౪. పచ్చుప్పన్నాతీతవారో

౧౬౮. (క) యో దుక్ఖసచ్చం పరిజానాతి సో సముదయసచ్చం పజహిత్థాతి? నో.

(ఖ) యో వా పన సముదయసచ్చం పజహిత్థ సో దుక్ఖసచ్చం పరిజానాతీతి? నో.

(క) యో దుక్ఖసచ్చం న పరిజానాతి సో సముదయసచ్చం నప్పజహిత్థాతి?

అరహా దుక్ఖసచ్చం న పరిజానాతి, నో చ సముదయసచ్చం నప్పజహిత్థ. అగ్గమగ్గసమఙ్గిఞ్చ అరహన్తఞ్చ ఠపేత్వా అవసేసా పుగ్గలా దుక్ఖసచ్చఞ్చ న పరిజానన్తి సముదయసచ్చఞ్చ నప్పజహిత్థ.

(ఖ) యో వా పన సముదయసచ్చం నప్పజహిత్థ సో దుక్ఖసచ్చం న పరిజానాతీతి?

అగ్గమగ్గసమఙ్గీ సముదయసచ్చం నప్పజహిత్థ, నో చ దుక్ఖసచ్చం న పరిజానాతి. అగ్గమగ్గసమఙ్గిఞ్చ అరహన్తఞ్చ ఠపేత్వా అవసేసా పుగ్గలా సముదయసచ్చఞ్చ నప్పజహిత్థ దుక్ఖసచ్చఞ్చ న పరిజానన్తి.