౭. పీతిత్తికం

౧. పటిచ్చవారో

౧. పచ్చయానులోమం

౧. విభఙ్గవారో

హేతుపచ్చయో

౧. పీతిసహగతం ధమ్మం పటిచ్చ పీతిసహగతో ధమ్మో ఉప్పజ్జతి హేతుపచ్చయా – పీతిసహగతం ఏకం ఖన్ధం పటిచ్చ తయో ఖన్ధా, తయో ఖన్ధే పటిచ్చ ఏకో ఖన్ధో, ద్వే ఖన్ధే పటిచ్చ ద్వే ఖన్ధా. పటిసన్ధిక్ఖణే పీతిసహగతం ఏకం ఖన్ధం పటిచ్చ తయో ఖన్ధా…పే… ద్వే ఖన్ధే పటిచ్చ ద్వే ఖన్ధా. (౧)

పీతిసహగతం ధమ్మం పటిచ్చ సుఖసహగతో ధమ్మో ఉప్పజ్జతి హేతుపచ్చయా – పీతిసహగతం ఏకం ఖన్ధం పటిచ్చ సుఖసహగతా తయో ఖన్ధా…పే… ద్వే ఖన్ధే పటిచ్చ ద్వే ఖన్ధా. పటిసన్ధిక్ఖణే పీతిసహగతం ఏకం ఖన్ధం పటిచ్చ సుఖసహగతా తయో ఖన్ధా…పే… ద్వే ఖన్ధే పటిచ్చ ద్వే ఖన్ధా. (౨)

పీతిసహగతం ధమ్మం పటిచ్చ పీతిసహగతో చ సుఖసహగతో చ ధమ్మా ఉప్పజ్జన్తి హేతుపచ్చయా – పీతిసహగతం ఏకం ఖన్ధం పటిచ్చ పీతిసహగతా చ సుఖసహగతా చ తయో ఖన్ధా…పే… ద్వే ఖన్ధే పటిచ్చ ద్వే ఖన్ధా. పటిసన్ధిక్ఖణే పీతిసహగతం ఏకం ఖన్ధం పటిచ్చ పీతిసహగతా చ సుఖసహగతా చ తయో ఖన్ధా …పే… ద్వే ఖన్ధే పటిచ్చ ద్వే ఖన్ధా. (౩)

౨. సుఖసహగతం ధమ్మం పటిచ్చ సుఖసహగతో ధమ్మో ఉప్పజ్జతి హేతుపచ్చయా – సుఖసహగతం ఏకం ఖన్ధం పటిచ్చ ద్వే ఖన్ధా, ద్వే ఖన్ధే పటిచ్చ ఏకో ఖన్ధో. పటిసన్ధిక్ఖణే సుఖసహగతం ఏకం ఖన్ధం పటిచ్చ ద్వే ఖన్ధా, ద్వే ఖన్ధే పటిచ్చ ఏకో ఖన్ధో. (౧)

సుఖసహగతం ధమ్మం పటిచ్చ పీతిసహగతో ధమ్మో ఉప్పజ్జతి హేతుపచ్చయా – సుఖసహగతం ఏకం ఖన్ధం పటిచ్చ పీతిసహగతా తయో ఖన్ధా…పే… ద్వే ఖన్ధే పటిచ్చ ద్వే ఖన్ధా. పటిసన్ధిక్ఖణే సుఖసహగతం ఏకం ఖన్ధం పటిచ్చ పీతిసహగతా తయో ఖన్ధా…పే… ద్వే ఖన్ధే పటిచ్చ ద్వే ఖన్ధా. (౨)

సుఖసహగతం ధమ్మం పటిచ్చ పీతిసహగతో చ సుఖసహగతో చ ధమ్మా ఉప్పజ్జన్తి హేతుపచ్చయా – సుఖసహగతం ఏకం ఖన్ధం పటిచ్చ పీతిసహగతా చ సుఖసహగతా చ ద్వే ఖన్ధా, ద్వే ఖన్ధే పటిచ్చ ఏకో ఖన్ధో. పటిసన్ధిక్ఖణే సుఖసహగతం ఏకం ఖన్ధం పటిచ్చ పీతిసహగతా చ సుఖసహగతా చ ద్వే ఖన్ధా, ద్వే ఖన్ధే పటిచ్చ ఏకో ఖన్ధో. (౩)

