౪. అదన్తవగ్గవణ్ణనా

౩౧. చతుత్థస్స పఠమే అదన్తన్తి సవిసేవనం అదన్తహత్థిఅస్సాదిసదిసం. చిత్తన్తి వట్టవసేన ఉప్పన్నచిత్తమేవ.

౩౨. దుతియే దన్తన్తి నిబ్బిసేవనం దన్తహత్థిఅస్సాదిసదిసం. ఇమస్మిమ్పి సుత్తద్వయే వట్టవివట్టవసేన ఉప్పన్నచిత్తమేవ కథితం. యథా చేత్థ, ఏవం ఇతో పరేసుపీతి.

౩౩. తతియే అగుత్తన్తి అగోపితం సతిసంవరరహితం అగుత్తహత్థిఅస్సాదిసదిసం.

౩౪. చతుత్థే గుత్తన్తి గోపితం అవిస్సట్ఠసతిసంవరం గుత్తహత్థిఅస్సాదిసదిసం.

౩౫-౩౬. పఞ్చమఛట్ఠాని అరక్ఖితం రక్ఖితన్తి పదవసేన బుజ్ఝనకానం అజ్ఝాసయేన వుత్తాని. అత్థో పనేత్థ పురిమసదిసోయేవ.

౩౭-౩౮. సత్తమట్ఠమేసుపి ఏసేవ నయో. ఉపమా పనేత్థ అసంవుతఘరద్వారాదివసేన వేదితబ్బా.

౩౯-౪౦. నవమదసమాని చతూహిపి పదేహి యోజేత్వా వుత్తాని. ఇమస్మిమ్పి వగ్గే వట్టవివట్టమేవ కథితన్తి.

అదన్తవగ్గవణ్ణనా.