นโม ตสฺส ภควโต อรหโต สมฺมาสมฺพุทฺธสฺส

พุทฺธคุณคาถาวลี

ยเถว ปุปฺผราสิมฺหา, คนฺเถยฺย มาลา โสภนา;

เอวํ พุทฺธคุณคาถา, วิรจึ สหสฺสาธิกา.

โสปิ ภควา อรหํ, สมฺมาสมฺพุทฺโธ สยมฺภู;

วิชฺชาจรณสมฺปนฺโน, พุทฺธํ ตํ ปณมามฺยหํ.๑.

ปุริสทมฺมสารถี, โลกวิทู อนุตฺตโร;

สตฺถาเทวมนุสฺสานํ, พุทฺธํ ตํ ปณมามฺยหํ.๒.

สุคโต สุคโท สามี, สุขโท สนฺติปทายโก;

สพฺพโลกานุกมฺปโก, พุทฺธํ ตํ ปณมามฺยหํ.๓.

วโร วรญฺญู วรโท, วรุตฺตโม วราหโร;

วรธมฺมํ อเทสยิ, พุทฺธํ ตํ ปณมามฺยหํ.๔.

มหามงฺคลมงฺคโลฺย, มงฺคโล มงฺคลาลโย;

มงฺคลายตโน นาโถ, พุทฺธํ ตํ ปณมามฺยหํ.๕.

มงฺคลินฺโท มงฺคลิโก, มหามงฺคลนายโก;

มงฺคลธมฺมํ เทเสสิ, พุทฺธํ ตํ ปณมามฺยหํ.๖.

มงฺคลคฺโค มงฺคลญฺญู, มงฺคลตฺถปทายโก;

มงฺคลปนฺถทสฺสาวี, พุทฺธํ ตํ ปณมามฺยหํ.๗.

มงฺคลิจฺโฉ มงฺคลิทฺโธ, มงฺคลมภิวทฺธโน;

มงฺคเลหิ ปริปุณฺโณ, พุทฺธํ ตํ ปณมามฺยหํ.๘.

มงฺคลาภา อุชฺโชเตสิ, มงฺคลตฺถปภากโร;

มงฺคลาโลกมณฺฑิโต, พุทฺธํ ตํ ปณมามฺยหํ.๙.

มงฺคลตฺถมนุปฺปตฺโต, มงฺคลตฺถปรายโณ;

สพฺพทา มงฺคลกโร, พุทฺธํ ตํ ปณมามฺยหํ.๑๐.

มงฺคลมคฺคมเนฺวสิ, ปตฺโต มงฺคลมุตฺตมํ;

มงฺคลายนํ ทสฺเสตา, พุทฺธํ ตํ ปณมามฺยหํ.๑๑.

มงฺคลมหิมาธารี, มงฺคลการี นายโก;

สพฺพธิ มงฺคลทาตา, พุทฺธํ ตํ ปณมามฺยหํ.๑๒.

มงฺคลสฺส โกวิโท จ, อมงฺคลสฺส โกวิโท;

ปรมํ มงฺคลํ ลทฺโธ, พุทฺธํ ตํ ปณมามฺยหํ.๑๓.

สพฺพมงฺคลสมฺปนฺโน, มงฺคลโฆสโฆสโก;

มงฺคลุตฺตมํ เทเสสิ, พุทฺธํ ตํ ปณมามฺยหํ.๑๔.

มหามงฺคลตฺถํ มคฺคี, ลทฺโธ ธมฺมสุมงฺคโล;

มงฺคล’ทฺธานํ ญาเปสิ, พุทฺธํ ตํ ปณมามฺยหํ.๑๕.

อคาริกตฺถํ ญาเปสิ, มหามงฺคลมุตฺตมํ;

คิหี สหายโก สามี, พุทฺธํ ตํ ปณมามฺยหํ.๑๖.

มหามงฺคล’ลงฺกิโต, มหามงฺคลภูสโน;

มหามงฺคลเสขโร, พุทฺธํ ตํ ปณมามฺยหํ.๑๗.