౩. ఉపేక్ఖాసహగతం ధమ్మం పటిచ్చ ఉపేక్ఖాసహగతో ధమ్మో ఉప్పజ్జతి హేతుపచ్చయా – ఉపేక్ఖాసహగతం ఏకం ఖన్ధం పటిచ్చ ద్వే ఖన్ధా, ద్వే ఖన్ధే పటిచ్చ ఏకో ఖన్ధో. పటిసన్ధిక్ఖణే…పే…. (౧)

పీతిసహగతఞ్చ సుఖసహగతఞ్చ ధమ్మం పటిచ్చ పీతిసహగతో ధమ్మో ఉప్పజ్జతి హేతుపచ్చయా – పీతిసహగతఞ్చ సుఖసహగతఞ్చ ఏకం ఖన్ధం పటిచ్చ పీతిసహగతా తయో ఖన్ధా…పే… ద్వే ఖన్ధే పటిచ్చ ద్వే ఖన్ధా. పటిసన్ధిక్ఖణే పీతిసహగతఞ్చ సుఖసహగతఞ్చ ఏకం ఖన్ధం పటిచ్చ పీతిసహగతా తయో ఖన్ధా…పే… ద్వే ఖన్ధే పటిచ్చ ద్వే ఖన్ధా. (౧)

పీతిసహగతఞ్చ సుఖసహగతఞ్చ ధమ్మం పటిచ్చ సుఖసహగతో ధమ్మో ఉప్పజ్జతి హేతుపచ్చయా – పీతిసహగతఞ్చ సుఖసహగతఞ్చ ఏకం ఖన్ధం పటిచ్చ సుఖసహగతా ద్వే ఖన్ధా, ద్వే ఖన్ధే పటిచ్చ ఏకో ఖన్ధో. పటిసన్ధిక్ఖణే పీతిసహగతఞ్చ సుఖసహగతఞ్చ ఏకం ఖన్ధం పటిచ్చ సుఖసహగతా ద్వే ఖన్ధా, ద్వే ఖన్ధే పటిచ్చ ఏకో ఖన్ధో. (౨)

పీతిసహగతఞ్చ సుఖసహగతఞ్చ ధమ్మం పటిచ్చ పీతిసహగతో చ సుఖసహగతో చ ధమ్మా ఉప్పజ్జన్తి హేతుపచ్చయా – పీతిసహగతఞ్చ సుఖసహగతఞ్చ ఏకం ఖన్ధం పటిచ్చ పీతిసహగతా చ సుఖసహగతా చ ద్వే ఖన్ధా, ద్వే ఖన్ధే పటిచ్చ ఏకో ఖన్ధో. పటిసన్ధిక్ఖణే పీతిసహగతఞ్చ సుఖసహగతఞ్చ ఏకం ఖన్ధం పటిచ్చ పీతిసహగతా చ సుఖసహగతా చ ద్వే ఖన్ధా, ద్వే ఖన్ధే పటిచ్చ ఏకో ఖన్ధో. (౩)

ఆరమ్మణపచ్చయాది

౪. పీతిసహగతం ధమ్మం పటిచ్చ పీతిసహగతో ధమ్మో ఉప్పజ్జతి ఆరమ్మణపచ్చయా… అధిపతిపచ్చయా… (పటిసన్ధిక్ఖణే నత్థి) అనన్తరపచ్చయా… సమనన్తరపచ్చయా… సహజాతపచ్చయా… అఞ్ఞమఞ్ఞపచ్చయా… నిస్సయపచ్చయా… ఉపనిస్సయపచ్చయా… పురేజాతపచ్చయా… (పురేజాతే పటిసన్ధిక్ఖణే నత్థి) ఆసేవనపచ్చయా… (ఆసేవనే విపాకం నత్థి) కమ్మపచ్చయా… విపాకపచ్చయా… ఆహార…పే… ఇన్ద్రియ… ఝాన… మగ్గ… సమ్పయుత్త… విప్పయుత్త… అత్థి… నత్థి… విగత… అవిగతపచ్చయా.

