౨౮౦. పుటదూసకజాతకం (౩-౩-౧౦)

౮౮. అద్ధా హి నూన మిగరాజా, పుటకమ్మస్స కోవిదో;

తథా హి పుటం దూసేతి, అఞ్ఞం నూన కరిస్సతి.

౮౯. న మే మాతా వా పితా వా, పుటకమ్మస్స కోవిదో;

కతం కతం ఖో దూసేమ, ఏవం ధమ్మమిదం కులం.

౯౦. యేసం వో ఏదిసో ధమ్మో, అధమ్మో పన కీదిసో;

మా వో ధమ్మం అధమ్మం వా, అద్దసామ కుదాచనన్తి.

పుటదూసకజాతకం దసమం.

ఉదపానవగ్గో [అరఞ్ఞవగ్గో (సీ. పీ. క.)] తతియో.

తస్సుద్దానం –

ఉదపానవరం వనబ్యగ్ఘ కపి, సిఖినీ చ బలాక రుచిరవరో;

సుజనాధిపరోమకదూస పున, సతపత్తవరో పుటకమ్మ దసాతి.