౪. పచ్చుప్పన్నాతీతవారో

౨౫౨. (క) యో చక్ఖాయతనం పరిజానాతి సో సోతాయతనం పరిజానిత్థాతి? నో.

(ఖ) యో వా పన సోతాయతనం పరిజానిత్థ సో చక్ఖాయతనం పరిజానాతీతి? నో.

(క) యో చక్ఖాయతనం న పరిజానాతి సో సోతాయతనం న పరిజానిత్థాతి?

అరహా చక్ఖాయతనం న పరిజానాతి, నో చ సోతాయతనం న పరిజానిత్థ. అగ్గమగ్గసమఙ్గిఞ్చ అరహన్తఞ్చ ఠపేత్వా అవసేసా పుగ్గలా చక్ఖాయతనఞ్చ న పరిజానన్తి సోతాయతనఞ్చ న పరిజానిత్థ.

(ఖ) యో వా పన సోతాయతనం న పరిజానిత్థ సో చక్ఖాయతనం న పరిజానాతీతి?

అగ్గమగ్గసమఙ్గీ సోతాయతనం న పరిజానిత్థ, నో చ చక్ఖాయతనం న పరిజానాతి. అగ్గమగ్గసమఙ్గిఞ్చ అరహన్తఞ్చ ఠపేత్వా అవసేసా పుగ్గలా సోతాయతనఞ్చ న పరిజానిత్థ చక్ఖాయతనఞ్చ న పరిజానన్తి.