౯. ధాతుసుత్తం

౩౨౦. సావత్థినిదానం. ‘‘యో ఖో, భిక్ఖవే, పథవీధాతుయా ఉప్పాదో ఠితి అభినిబ్బత్తి పాతుభావో…పే… జరామరణస్స పాతుభావో; యో ఆపోధాతుయా… యో తేజోధాతుయా… యో వాయోధాతుయా… యో ఆకాసధాతుయా… యో విఞ్ఞాణధాతుయా ఉప్పాదో ఠితి అభినిబ్బత్తి పాతుభావో, దుక్ఖస్సేసో ఉప్పాదో, రోగానం ఠితి, జరామరణస్స పాతుభావో. యో చ ఖో, భిక్ఖవే, పథవీధాతుయా నిరోధో…పే… జరామరణస్స అత్థఙ్గమో; యో ఆపోధాతుయా నిరోధో… యో తేజోధాతుయా నిరోధో… యో వాయోధాతుయా నిరోధో… యో ఆకాసధాతుయా నిరోధో… యో విఞ్ఞాణధాతుయా నిరోధో వూపసమో అత్థఙ్గమో, దుక్ఖస్సేసో నిరోధో, రోగానం వూపసమో, జరామరణస్స అత్థఙ్గమో’’తి. నవమం.