౧. పచ్చయానులోమం

౨. సఙ్ఖ్యావారో

సుద్ధం

౫. హేతుయా దస, ఆరమ్మణే దస, అధిపతియా దస, అనన్తరే సమనన్తరే సహజాతే అఞ్ఞమఞ్ఞే నిస్సయే ఉపనిస్సయే పురేజాతే ఆసేవనే కమ్మే విపాకే ఆహారే ఇన్ద్రియే ఝానే మగ్గే సమ్పయుత్తే విప్పయుత్తే అత్థియా నత్థియా విగతే అవిగతే సబ్బత్థ దస.

(ఏవం అనులోమగణనా గణేతబ్బా.)

అనులోమం.

౨. పచ్చయపచ్చనీయం

౧. విభఙ్గవారో

నహేతుపచ్చయో

౬. పీతిసహగతం ధమ్మం పటిచ్చ పీతిసహగతో ధమ్మో ఉప్పజ్జతి నహేతుపచ్చయా – అహేతుకం పీతిసహగతం ఏకం ఖన్ధం పటిచ్చ తయో ఖన్ధా…పే… ద్వే ఖన్ధే పటిచ్చ ద్వే ఖన్ధా. (౧)

పీతిసహగతం ధమ్మం పటిచ్చ సుఖసహగతో ధమ్మో ఉప్పజ్జతి నహేతుపచ్చయా – అహేతుకం పీతిసహగతం ఏకం ఖన్ధం పటిచ్చ సుఖసహగతా తయో ఖన్ధా…పే… ద్వే ఖన్ధే పటిచ్చ ద్వే ఖన్ధా. (౨)

పీతిసహగతం ధమ్మం పటిచ్చ పీతిసహగతో చ సుఖసహగతో చ ధమ్మా ఉప్పజ్జన్తి నహేతుపచ్చయా – అహేతుకం పీతిసహగతం ఏకం ఖన్ధం పటిచ్చ పీతిసహగతా చ సుఖసహగతా చ తయో ఖన్ధా…పే… ద్వే ఖన్ధే పటిచ్చ ద్వే ఖన్ధా. (౩)

౭. సుఖసహగతం ధమ్మం పటిచ్చ సుఖసహగతో ధమ్మో ఉప్పజ్జతి నహేతుపచ్చయా – అహేతుకం సుఖసహగతం ఏకం ఖన్ధం పటిచ్చ ద్వే ఖన్ధా, ద్వే ఖన్ధే పటిచ్చ ఏకో ఖన్ధో. (౧)

సుఖసహగతం ధమ్మం పటిచ్చ పీతిసహగతో ధమ్మో ఉప్పజ్జతి నహేతుపచ్చయా – అహేతుకం సుఖసహగతం ఏకం ఖన్ధం పటిచ్చ పీతిసహగతా తయో ఖన్ధా…పే… ద్వే ఖన్ధే పటిచ్చ ద్వే ఖన్ధా. (౨)

సుఖసహగతం ధమ్మం పటిచ్చ పీతిసహగతో చ సుఖసహగతో చ ధమ్మా ఉప్పజ్జన్తి నహేతుపచ్చయా – అహేతుకం సుఖసహగతం ఏకం ఖన్ధం పటిచ్చ పీతిసహగతా చ సుఖసహగతా చ ద్వే ఖన్ధా, ద్వే ఖన్ధే పటిచ్చ ఏకో ఖన్ధో. (౩)

