౧౧. తికవగ్గో

౧. రాగసుత్తవణ్ణనా

౧౦౭. ఏకాదసమస్స పఠమే అసుభాతి అసుభకమ్మట్ఠానం. మేత్తాతి మేత్తాకమ్మట్ఠానం. పఞ్ఞాతి సహవిపస్సనా మగ్గపఞ్ఞా.

౬. అస్సాదసుత్తవణ్ణనా

౧౧౨. ఛట్ఠే అస్సాదదిట్ఠీతి సస్సతదిట్ఠి. అత్తానుదిట్ఠీతి అత్తానం అనుగతా వీసతివత్థుకా సక్కాయదిట్ఠి. మిచ్ఛాదిట్ఠీతి ద్వాసట్ఠివిధాపి దిట్ఠి. సమ్మాదిట్ఠీతి మగ్గసమ్మాదిట్ఠి, నత్థి దిన్నన్తిఆదికా వా మిచ్ఛాదిట్ఠి, కమ్మస్సకతఞాణం సమ్మాదిట్ఠి.

౭. అరతిసుత్తవణ్ణనా

౧౧౩. సత్తమే అధమ్మచరియాతి దస అకుసలకమ్మపథా.

౧౦. ఉద్ధచ్చసుత్తవణ్ణనా

౧౧౬. దసమే అసంవరోతి అనధివాసకభావో. సేసం సబ్బత్థ ఉత్తానమేవాతి.

తికవగ్గో ఏకాదసమో.