นโม ตสฺส ภควโต อรหโต สมฺมาสมฺพุทฺธสฺส.

เวสฺสนฺตราคีติ

[ก]

พาตฺตึสลกฺขณูเปต,

ทาตพฺพํ ททตํ วร;

เวสฺสนฺตรตฺต มาปาทิ,

สญฺจรํ ภวสาคเร.

[ข]

ทฺวนฺทํทฺวนฺทํ สญฺจรนฺตี,

ชนานนฺเท ยโสธีเร;

มทฺทิตฺตํ สมุปาคญฺฉิ,

ตฺวํปิเตน ภวณฺณเว.

[ค]

ตุมฺหํทานิ ปวกฺขามิ,

อุปตฺตึ นนฺทินึ ตหึ;

ทชฺชโหฺวโว มโมกาสํ,

กวโย ปฺยาภินนฺทถ.

๑. เอกนวุเตหิโต กปฺเป,

วิปสฺสีนาม นายโก;

วิเนยฺเย ตารยํเขมํ,

โลเก อุปฺปชฺชิจกฺขุมา.

๒. เขมารามมฺหิ สมฺพุทฺโธ,

มิคทาเย มโนรเม;

นิสฺสาย พนฺธุมตึโส,

วิหาสิ นครํตทา.

๓. รชฺชํธมฺเมน กาเรสิ,

นคเรตมฺหิ พนฺธุมา;

ราชาตสฺส ทุเวธีตา,

อาสุํ สพฺพงฺคโสภณา.

๔. เอโกหิ เอกทาราชา,

พนฺธุมสฺส สุเปสยิ;

สหสฺสคฺฆนิกํ โสณฺณ-

มาลญฺจา นคฺฆ จนฺทนํ.

๕. อทาสิ พนฺธุมาราชา,

ปิตาเชฏฺฐาย จนฺทนํ;

โสณฺณมาลํ กนิฏฺฐาย,

ตหึ วิยาย ธีตุยา.

๖. อุโภตาปีติ จินฺเตสุํ,

นตฺถตฺโถวต เตหิโน;

ภคฺยวนฺตสฺส ปูเชม,

สํปสาเทน เจตสา.

๗. ตโตสาจนฺทนํ จุณฺณํ-

การาเปตฺวาน เชฏฺฐกา;

คนฺตฺวาน วิหารํ โสณฺณ,

วณฺณํปูเชสิ นายกํ.

๘. วิกิริตฺวา ตุ สาคนฺธ,

กุฏิยํ เสสจนฺทนํ;

เอวญฺหิ ปตฺถนํ กาสิ,

พุทฺธมาตา ภวามหํ.

๙. กาเรตฺวา โสณฺณมาลํตุ,

อุรจฺฉท ปสาทนํ;

ปูเชสิ เหมวณฺณํสา,

ภควนฺตํ กนิฏฺฐกา.

๑๐. เอวมฺปิ ปตฺถนํกาสิ,

อิทํมม ปสาทนํ;

สรีเร นิจฺจลา ฐาตุ,

จรนฺติยา ภวาภวํ.

๑๑. อุโภปิ ราชกญฺญาตา,

ฐตฺวาน ยาวตา ยุกํ;

อุปปชฺชึสุ โสวคฺคํ,

จุตาสุข ปโมทนํ.

๑๒. มนุสฺสเทว โลเกสุ,

สํสรึสุ สุขํทุเว;

เอกนวุติ กปฺปานิ,

มุจฺจิตฺวา ปายทุกฺขโต.

๑๓. กสฺสปสฺส กาเลตาสุ,

กนิฏฺฐา กิกิราชิโน;

ธีตา อุรจฺฉทานาม,

หุตฺวาน ปรินิพฺพุตา.

๑๔. เชฏฺฐกา ปน ธีตาสิ,

กิกิสฺส ราชิโน ตหึ;

ธมฺมานาม ทมิตา สา,

โกมาร พฺรหฺมจารินี.

๑๕. ตโตจ วิตฺวาน สา เทว,

มนุสฺเสสุ ปุนปฺปุนํ;

สํสรนฺตี มเหสีสิ,

ปูรินฺททสฺส เอกทา.

