౧. కుక్కుళసుత్తం

౧౩౬. సావత్థినిదానం. ‘‘రూపం, భిక్ఖవే, కుక్కుళం, వేదనా కుక్కుళా, సఞ్ఞా కుక్కుళా, సఙ్ఖారా కుక్కుళా, విఞ్ఞాణం కుక్కుళం. ఏవం పస్సం, భిక్ఖవే, సుతవా అరియసావకో రూపస్మిమ్పి నిబ్బిన్దతి, వేదనాయపి నిబ్బిన్దతి, సఞ్ఞాయపి నిబ్బిన్దతి, సఙ్ఖారేసుపి నిబ్బిన్దతి, విఞ్ఞాణస్మిమ్పి నిబ్బిన్దతి. నిబ్బిన్దం విరజ్జతి; విరాగా విముచ్చతి. విముత్తస్మిం విముత్తమితి ఞాణం హోతి. ‘ఖీణా జాతి, వుసితం బ్రహ్మచరియం, కతం కరణీయం, నాపరం ఇత్థత్తాయా’తి పజానాతీ’’తి. పఠమం.