(౬) అతీతానాగతవారో
(క) అనులోమపుగ్గలో
౬౯. (క) యస్స కాయసఙ్ఖారో ఉప్పజ్జిత్థ తస్స వచీసఙ్ఖారో ఉప్పజ్జిస్సతీతి?
పచ్ఛిమచిత్తసమఙ్గీనం యస్స చిత్తస్స అనన్తరా అవితక్కఅవిచారం పచ్ఛిమచిత్తం ఉప్పజ్జిస్సతి తేసం కాయసఙ్ఖారో ఉప్పజ్జిత్థ, నో చ తేసం వచీసఙ్ఖారో ఉప్పజ్జిస్సతి. ఇతరేసం తేసం కాయసఙ్ఖారో చ ఉప్పజ్జిత్థ వచీసఙ్ఖారో చ ఉప్పజ్జిస్సతి.
(ఖ) యస్స వా పన…పే…? ఆమన్తా.
(క) యస్స కాయసఙ్ఖారో ఉప్పజ్జిత్థ తస్స చిత్తసఙ్ఖారో ఉప్పజ్జిస్సతీతి?
పచ్ఛిమచిత్తసమఙ్గీనం తేసం కాయసఙ్ఖారో ఉప్పజ్జిత్థ, నో చ తేసం చిత్తసఙ్ఖారో ఉప్పజ్జిస్సతి. ఇతరేసం తేసం కాయసఙ్ఖారో చ ఉప్పజ్జిత్థ చిత్తసఙ్ఖారో చ ఉప్పజ్జిస్సతి.
(ఖ) యస్స వా పన…పే…. ఆమన్తా.
౭౦. (క) యస్స వచీసఙ్ఖారో ఉప్పజ్జిత్థ తస్స చిత్తసఙ్ఖారో ఉప్పజ్జిస్సతీతి?
పచ్ఛిమచిత్తసమఙ్గీనం తేసం వచీసఙ్ఖారో ఉప్పజ్జిత్థ, నో చ తేసం చిత్తసఙ్ఖారో ఉప్పజ్జిస్సతి. ఇతరేసం తేసం వచీసఙ్ఖారో చ ఉప్పజ్జిత్థ చిత్తసఙ్ఖారో చ ఉప్పజ్జిస్సతి.
(ఖ) యస్స వా పన…పే…? ఆమన్తా.
(ఖ) అనులోమఓకాసో
౭౧. యత్థ కాయసఙ్ఖారో ఉప్పజ్జిత్థ…పే….
(గ) అనులోమపుగ్గలోకాసా
౭౨. (క) యస్స యత్థ కాయసఙ్ఖారో ఉప్పజ్జిత్థ తస్స తత్థ వచీసఙ్ఖారో ఉప్పజ్జిస్సతీతి?
కామావచరే పచ్ఛిమచిత్తసమఙ్గీనం దుతియజ్ఝానం తతియజ్ఝానం సమాపన్నానం తేసం తత్థ కాయసఙ్ఖారో ఉప్పజ్జిత్థ, నో చ తేసం తత్థ వచీసఙ్ఖారో ఉప్పజ్జిస్సతి. పఠమజ్ఝానం సమాపన్నానం ఇతరేసం కామావచరానం తేసం తత్థ కాయసఙ్ఖారో చ ఉప్పజ్జిత్థ వచీసఙ్ఖారో చ ఉప్పజ్జిస్సతి.
(ఖ) యస్స వా పన యత్థ వచీసఙ్ఖారో ఉప్పజ్జిస్సతి తస్స తత్థ కాయసఙ్ఖారో ఉప్పజ్జిత్థాతి?
రూపావచరానం అరూపావచరానం తేసం తత్థ వచీసఙ్ఖారో ఉప్పజ్జిస్సతి, నో చ తేసం తత్థ కాయసఙ్ఖారో ఉప్పజ్జిత్థ. పఠమజ్ఝానం సమాపన్నానం కామావచరానం తేసం తత్థ వచీసఙ్ఖారో చ ఉప్పజ్జిస్సతి కాయసఙ్ఖారో చ ఉప్పజ్జిత్థ.
(క) యస్స యత్థ కాయసఙ్ఖారో ఉప్పజ్జిత్థ తస్స తత్థ చిత్తసఙ్ఖారో ఉప్పజ్జిస్సతీతి?
కామావచరే పచ్ఛిమచిత్తసమఙ్గీనం తేసం తత్థ కాయసఙ్ఖారో ఉప్పజ్జిత్థ, నో చ తేసం తత్థ చిత్తసఙ్ఖారో ఉప్పజ్జిస్సతి. పఠమజ్ఝానం దుతియజ్ఝానం తతియజ్ఝానం సమాపన్నానం ఇతరేసం కామావచరానం తేసం తత్థ కాయసఙ్ఖారో చ ఉప్పజ్జిత్థ చిత్తసఙ్ఖారో చ ఉప్పజ్జిస్సతి.
