౧౦. పిణ్డపాతికత్థేరఅపదానం

౩౭. ‘‘తిస్సో నామాసి సమ్బుద్ధో, విహాసి విపినే తదా;

తుసితా హి ఇధాగన్త్వా, పిణ్డపాతం అదాసహం.

౩౮. ‘‘సమ్బుద్ధమభివాదేత్వా, తిస్సం నామ మహాయసం;

సకం చిత్తం పసాదేత్వా, తుసితం అగమాసహం.

౩౯. ‘‘ద్వేనవుతే ఇతో కప్పే, యం దానమదదిం తదా;

దుగ్గతిం నాభిజానామి, పిణ్డపాతస్సిదం ఫలం.

౪౦. ‘‘పటిసమ్భిదా చతస్సో…పే… కతం బుద్ధస్స సాసనం’’.

ఇత్థం సుదం ఆయస్మా పిణ్డపాతికో థేరో ఇమా గాథాయో అభాసిత్థాతి.

పిణ్డపాతికత్థేరస్సాపదానం దసమం.

సద్దసఞ్ఞకవగ్గో ఛత్తింసతిమో.