๑๒. ทฺวาทสมนโย

๑๒. สมฺปยุตฺเตนสงฺคหิตาสงฺคหิตปทนิทฺเทโส

๔๑๗. เวทนากฺขนฺเธน เย ธมฺมา… สญฺญากฺขนฺเธน เย ธมฺมา… สงฺขารกฺขนฺเธน เย ธมฺมา สมฺปยุตฺตา, เต ธมฺมา กติหิ ขนฺเธหิ กติหายตเนหิ กติหิ ธาตูหิ สงฺคหิตา? เต ธมฺมา ตีหิ ขนฺเธหิ ทฺวีหายตเนหิ อฏฺฐหิ ธาตูหิ สงฺคหิตา. กติหิ อสงฺคหิตา? ทฺวีหิ ขนฺเธหิ ทสหายตเนหิ ทสหิ ธาตูหิ อสงฺคหิตา.

๔๑๘. วิญฺญาณกฺขนฺเธน เย ธมฺมา… มนายตเนน เย ธมฺมา… จกฺขุวิญฺญาณธาตุยา เย ธมฺมา…เป… มโนธาตุยา เย ธมฺมา… มโนวิญฺญาณธาตุยา เย ธมฺมา สมฺปยุตฺตา…เป… เต ธมฺมา ตีหิ ขนฺเธหิ เอเกนายตเนน เอกาย ธาตุยา สงฺคหิตา. กติหิ อสงฺคหิตา? ทฺวีหิ ขนฺเธหิ เอกาทสหายตเนหิ สตฺตรสหิ ธาตูหิ อสงฺคหิตา.

๔๑๙. สมุทยสจฺเจน เย ธมฺมา… มคฺคสจฺเจน เย ธมฺมา สมฺปยุตฺตา… เต ธมฺมา จตูหิ ขนฺเธหิ ทฺวีหายตเนหิ ทฺวีหิ ธาตูหิ สงฺคหิตา. กติหิ อสงฺคหิตา? เอเกน ขนฺเธน ทสหายตเนหิ โสฬสหิ ธาตูหิ อสงฺคหิตา.

๔๒๐. มนินฺทฺริเยน เย ธมฺมา สมฺปยุตฺตา… เต ธมฺมา ตีหิ ขนฺเธหิ เอเกนายตเนน เอกาย ธาตุยา สงฺคหิตา. กติหิ อสงฺคหิตา? ทฺวีหิ ขนฺเธหิ เอกาทสหายตเนหิ สตฺตรสหิ ธาตูหิ อสงฺคหิตา.

๔๒๑. สุขินฺทฺริเยน เย ธมฺมา… ทุกฺขินฺทฺริเยน เย ธมฺมา… โสมนสฺสินฺทฺริเยน เย ธมฺมา… โทมนสฺสินฺทฺริเยน เย ธมฺมา สมฺปยุตฺตา…, เต ธมฺมา ตีหิ ขนฺเธหิ ทฺวีหายตเนหิ ทฺวีหิ ธาตูหิ สงฺคหิตา. กติหิ อสงฺคหิตา? ทฺวีหิ ขนฺเธหิ ทสหายตเนหิ โสฬสหิ ธาตูหิ อสงฺคหิตา.

๔๒๒. อุเปกฺขินฺทฺริเยน เย ธมฺมา สมฺปยุตฺตา… เต ธมฺมา ตีหิ ขนฺเธหิ ทฺวีหายตเนหิ สตฺตหิ ธาตูหิ สงฺคหิตา. กติหิ อสงฺคหิตา? ทฺวีหิ ขนฺเธหิ ทสหายตเนหิ เอกาทสหิ ธาตูหิ อสงฺคหิตา.