౮. ఉపేక్ఖాసహగతం ధమ్మం పటిచ్చ ఉపేక్ఖాసహగతో ధమ్మో ఉప్పజ్జతి నహేతుపచ్చయా – అహేతుకం ఉపేక్ఖాసహగతం ఏకం ఖన్ధం పటిచ్చ ద్వే ఖన్ధా, ద్వే ఖన్ధే పటిచ్చ ఏకో ఖన్ధో. అహేతుకపటిసన్ధిక్ఖణే ఉపేక్ఖాసహగతం ఏకం ఖన్ధం పటిచ్చ ద్వే ఖన్ధా, ద్వే ఖన్ధే పటిచ్చ ఏకో ఖన్ధో. విచికిచ్ఛాసహగతే ఉద్ధచ్చసహగతే ఖన్ధే పటిచ్చ విచికిచ్ఛాసహగతో ఉద్ధచ్చసహగతో మోహో. (౧)

౯. పీతిసహగతఞ్చ సుఖసహగతఞ్చ ధమ్మం పటిచ్చ పీతిసహగతో ధమ్మో ఉప్పజ్జతి నహేతుపచ్చయా – అహేతుకం పీతిసహగతఞ్చ సుఖసహగతఞ్చ ఏకం ఖన్ధం పటిచ్చ పీతిసహగతా తయో ఖన్ధా…పే… ద్వే ఖన్ధే పటిచ్చ ద్వే ఖన్ధా. (౧)

పీతిసహగతఞ్చ సుఖసహగతఞ్చ ధమ్మం పటిచ్చ సుఖసహగతో ధమ్మో ఉప్పజ్జతి నహేతుపచ్చయా – అహేతుకం పీతిసహగతఞ్చ సుఖసహగతఞ్చ ఏకం ఖన్ధం పటిచ్చ సుఖసహగతా ద్వే ఖన్ధా, ద్వే ఖన్ధే పటిచ్చ ఏకో ఖన్ధో. (౨)

పీతిసహగతఞ్చ సుఖసహగతఞ్చ ధమ్మం పటిచ్చ పీతిసహగతో చ సుఖసహగతో చ ధమ్మా ఉప్పజ్జన్తి నహేతుపచ్చయా – అహేతుకం పీతిసహగతఞ్చ సుఖసహగతఞ్చ ఏకం ఖన్ధం పటిచ్చ పీతిసహగతా చ సుఖసహగతా చ ద్వే ఖన్ధా, ద్వే ఖన్ధే పటిచ్చ ఏకో ఖన్ధో. (౩)

నఅధిపతి-నఆసేవనపచ్చయా

౧౦. పీతిసహగతం ధమ్మం పటిచ్చ పీతిసహగతో ధమ్మో ఉప్పజ్జతి నఅధిపతిపచ్చయా (నఅధిపతిపటిసన్ధిక్ఖణే పరిపుణ్ణం)… నపురేజాతపచ్చయా… (‘‘అరూపే’’తి నియామేతబ్బం ‘‘పటిసన్ధిక్ఖణే’’తి చ) నపచ్ఛాజాతపచ్చయా… నఆసేవనపచ్చయా.

నకమ్మపచ్చయో

౧౧. పీతిసహగతం ధమ్మం పటిచ్చ పీతిసహగతో ధమ్మో ఉప్పజ్జతి నకమ్మపచ్చయా – పీతిసహగతే ఖన్ధే పటిచ్చ పీతిసహగతా చేతనా.

పీతిసహగతం ధమ్మం పటిచ్చ సుఖసహగతో ధమ్మో ఉప్పజ్జతి నకమ్మపచ్చయా – పీతిసహగతే ఖన్ధే పటిచ్చ సుఖసహగతా చేతనా.

(ఇమినా కారణేన దస పఞ్హా విత్థారేతబ్బా.)

నవిపాకపచ్చయో

౧౨. పీతిసహగతం ధమ్మం పటిచ్చ పీతిసహగతో ధమ్మో ఉప్పజ్జతి నవిపాకపచ్చయా…పే… (పరిపుణ్ణం, పటిసన్ధి నత్థి).

