิโก ธมฺโม อสํกิลิฏฺฐสํกิเลสิกสฺส ธมฺมสฺส อนนฺตรปจฺจเยน ปจฺจโย – ผลํ วุฏฺฐานสฺส อนนฺตรปจฺจเยน ปจฺจโย. (๒)

สมนนฺตรปจฺจยาทิ

๑๔. สํกิลิฏฺฐสํกิเลสิโก ธมฺโม สํกิลิฏฺฐสํกิเลสิกสฺส ธมฺมสฺส สมนนฺตรปจฺจเยน ปจฺจโย…เป… สหชาตปจฺจเยน ปจฺจโย… อญฺญมญฺญปจฺจเยน ปจฺจโย… นิสฺสยปจฺจเยน ปจฺจโย… อุปนิสฺสยปจฺจเยน ปจฺจโย – อารมฺมณูปนิสฺสโย, อนนฺตรูปนิสฺสโย, ปกตูปนิสฺสโย …เป…. ปกตูปนิสฺสโย – ราคํ อุปนิสฺสาย ปาณํ หนติ…เป… สงฺฆํ ภินฺทติ…เป… โทสํ อุปนิสฺสาย ปาณํ หนติ…เป… สงฺฆํ ภินฺทติ. ราโค…เป… ปตฺถนา ราคสฺส…เป… ปตฺถนาย อุปนิสฺสยปจฺจเยน ปจฺจโย. ปาณาติปาโต ปาณาติปาตสฺส อุปนิสฺสยปจฺจเยน ปจฺจโย…เป… นิยตมิจฺฉาทิฏฺฐิ นิยตมิจฺฉาทิฏฺฐิยา อุปนิสฺสยปจฺจเยน ปจฺจโย…เป…. (๑)

สํกิลิฏฺฐสํกิเลสิโก ธมฺโม อสํกิลิฏฺฐสํกิเลสิกสฺส ธมฺมสฺส อุปนิสฺสยปจฺจเยน ปจฺจโย – อนนฺตรูปนิสฺสโย, ปกตูปนิสฺสโย…เป…. ปกตูปนิสฺสโย – ราคํ อุปนิสฺสาย ทานํ เทติ, สีลํ สมาทิยติ, อุโปสถกมฺมํ กโรติ, ฌานํ… วิปสฺสนํ… อภิญฺญํ อุปฺปาเทติ, สมาปตฺตึ อุปฺปาเทติ…เป… ปตฺถนํ อุปนิสฺสาย ทานํ เทติ…เป… สมาปตฺตึ อุปฺปาเทติ. ราโค…เป… ปตฺถนา สทฺธาย…เป… กายิกสฺส สุขสฺส, กายิกสฺส ทุกฺขสฺส อุปนิสฺสยปจฺจเยน ปจฺจโย. ปาณํ หนฺตฺวา ตสฺส ปฏิฆาตตฺถาย ทานํ เทติ, สีลํ สมาทิยติ, อุโปสถกมฺมํ กโรติ, ฌานํ อุปฺปาเทติ, วิปสฺสนํ อุปฺปาเทติ, อภิญฺญํ อุปฺปาเทติ, สมาปตฺตึ อุปฺปาเทติ…เป… สงฺฆํ ภินฺทิตฺวา ตสฺส ปฏิฆาตตฺถาย ทานํ เทติ, สีลํ สมาทิยติ, อุโปสถกมฺมํ กโรติ. อกุสลํ กมฺมํ วิปากสฺส อุปนิสฺสยปจฺจเยน ปจฺจโย. (๒)

สํกิลิฏฺฐสํกิเลสิโก ธมฺโม อสํกิลิฏฺฐอสํกิเลสิกสฺส ธมฺมสฺส อุปนิสฺสยปจฺจเยน ปจฺจโย. ปกตูปนิสฺสโย – ราคํ อุปนิสฺสาย มคฺคํ อุปฺปาเทติ, ผลสมาปตฺตึ สมาปชฺชติ. โทสํ…เป… ปตฺถนํ อุปนิสฺสาย มคฺคํ อุปฺปาเทติ, ผลสมาปตฺตึ สมาปชฺชติ. ราโค…เป… ปตฺถนา มคฺคสฺส… ผลสมาปตฺติยา อุปนิสฺสยปจฺจเยน ปจฺจโย. (๓)

๑๕. อสํกิลิฏฺฐสํกิเลสิโก ธมฺโม อสํกิลิฏฺฐสํกิเลสิกสฺส ธมฺมสฺส อุปนิสฺสยปจฺจเยน ปจฺจโย – อารมฺมณูปนิสฺสโย, อนนฺตรูปนิสฺสโย, ปกตูปนิสฺสโย…เป…. ปกตูปนิสฺสโย – สทฺธํ อุปนิสฺสาย ทานํ เทติ…เป… สมาปตฺตึ อุปฺปาเทติ. สีลํ… สุตํ… จาคํ… ปญฺญํ… กายิกํ สุขํ… กายิกํ ทุกฺขํ… อุตุํ… โภชนํ… เสนาสนํ อุปนิสฺสาย ทานํ เทติ…เป… สมาปตฺตึ อุปฺปาเทติ. สทฺธา…เป… เสนาสนํ สทฺธาย…เป… กายิกสฺส สุขสฺส, กายิกสฺส ทุกฺขสฺส อุปนิสฺสยปจฺจเยน ปจฺจโย. กุสลํ กมฺมํ วิปากสฺส อุปนิสฺสยปจฺจเยน ปจฺจโย. ปฐมสฺส ฌานสฺส ปริกมฺมํ ปฐมสฺส ฌานสฺส…เป… อากิญฺจญฺญายตนํ เนวสญฺญานาสญฺญายตนสฺส…เป…. (๑)

