นโม ตสฺส ภควโต อรหโต สมฺมาสมฺพุทฺธสฺส
อภิธมฺมปิฏเก
ธมฺมสงฺคณีปาฬิ
มาติกา
๑. ติกมาติกา
๑. (ก) กุสลา ธมฺมา.
(ข) อกุสลา ธมฺมา.
(ค) อพฺยากตา ธมฺมา.
๒. (ก) สุขาย เวทนาย สมฺปยุตฺตา ธมฺมา.
(ข) ทุกฺขาย เวทนาย สมฺปยุตฺตา ธมฺมา.
(ค) อทุกฺขมสุขาย เวทนาย สมฺปยุตฺตา ธมฺมา.
๓. (ก) วิปากา ธมฺมา.
(ข) วิปากธมฺมธมฺมา.
(ค) เนววิปากนวิปากธมฺมธมฺมา.
๔. (ก) อุปาทิณฺณุปาทานิยา [อุปาทินฺนุปาทานิยา (สฺยา.)] ธมฺมา.
(ข) อนุปาทิณฺณุปาทานิยา ธมฺมา.
(ค) อนุปาทิณฺณอนุปาทานิยา [อนุปาทินฺนานุปาทานิยา (สฺยา.)] ธมฺมา.
๕. (ก) สํกิลิฏฺฐสํกิเลสิกา ธมฺมา.
(ข) อสํกิลิฏฺฐสํกิเลสิกา ธมฺมา.
(ค) อสํกิลิฏฺฐอสํกิเลสิกา [อสํกิลิฏฺฐาสํกิเลสิกา (สฺยา.)] ธมฺมา.
๖. (ก) สวิตกฺกสวิจารา ธมฺมา.
(ข) อวิตกฺกวิจารมตฺตา ธมฺมา.
(ค) อวิตกฺกอวิจารา [อวิตกฺกาวิจารา (สฺยา.)] ธมฺมา.
๗. (ก) ปีติสหคตา ธมฺมา.
(ข) สุขสหคตา ธมฺมา.
(ค) อุเปกฺขาสหคตา ธมฺมา.
๘. (ก) ทสฺสเนน ปหาตพฺพา ธมฺมา.
(ข) ภาวนาย ปหาตพฺพา ธมฺมา.
(ค) เนว ทสฺสเนน น ภาวนาย ปหาตพฺพา ธมฺมา.
๙. (ก) ทสฺสเนน ปหาตพฺพเหตุกา ธมฺมา.
(ข) ภาวนาย ปหาตพฺพเหตุกา ธมฺมา.
(ค) เนว ทสฺสเนน น ภาวนาย ปหาตพฺพเหตุกา ธมฺมา.
๑๐. (ก) อาจยคามิโน ธมฺมา.
(ข) อปจยคามิโน ธมฺมา.
(ค) เนวาจยคามินาปจยคามิโน [เนวาจยคามิโน นาปจยคามิโน (สฺยา.)] ธมฺมา.
๑๑. (ก) เสกฺขา ธมฺมา.
(ข) อเสกฺขา ธมฺมา.
(ค) เนวเสกฺขนาเสกฺขา [เนวเสกฺขานาเสกฺขา (สี. สฺยา.)] ธมฺมา.
๑๒. (ก) ปริตฺตา ธมฺมา.
(ข) มหคฺคตา ธมฺมา.
(ค) อปฺปมาณา ธมฺมา.
๑๓. (ก) ปริตฺตารมฺมณา ธมฺมา.
(ข) มหคฺคตารมฺมณา ธมฺมา.
(ค) อปฺปมาณารมฺมณา ธมฺมา.
๑๔. (ก) หีนา ธมฺมา.
(ข) มชฺฌิมา ธมฺมา.
(ค) ปณีตา ธมฺมา.
๑๕. (ก) มิจฺฉตฺตนิยตา ธมฺมา.
(ข) สมฺมตฺตนิยตา ธมฺมา.
(ค) อนิยตา ธมฺมา.
๑๖. (ก) มคฺคารมฺมณา ธมฺมา.
(ข) มคฺคเหตุกา ธมฺมา.
(ค) มคฺคาธิปติโน ธมฺมา.
๑๗. (ก) อุปฺปนฺนา ธมฺมา.
(ข) อนุปฺปนฺนา ธมฺมา.
(ค) อุปฺปาทิโน ธมฺมา.
๑๘. (ก) อตีตา ธมฺมา.
(ข) อนาคตา ธมฺมา.
(ค) ปจฺจุปฺปนฺนา ธมฺมา.
๑๙. (ก) อตีตารมฺมณา ธมฺมา.
(ข) อนาคตารมฺมณา ธมฺมา.
(ค) ปจฺจุปฺปนฺนารมฺมณา ธมฺมา.
๒๐. (ก) อชฺฌตฺตา ธมฺมา.
(ข) พหิทฺธา ธมฺมา.
(ค) อชฺฌตฺตพหิทฺธา ธมฺมา.
๒๑. (ก) อชฺฌตฺตารมฺมณา ธมฺมา.
(ข) พหิทฺธารมฺมณา ธมฺมา.
(ค) อชฺฌตฺตพหิทฺธารมฺมณา ธมฺมา.
๒๒. (ก) สนิทสฺสนสปฺปฏิฆา ธมฺมา.
(ข) อนิทสฺสนสปฺปฏิฆา ธมฺมา.
