เวชฺชาจริย กณฺฑ

๒๘๖. อายุเพทกตาภฺยาโส, สพฺเพสํ ปิยทสฺสโน;

อริยสีลคุโณเปโต, เอส เวชฺโช วิธียเต.

๒๘๗. นานาคนฺถชานนญฺจ, สุทิฏฺฐกมฺมสมฺปทา;

ทกฺขตา หตฺถสีฆตา, ปสาทสูรสตฺติตา.

๒๘๘. สาภาวิกตงฺขณิก-ญาณสุภาสิตาปิ จ;

อุสฺสาโห ทพฺโพ สพฺพตา, เวชฺชาเจรสฺส ลกฺขณํ;

๒๘๙. กิลิฏฺฐวตฺถํ โกโธ จ, อติมานญฺจ คมฺมตา;

อนิมนฺติตคมนํ, เอเต ปญฺจ วิวชฺชิยา.

๒๙๐. ทิฏฺฐกมฺมตา โสจญฺจ, ทกฺขตา วิทิตาคโม;

จตฺตาโร สุภิสกฺกสฺส, สุคุณา วิญฺญุนา มตา.

๒๙๑. รุชาย ชยลกฺขณํ, รโส จ เภสชฺชมฺปิ จ;

ติลกฺขณเภโท เจว, วิญฺเญยฺโย ภิสกฺเกน เว.