౪. సఙ్గహితవారో

౧౯౬. మేథునం ధమ్మం పటిసేవనపచ్చయా ఆపత్తియో సత్తన్నం ఆపత్తిక్ఖన్ధానం కతిహి ఆపత్తిక్ఖన్ధేహి సఙ్గహితా? మేథునం ధమ్మం పటిసేవనపచ్చయా ఆపత్తియో సత్తన్నం ఆపత్తిక్ఖన్ధానం చతూహి ఆపత్తిక్ఖన్ధేహి సఙ్గహితా – సియా పారాజికాపత్తిక్ఖన్ధేన, సియా థుల్లచ్చయాపత్తిక్ఖన్ధేన, సియా పాచిత్తియాపత్తిక్ఖన్ధేన, సియా దుక్కటాపత్తిక్ఖన్ధేన…పే….

అనాదరియం పటిచ్చ ఉదకే ఉచ్చారం వా పస్సావం వా ఖేళం వా కరణపచ్చయా ఆపత్తి సత్తన్నం ఆపత్తిక్ఖన్ధానం కతిహి ఆపత్తిక్ఖన్ధేహి సఙ్గహితా? అనాదరియం పటిచ్చ ఉదకే ఉచ్చారం వా పస్సావం వా ఖేళం వా కరణపచ్చయా ఆపత్తి సత్తన్నం ఆపత్తిక్ఖన్ధానం ఏకేన ఆపత్తిక్ఖన్ధేన సఙ్గహితా – దుక్కటాపత్తిక్ఖన్ధేన.

సఙ్గహితవారో నిట్ఠితో చతుత్థో.