౬. అమ్బాటకియత్థేరఅపదానం

౩౬. ‘‘సుపుప్ఫితం సాలవనం, ఓగయ్హ వేస్సభూ ముని;

నిసీది గిరిదుగ్గేసు, అభిజాతోవ కేసరీ.

౩౭. ‘‘పసన్నచిత్తో సుమనో, అమ్బాటకమపూజయిం;

పుఞ్ఞక్ఖేత్తం అనుత్తరం [మహావీరం (సీ. స్యా.)], పసన్నో సేహి పాణిభి.

౩౮. ‘‘ఏకతింసే ఇతో కప్పే, యం పుప్ఫమభిరోపయిం;

దుగ్గతి నాభిజానామి, బుద్ధపూజాయిదం ఫలం.

౩౯. ‘‘కిలేసా ఝాపితా మయ్హం…పే… విహరామి అనాసవో.

౪౦. ‘‘స్వాగతం వత మే ఆసి…పే… కతం బుద్ధస్స సాసనం.

౪౧. ‘‘పటిసమ్భిదా చతస్సో…పే… కతం బుద్ధస్స సాసనం’’.

ఇత్థం సుదం ఆయస్మా అమ్బాటకియో థేరో ఇమా గాథాయో

అభాసిత్థాతి.

అమ్బాటకియత్థేరస్సాపదానం ఛట్ఠం.