నఝానపచ్చయాది

౧౩. సుఖసహగతం ధమ్మం పటిచ్చ సుఖసహగతో ధమ్మో ఉప్పజ్జతి నఝానపచ్చయా – సుఖసహగతం కాయవిఞ్ఞాణసహగతం ఏకం ఖన్ధం పటిచ్చ ద్వే ఖన్ధా, ద్వే ఖన్ధే పటిచ్చ ఏకో ఖన్ధో. (౧)

ఉపేక్ఖాసహగతం ధమ్మం పటిచ్చ ఉపేక్ఖాసహగతో ధమ్మో ఉప్పజ్జతి నఝానపచ్చయా – చతువిఞ్ఞాణసహగతం ఏకం ఖన్ధం పటిచ్చ ద్వే ఖన్ధా, ద్వే ఖన్ధే పటిచ్చ ఏకో ఖన్ధో. (౧)

(నమగ్గపచ్చయా నహేతుపచ్చయసదిసం. మోహో నత్థి. నవిప్పయుత్తపచ్చయా పరిపుణ్ణం అరూపపఞ్హమేవ.)

౨. పచ్చయపచ్చనీయం

౨. సఙ్ఖ్యావారో

సుద్ధం

౧౪. నహేతుయా దస, నఅధిపతియా దస, నపురేజాతే నపచ్ఛాజాతే నఆసేవనే నకమ్మే నవిపాకే దస, నఝానే ద్వే, నమగ్గే దస, నవిప్పయుత్తే దస (పచ్చనీయం పరిపుణ్ణం కాతబ్బం).

పచ్చనీయం.

౩. పచ్చయానులోమపచ్చనీయం

దుకం

౧౫. హేతుపచ్చయా నఅధిపతియా దస, నపురేజాతే దస, నపచ్ఛాజాతే నఆసేవనే నకమ్మే నవిపాకే నవిప్పయుత్తే దస.

(అనులోమపచ్చనీయం విత్థారేన గణేతబ్బం.)

అనులోమపచ్చనీయం.

౪. పచ్చయపచ్చనీయానులోమం

దుకం

౧౬. నహేతుపచ్చయా ఆరమ్మణే దస, అనన్తరే దస, సమనన్తరే దస, సహజాతే అఞ్ఞమఞ్ఞే నిస్సయే ఉపనిస్సయే పురేజాతే ఆసేవనే కమ్మే విపాకే ఆహారే ఇన్ద్రియే ఝానే సబ్బే దస, మగ్గే ఏకం, సమ్పయుత్తే దస, విప్పయుత్తే అత్థియా నత్థియా విగతే అవిగతే సబ్బే దస.

పచ్చనీయానులోమం.

పటిచ్చవారో.

౨-౬. సహజాత-పచ్చయ-నిస్సయ-సంసట్ఠ-సమ్పయుత్తవారో

(సహజాతవారోపి పచ్చయవారోపి నిస్సయవారోపి సంసట్ఠవారోపి సమ్పయుత్తవారోపి పటిచ్చవారసదిసా.)

౭. పఞ్హావారో

౧. పచ్చయానులోమం

౧. విభఙ్గవారో

హేతుపచ్చయో

౧౭. పీతిసహగతో ధమ్మో పీతిసహగతస్స ధమ్మస్స హేతుపచ్చయేన పచ్చయో – పీతిసహగతా హేతూ సమ్పయుత్తకానం ఖన్ధానం హేతుపచ్చయేన పచ్చయో. పటిసన్ధిక్ఖణే పీతిసహగతా హేతూ సమ్పయుత్తకానం ఖన్ధానం హేతుపచ్చయేన పచ్చయో. (౧)

పీతిసహగతో ధమ్మో సుఖసహగతస్స ధమ్మస్స హేతుపచ్చయేన పచ్చయో – పీతిసహగతా హేతూ సమ్పయుత్తకానం సుఖసహగతానం ఖన్ధానం హేతుపచ్చయేన పచ్చయో. పటిసన్ధిక్ఖణే…పే…. (౨)

