౧౧. సమాపత్తిమూలకఠితిసుత్తం

౬౭౨. సావత్థినిదానం. ‘‘చత్తారోమే, భిక్ఖవే, ఝాయీ. కతమే చత్తారో? ఇధ, భిక్ఖవే, ఏకచ్చో ఝాయీ సమాధిస్మిం సమాపత్తికుసలో హోతి, న సమాధిస్మిం ఠితికుసలో. ఇధ పన, భిక్ఖవే, ఏకచ్చో ఝాయీ సమాధిస్మిం ఠితికుసలో హోతి, న సమాధిస్మిం సమాపత్తికుసలో. ఇధ పన, భిక్ఖవే, ఏకచ్చో ఝాయీ నేవ సమాధిస్మిం సమాపత్తికుసలో హోతి, న చ సమాధిస్మిం ఠితికుసలో. ఇధ పన, భిక్ఖవే, ఏకచ్చో ఝాయీ సమాధిస్మిం సమాపత్తికుసలో చ హోతి, సమాధిస్మిం ఠితికుసలో చ. తత్ర, భిక్ఖవే, య్వాయం ఝాయీ సమాధిస్మిం సమాపత్తికుసలో చ హోతి, సమాధిస్మిం ఠితికుసలో చ అయం ఇమేసం చతున్నం ఝాయీనం అగ్గో చ సేట్ఠో చ మోక్ఖో చ ఉత్తమో చ పవరో చ. సేయ్యథాపి, భిక్ఖవే, గవా ఖీరం…పే… పవరో చా’’తి. ఏకాదసమం.