๔๒๓. สทฺธินฺทฺริเยน เย ธมฺมา… วีริยินฺทฺริเยน เย ธมฺมา… สตินฺทฺริเยน เย ธมฺมา… สมาธินฺทฺริเยน เย ธมฺมา… ปญฺญินฺทฺริเยน เย ธมฺมา… อนญฺญาตญฺญสฺสามีตินฺทฺริเยน เย ธมฺมา… อญฺญินฺทฺริเยน เย ธมฺมา… อญฺญาตาวินฺทฺริเยน เย ธมฺมา… อวิชฺชาย เย ธมฺมา… อวิชฺชาปจฺจยา สงฺขาเรหิ เย ธมฺมา สมฺปยุตฺตา… เต ธมฺมา จตูหิ ขนฺเธหิ ทฺวีหายตเนหิ ทฺวีหิ ธาตูหิ สงฺคหิตา. กติหิ อสงฺคหิตา? เอเกน ขนฺเธน ทสหายตเนหิ โสฬสหิ ธาตูหิ อสงฺคหิตา.

๔๒๔. สงฺขารปจฺจยา วิญฺญาเณน เย ธมฺมา สมฺปยุตฺตา… เต ธมฺมา ตีหิ ขนฺเธหิ เอเกนายตเนน เอกาย ธาตุยา สงฺคหิตา. กติหิ อสงฺคหิตา? ทฺวีหิ ขนฺเธหิ เอกาทสหายตเนหิ สตฺตรสหิ ธาตูหิ อสงฺคหิตา.

๔๒๕. สฬายตนปจฺจยา ผสฺเสน เย ธมฺมา สมฺปยุตฺตา… เต ธมฺมา จตูหิ ขนฺเธหิ ทฺวีหายตเนหิ อฏฺฐหิ ธาตูหิ สงฺคหิตา. กติหิ อสงฺคหิตา? เอเกน ขนฺเธน ทสหายตเนหิ ทสหิ ธาตูหิ อสงฺคหิตา.

๔๒๖. ผสฺสปจฺจยา เวทนาย เย ธมฺมา สมฺปยุตฺตา… เต ธมฺมา ตีหิ ขนฺเธหิ ทฺวีหายตเนหิ อฏฺฐหิ ธาตูหิ สงฺคหิตา. กติหิ อสงฺคหิตา? ทฺวีหิ ขนฺเธหิ ทสหายตเนหิ ทสหิ ธาตูหิ อสงฺคหิตา.

๔๒๗. เวทนาปจฺจยา ตณฺหาย เย ธมฺมา… ตณฺหาปจฺจยา อุปาทาเนน เย ธมฺมา… กมฺมภเวน เย ธมฺมา สมฺปยุตฺตา… เต ธมฺมา จตูหิ ขนฺเธหิ ทฺวีหายตเนหิ ทฺวีหิ ธาตูหิ สงฺคหิตา. กติหิ อสงฺคหิตา? เอเกน ขนฺเธน ทสหายตเนหิ โสฬสหิ ธาตูหิ อสงฺคหิตา.

๔๒๘. โสเกน เย ธมฺมา… ทุกฺเขน เย ธมฺมา… โทมนสฺเสน เย ธมฺมา สมฺปยุตฺตา… เต ธมฺมา ตีหิ ขนฺเธหิ ทฺวีหายตเนหิ ทฺวีหิ ธาตูหิ สงฺคหิตา. กติหิ อสงฺคหิตา? ทฺวีหิ ขนฺเธหิ ทสหายตเนหิ โสฬสหิ ธาตูหิ อสงฺคหิตา.

๔๒๙. อุปายาเสน เย ธมฺมา… สติปฏฺฐาเนน เย ธมฺมา… สมฺมปฺปธาเนน เย ธมฺมา สมฺปยุตฺตา… เต ธมฺมา จตูหิ ขนฺเธหิ ทฺวีหายตเนหิ ทฺวีหิ ธาตูหิ สงฺคหิตา. กติหิ อสงฺคหิตา? เอเกน ขนฺเธน ทสหายตเนหิ โสฬสหิ ธาตูหิ อสงฺคหิตา.

๔๓๐. อิทฺธิปาเทน เย ธมฺมา สมฺปยุตฺตา… เต ธมฺมา ตีหิ ขนฺเธหิ เอเกนายตเนน เอกาย ธาตุยา สงฺคหิตา. กติหิ อสงฺคหิตา? ทฺวีหิ ขนฺเธหิ เอกาทสหายตเนหิ สตฺตรสหิ ธาตูหิ อสงฺคหิตา.