อสํกิลิฏฺฐสํกิเลสิโก ธมฺโม สํกิลิฏฺฐสํกิเลสิกสฺส ธมฺมสฺส อุปนิสฺสยปจฺจเยน ปจฺจโย – อารมฺมณูปนิสฺสโย, อนนฺตรูปนิสฺสโย, ปกตูปนิสฺสโย…เป…. ปกตูปนิสฺสโย – สทฺธํ อุปนิสฺสาย มานํ ชปฺเปติ, ทิฏฺฐึ คณฺหาติ; สีลํ…เป… เสนาสนํ อุปนิสฺสาย ปาณํ หนติ…เป… สงฺฆํ ภินฺทติ, สทฺธา…เป… เสนาสนํ ราคสฺส…เป… ปตฺถนาย อุปนิสฺสยปจฺจเยน ปจฺจโย. (๒)

อสํกิลิฏฺฐสํกิเลสิโก ธมฺโม อสํกิลิฏฺฐอสํกิเลสิกสฺส ธมฺมสฺส อุปนิสฺสยปจฺจเยน ปจฺจโย – อนนฺตรูปนิสฺสโย, ปกตูปนิสฺสโย…เป…. ปกตูปนิสฺสโย – ปฐมสฺส มคฺคสฺส ปริกมฺมํ ปฐมสฺส มคฺคสฺส…เป… ทุติยสฺส มคฺคสฺส…เป… ตติยสฺส มคฺคสฺส…เป… จตุตฺถสฺส มคฺคสฺส อุปนิสฺสยปจฺจเยน ปจฺจโย. (๓)

๑๖. อสํกิลิฏฺฐอสํกิเลสิโก ธมฺโม อสํกิลิฏฺฐอสํกิเลสิกสฺส ธมฺมสฺส อุปนิสฺสยปจฺจเยน ปจฺจโย – อารมฺมณูปนิสฺสโย, อนนฺตรูปนิสฺสโย, ปกตูปนิสฺสโย…เป…. ปกตูปนิสฺสโย – ปฐโม มคฺโค ทุติยสฺส มคฺคสฺส…เป… ทุติโย มคฺโค ตติยสฺส มคฺคสฺส…เป… ตติโย มคฺโค จตุตฺถสฺส มคฺคสฺส…เป… มคฺโค ผลสมาปตฺติยา อุปนิสฺสยปจฺจเยน ปจฺจโย. (๑)

อสํกิลิฏฺฐอสํกิเลสิโก ธมฺโม อสํกิลิฏฺฐสํกิเลสิกสฺส ธมฺมสฺส อุปนิสฺสยปจฺจเยน ปจฺจโย – อารมฺมณูปนิสฺสโย, อนนฺตรูปนิสฺสโย, ปกตูปนิสฺสโย…เป…. ปกตูปนิสฺสโย – อริยา มคฺคํ อุปนิสฺสาย อนุปฺปนฺนํ สมาปตฺตึ อุปฺปาเทนฺติ, อุปฺปนฺนํ สมาปตฺตึ สมาปชฺชนฺติ, สงฺขาเร อนิจฺจโต ทุกฺขโต อนตฺตโต วิปสฺสนฺติ. มคฺโค อริยานํ อตฺถปฺปฏิสมฺภิทาย…เป… ฐานาฐานโกสลฺลสฺส อุปนิสฺสยปจฺจเยน ปจฺจโย. ผลสมาปตฺติ กายิกสฺส สุขสฺส อุปนิสฺสยปจฺจเยน ปจฺจโย. (๒)

ปุเรชาตปจฺจโย

๑๗. อสํกิลิฏฺฐสํกิเลสิโก ธมฺโม อสํกิลิฏฺฐสํกิเลสิกสฺส ธมฺมสฺส ปุเรชาตปจฺจเยน ปจฺจโย – อารมฺมณปุเรชาตํ, วตฺถุปุเรชาตํ. อารมฺมณปุเรชาตํ – จกฺขุํ อนิจฺจโต ทุกฺขโต อนตฺตโต วิปสฺสติ; โสตํ… ฆานํ… ชิวฺหํ… กายํ… รูเป… สทฺเท… คนฺเธ… รเส… โผฏฺฐพฺเพ… วตฺถุํ อนิจฺจโต ทุกฺขโต อนตฺตโต วิปสฺสติ, ทิพฺเพน จกฺขุนา รูปํ ปสฺสติ, ทิพฺพาย โสตธาตุยา สทฺทํ สุณาติ. รูปายตนํ จกฺขุวิญฺญาณสฺส…เป… โผฏฺฐพฺพายตนํ กายวิญฺญาณสฺส ปุเรชาตปจฺจเยน ปจฺจโย. วตฺถุปุเรชาตํ – จกฺขายตนํ จกฺขุวิญฺญาณสฺส…เป… กายายตนํ กายวิญฺญาณสฺส ปุเรชาตปจฺจเยน ปจฺจโย. วตฺถุ อสํกิลิฏฺฐสํกิเลสิกานํ ขนฺธานํ ปุเรชาตปจฺจเยน ปจฺจโย. (๑)

