౪. సుమనబీజనియత్థేరఅపదానం

౪౬. ‘‘విపస్సినో భగవతో, బోధియా పాదపుత్తమే;

సుమనో బీజనిం గయ్హ, అబీజిం బోధిముత్తమం.

౪౭. ‘‘ఏకనవుతితో కప్పే, అబీజిం బోధిముత్తమం;

దుగ్గతిం నాభిజానామి, బీజనాయ ఇదం ఫలం.

౪౮. ‘‘కిలేసా ఝాపితా మయ్హం…పే… విహరామి అనాసవో.

౪౯. ‘‘స్వాగతం వత మే ఆసి…పే… కతం బుద్ధస్స సాసనం.

౫౦. ‘‘పటిసమ్భిదా చతస్సో…పే… కతం బుద్ధస్స సాసనం’’.

ఇత్థం సుదం ఆయస్మా సుమనబీజనియో థేరో ఇమా గాథాయో

అభాసిత్థాతి.

సుమనబీజనియత్థేరస్సాపదానం చతుత్థం.