పీతిసహగతో ధమ్మో పీతిసహగతస్స చ సుఖసహగతస్స చ ధమ్మస్స హేతుపచ్చయేన పచ్చయో – పీతిసహగతా హేతూ సమ్పయుత్తకానం పీతిసహగతానఞ్చ సుఖసహగతానఞ్చ ఖన్ధానం హేతుపచ్చయేన పచ్చయో. పటిసన్ధిక్ఖణే…పే…. (౩)

౧౮. సుఖసహగతో ధమ్మో సుఖసహగతస్స ధమ్మస్స…పే… పీతిసహగతస్స ధమ్మస్స…పే… పీతిసహగతస్స చ సుఖసహగతస్స చ ధమ్మస్స…పే… (సుఖమూలే తీణి).

ఉపేక్ఖాసహగతో ధమ్మో ఉపేక్ఖాసహగతస్స ధమ్మస్స హేతుపచ్చయేన పచ్చయో – ఉపేక్ఖాసహగతా హేతూ సమ్పయుత్తకానం ఖన్ధానం హేతుపచ్చయేన పచ్చయో. పటిసన్ధిక్ఖణే…పే…. (౧)

పీతిసహగతో చ సుఖసహగతో చ ధమ్మా పీతిసహగతస్స ధమ్మస్స…పే… సుఖసహగతస్స ధమ్మస్స…పే… పీతిసహగతస్స చ సుఖసహగతస్స చ ధమ్మస్స హేతుపచ్చయేన పచ్చయో – పీతిసహగతా చ సుఖసహగతా చ హేతూ సమ్పయుత్తకానం పీతిసహగతానఞ్చ సుఖసహగతానఞ్చ ఖన్ధానం హేతుపచ్చయేన పచ్చయో. పటిసన్ధిక్ఖణే…పే…. (౨)

ఆరమ్మణపచ్చయో

౧౯. పీతిసహగతో ధమ్మో పీతిసహగతస్స ధమ్మస్స ఆరమ్మణపచ్చయేన పచ్చయో – పీతిసహగతేన చిత్తేన దానం దత్వా సీలం సమాదియిత్వా ఉపోసథకమ్మం కత్వా తం పీతిసహగతేన చిత్తేన పచ్చవేక్ఖతి, పీతిసహగతా ఝానా వుట్ఠహిత్వా, మగ్గా వుట్ఠహిత్వా, ఫలా వుట్ఠహిత్వా తం పీతిసహగతేన చిత్తేన పచ్చవేక్ఖతి. అరియా పీతిసహగతేన చిత్తేన పీతిసహగతే పహీనే కిలేసే పచ్చవేక్ఖన్తి, విక్ఖమ్భితే కిలేసే పచ్చవేక్ఖన్తి, పుబ్బే సముదాచిణ్ణే కిలేసే జానన్తి. పీతిసహగతే ఖన్ధే పీతిసహగతేన చిత్తేన అనిచ్చతో దుక్ఖతో అనత్తతో విపస్సన్తి అస్సాదేన్తి అభినన్దన్తి; తం ఆరబ్భ పీతిసహగతో రాగో ఉప్పజ్జతి, దిట్ఠి ఉప్పజ్జతి. పీతిసహగతే ఖన్ధే ఆరబ్భ పీతిసహగతా ఖన్ధా ఉప్పజ్జన్తి. (౧)