อสํกิลิฏฺฐสํกิเลสิโก ธมฺโม สํกิลิฏฺฐสํกิเลสิกสฺส ธมฺมสฺส ปุเรชาตปจฺจเยน ปจฺจโย – อารมฺมณปุเรชาตํ, วตฺถุปุเรชาตํ. อารมฺมณปุเรชาตํ – จกฺขุํ อสฺสาเทติ อภินนฺทติ; ตํ อารพฺภ ราโค อุปฺปชฺชติ…เป… โทมนสฺสํ อุปฺปชฺชติ. โสตํ…เป… โผฏฺฐพฺเพ… วตฺถุํ อสฺสาเทติ อภินนฺทติ; ตํ อารพฺภ ราโค อุปฺปชฺชติ…เป… โทมนสฺสํ อุปฺปชฺชติ. วตฺถุปุเรชาตํ – วตฺถุ สํกิลิฏฺฐสํกิเลสิกานํ ขนฺธานํ ปุเรชาตปจฺจเยน ปจฺจโย. (๒)

อสํกิลิฏฺฐสํกิเลสิโก ธมฺโม อสํกิลิฏฺฐอสํกิเลสิกสฺส ธมฺมสฺส ปุเรชาตปจฺจเยน ปจฺจโย – วตฺถุ อสํกิลิฏฺฐอสํกิเลสิกานํ ขนฺธานํ ปุเรชาตปจฺจเยน ปจฺจโย. (๓)

ปจฺฉาชาตปจฺจโย

๑๘. สํกิลิฏฺฐสํกิเลสิโก ธมฺโม อสํกิลิฏฺฐสํกิเลสิกสฺส ธมฺมสฺส ปจฺฉาชาตปจฺจเยน ปจฺจโย – ปจฺฉาชาตา สํกิลิฏฺฐสํกิเลสิกา ขนฺธา ปุเรชาตสฺส อิมสฺส กายสฺส ปจฺฉาชาตปจฺจเยน ปจฺจโย. (๑)

อสํกิลิฏฺฐสํกิเลสิโก ธมฺโม อสํกิลิฏฺฐสํกิเลสิกสฺส ธมฺมสฺส ปจฺฉาชาตปจฺจเยน ปจฺจโย – ปจฺฉาชาตา อสํกิลิฏฺฐสํกิเลสิกา ขนฺธา ปุเรชาตสฺส อิมสฺส กายสฺส ปจฺฉาชาตปจฺจเยน ปจฺจโย. (๑)

อสํกิลิฏฺฐอสํกิเลสิโก ธมฺโม อสํกิลิฏฺฐสํกิเลสิกสฺส ธมฺมสฺส ปจฺฉาชาตปจฺจเยน ปจฺจโย – ปจฺฉาชาตา อสํกิลิฏฺฐอสํกิเลสิกา ขนฺธา ปุเรชาตสฺส อิมสฺส กายสฺส ปจฺฉาชาตปจฺจเยน ปจฺจโย. (๑)

อาเสวนปจฺจโย

๑๙. สํกิลิฏฺฐสํกิเลสิโก ธมฺโม สํกิลิฏฺฐสํกิเลสิกสฺส ธมฺมสฺส อาเสวนปจฺจเยน ปจฺจโย – ปุริมา ปุริมา สํกิลิฏฺฐสํกิเลสิกา ขนฺธา ปจฺฉิมานํ ปจฺฉิมานํ สํกิลิฏฺฐสํกิเลสิกานํ ขนฺธานํ อาเสวนปจฺจเยน ปจฺจโย. (๑)

อสํกิลิฏฺฐสํกิเลสิโก ธมฺโม อสํกิลิฏฺฐสํกิเลสิกสฺส ธมฺมสฺส อาเสวนปจฺจเยน ปจฺจโย – ปุริมา ปุริมา…เป… อนุโลมํ โคตฺรภุสฺส… อนุโลมํ โวทานสฺส อาเสวนปจฺจเยน ปจฺจโย. (๑)

อสํกิลิฏฺฐสํกิเลสิโก ธมฺโม อสํกิลิฏฺฐอสํกิเลสิกสฺส ธมฺมสฺส อาเสวนปจฺจเยน ปจฺจโย – โคตฺรภุ มคฺคสฺส… โวทานํ มคฺคสฺส อาเสวนปจฺจเยน ปจฺจโย. (๒)

กมฺมปจฺจโย

๒๐. สํกิลิฏฺฐสํกิเลสิโก ธมฺโม สํกิลิฏฺฐสํกิเลสิกสฺส ธมฺมสฺส กมฺมปจฺจเยน ปจฺจโย – สํกิลิฏฺฐสํกิเลสิกา เจตนา สมฺปยุตฺตกานํ ขนฺธานํ กมฺมปจฺจเยน ปจฺจโย. (๑)

สํกิลิฏฺฐสํกิเลสิโก ธมฺโม อสํกิลิฏฺฐสํกิเลสิกสฺส ธมฺมสฺส กมฺมปจฺจเยน ปจฺจโย – สหชาตา, นานากฺขณิกา. สหชาตา – สํกิลิฏฺฐสํกิเลสิกา เจตนา จิตฺตสมุฏฺฐานานํ รูปานํ กมฺมปจฺจเยน ปจฺจโย. นานากฺขณิกา – สํกิลิฏฺฐสํกิเลสิกา เจตนา วิปากานํ ขนฺธานํ กฏตฺตา จ รูปานํ กมฺมปจฺจเยน ปจฺจโย. (๒)

สํกิลิฏฺฐสํกิเลสิโก ธมฺโม สํกิลิฏฺฐสํกิเลสิกสฺส จ อสํกิลิฏฺฐสํกิเลสิกสฺส จ ธมฺมสฺส กมฺมปจฺจเยน ปจฺจโย – สํกิลิฏฺฐสํกิเลสิกา เจตนา สมฺปยุตฺตกานํ ขนฺธานํ จิตฺตสมุฏฺฐานานญฺจ รูปานํ กมฺมปจฺจเยน ปจฺจโย. (๓)