(ค) อนิทสฺสนอปฺปฏิฆา [อนิทสฺสนาปฺปฏิฆา (สฺยา.)] ธมฺมา.
ติกมาติกา.
๒. ทุกมาติกา
เหตุโคจฺฉกํ
๑. (ก) เหตู ธมฺมา.
(ข) น เหตู ธมฺมา.
๒. (ก) สเหตุกา ธมฺมา.
(ข) อเหตุกา ธมฺมา.
๓. (ก) เหตุสมฺปยุตฺตา ธมฺมา.
(ข) เหตุวิปฺปยุตฺตา ธมฺมา.
๔. (ก) เหตู เจว ธมฺมา สเหตุกา จ.
(ข) สเหตุกา เจว ธมฺมา น จ เหตู.
๕. (ก) เหตู เจว ธมฺมา เหตุสมฺปยุตฺตา จ.
(ข) เหตุสมฺปยุตฺตา เจว ธมฺมา น จ เหตู.
๖. (ก) น เหตู โข ปน ธมฺมา สเหตุกาปิ.
(ข) อเหตุกาปิ.
เหตุโคจฺฉกํ.
จูฬนฺตรทุกํ
๗. (ก) สปฺปจฺจยา ธมฺมา.
(ข) อปฺปจฺจยา ธมฺมา.
๘. (ก) สงฺขตา ธมฺมา.
(ข) อสงฺขตา ธมฺมา.
๙. (ก) สนิทสฺสนา ธมฺมา.
(ข) อนิทสฺสนา ธมฺมา.
๑๐. (ก) สปฺปฏิฆา ธมฺมา.
(ข) อปฺปฏิฆา ธมฺมา.
๑๑. (ก) รูปิโน ธมฺมา.
(ข) อรูปิโน ธมฺมา.
๑๒. (ก) โลกิยา ธมฺมา.
(ข) โลกุตฺตรา ธมฺมา.
๑๓. (ก) เกนจิ วิญฺเญยฺยา ธมฺมา.
(ข) เกนจิ น วิญฺเญยฺยา ธมฺมา.
จูฬนฺตรทุกํ.
อาสวโคจฺฉกํ
๑๔. (ก) อาสวา ธมฺมา.
(ข) โน อาสวา ธมฺมา.
๑๕. (ก) สาสวา ธมฺมา.
(ข) อนาสวา ธมฺมา.
๑๖. (ก) อาสวสมฺปยุตฺตา ธมฺมา.
(ข) อาสววิปฺปยุตฺตา ธมฺมา.
๑๗. (ก) อาสวา เจว ธมฺมา สาสวา จ.
(ข) สาสวา เจว ธมฺมา โน จ อาสวา.
๑๘. (ก) อาสวา เจว ธมฺมา อาสวสมฺปยุตฺตา จ.
(ข) อาสวสมฺปยุตฺตา เจว ธมฺมา โน จ อาสวา.
๑๙. (ก) อาสววิปฺปยุตฺตา โข ปน ธมฺมา สาสวาปิ.
(ข) อนาสวาปิ.
อาสวโคจฺฉกํ.
สํโยชนโคจฺฉกํ
๒๐. (ก) สํโยชนา ธมฺมา.
(ข) โน สํโยชนา ธมฺมา.
๒๑. (ก) สํโยชนิยา ธมฺมา.
(ข) อสํโยชนิยา ธมฺมา.
๒๒. (ก) สํโยชนสมฺปยุตฺตา ธมฺมา.
(ข) สํโยชนวิปฺปยุตฺตา ธมฺมา.
๒๓. (ก) สํโยชนา เจว ธมฺมา สํโยชนิยา จ.
(ข) สํโยชนิยา เจว ธมฺมา โน จ สํโยชนา.
๒๔. (ก) สํโยชนา เจว ธมฺมา สํโยชนสมฺปยุตฺตา จ.
(ข) สํโยชนสมฺปยุตฺตา เจว ธมฺมา โน จ สํโยชนา.
๒๕. (ก) สํโยชนวิปฺปยุตฺตา โข ปน ธมฺมา สํโยชนิยาปิ.
(ข) อสํโยชนิยาปิ.
สํโยชนโคจฺฉกํ.
คนฺถโคจฺฉกํ
๒๖. (ก) คนฺถา ธมฺมา.
(ข) โน คนฺถา ธมฺมา.
๒๗. (ก) คนฺถนิยา ธมฺมา.
(ข) อคนฺถนิยา ธมฺมา.
๒๘. (ก) คนฺถสมฺปยุตฺตา ธมฺมา.
(ข) คนฺถวิปฺปยุตฺตา ธมฺมา.
๒๙. (ก) คนฺถา เจว ธมฺมา คนฺถนิยา จ.
(ข) คนฺถนิยา เจว ธมฺมา โน จ คนฺถา.
๓๐. (ก) คนฺถา เจว ธมฺมา คนฺถสมฺปยุตฺตา จ.
(ข) คนฺถสมฺปยุตฺตา เจว ธมฺมา โน จ คนฺถา.
๓๑. (ก) คนฺถวิปฺปยุตฺตา โข ปน ธมฺมา คนฺถนิยาปิ.
(ข) อคนฺถนิยาปิ.
คนฺถโคจฺฉกํ.
โอฆโคจฺฉกํ
๓๒. (ก) โอฆา ธมฺมา.
(ข) โน โอฆา ธมฺมา.
๓๓. (ก) โอฆนิยา ธมฺมา.
(ข) อโนฆนิยา ธมฺมา.