(ఖ) యస్స వా పన యత్థ చిత్తసఙ్ఖారో ఉప్పజ్జిస్సతి తస్స తత్థ కాయసఙ్ఖారో ఉప్పజ్జిత్థాతి?
చతుత్థజ్ఝానం సమాపన్నానం రూపావచరానం అరూపావచరానం తేసం తత్థ చిత్తసఙ్ఖారో ఉప్పజ్జిస్సతి, నో చ తేసం తత్థ కాయసఙ్ఖారో ఉప్పజ్జిత్థ. పఠమజ్ఝానం దుతియజ్ఝానం తతియజ్ఝానం సమాపన్నానం కామావచరానం తేసం తత్థ చిత్తసఙ్ఖారో చ ఉప్పజ్జిస్సతి కాయసఙ్ఖారో చ ఉప్పజ్జిత్థ.
౭౩. (క) యస్స యత్థ వచీసఙ్ఖారో ఉప్పజ్జిత్థ తస్స తత్థ చిత్తసఙ్ఖారో ఉప్పజ్జిస్సతీతి?
సవితక్కసవిచారభూమియం పచ్ఛిమచిత్తసమఙ్గీనం తేసం తత్థ వచీసఙ్ఖారో ఉప్పజ్జిత్థ, నో చ తేసం తత్థ చిత్తసఙ్ఖారో ఉప్పజ్జిస్సతి. ఇతరేసం సవితక్కసవిచారభూమియం తేసం తత్థ వచీసఙ్ఖారో చ ఉప్పజ్జిత్థ చిత్తసఙ్ఖారో చ ఉప్పజ్జిస్సతి.
(ఖ) యస్స వా పన యత్థ చిత్తసఙ్ఖారో ఉప్పజ్జిస్సతి తస్స తత్థ వచీసఙ్ఖారో ఉప్పజ్జిత్థాతి?
అవితక్కఅవిచారభూమియం తేసం తత్థ చిత్తసఙ్ఖారో ఉప్పజ్జిస్సతి, నో చ తేసం తత్థ వచీసఙ్ఖారో ఉప్పజ్జిత్థ. సవితక్కసవిచారభూమియం తేసం తత్థ చిత్తసఙ్ఖారో చ ఉప్పజ్జిస్సతి వచీసఙ్ఖారో చ ఉప్పజ్జిత్థ.
(ఘ) పచ్చనీకపుగ్గలో
౭౪. (క) యస్స కాయసఙ్ఖారో నుప్పజ్జిత్థ తస్స వచీసఙ్ఖారో నుప్పజ్జిస్సతీతి? నత్థి.
(ఖ) యస్స వా పన వచీసఙ్ఖారో నుప్పజ్జిస్సతి తస్స కాయసఙ్ఖారో నుప్పజ్జిత్థాతి? ఉప్పజ్జిత్థ.
(క) యస్స కాయసఙ్ఖారో నుప్పజ్జిత్థ తస్స చిత్తసఙ్ఖారో నుప్పజ్జిస్సతీతి? నత్థి.
(ఖ) యస్స వా పన చిత్తసఙ్ఖారో నుప్పజ్జిస్సతి తస్స కాయసఙ్ఖారో నుప్పజ్జిత్థాతి? ఉప్పజ్జిత్థ.
౭౫. (క) యస్స వచీసఙ్ఖారో నుప్పజ్జిత్థ తస్స చిత్తసఙ్ఖారో నుప్పజ్జిస్సతీతి? నత్థి.
(ఖ) యస్స వా పన చిత్తసఙ్ఖారో నుప్పజ్జిస్సతి తస్స వచీసఙ్ఖారో నుప్పజ్జిత్థాతి? ఉప్పజ్జిత్థ.
(ఙ) పచ్చనీకఓకాసో
౭౬. యత్థ కాయసఙ్ఖారో నుప్పజ్జిత్థ…పే….
(చ) పచ్చనీకపుగ్గలోకాసా
౭౭. (క) యస్స యత్థ కాయసఙ్ఖారో నుప్పజ్జిత్థ తస్స తత్థ వచీసఙ్ఖారో నుప్పజ్జిస్సతీతి?
రూపావచరానం అరూపావచరానం తేసం తత్థ కాయసఙ్ఖారో నుప్పజ్జిత్థ, నో చ తేసం తత్థ వచీసఙ్ఖారో నుప్పజ్జిస్సతి. రూపావచరే అరూపావచరే పచ్ఛిమచిత్తసమఙ్గీనం యస్స చిత్తస్స అనన్తరా అవితక్కఅవిచారం పచ్ఛిమచిత్తం ఉప్పజ్జిస్సతి చతుత్థజ్ఝానం సమాపన్నానం అసఞ్ఞసత్తానం తేసం తత్థ కాయసఙ్ఖారో చ నుప్పజ్జిత్థ వచీసఙ్ఖారో చ నుప్పజ్జిస్సతి.