อสํกิลิฏฺฐสํกิเลสิโก ธมฺโม อสํกิลิฏฺฐสํกิเลสิกสฺส ธมฺมสฺส กมฺมปจฺจเยน ปจฺจโย – สหชาตา, นานากฺขณิกา. สหชาตา – อสํกิลิฏฺฐสํกิเลสิกา เจตนา สมฺปยุตฺตกานํ ขนฺธานํ จิตฺตสมุฏฺฐานานญฺจ รูปานํ กมฺมปจฺจเยน ปจฺจโย. ปฏิสนฺธิกฺขเณ…เป…. นานากฺขณิกา – อสํกิลิฏฺฐสํกิเลสิกา เจตนา วิปากานํ ขนฺธานํ กฏตฺตา จ รูปานํ กมฺมปจฺจเยน ปจฺจโย. (๑)

อสํกิลิฏฺฐอสํกิเลสิโก ธมฺโม อสํกิลิฏฺฐอสํกิเลสิกสฺส ธมฺมสฺส กมฺมปจฺจเยน ปจฺจโย – สหชาตา, นานากฺขณิกา. สหชาตา – อสํกิลิฏฺฐอสํกิเลสิกา เจตนา สมฺปยุตฺตกานํ ขนฺธานํ กมฺมปจฺจเยน ปจฺจโย. นานากฺขณิกา – อสํกิลิฏฺฐอสํกิเลสิกา กุสลา เจตนา วิปากานํ อสํกิลิฏฺฐอสํกิเลสิกานํ ขนฺธานํ กมฺมปจฺจเยน ปจฺจโย. (๑)

อสํกิลิฏฺฐอสํกิเลสิโก ธมฺโม อสํกิลิฏฺฐสํกิเลสิกสฺส ธมฺมสฺส กมฺมปจฺจเยน ปจฺจโย – สหชาตา อสํกิลิฏฺฐอสํกิเลสิกา เจตนา จิตฺตสมุฏฺฐานานํ รูปานํ กมฺมปจฺจเยน ปจฺจโย. (๒)

อสํกิลิฏฺฐอสํกิเลสิโก ธมฺโม อสํกิลิฏฺฐสํกิเลสิกสฺส จ อสํกิลิฏฺฐอสํกิเลสิกสฺส จ ธมฺมสฺส กมฺมปจฺจเยน ปจฺจโย – สหชาตา อสํกิลิฏฺฐอสํกิเลสิกา เจตนา สมฺปยุตฺตกานํ ขนฺธานํ จิตฺตสมุฏฺฐานานญฺจ รูปานํ กมฺมปจฺจเยน ปจฺจโย. (๓)

วิปากปจฺจโย

๒๑. อสํกิลิฏฺฐสํกิเลสิโก ธมฺโม อสํกิลิฏฺฐสํกิเลสิกสฺส ธมฺมสฺส วิปากปจฺจเยน ปจฺจโย – วิปาโก อสํกิลิฏฺฐสํกิเลสิโก เอโก ขนฺโธ ติณฺณนฺนํ ขนฺธานํ จิตฺตสมุฏฺฐานานญฺจ รูปานํ วิปากปจฺจเยน ปจฺจโย…เป… เทฺว ขนฺธา ทฺวินฺนํ ขนฺธานํ…เป… ปฏิสนฺธิกฺขเณ อสํกิลิฏฺฐสํกิเลสิโก เอโก ขนฺโธ ติณฺณนฺนํ ขนฺธานํ กฏตฺตา จ รูปานํ วิปากปจฺจเยน ปจฺจโย =๑๙ …เป… เทฺว ขนฺธา ทฺวินฺนํ ขนฺธานํ…เป… ขนฺธา วตฺถุสฺส วิปากปจฺจเยน ปจฺจโย. (๑)

อสํกิลิฏฺฐอสํกิเลสิโก ธมฺโม อสํกิลิฏฺฐอสํกิเลสิกสฺส ธมฺมสฺส วิปากปจฺจเยน ปจฺจโย – วิปาโก อสํกิลิฏฺฐอสํกิเลสิโก เอโก ขนฺโธ ติณฺณนฺนํ ขนฺธานํ วิปากปจฺจเยน ปจฺจโย…เป… เทฺว ขนฺธา ทฺวินฺนํ ขนฺธานํ…เป…. (๑)

อสํกิลิฏฺฐอสํกิเลสิโก ธมฺโม อสํกิลิฏฺฐสํกิเลสิกสฺส ธมฺมสฺส วิปากปจฺจเยน ปจฺจโย – วิปากา อสํกิลิฏฺฐอสํกิเลสิกา ขนฺธา จิตฺตสมุฏฺฐานานํ รูปานํ วิปากปจฺจเยน ปจฺจโย. (๒) อสํกิลิฏฺฐอสํกิเลสิโก ธมฺโม อสํกิลิฏฺฐสํกิเลสิกสฺส จ อสํกิลิฏฺฐอสํกิเลสิกสฺส จ ธมฺมสฺส วิปากปจฺจเยน ปจฺจโย – วิปาโก อสํกิลิฏฺฐอสํกิเลสิโก เอโก ขนฺโธ ติณฺณนฺนํ ขนฺธานํ จิตฺตสมุฏฺฐานานญฺจ รูปานํ วิปากปจฺจเยน ปจฺจโย…เป… เทฺว ขนฺธา…เป…. (๓)

อาหารปจฺจโย

๒๒. สํกิลิฏฺฐสํกิเลสิโก ธมฺโม สํกิลิฏฺฐสํกิเลสิกสฺส ธมฺมสฺส อาหารปจฺจเยน ปจฺจโย… ตีณิ.

