౭. గిరినేలపూజకత్థేరఅపదానం

౪౨. ‘‘మిగలుద్దో పురే ఆసిం, విపినే విచరం అహం;

అద్దసం విరజం బుద్ధం, సబ్బధమ్మాన పారగుం.

౪౩. ‘‘తస్మిం మహాకారుణికే, సబ్బసత్తహితే రతే;

పసన్నచిత్తో సుమనో, నేలపుప్ఫమపూజయిం.

౪౪. ‘‘ఏకతింసే ఇతో కప్పే, యం పుప్ఫమభిపూజయిం;

దుగ్గతిం నాభిజానామి, బుద్ధపూజాయిదం ఫలం.

౪౫. ‘‘కిలేసా ఝాపితా మయ్హం…పే… విహరామి అనాసవో.

౪౬. ‘‘స్వాగతం వత మే ఆసి…పే… కతం బుద్ధస్స సాసనం.

౪౭. ‘‘పటిసమ్భిదా చతస్సో…పే… కతం బుద్ధస్స సాసనం’’.

ఇత్థం సుదం ఆయస్మా గిరినేలపూజకో థేరో ఇమా గాథాయో

అభాసిత్థాతి.

గిరినేలపూజకత్థేరస్సాపదానం సత్తమం.