๑๖. รตฺตจนฺทน เลเปน,

ลิมฺปิต เทหินี หิสา;

กตปุญฺญ วิเสเสน,

นาเมน ผุสฺสตีหฺวิตา.

๑๗. เทวินฺโท อญฺญทาทิสฺวา,

ปริกฺขีณายุกํ วิยํ;

เทวึ ตํ ปริวาเรน,

มหตา เนสินนฺทนํ.

๑๘. สิรีสยน ปิฏฺฐมฺหิ,

ตํสยาวิย มาฆวา;

ฐิโต สยนปสฺสมฺหิ,

ผุสฺสตึ เอตทพฺรวี.

๑๙. วเรเตทสทสฺสามิ,

ผุสฺสเตวรวณฺณิเก;

ตฺวํญฺหิอิจฺฉสิเยลทฺธุํ,

ลภาเปสฺสามิเตวเร.

๒๐. สุตฺวาตํ ผุสฺสตีเทวี,

โลมหํ สนรูปินี;

ขีณายุตมชานนฺตี,

อตฺตโน เอตทพฺรวี.

๒๑. ปาปํนุ ตฺวยิ เทวึนฺท,

กตํเม อปฺปิยาถเต;

รมฺมาเม จวนํ อิจฺฉํ,

มญฺเญภณํติ อีทิสํ.

๒๒. นเตภทฺเท กตํปาปํ,

นจเม อปฺปิยาตุวํ;

ปุญฺญํตุเต ปริกฺขีณํ,

ตสฺมา เต วํวทามหํ.

๒๓. สนฺติเก มรณํ ตุยฺหํ,

วินาภาโว ภวิสฺสติ;

ปฏิคฺคณฺหาหิ เม เอเต,

วเรทส ปวจฺฉโต.

๒๔. สกฺกสฺสวจนํ สุตฺวา,

ญาตฺวามรณ มตฺตโน;

วเรสา ลทฺธุมิจฺฉนฺตี,

เทวินฺทเมต ทพฺรวี.

๒๕. อิโต จุตาสหสฺสกฺขิ,

สีวิราชนิเวสเน;

มเหสี ผุสฺสตีนาม,

นีลเนตฺตา ยถามิคี.

๒๖. อสฺสํ นีลภมุกาหํ,

ลเภยฺยํ ปุตฺตมุตฺตมํ;

ธาเรนฺติ ยาจเมคพฺภํ,

มชฺฌิมงฺคํ อนุนฺนตํ.

๒๗. ปลิตาน วิรูหนฺตุ,

อลมฺพาจ ปโยโร;

กาเยรโช นลิมฺเปถ,

วชฺฌญฺจาปิ ปโมจเย.

๒๘. เยยาจิตา วราภทฺเท,

ตยาทส มยาตว;

ทินฺนาเต ตุฏฺฐจิตฺเตน,

สพฺเพลจฺฉสิ มานุเส.

๒๙. ตโตจวิตฺวาน สาเทว-

โลกา นิพฺพตฺติ อิจฺฉิยํ;

มเหสิยา ปฏิสนฺธิ-

วเสน มทฺทราชิโน.

๓๐. ทสมา สจฺจเยเนสา,

ธีตรํ มทฺทราชินี;

เหฏฺฐาสุเสตจฺฉตฺตสฺส,

วิชายิ เสฏฺฐรูปินึ.

๓๑. รตฺตจนฺทน เลเปน,

เอสาลิมฺปิ ตเทหินี;

เตนสฺสา พฺราหฺมณานามํ,

อกํสุ ผุสฺสตีอิติ.

๓๒. สญฺญาการ โทฬารุฬ-

มงฺคลาทีนิ กาตุน;

มหตา ปริหาเรน,

โปสึสุ ขตฺติยานิโย.

๓๓. มธูรขีร สมฺปนฺนา,

สินิทฺธปีณ โยพฺพนา;

ธาติโย ขตฺติยานีตํ,

ขีรํปายึสุ ยาปนํ.

๓๔. สงฺกมนฺตีว วุทฺธาสา,