มหามงฺคลํสุมาลี, มงฺคลาโภ สมุชฺชโล;

มงฺคลํสุํ อุชฺโชเตสิ, พุทฺธํ ตํ ปณมามฺยหํ.๑๘.

มหคฺฆ มงฺคโลทธิ, มหนฺตมงฺคลณฺณโว;

มหามงฺคลสาคโร, พุทฺธํ ตํ ปณมามฺยหํ.๑๙.

อมงฺคลนิสาหนฺตา, มงฺคลภานุภสฺสโร;

มงฺคลาโลกวิกิณฺโณ, พุทฺธํ ตํ ปณมามฺยหํ.๒๐.

พาหุสจฺโจ พุชฺฌนโก, ธมฺมจกฺขุอุปฺปาทโก;

ติภวมงฺคลงฺการี, พุทฺธํ ตํ ปณมามฺยหํ.๒๑.

มหาวตฺตา ปวตฺตา จ, อตฺถสฺส นินฺเนตา ปภู;

อมตสฺส ทาตา วิญฺญู, พุทฺธํ ตํ ปณมามฺยหํ.๒๒.

ทิวา ตปติ อาทิจฺโจ, รตฺตึ ทิปฺปติ จนฺทิมา;

รตฺตึทิวํ ตปิ นาโถ, พุทฺธํ ตํ ปณมามฺยหํ.๒๓.

สนฺนทฺโธ ขตฺติโย ตปติ, ฌายี ตปติ พฺราหฺมโณ;

นิรนฺตรํ ตปิ นาโถ, พุทฺธํ ตํ ปณมามฺยหํ.๒๔.

ทุกฺขโทมนสฺสนาสี, โสกปริเทวกฺขโย;

ชาติมจฺจุชราติโค, พุทฺธํ ตํ ปณมามฺยหํ.๒๕.

ยถาวาที ตถาการี, ตถวาที ตถาคโต;

ยถาการี ตถาวาที, พุทฺธํ ตํ ปณมามฺยหํ.๒๖.

ภคฺคราโค ภคฺคโทโส, ภคฺคโมโห โส ภควา;

ภคฺคมาโน ภคฺคมาโย, พุทฺธํ ตํ ปณมามฺยหํ.๒๗.

ภคฺคกาโม ภคฺคโกโธ, ภคฺคโกโป ภคฺคกุโห;

ภคฺคกสาโว ภคฺคินฺโธ, พุทฺธํ ตํ ปณมามฺยหํ.๒๘.

ภคฺคชาติ ภคฺคมจฺจู, ภคฺคโลโก ภคฺคภโว;

ภคฺคสํสาโร ภคฺโคโฆ, พุทฺธํ ตํ ปณมามฺยหํ.๒๙.

โภคภคฺโค โสกภคฺโค, โรคภคฺโค ภคฺครโช;

สูลภคฺโค สลฺลภคฺโค, พุทฺธํ ตํ ปณมามฺยหํ.๓๐.

อาสาภคฺโค อิสฺสาภคฺโค, เอชาภคฺโค ภคฺคชฏา;

ฉนฺทภคฺโค พนฺธภคฺโค, พุทฺธํ ตํ ปณมามฺยหํ.๓๑.

วีตราโค วีตโทโส, วีตโมโห วีตาสโว;

วีตกาโม วีตโกโธ, พุทฺธํ ตํ ปณมามฺยหํ.๓๒.

วีตปาโป วีตปุญฺโญ, วีตภาโร วีตมโล;

วีตวิกาโร วีตินฺโธ, พุทฺธํ ตํ ปณมามฺยหํ.๓๓.

วนฺตราโค วนฺตโทโส, วนฺตโมโห วนฺตมโล;

วนฺตกสาโว วนฺตีโฆ, พุทฺธํ ตํ ปณมามฺยหํ.๓๔.

วนฺตราโค วนฺตโทโส, วนฺตโมโห วนฺตมโล;

วนฺตกสาโว วนฺตีโฆ, พุทฺธํ ตํ ปณมามฺยหํ.๓๕.