อสํกิลิฏฺฐสํกิเลสิโก ธมฺโม อสํกิลิฏฺฐสํกิเลสิกสฺส ธมฺมสฺส อาหารปจฺจเยน ปจฺจโย – อสํกิลิฏฺฐสํกิเลสิกา อาหารา สมฺปยุตฺตกานํ ขนฺธานํ จิตฺตสมุฏฺฐานานญฺจ รูปานํ อาหารปจฺจเยน ปจฺจโย. ปฏิสนฺธิกฺขเณ…เป… กพฬีกาโร อาหาโร อิมสฺส กายสฺส อาหารปจฺจเยน ปจฺจโย.

อสํกิลิฏฺฐอสํกิเลสิโก ธมฺโม อสํกิลิฏฺฐอสํกิเลสิกสฺส ธมฺมสฺส อาหารปจฺจเยน ปจฺจโย… ตีณิ.

อินฺทฺริยปจฺจโย

๒๓. สํกิลิฏฺฐสํกิเลสิโก ธมฺโม สํกิลิฏฺฐสํกิเลสิกสฺส ธมฺมสฺส อินฺทฺริยปจฺจเยน ปจฺจโย… ตีณิ.

อสํกิลิฏฺฐสํกิเลสิโก ธมฺโม อสํกิลิฏฺฐสํกิเลสิกสฺส ธมฺมสฺส อินฺทฺริยปจฺจเยน ปจฺจโย – อสํกิลิฏฺฐสํกิเลสิกา อินฺทฺริยา สมฺปยุตฺตกานํ ขนฺธานํ จิตฺตสมุฏฺฐานานญฺจ รูปานํ อินฺทฺริยปจฺจเยน ปจฺจโย; ปฏิสนฺธิกฺขเณ…เป… จกฺขุนฺทฺริยํ จกฺขุวิญฺญาณสฺส…เป… กายินฺทฺริยํ กายวิญฺญาณสฺส อินฺทฺริยปจฺจเยน ปจฺจโย. รูปชีวิตินฺทฺริยํ กฏตฺตารูปานํ อินฺทฺริยปจฺจเยน ปจฺจโย.

อสํกิลิฏฺฐอสํกิเลสิโก ธมฺโม… ตีณิ.

ฌานปจฺจยาทิ

๒๔. สํกิลิฏฺฐสํกิเลสิโก ธมฺโม สํกิลิฏฺฐสํกิเลสิกสฺส ธมฺมสฺส ฌานปจฺจเยน ปจฺจโย… มคฺคปจฺจเยน ปจฺจโย… สมฺปยุตฺตปจฺจเยน ปจฺจโย.

วิปฺปยุตฺตปจฺจโย

๒๕. สํกิลิฏฺฐสํกิเลสิโก ธมฺโม อสํกิลิฏฺฐสํกิเลสิกสฺส ธมฺมสฺส วิปฺปยุตฺตปจฺจเยน ปจฺจโย – สหชาตํ, ปจฺฉาชาตํ. สหชาตา – สํกิลิฏฺฐสํกิเลสิกา ขนฺธา จิตฺตสมุฏฺฐานานํ รูปานํ วิปฺปยุตฺตปจฺจเยน ปจฺจโย. ปจฺฉาชาตา – สํกิลิฏฺฐสํกิเลสิกา ขนฺธา ปุเรชาตสฺส อิมสฺส กายสฺส วิปฺปยุตฺตปจฺจเยน ปจฺจโย. (๑)

อสํกิลิฏฺฐสํกิเลสิโก ธมฺโม อสํกิลิฏฺฐสํกิเลสิกสฺส ธมฺมสฺส วิปฺปยุตฺตปจฺจเยน ปจฺจโย – สหชาตํ, ปุเรชาตํ, ปจฺฉาชาตํ. สหชาตา – อสํกิลิฏฺฐสํกิเลสิกา ขนฺธา จิตฺตสมุฏฺฐานานํ รูปานํ วิปฺปยุตฺตปจฺจเยน ปจฺจโย; ปฏิสนฺธิกฺขเณ อสํกิลิฏฺฐสํกิเลสิกา ขนฺธา กฏตฺตารูปานํ วิปฺปยุตฺตปจฺจเยน ปจฺจโย. ขนฺธา วตฺถุสฺส…เป… วตฺถุ ขนฺธานํ วิปฺปยุตฺตปจฺจเยน ปจฺจโย. ปุเรชาตํ – จกฺขายตนํ จกฺขุวิญฺญาณสฺส…เป… กายายตนํ กายวิญฺญาณสฺส วิปฺปยุตฺตปจฺจเยน ปจฺจโย. วตฺถุ อสํกิลิฏฺฐสํกิเลสิกานํ ขนฺธานํ วิปฺปยุตฺตปจฺจเยน ปจฺจโย. ปจฺฉาชาตา – อสํกิลิฏฺฐสํกิเลสิกา ขนฺธา ปุเรชาตสฺส อิมสฺส กายสฺส วิปฺปยุตฺตปจฺจเยน ปจฺจโย. (๑)

อสํกิลิฏฺฐสํกิเลสิโก ธมฺโม สํกิลิฏฺฐสํกิเลสิกสฺส ธมฺมสฺส วิปฺปยุตฺตปจฺจเยน ปจฺจโย. ปุเรชาตํ – วตฺถุ สํกิลิฏฺฐสํกิเลสิกานํ ขนฺธานํ วิปฺปยุตฺตปจฺจเยน ปจฺจโย. (๒)

