౯. బిమ్బిజాలియత్థేరఅపదానం

౩౦. ‘‘పదుముత్తరో నామ జినో, సయమ్భూ అగ్గపుగ్గలో;

చతుసచ్చం పకాసేతి, దీపేతి అమతం పదం.

౩౧. ‘‘బిమ్బిజాలకపుప్ఫాని [బిమ్బజాలకపుప్ఫాని (క.)], పుథు కత్వానహం తదా;

బుద్ధస్స అభిరోపేసిం, ద్విపదిన్దస్స తాదినో.

౩౨. ‘‘అట్ఠసట్ఠిమ్హితో కప్పే, చతురో కిఞ్జకేసరా;

సత్తరతనసమ్పన్నా, చక్కవత్తీ మహబ్బలా.

౩౩. ‘‘పటిసమ్భిదా చతస్సో…పే… కతం బుద్ధస్స సాసనం’’.

ఇత్థం సుదం ఆయస్మా బిమ్బిజాలియో థేరో ఇమా గాథాయో అభాసిత్థాతి.

బిమ్బిజాలియత్థేరస్సాపదానం నవమం.