สคฺคุรุ ติโลกคุรุ, สพฺพสตฺตานมคฺคคุรู;

เนตาเรสุ มหาเนตา, พุทฺธํ ตํ ปณมามฺยหํ.๓๖.

มหาคุรุ นรคุรุ, เทวคุรุ คุรุตฺตโม!

เชฏฺฐคุรุ เสฏฺฐคุรุ, พุทฺธํ ตํ ปณมามฺยหํ.๓๗.

วิสฺสคุรุ โลกคุรุ, ธมฺมคุรุ คุรูตฺตโม;

นตฺถิ เอตาทิโส คุรุ, พุทฺธํ ตํ ปณมามฺยหํ.๓๘.

มหาสตฺถา มหาโสตฺถิ, มหามิตฺโต มหาสขา;

มหากลฺยาณมิตฺโต โย, พุทฺธํ ตํ ปณมามฺยหํ.๓๙.

มหาปญฺโญ มหาวิญฺญู, มหาวิทฺวา มหาวิทู;

มหาเมธาวี สุเมโธ, พุทฺธํ ตํ ปณมามฺยหํ.๔๐.

มหาสุทฺโธ มหาภทฺโท, มหาทโย มหาสโย;

มหาทิพฺโพ มหาภพฺโพ, พุทฺธํ ตํ ปณมามฺยหํ.๔๑.

มหาวีโร มหาธีโร, มหาสูโร มหพฺพโล;

มหามารจมู มทฺทิ, พุทฺธํ ตํ ปณมามฺยหํ.๔๒.

มหาเชฏฺโฐ มหาเสฏฺโฐ, มหคฺโค มหานายโก;

มหาเฉโก มหาทกฺโข, พุทฺธํ ตํ ปณมามฺยหํ.๔๓.

มหาพฺยตฺโต มหาญาโต, มหาขฺยาโต มหายสี;

มหิทฺโธ มหาวิขฺยาโต, พุทฺธํ ตํ ปณมามฺยหํ.๔๔.

มหาตุฏฺโฐ มหาหฏฺโฐ, มหาชโว มหาชโย;

มหาสนฺตุฏฺโฐ วิสิฏฺโฐ, พุทฺธํ ตํ ปณมามฺยหํ.๔๕.

มหานาโถ มหาสามี, มหาปภู มหาวิภู;

มหิสฺสโร โพธิสฺสโร, พุทฺธํ ตํ ปณมามฺยหํ.๔๖.

มหาวณฺโณ มหากนฺโต, มโนปิโย มนาปิโก;

มหาโสภโน มนุญฺโญ, พุทฺธํ ตํ ปณมามฺยหํ.๔๗.

มหาฌายี มหาญาณี, มหาธีมา มหาสุธี;

มหาวิภาวี เมธาวี, พุทฺธํ ตํ ปณมามฺยหํ.๔๘.

มหาขนฺตี จ ติติกฺโข, มหานิกฺกงฺโข ธมฺมคู;

มหาสํยโต สํวุโต, พุทฺธํ ตํ ปณมามฺยหํ.๔๙.

มหาโถมิโต ปูชิโต, มหามานิโต วนฺทิโต;

มหาภิวาทิโต ภิยฺโย, พุทฺธํ ตํ ปณมามฺยหํ.๕๐.

มหตตฺโถ มหตฺถิโก, มหนฺตตฺโถ มหตฺตโร;

มหนฺโต มหตฺตปฺปตฺโต, พุทฺธํ ตํ ปณมามฺยหํ.๕๑.

มหาลาภี มหาการี, มหาทายี มหาธนี;

มหาวิชฺโช มหาปุชฺโช, พุทฺธํ ตํ ปณมามฺยหํ.๕๒.

มหาพุทฺธิ มหาพุธา, มหาปโพธิปุงฺคโว;

มหาภวณฺณวํ ติณฺโณ, พุทฺธํ ตํ ปณมามฺยหํ.๕๓.

มหานาโค มหาภาโค, มหาพาโห มหิทฺธิโก;

มหาโยโธ มหคฺคโต, พุทฺธํ ตํ ปณมามฺยหํ.๕๔.

