౨. దుతియగమనాదివగ్గవణ్ణనా

౨౨౪-౩౦౧. దుక్ఖవసేన వుత్తన్తి ‘‘ఇతి ఖో, భిక్ఖవే, దుక్ఖే సతి దుక్ఖం ఉపాదాయా’’తిఆదిదుక్ఖవసేన వుత్తం. తాదిసమేవ దుతియం వేయ్యాకరణగమనం. తేనాహ ‘‘తత్రాపి అట్ఠారసేవ వేయ్యాకరణానీ’’తి. తేహీతి ‘‘రూపీ అత్తా హోతీ’’తిఆదినయపవత్తేహి వేయ్యాకరణేహి సద్ధిం. తన్తి దుతియం గమనం.

ఆరమ్మణమేవాతి కసిణసఙ్ఖాతం ఆరమ్మణమేవ. తక్కిసద్దేన సుద్ధతక్కికానం గహణం దట్ఠబ్బం.

అనిచ్చదుక్ఖవసేనాతి ‘‘యదనిచ్చం, తం దుక్ఖం, తస్మిం సతి తదుపాదాయ ఏవం దిట్ఠి ఉప్పజ్జతీ’’తి వుత్తఅనిచ్చదుక్ఖవసేనాతి. తేహియేవాతి దుతియే పేయ్యాలే వుత్తప్పకారేహియేవ. తిపరివట్టవసేనాతి తేహియేవ ఛబ్బీసతియా సుత్తేహి చతుత్థపేయ్యాలే తిపరివట్టవసేన వుత్తోతి యోజనా.

దుతియగమనాదివగ్గవణ్ణనా నిట్ఠితా.

సారత్థప్పకాసినియా సంయుత్తనికాయ-అట్ఠకథాయ

దిట్ఠిసంయుత్తవణ్ణనాయ లీనత్థప్పకాసనా సమత్తా.