อสํกิลิฏฺฐสํกิเลสิโก ธมฺโม อสํกิลิฏฺฐอสํกิเลสิกสฺส ธมฺมสฺส วิปฺปยุตฺตปจฺจเยน ปจฺจโย. ปุเรชาตํ – วตฺถุ อสํกิลิฏฺฐอสํกิเลสิกานํ ขนฺธานํ วิปฺปยุตฺตปจฺจเยน ปจฺจโย. (๓)

อสํกิลิฏฺฐอสํกิเลสิโก ธมฺโม อสํกิลิฏฺฐสํกิเลสิกสฺส ธมฺมสฺส วิปฺปยุตฺตปจฺจเยน ปจฺจโย – สหชาตํ, ปจฺฉาชาตํ. สหชาตา – อสํกิลิฏฺฐอสํกิเลสิกา ขนฺธา จิตฺตสมุฏฺฐานานํ รูปานํ วิปฺปยุตฺตปจฺจเยน ปจฺจโย. ปจฺฉาชาตา – อสํกิลิฏฺฐอสํกิเลสิกา ขนฺธา ปุเรชาตสฺส อิมสฺส กายสฺส วิปฺปยุตฺตปจฺจเยน ปจฺจโย. (๑)

อตฺถิปจฺจโย

๒๖. สํกิลิฏฺฐสํกิเลสิโก ธมฺโม สํกิลิฏฺฐสํกิเลสิกสฺส ธมฺมสฺส อตฺถิปจฺจเยน ปจฺจโย – สํกิลิฏฺฐสํกิเลสิโก เอโก ขนฺโธ ติณฺณนฺนํ ขนฺธานํ อตฺถิปจฺจเยน ปจฺจโย. (๑)

สํกิลิฏฺฐสํกิเลสิโก ธมฺโม อสํกิลิฏฺฐสํกิเลสิกสฺส ธมฺมสฺส อตฺถิปจฺจเยน ปจฺจโย – สหชาตํ, ปจฺฉาชาตํ. สหชาตา – สํกิลิฏฺฐสํกิเลสิกา ขนฺธา จิตฺตสมุฏฺฐานานํ รูปานํ อตฺถิปจฺจเยน ปจฺจโย. ปจฺฉาชาตา – สํกิลิฏฺฐสํกิเลสิกา ขนฺธา ปุเรชาตสฺส อิมสฺส กายสฺส อตฺถิปจฺจเยน ปจฺจโย. (๒)

สํกิลิฏฺฐสํกิเลสิโก ธมฺโม สํกิลิฏฺฐสํกิเลสิกสฺส จ อสํกิลิฏฺฐสํกิเลสิกสฺส จ ธมฺมสฺส อตฺถิปจฺจเยน ปจฺจโย – สํกิลิฏฺฐสํกิเลสิโก เอโก ขนฺโธ ติณฺณนฺนํ ขนฺธานํ จิตฺตสมุฏฺฐานานญฺจ รูปานํ อตฺถิปจฺจเยน ปจฺจโย…เป… เทฺว ขนฺธา…เป…. (๓)

๒๗. อสํกิลิฏฺฐสํกิเลสิโก ธมฺโม อสํกิลิฏฺฐสํกิเลสิกสฺส ธมฺมสฺส อตฺถิปจฺจเยน ปจฺจโย – สหชาตํ, ปุเรชาตํ, ปจฺฉาชาตํ, อาหารํ, อินฺทฺริยํ. สหชาโต – อสํกิลิฏฺฐสํกิเลสิโก เอโก ขนฺโธ ติณฺณนฺนํ ขนฺธานํ จิตฺตสมุฏฺฐานานญฺจ รูปานํ อตฺถิปจฺจเยน ปจฺจโย…เป… ปฏิสนฺธิกฺขเณ…เป… อสญฺญสตฺตานํ เอกํ มหาภูตํ ติณฺณนฺนํ มหาภูตานํ อตฺถิปจฺจเยน ปจฺจโย…เป… ปุเรชาตํ – จกฺขุํ อนิจฺจโต ทุกฺขโต อนตฺตโต วิปสฺสติ. โสตํ…เป… กายํ… รูเป…เป… โผฏฺฐพฺเพ… วตฺถุํ อนิจฺจโต ทุกฺขโต อนตฺตโต วิปสฺสติ, ทิพฺเพน จกฺขุนา รูปํ ปสฺสติ, ทิพฺพาย โสตธาตุยา สทฺทํ สุณาติ. รูปายตนํ จกฺขุวิญฺญาณสฺส…เป… โผฏฺฐพฺพายตนํ กายวิญฺญาณสฺส อตฺถิปจฺจเยน ปจฺจโย. จกฺขายตนํ จกฺขุวิญฺญาณสฺส…เป… กายายตนํ กายวิญฺญาณสฺส…เป… วตฺถุ อสํกิลิฏฺฐสํกิเลสิกานํ ขนฺธานํ อตฺถิปจฺจเยน ปจฺจโย. ปจฺฉาชาตา – อสํกิลิฏฺฐสํกิเลสิกา ขนฺธา ปุเรชาตสฺส อิมสฺส กายสฺส อตฺถิปจฺจเยน ปจฺจโย. กพฬีกาโร อาหาโร อิมสฺส กายสฺส…เป… รูปชีวิตินฺทฺริยํ กฏตฺตารูปานํ อตฺถิปจฺจเยน ปจฺจโย. (๑)