มหาทนฺโต มหาสนฺโต, มหาคณี มหาคุณี;

มหาสนฺติปทายโก, พุทฺธํ ตํ ปณมามฺยหํ.๕๕.

มหาสีโล มหาจิตฺโต, มหาพุโธ มเหสิโน;

มหาโมโหทธึ ติณฺโณ, พุทฺธํ ตํ ปณมามฺยหํ.๕๖.

มหาตปสฺสี ธมฺเมสี, มหายสสฺสี นายโก;

มหาปตาปี เตชสฺสี, พุทฺธํ ตํ ปณมามฺยหํ.๕๗.

มหาอาโภ มหาปโภ, โมหนฺธการภินฺทโก;

ญาณปทีปํ ทีเปสิ, พุทฺธํ ตํ ปณมามฺยหํ.๕๘.

มหาปสฺสทฺธิทายโก, มุนิราชา มุนิสฺสโร;

สนฺติทโท สุขทโท, พุทฺธํ ตํ ปณมามฺยหํ.๕๙.

มหานีวรณา’ตีโต, มหาโมหสมูหโต;

มโหฆติณฺโณ โมกฺขโก, พุทฺธํ ตํ ปณมามฺยหํ.๖๐.

มหาภโวปธิจตฺโต, โลภโทสวินาสโก;

มหาริปุํ นิมทฺเทสิ, พุทฺธํ ตํ ปณมามฺยหํ.๖๑.

มหา’ภิญฺญาพลปฺปตฺโต, มหามญฺญิตนาสโก;

มหาสทฺธมํ นิทฺทิสิ, พุทฺธํ ตํ ปณมามฺยหํ.๖๒.

อโหรตฺตึ สทาสุทฺโธ, มหาโลกคฺคนายโก;

สมตฺตวิสฺสวิสฺสุโต, พุทฺธํ ตํ ปณมามฺยหํ.๖๓.

มหาอวิชฺชาอุจฺฉินฺโน, มหาอาสตฺติริญฺจโก;

มหาชฏา วิชเฏสิ, พุทฺธํ ตํ ปณมามฺยหํ.๖๔.

มหาสูลวิวตฺตโก, มหาสลฺลวิโนทโน;

มหาสวํ พฺยนฺติกโร, พุทฺธํ ตํ ปณมามฺยหํ.๖๕.

มหาปรกฺกมี สูโร, สพฺพถา อปราชโย;

อจฺจนฺตอภโย วีโร, พุทฺธํ ตํ ปณมามฺยหํ.๖๖.

มหาตณฺหาวีติวตฺโต, มหาโสกปนูทโน;

มหาทุกฺขมติกฺกนฺโต, พุทฺธํ ตํ ปณมามฺยหํ.๖๗.

มหามานมติกฺกโม, มารเสนนิมฺมทฺทโน;

กมฺมเกฺลสํ นิชฺชเรสิ, พุทฺธํ ตํ ปณมามฺยหํ.๖๘.

มหาภโวทธิตฺติณฺโณ, ปาปณฺณวปารงฺคโต;

มหาสํสรณาติโค, พุทฺธํ ตํ ปณมามฺยหํ.๖๙.

มหาสํโยชนาตีโต, มหาวฏฺฏวินาสโก;

มหาสํสาโรฆติณฺโณ, พุทฺธํ ตํ ปณมามฺยหํ.๗๐.

มหาราควิรญฺชโก, มหาโทสนิมฺมทฺทโก;

มหาโสตํ วิโสเสสิ, พุทฺธํ ตํ ปณมามฺยหํ.๗๑.

มหาเมตฺตาวิหารี โย, มหาปุญฺโญ มหารโห;

มหากรุณาสาคโร, พุทฺธํ ตํ ปณมามฺยหํ.๗๒.

มหาภวสินฺธุลงฺฆี, ภวมุตฺโต ภวนฺตคู;

โสกสูลสมุจฺฉินฺโน, พุทฺธํ ตํ ปณมามฺยหํ.๗๓.