๔๓๑. ฌาเนน เย ธมฺมา สมฺปยุตฺตา… เต ธมฺมา ตีหิ ขนฺเธหิ ทฺวีหายตเนหิ ทฺวีหิ ธาตูหิ สงฺคหิตา. กติหิ อสงฺคหิตา? ทฺวีหิ ขนฺเธหิ ทสหายตเนหิ โสฬสหิ ธาตูหิ อสงฺคหิตา.

๔๓๒. อปฺปมญฺญาย เย ธมฺมา… ปญฺจหิ อินฺทฺริเยหิ เย ธมฺมา… ปญฺจหิ พเลหิ เย ธมฺมา… สตฺตหิ โพชฺฌงฺเคหิ เย ธมฺมา… อริเยน อฏฺฐงฺคิเกน มคฺเคน เย ธมฺมา สมฺปยุตฺตา… เต ธมฺมา จตูหิ ขนฺเธหิ ทฺวีหายตเนหิ ทฺวีหิ ธาตูหิ สงฺคหิตา. กติหิ อสงฺคหิตา? เอเกน ขนฺเธน ทสหายตเนหิ โสฬสหิ ธาตูหิ อสงฺคหิตา.

๔๓๓. ผสฺเสน เย ธมฺมา… เจตนาย เย ธมฺมา… มนสิกาเรน เย ธมฺมา สมฺปยุตฺตา… เต ธมฺมา จตูหิ ขนฺเธหิ ทฺวีหายตเนหิ อฏฺฐหิ ธาตูหิ สงฺคหิตา. กติหิ อสงฺคหิตา? เอเกน ขนฺเธน ทสหายตเนหิ ทสหิ ธาตูหิ อสงฺคหิตา.

๔๓๔. เวทนาย เย ธมฺมา… สญฺญาย เย ธมฺมา สมฺปยุตฺตา… เต ธมฺมา ตีหิ ขนฺเธหิ ทฺวีหายตเนหิ อฏฺฐหิ ธาตูหิ สงฺคหิตา. กติหิ อสงฺคหิตา? ทฺวีหิ ขนฺเธหิ ทสหายตเนหิ ทสหิ ธาตูหิ อสงฺคหิตา.

๔๓๕. จิตฺเตน เย ธมฺมา สมฺปยุตฺตา… เต ธมฺมา ตีหิ ขนฺเธหิ เอเกนายตเนน เอกาย ธาตุยา สงฺคหิตา. กติหิ อสงฺคหิตา? ทฺวีหิ ขนฺเธหิ เอกาทสหายตเนหิ สตฺตรสหิ ธาตูหิ อสงฺคหิตา.

๔๓๖. อธิโมกฺเขน เย ธมฺมา สมฺปยุตฺตา… เต ธมฺมา จตูหิ ขนฺเธหิ ทฺวีหายตเนหิ ตีหิ ธาตูหิ สงฺคหิตา. กติหิ อสงฺคหิตา? เอเกน ขนฺเธน ทสหายตเนหิ ปนฺนรสหิ ธาตูหิ อสงฺคหิตา.

๔๓๗. สุขาย เวทนาย สมฺปยุตฺเตหิ ธมฺเมหิ เย ธมฺมา… ทุกฺขาย เวทนาย สมฺปยุตฺเตหิ ธมฺเมหิ เย ธมฺมา… อทุกฺขมสุขาย เวทนาย สมฺปยุตฺเตหิ ธมฺเมหิ เย ธมฺมา… สวิตกฺกสวิจาเรหิ ธมฺเมหิ เย ธมฺมา… อวิตกฺกวิจารมตฺเตหิ ธมฺเมหิ เย ธมฺมา… ปีติสหคเตหิ ธมฺเมหิ เย ธมฺมา… สุขสหคเตหิ ธมฺเมหิ เย ธมฺมา… อุเปกฺขาสหคเตหิ ธมฺเมหิ เย ธมฺมา สมฺปยุตฺตา… เต ธมฺมา เอเกน ขนฺเธน เอเกนายตเนน เอกาย ธาตุยา สงฺคหิตา. กติหิ อสงฺคหิตา? จตูหิ ขนฺเธหิ เอกาทสหายตเนหิ สตฺตรสหิ ธาตูหิ อสงฺคหิตา.

