౯. తాలఫలదాయకత్థేరఅపదానం

౮౫. ‘‘సతరంసీ నామ భగవా, సయమ్భూ అపరాజితో;

వివేకా వుట్ఠహిత్వాన, గోచరాయాభినిక్ఖమి.

౮౬. ‘‘ఫలహత్థో అహం దిస్వా, ఉపగచ్ఛిం నరాసభం;

పసన్నచిత్తో సుమనో, తాలఫలం అదాసహం.

౮౭. ‘‘చతున్నవుతితో కప్పే, యం ఫలం అదదిం తదా;

దుగ్గతిం నాభిజానామి, ఫలదానస్సిదం ఫలం.

౮౮. ‘‘కిలేసా ఝాపితా మయ్హం…పే… విహరామి అనాసవో.

౮౯. ‘‘స్వాగతం వత మే ఆసి…పే… కతం బుద్ధస్స సాసనం.

౯౦. ‘‘పటిసమ్భిదా చతస్సో…పే… కతం బుద్ధస్స సాసనం’’.

ఇత్థం సుదం ఆయస్మా తాలఫలదాయకో థేరో ఇమా గాథాయో

అభాసిత్థాతి.

తాలఫలదాయకత్థేరస్సాపదానం నవమం.