౩. పఞ్హపుచ్ఛకవణ్ణనా

౪౨౭. పఞ్హపుచ్ఛకే యం వుత్తం ‘‘వీరియజేట్ఠికాయ పన అఞ్ఞస్స వీరియస్స అభావా న వత్తబ్బాని మగ్గాధిపతీనీతి వా న మగ్గాధిపతీనీతి వా’’తి, ఏత్థ ‘‘మగ్గాధిపతీనీ’’తి న వత్తబ్బతాయ ఏవ అఞ్ఞస్స వీరియస్స అభావో కారణన్తి దట్ఠబ్బం. ఛన్దస్స పన చిత్తస్స వా నమగ్గభూతస్స అధిపతినో తదా అభావా ‘‘న మగ్గాధిపతీనీ’’తి న వత్తబ్బానీతి వుత్తం. ఛన్దచిత్తానం వియ నమగ్గభూతస్స అఞ్ఞస్స వీరియాధిపతినో అభావాతి వా అధిప్పాయో. సమ్మప్పధానానం తదా మగ్గసఙ్ఖాతఅధిపతిభావతో వా ‘‘న మగ్గాధిపతీనీ’’తి నవత్తబ్బతా వుత్తాతి వేదితబ్బా.

పఞ్హపుచ్ఛకవణ్ణనా నిట్ఠితా.

సమ్మప్పధానవిభఙ్గవణ్ణనా నిట్ఠితా.