౪. సకోసకకోరణ్డదాయకత్థేరఅపదానం

౧౪. ‘‘అక్కన్తఞ్చ పదం దిస్వా, సిఖినో లోకబన్ధునో;

ఏకంసం అజినం కత్వా, పదసేట్ఠం అవన్దహం.

౧౫. ‘‘కోరణ్డం పుప్ఫితం దిస్వా, పాదపం ధరణీరుహం;

సకోసకం [సకోటకం (సీ. స్యా.)] గహేత్వాన, పదచక్కం అపూజయిం.

౧౬. ‘‘ఏకత్తింసే ఇతో కప్పే, యం కమ్మమకరిం తదా;

దుగ్గతిం నాభిజానామి, పదపూజాయిదం ఫలం.

౧౭. ‘‘పటిసమ్భిదా చతస్సో…పే… కతం బుద్ధస్స సాసనం’’.

ఇత్థం సుదం ఆయస్మా సకోసక [సకోటక (సీ. స్యా.)] కోరణ్డదాయకో థేరో ఇమా గాథాయో అభాసిత్థాతి.

సకోసకకోరణ్డదాయకత్థేరస్సాపదానం చతుత్థం.