(๑) ปฐโม กณฺโฑ (สญฺญาทิ)
๑. ออาทโย ติตาลีส วณฺณา.
๒. ทสา-โท สรา.
๓. เทฺวเทฺว สวณฺณา.
๔. ปุพฺโพ รสฺโส.
๕. ปโร ทีโฆ.
๖. กาทโย พฺยญฺชนา.
๗. ปญฺจ ปญฺจกา วคฺคา.
๘. พินฺทุ นิคฺคหีตํ.
๙. อิยุวณฺณา ฌลา นามสฺสนฺเต.
๑๐. ปิตฺถิยํ.
๑๑. ฆา.
๑๒. โค สฺยาลปเน.
(สญฺญา)
๑๓. วิธิพฺพิเสสนนฺตสฺส.
๑๔. สตฺตมิยํ ปุพฺพสฺส.
๑๕. ปญฺจมิยํ ปรสฺส.
๑๖. อาทิสฺส.
๑๗. ฉฏฺฐิยนฺตสฺส.
๑๘. วานุพนฺโธ.
๑๙. ฏานุพนฺธา-เนกวณฺณา สพฺพสฺส.
๒๐. ญกานุพนฺธาทฺยนฺตา.
๒๑. มานุพนฺโธ สรานมนฺตา ปโร.
๒๒. วิปฺปฏิเสเธ.
๒๓. สงฺเกโต-นวยโว-นุพนฺโธ.
๒๔. วณฺณปเรน สวณฺโณ-ปิ.
๒๕. นฺตุ วนฺตุมนฺตฺวาวนฺตุตวนฺตุสมฺพนฺธี.
ปริภาสา
๒๖. สโร โลโป สเร.
๒๗. ปโร กฺวจิ.
๒๘. น เทฺว วา.
๒๙. ยุวณฺณานเมโอ ลุตฺตา.
๓๐. ยวา สเร.
๓๑. เอโอนํ.
๓๒. โคสฺสาวง.
๓๓. พฺยญฺชเน ทีฆรสฺสา.
๓๔. สรมฺหา เทฺว.
๓๕. จตุตฺถทุติเยเสฺวสํ ตติยปฐมา.
๓๖. วี-ติสฺเส-เว โว.
๓๗. เอโอนม วณฺเณ.
๓๘. นิคฺคหีตํ.
๓๙. โลโป.
๔๐. ปรสรสฺส.
๔๑. วคฺเค วคฺคนฺโต.
๔๒. เยวหิสุ โญ.
๔๓. เย สํสฺส.
๔๔. มยทา สเร.
๔๕. วนตรคา จา-คมา.
๔๖. ฉา โฬ.
๔๗. ตทมินาทีนิ.
๔๘. ตวคฺควรณานํ เย จวคฺคพยญา.
๔๙. วคฺคลเสหิ เต.
๕๐. หสฺส วิปลฺลาโส.
๕๑. เว วา.
๕๒. ตถนรานํ ฏฐณลา.
๕๓. สํโยคาทิโลโป.
๕๔. วิจฺฉาภิกฺขญฺเญสุ เทฺว.
๕๕. สฺยาทิโลโป ปุพฺพสฺเส-กสฺส.
๕๖. สพฺพาทีนํ วีติหาเร.
๕๗. ยาวโพธํ สมฺภเม.
๕๘. พหุลํ.
อิติ โมคฺคลฺลาเน พฺยากรเณ สญฺญาทิกณฺโฑ ปฐโม.