(ఖ) యస్స వా పన యత్థ వచీసఙ్ఖారో నుప్పజ్జిస్సతి తస్స తత్థ కాయసఙ్ఖారో నుప్పజ్జిత్థాతి?
కామావచరే పచ్ఛిమచిత్తసమఙ్గీనం దుతియజ్ఝానం తతియజ్ఝానం సమాపన్నానం తేసం తత్థ వచీసఙ్ఖారో నుప్పజ్జిస్సతి, నో చ తేసం తత్థ కాయసఙ్ఖారో నుప్పజ్జిత్థ. రూపావచరే అరూపావచరే పచ్ఛిమచిత్తసమఙ్గీనం యస్స చిత్తస్స అనన్తరా అవితక్కఅవిచారం పచ్ఛిమచిత్తం ఉప్పజ్జిస్సతి చతుత్థజ్ఝానం సమాపన్నానం అసఞ్ఞసత్తానం తేసం తత్థ వచీసఙ్ఖారో చ నుప్పజ్జిస్సతి కాయసఙ్ఖారో చ నుప్పజ్జిత్థ.
(క) యస్స యత్థ కాయసఙ్ఖారో నుప్పజ్జిత్థ తస్స తత్థ చిత్తసఙ్ఖారో నుప్పజ్జిస్సతీతి?
చతుత్థజ్ఝానం సమాపన్నానం రూపావచరానం అరూపావచరానం తేసం తత్థ కాయసఙ్ఖారో నుప్పజ్జిత్థ, నో చ తేసం తత్థ చిత్తసఙ్ఖారో నుప్పజ్జిస్సతి. రూపావచరే అరూపావచరే పచ్ఛిమచిత్తసమఙ్గీనం అసఞ్ఞసత్తానం తేసం తత్థ కాయసఙ్ఖారో చ నుప్పజ్జిత్థ చిత్తసఙ్ఖారో చ నుప్పజ్జిస్సతి.
(ఖ) యస్స వా పన యత్థ చిత్తసఙ్ఖారో నుప్పజ్జిస్సతి తస్స తత్థ కాయసఙ్ఖారో నుప్పజ్జిత్థాతి?
కామావచరే పచ్ఛిమచిత్తసమఙ్గీనం తేసం తత్థ చిత్తసఙ్ఖారో నుప్పజ్జిస్సతి, నో చ తేసం తత్థ కాయసఙ్ఖారో నుప్పజ్జిత్థ. రూపావచరే అరూపావచరే పచ్ఛిమచిత్తసమఙ్గీనం అసఞ్ఞసత్తానం తేసం తత్థ చిత్తసఙ్ఖారో చ నుప్పజ్జిస్సతి కాయసఙ్ఖారో చ నుప్పజ్జిత్థ.
౭౮. (క) యస్స యత్థ వచీసఙ్ఖారో నుప్పజ్జిత్థ తస్స తత్థ చిత్తసఙ్ఖారో నుప్పజ్జిస్సతీతి?
అవితక్కఅవిచారభూమియం తేసం తత్థ వచీసఙ్ఖారో నుప్పజ్జిత్థ, నో చ తేసం తత్థ చిత్తసఙ్ఖారో నుప్పజ్జిస్సతి. అవితక్కఅవిచారభూమియం పచ్ఛిమచిత్తసమఙ్గీనం అసఞ్ఞసత్తానం తేసం తత్థ వచీసఙ్ఖారో చ నుప్పజ్జిత్థ చిత్తసఙ్ఖారో చ నుప్పజ్జిస్సతి.
(ఖ) యస్స వా పన యత్థ చిత్తసఙ్ఖారో నుప్పజ్జిస్సతి తస్స తత్థ వచీసఙ్ఖారో నుప్పజ్జిత్థాతి?
సవితక్కసవిచారభూమియం పచ్ఛిమచిత్తసమఙ్గీనం తేసం తత్థ చిత్తసఙ్ఖారో నుప్పజ్జిస్సతి, నో చ తేసం తత్థ వచీసఙ్ఖారో నుప్పజ్జిత్థ. అవితక్కఅవిచారభూమియం పచ్ఛిమచిత్తసమఙ్గీనం అసఞ్ఞసత్తానం తేసం తత్థ చిత్తసఙ్ఖారో చ నుప్పజ్జిస్సతి వచీసఙ్ఖారో చ నుప్పజ్జిత్థ.
ఉప్పాదవారో.