౬. వనకోరణ్డియత్థేరఅపదానం

౩౨. ‘‘సిద్ధత్థస్స భగవతో, లోకజేట్ఠస్స తాదినో;

వనకోరణ్డమాదాయ, బుద్ధస్స అభిరోపయిం.

౩౩. ‘‘చతున్నవుతితో కప్పే, యం పుప్ఫమభిరోపయిం;

దుగ్గతిం నాభిజానామి, బుద్ధపూజాయిదం ఫలం.

౩౪. ‘‘కిలేసా ఝాపితా మయ్హం…పే… విహరామి అనాసవో.

౩౫. ‘‘స్వాగతం వత మే ఆసి…పే… కతం బుద్ధస్స సాసనం.

౩౬. ‘‘పటిసమ్భిదా చతస్సో…పే… కతం బుద్ధస్స సాసనం’’.

ఇత్థం సుదం ఆయస్మా వనకోరణ్డియో థేరో ఇమా గాథాయో

అభాసిత్థాతి.

వనకోరణ్డియత్థేరస్సాపదానం ఛట్ఠం.

వీసతిమం భాణవారం.