౧౩౮. గన్తబ్బవారో

౨౩౨. గన్తబ్బో, భిక్ఖవే, తదహు పవారణాయ సభిక్ఖుకా ఆవాసా సభిక్ఖుకో ఆవాసో, యత్థస్సు భిక్ఖూ సమానసంవాసకా, యం జఞ్ఞా ‘‘సక్కోమి అజ్జేవ గన్తు’’న్తి. గన్తబ్బో, భిక్ఖవే, తదహు పవారణాయ సభిక్ఖుకా ఆవాసా సభిక్ఖుకో అనావాసో…పే… సభిక్ఖుకో ఆవాసో వా అనావాసో వా, యత్థస్సు భిక్ఖూ సమానసంవాసకా, యం జఞ్ఞా ‘‘సక్కోమి అజ్జేవ గన్తు’’న్తి.

గన్తబ్బో, భిక్ఖవే, తదహు పవారణాయ సభిక్ఖుకా అనావాసా సభిక్ఖుకో ఆవాసో…పే… సభిక్ఖుకో అనావాసో…పే… సభిక్ఖుకో ఆవాసో వా అనావాసో వా, యత్థస్సు భిక్ఖూ సమానసంవాసకా, యం జఞ్ఞా ‘‘సక్కోమి అజ్జేవ గన్తు’’న్తి.

గన్తబ్బో, భిక్ఖవే, తదహు పవారణాయ సభిక్ఖుకా ఆవాసా వా అనావాసా వా సభిక్ఖుకో

ఆవాసో…పే… సభిక్ఖుకో అనావాసో…పే… సభిక్ఖుకో ఆవాసో వా అనావాసో వా, యత్థస్సు భిక్ఖూ సమానసంవాసకా, యం జఞ్ఞా ‘‘సక్కోమి అజ్జేవ గన్తు’’న్తి.

గన్తబ్బవారో నిట్ఠితో.