อสํกิลิฏฺฐสํกิเลสิโก ธมฺโม สํกิลิฏฺฐสํกิเลสิกสฺส ธมฺมสฺส อตฺถิปจฺจเยน ปจฺจโย. ปุเรชาตํ – จกฺขุํ อสฺสาเทติ อภินนฺทติ; ตํ อารพฺภ ราโค อุปฺปชฺชติ…เป… โทมนสฺสํ อุปฺปชฺชติ; วตฺถุํ อสฺสาเทติ…เป… วตฺถุ สํกิลิฏฺฐสํกิเลสิกานํ ขนฺธานํ อตฺถิปจฺจเยน ปจฺจโย. (๒)

อสํกิลิฏฺฐสํกิเลสิโก ธมฺโม อสํกิลิฏฺฐอสํกิเลสิกสฺส ธมฺมสฺส อตฺถิปจฺจเยน ปจฺจโย. ปุเรชาตํ – วตฺถุ อสํกิลิฏฺฐอสํกิเลสิกานํ ขนฺธานํ อตฺถิปจฺจเยน ปจฺจโย. (๓)

๒๘. อสํกิลิฏฺฐอสํกิเลสิโก ธมฺโม อสํกิลิฏฺฐอสํกิเลสิกสฺส ธมฺมสฺส อตฺถิปจฺจเยน ปจฺจโย – อสํกิลิฏฺฐอสํกิเลสิโก เอโก ขนฺโธ ติณฺณนฺนํ ขนฺธานํ อตฺถิปจฺจเยน ปจฺจโย…. (๑)

อสํกิลิฏฺฐอสํกิเลสิโก ธมฺโม อสงฺกิลิฏฺฐสํกิลิสิกสฺส ธมฺมสฺส อตฺถิปจฺจเยน ปจฺจโย – สหชาตํ, ปจฺฉาชาตํ. สหชาตา – อสํกิลิฏฺฐอสํกิเลสิกา ขนฺธา จิตฺตสมุฏฺฐานานํ รูปานํ อตฺถิปจฺจเยน ปจฺจโย. ปจฺฉาชาตา – อสํกิลิฏฺฐอสํกิเลสิกา ขนฺธา ปุเรชาตสฺส อิมสฺส กายสฺส อตฺถิปจฺจเยน ปจฺจโย. (๒)

อสํกิลิฏฺฐอสํกิเลสิโก ธมฺโม อสํกิลิฏฺฐสํกิเลสิกสฺส จ อสํกิลิฏฺฐอสํกิเลสิกสฺส จ ธมฺมสฺส อตฺถิปจฺจเยน ปจฺจโย – อสํกิลิฏฺฐอสํกิเลสิโก เอโก ขนฺโธ ติณฺณนฺนํ ขนฺธานํ จิตฺตสมุฏฺฐานานญฺจ รูปานํ อตฺถิปจฺจเยน ปจฺจโย…. (๓)

๒๙. อสํกิลิฏฺฐสํกิเลสิโก จ อสํกิลิฏฺฐอสํกิเลสิโก จ ธมฺมา อสํกิลิฏฺฐสํกิเลสิกสฺส ธมฺมสฺส อตฺถิปจฺจเยน ปจฺจโย – สหชาตํ, ปจฺฉาชาตํ, อาหารํ, อินฺทฺริยํ. สหชาตา – อสํกิลิฏฺฐอสํกิเลสิกา ขนฺธา จ มหาภูตา จ จิตฺตสมุฏฺฐานานํ รูปานํ อตฺถิปจฺจเยน ปจฺจโย. ปจฺฉาชาตา – อสํกิลิฏฺฐอสํกิเลสิกา ขนฺธา จ กพฬีกาโร อาหาโร จ อิมสฺส กายสฺส อตฺถิปจฺจเยน ปจฺจโย. ปจฺฉาชาตา – อสํกิลิฏฺฐสํกิเลสิกา ขนฺธา จ รูปชีวิตินฺทฺริยญฺจ กฏตฺตารูปานํ อตฺถิปจฺจเยน ปจฺจโย. (๑)

อสํกิลิฏฺฐสํกิเลสิโก จ อสํกิลิฏฺฐอสํกิเลสิโก จ ธมฺมา อสํกิลิฏฺฐอสํกิเลสิกสฺส ธมฺมสฺส อตฺถิปจฺจเยน ปจฺจโย – สหชาตํ, ปุเรชาตํ. สหชาโต – อสํกิลิฏฺฐอสํกิเลสิโก เอโก ขนฺโธ จ วตฺถุ จ ติณฺณนฺนํ ขนฺธานํ อตฺถิปจฺจเยน ปจฺจโย…เป…. (๒)

สํกิลิฏฺฐสํกิเลสิโก จ อสํกิลิฏฺฐสํกิเลสิโก จ ธมฺมา สํกิลิฏฺฐสํกิเลสิกสฺส ธมฺมสฺส อตฺถิปจฺจเยน ปจฺจโย – สหชาตํ, ปุเรชาตํ. สหชาโต – สํกิลิฏฺฐสํกิเลสิโก เอโก ขนฺโธ จ วตฺถุ จ ติณฺณนฺนํ ขนฺธานํ อตฺถิปจฺจเยน ปจฺจโย… เทฺว ขนฺธา…เป…. (๑)

