౮. సళలమణ్డపియత్థేరఅపదానం

౪౪౯. ‘‘నిబ్బుతే కకుసన్ధమ్హి, బ్రాహ్మణమ్హి వుసీమతి;

గహేత్వా సళలం మాలం, మణ్డపం కారయిం అహం.

౪౫౦. ‘‘తావతింసగతో సన్తో, లభామి బ్యమ్హముత్తమం;

అఞ్ఞే దేవేతిరోచామి, పుఞ్ఞకమ్మస్సిదం ఫలం.

౪౫౧. ‘‘దివా వా యది వా రత్తిం, చఙ్కమన్తో ఠితో చహం;

ఛన్నో సళలపుప్ఫేహి, పుఞ్ఞకమ్మస్సిదం ఫలం.

౪౫౨. ‘‘ఇమస్మింయేవ కప్పమ్హి, యం బుద్ధమభిపూజయిం;

దుగ్గతిం నాభిజానామి, బుద్ధపూజాయిదం ఫలం.

౪౫౩. ‘‘కిలేసా ఝాపితా మయ్హం…పే… విహరామి అనాసవో.

౪౫౪. ‘‘స్వాగతం వత మే ఆసి…పే… కతం బుద్ధస్స సాసనం.

౪౫౫. ‘‘పటిసమ్భిదా చతస్సో…పే… కతం బుద్ధస్స సాసనం’’.

ఇత్థం సుదం ఆయస్మా సళలమణ్డపియో థేరో ఇమా గాథాయో అభాసిత్థాతి.

సళలమణ్డపియత్థేరస్సాపదానం అట్ఠమం.