๔๓๘. เหตูหิ ธมฺเมหิ เย ธมฺมา… เหตูหิ เจว สเหตุเกหิ จ ธมฺเมหิ เย ธมฺมา… เหตูหิ เจว เหตุสมฺปยุตฺเตหิ จ ธมฺเมหิ เย ธมฺมา สมฺปยุตฺตา… เต ธมฺมา จตูหิ ขนฺเธหิ ทฺวีหายตเนหิ ทฺวีหิ ธาตูหิ สงฺคหิตา. กติหิ อสงฺคหิตา? เอเกน ขนฺเธน ทสหายตเนหิ โสฬสหิ ธาตูหิ อสงฺคหิตา.

๔๓๙. สเหตุเกหิ เจว น จ เหตูหิ ธมฺเมหิ เย ธมฺมา… เหตุสมฺปยุตฺเตหิ เจว น จ เหตูหิ ธมฺเมหิ เย ธมฺมา… น เหตุสเหตุเกหิ ธมฺเมหิ เย ธมฺมา สมฺปยุตฺตา… เต ธมฺมา เอเกน ขนฺเธน เอเกนายตเนน เอกาย ธาตุยา สงฺคหิตา. กติหิ อสงฺคหิตา? จตูหิ ขนฺเธหิ เอกาทสหายตเนหิ สตฺตรสหิ ธาตูหิ อสงฺคหิตา.

๔๔๐. อาสเวหิ ธมฺเมหิ เย ธมฺมา… อาสเวหิ เจว สาสเวหิ จ ธมฺเมหิ เย ธมฺมา… อาสเวหิ เจว อาสวสมฺปยุตฺเตหิ จ ธมฺเมหิ เย ธมฺมา สมฺปยุตฺตา… เต ธมฺมา จตูหิ ขนฺเธหิ ทฺวีหายตเนหิ ทฺวีหิ ธาตูหิ สงฺคหิตา. กติหิ อสงฺคหิตา? เอเกน ขนฺเธน ทสหายตเนหิ โสฬสหิ ธาตูหิ อสงฺคหิตา.

๔๔๑. อาสวสมฺปยุตฺเตหิ เจว โน จ อาสเวหิ ธมฺเมหิ เย ธมฺมา สมฺปยุตฺตา… เต ธมฺมา เอเกน ขนฺเธน เอเกนายตเนน เอกาย ธาตุยา สงฺคหิตา. กติหิ อสงฺคหิตา? จตูหิ ขนฺเธหิ เอกาทสหายตเนหิ สตฺตรสหิ ธาตูหิ อสงฺคหิตา.

๔๔๒. สํโยชเนหิ ธมฺเมหิ เย ธมฺมา… คนฺเถหิ ธมฺเมหิ เย ธมฺมา… โอเฆหิ ธมฺเมหิ เย ธมฺมา… โยเคหิ ธมฺเมหิ เย ธมฺมา… นีวรเณหิ ธมฺเมหิ เย ธมฺมา… ปรามาเสหิ ธมฺเมหิ เย ธมฺมา… ปรามาเสหิ เจว ปรามฏฺเฐหิ จ ธมฺเมหิ เย ธมฺมา สมฺปยุตฺตา… เต ธมฺมา จตูหิ ขนฺเธหิ ทฺวีหายตเนหิ ทฺวีหิ ธาตูหิ สงฺคหิตา. กติหิ อสงฺคหิตา? เอเกน ขนฺเธน ทสหายตเนหิ โสฬสหิ ธาตูหิ อสงฺคหิตา.

๔๔๓. ปรามาสสมฺปยุตฺเตหิ ธมฺเมหิ เย ธมฺมา สมฺปยุตฺตา… เต ธมฺมา เอเกน ขนฺเธน เอเกนายตเนน เอกาย ธาตุยา สงฺคหิตา. กติหิ อสงฺคหิตา? จตูหิ ขนฺเธหิ เอกาทสหายตเนหิ สตฺตรสหิ ธาตูหิ อสงฺคหิตา.

๔๔๔. จิตฺเตหิ ธมฺเมหิ เย ธมฺมา สมฺปยุตฺตา… เต ธมฺมา ตีหิ ขนฺเธหิ เอเกนายตเนน เอกาย ธาตุยา สงฺคหิตา. กติหิ อสงฺคหิตา? ทฺวีหิ ขนฺเธหิ เอกาทสหายตเนหิ สตฺตรสหิ ธาตูหิ อสงฺคหิตา.