สํกิลิฏฺฐสํกิเลสิโก จ อสํกิลิฏฺฐสํกิเลสิโก จ ธมฺมา อสํกิลิฏฺฐสํกิเลสิกสฺส ธมฺมสฺส อตฺถิปจฺจเยน ปจฺจโย – สหชาตํ, ปจฺฉาชาตํ, อาหารํ, อินฺทฺริยํ. สหชาตา – สํกิลิฏฺฐสํกิเลสิกา ขนฺธา จ มหาภูตา จ จิตฺตสมุฏฺฐานานํ รูปานํ อตฺถิปจฺจเยน ปจฺจโย. ปจฺฉาชาตา – สํกิลิฏฺฐสํกิเลสิกา ขนฺธา จ กพฬีกาโร อาหาโร จ ปุเรชาตสฺส อิมสฺส กายสฺส อตฺถิปจฺจเยน ปจฺจโย. ปจฺฉาชาตา – สํกิลิฏฺฐสํกิเลสิกา ขนฺธา จ รูปชีวิตินฺทฺริยญฺจ กฏตฺตารูปานํ อตฺถิปจฺจเยน ปจฺจโย. (๒)

นตฺถิ-วิคตาวิคตปจฺจยา

๓๐. สํกิลิฏฺฐสํกิเลสิโก ธมฺโม สํกิลิฏฺฐสํกิเลสิกสฺส ธมฺมสฺส นตฺถิปจฺจเยน ปจฺจโย… วิคตปจฺจเยน ปจฺจโย… อวิคตปจฺจเยน ปจฺจโย.

๑. ปจฺจยานุโลมํ

๒. สงฺขฺยาวาโร

สุทฺธํ

๓๑. เหตุยา สตฺต, อารมฺมเณ ฉ, อธิปติยา อฏฺฐ, อนนฺตเร สตฺต, สมนนฺตเร สตฺต, สหชาเต นว, อญฺญมญฺเญ ตีณิ, นิสฺสเย เตรส, อุปนิสฺสเย อฏฺฐ, ปุเรชาเต ตีณิ, ปจฺฉาชาเต ตีณิ, อาเสวเน ตีณิ, กมฺเม สตฺต, วิปาเก จตฺตาริ, อาหาเร สตฺต, อินฺทฺริเย สตฺต, ฌาเน สตฺต, มคฺเค สตฺต, สมฺปยุตฺเต ตีณิ, วิปฺปยุตฺเต ปญฺจ, อตฺถิยา เตรส, นตฺถิยา สตฺต, วิคเต สตฺต, อวิคเต เตรส.

เหตุสภาคํ

เหตุปจฺจยา อธิปติยา จตฺตาริ, สหชาเต สตฺต, อญฺญมญฺเญ ตีณิ, นิสฺสเย สตฺต, วิปาเก จตฺตาริ, อินฺทฺริเย จตฺตาริ, มคฺเค จตฺตาริ, สมฺปยุตฺเต ตีณิ, วิปฺปยุตฺเต ตีณิ, อตฺถิยา สตฺต, อวิคเต สตฺต.

เหตุสามญฺญฆฏนา (๙)

๓๒. เหตุ-สหชาต-นิสฺสย-อตฺถิ-อวิคตนฺติ สตฺต. เหตุ-สหชาต-อญฺญมญฺญ-นิสฺสยอตฺถิ-อวิคตนฺติ ตีณิ. เหตุ-สหชาต-อญฺญมญฺญ-นิสฺสย-สมฺปยุตฺต-อตฺถิ-อวิคตนฺติ ตีณิ. เหตุ-สหชาต-นิสฺสย-วิปฺปยุตฺต-อตฺถิ-อวิคตนฺติ ตีณิ. (อวิปากํ – ๔)

เหตุ-สหชาต-นิสฺสย-วิปาก-อตฺถิ-อวิคตนฺติ จตฺตาริ. เหตุ-สหชาต-อญฺญมญฺญนิสฺสย-วิปาก-อตฺถิ-อวิคตนฺติ เทฺว. เหตุ-สหชาต-อญฺญมญฺญ-นิสฺสย-วิปากสมฺปยุตฺต-อตฺถิ-อวิคตนฺติ เทฺว. เหตุ-สหชาต-นิสฺสย-วิปาก-วิปฺปยุตฺต-อตฺถิ-อวิคตนฺติ เทฺว. เหตุ-สหชาต-อญฺญมญฺญ-นิสฺสย-วิปาก-วิปฺปยุตฺต-อตฺถิ-อวิคตนฺติ เอกํ. (สวิปากํ – ๕) (สํขิตฺตํ.)

(ยถา กุสลตฺติเก, เอวํ วิตฺถาเรตพฺพํ).

อนุโลมํ.

ปจฺจนียุทฺธาโร

๓๓. สํกิลิฏฺฐสํกิเลสิโก ธมฺโม สํกิลิฏฺฐสํกิเลสิกสฺส ธมฺมสฺส อารมฺมณปจฺจเยน ปจฺจโย… สหชาตปจฺจเยน ปจฺจโย… อุปนิสฺสยปจฺจเยน ปจฺจโย. (๑)

สํกิลิฏฺฐสํกิเลสิโก ธมฺโม อสํกิลิฏฺฐสํกิเลสิกสฺส ธมฺมสฺส อารมฺมณปจฺจเยน ปจฺจโย… สหชาตปจฺจเยน ปจฺจโย… อุปนิสฺสยปจฺจเยน ปจฺจโย… ปจฺฉาชาตปจฺจเยน ปจฺจโย… กมฺมปจฺจเยน ปจฺจโย. (๒)

สํกิลิฏฺฐสํกิเลสิโก ธมฺโม อสํกิลิฏฺฐอสํกิเลสิกสฺส ธมฺมสฺส อุปนิสฺสยปจฺจเยน ปจฺจโย. (๓)