౧౮. సమాపత్తిమూలకసాతచ్చసుత్తం

౬౭౯. సావత్థినిదానం. ‘‘చత్తారోమే, భిక్ఖవే, ఝాయీ. కతమే చత్తారో? ఇధ, భిక్ఖవే, ఏకచ్చో ఝాయీ సమాధిస్మిం సమాపత్తికుసలో హోతి, న సమాధిస్మిం సాతచ్చకారీ. ఇధ పన, భిక్ఖవే, ఏకచ్చో ఝాయీ సమాధిస్మిం సాతచ్చకారీ హోతి, న సమాధిస్మిం సమాపత్తికుసలో. ఇధ పన, భిక్ఖవే, ఏకచ్చో ఝాయీ నేవ సమాధిస్మిం సమాపత్తికుసలో హోతి, న చ సమాధిస్మిం సాతచ్చకారీ. ఇధ పన, భిక్ఖవే, ఏకచ్చో ఝాయీ సమాధిస్మిం సమాపత్తికుసలో చ హోతి, సమాధిస్మిం సాతచ్చకారీ చ. తత్ర…పే… పవరో చా’’తి. అట్ఠారసమం.