๔๔๕. เจตสิเกหิ ธมฺเมหิ เย ธมฺมา… จิตฺตสมฺปยุตฺเตหิ ธมฺเมหิ เย ธมฺมา… จิตฺตสํสฏฺเฐหิ ธมฺเมหิ เย ธมฺมา… จิตฺตสํสฏฺฐสมุฏฺฐาเนหิ ธมฺเมหิ เย ธมฺมา… จิตฺตสํสฏฺฐสมุฏฺฐานสหภูหิ ธมฺเมหิ เย ธมฺมา… จิตฺตสํสฏฺฐสมุฏฺฐานานุปริวตฺตีหิ ธมฺเมหิ เย ธมฺมา สมฺปยุตฺตา… เต ธมฺมา เอเกน ขนฺเธน เอเกนายตเนน สตฺตหิ ธาตูหิ สงฺคหิตา. กติหิ อสงฺคหิตา? จตูหิ ขนฺเธหิ เอกาทสหายตเนหิ เอกาทสหิ ธาตูหิ อสงฺคหิตา.

๔๔๖. อุปาทาเนหิ ธมฺเมหิ เย ธมฺมา… กิเลเสหิ ธมฺเมหิ เย ธมฺมา… กิเลเสหิ เจว สํกิเลสิเกหิ จ ธมฺเมหิ เย ธมฺมา… กิเลเสหิ เจว สํกิลิฏฺเฐหิ จ ธมฺเมหิ เย ธมฺมา… กิเลเสหิ เจว กิเลสสมฺปยุตฺเตหิ จ ธมฺเมหิ เย ธมฺมา สมฺปยุตฺตา… เต ธมฺมา จตูหิ ขนฺเธหิ ทฺวีหายตเนหิ ทฺวีหิ ธาตูหิ สงฺคหิตา. กติหิ อสงฺคหิตา? เอเกน ขนฺเธน ทสหายตเนหิ โสฬสหิ ธาตูหิ อสงฺคหิตา.

๔๔๗. สํกิลิฏฺเฐหิ เจว โน จ กิเลเสหิ ธมฺเมหิ เย ธมฺมา… กิเลสสมฺปยุตฺเตหิ เจว โน จ กิเลเสหิ ธมฺเมหิ เย ธมฺมา… สวิตกฺเกหิ ธมฺเมหิ เย ธมฺมา… สวิจาเรหิ ธมฺเมหิ เย ธมฺมา… สปฺปีติเกหิ ธมฺเมหิ เย ธมฺมา… ปีติสหคเตหิ ธมฺเมหิ เย ธมฺมา… สุขสหคเตหิ ธมฺเมหิ เย ธมฺมา… อุเปกฺขาสหคเตหิ ธมฺเมหิ เย ธมฺมา สมฺปยุตฺตา, เต ธมฺมา กติหิ ขนฺเธหิ กติหายตเนหิ กติหิ ธาตูหิ สงฺคหิตา? เต ธมฺมา เอเกน ขนฺเธน เอเกนายตเนน เอกาย ธาตุยา สงฺคหิตา. กติหิ อสงฺคหิตา? จตูหิ ขนฺเธหิ เอกาทสหายตเนหิ สตฺตรสหิ ธาตูหิ อสงฺคหิตา.

รูปกฺขนฺธา จตฺตาโร, มนายตนเมว จ;

วิญฺญาณธาตุโย สตฺต, เทฺว สจฺจา จุทฺทสินฺทฺริยา.

ปจฺจเย ทฺวาทส ปทา, ตโต อุปริ โสฬส;

ติเกสุ อฏฺฐ โคจฺฉเก, เตจตฺตาลีสเมว จ.

มหนฺตรทุเก สตฺต, ปทา ปิฏฺฐิทุเกสุ ฉ;

นวมสฺส ปทสฺเสเต, นิทฺเทเส สงฺคหํ คตาติ.

สมฺปยุตฺเตนสงฺคหิตาสงฺคหิตปทนิทฺเทโส ทฺวาทสโม.