పీతిసహగతో ధమ్మో సుఖసహగతస్స ధమ్మస్స ఆరమ్మణపచ్చయేన పచ్చయో – పీతిసహగతేన చిత్తేన దానం దత్వా సీలం సమాదియిత్వా ఉపోసథకమ్మం కత్వా తం సుఖసహగతేన చిత్తేన పచ్చవేక్ఖతి, పీతిసహగతా ఝానా వుట్ఠహిత్వా, మగ్గా వుట్ఠహిత్వా, ఫలా వుట్ఠహిత్వా తం సుఖసహగతేన చిత్తేన పచ్చవేక్ఖతి. అరియా సుఖసహగతేన చిత్తేన పీతిసహగతే పహీనే కిలేసే పచ్చవేక్ఖన్తి, విక్ఖమ్భితే కిలేసే పచ్చవేక్ఖన్తి, పుబ్బే సముదాచిణ్ణే కిలేసే జానన్తి. పీతిసహగతే ఖన్ధే సుఖసహగతేన చిత్తేన అనిచ్చతో దుక్ఖతో అనత్తతో విపస్సన్తి అస్సాదేన్తి అభినన్దన్తి; తం ఆరబ్భ సుఖసహగతో రాగో ఉప్పజ్జతి, దిట్ఠి ఉప్పజ్జతి. పీతిసహగతే ఖన్ధే ఆరబ్భ సుఖసహగతా ఖన్ధా ఉప్పజ్జన్తి. (౨)

పీతిసహగతో ధమ్మో ఉపేక్ఖాసహగతస్స ధమ్మస్స ఆరమ్మణపచ్చయేన పచ్చయో – పీతిసహగతేన చిత్తేన దానం దత్వా సీలం సమాదియిత్వా ఉపోసథకమ్మం కత్వా తం ఉపేక్ఖాసహగతేన చిత్తేన పచ్చవేక్ఖతి, పీతిసహగతా ఝానా వుట్ఠహిత్వా, మగ్గా వుట్ఠహిత్వా, ఫలా వుట్ఠహిత్వా తం ఉపేక్ఖాసహగతేన చిత్తేన పచ్చవేక్ఖతి. అరియా ఉపేక్ఖాసహగతేన చిత్తేన పీతిసహగతే పహీనే కిలేసే పచ్చవేక్ఖన్తి, విక్ఖమ్భితే కిలేసే పచ్చవేక్ఖన్తి, పుబ్బే సముదాచిణ్ణే కిలేసే జానన్తి. పీతిసహగతే ఖన్ధే ఉపేక్ఖాసహగతేన చిత్తేన అనిచ్చతో దుక్ఖతో అనత్తతో విపస్సన్తి అస్సాదేన్తి అభినన్దన్తి; తం ఆరబ్భ ఉపేక్ఖాసహగతో రాగో ఉప్పజ్జతి, దిట్ఠి ఉప్పజ్జతి, విచికిచ్ఛా ఉప్పజ్జతి, ఉద్ధచ్చం ఉప్పజ్జతి. చేతోపరియఞాణేన పీతిసహగతచిత్తసమఙ్గిస్స చిత్తం జానన్తి, పీతిసహగతా ఖన్ధా చేతోపరియఞాణస్స, పుబ్బేనివాసానుస్సతిఞాణస్స, యథాకమ్మూపగఞాణస్స, అనాగతంసఞాణస్స, ఆవజ్జనాయ ఆరమ్మణపచ్చయేన పచ్చయో. పీతిసహగతే ఖన్ధే ఆరబ్భ ఉపేక్ఖాసహగతా ఖన్ధా ఉప్పజ్జన్తి. (౩)

పీతిసహగతో ధమ్మో పీతిసహగతస్స చ సుఖసహగతస్స చ ధమ్మస్స ఆరమ్మణపచ్చయేన పచ్చయో – పీతిసహగతేన చిత్తేన దానం దత్వా సీలం సమాదియిత్వా ఉపోసథకమ్మం కత్వా తం పీతిసహగతేన చ సుఖసహగతేన చ చిత్తేన పచ్చవేక్ఖతి, పీతిసహగతా ఝానా వుట్ఠహిత్వా, మగ్గా వుట్ఠహిత్వా, ఫలా వుట్ఠహిత్వా తం పీతిసహగతేన చ సుఖసహగతేన చ చిత్తేన పచ్చవేక్ఖతి. అరియా పీతిసహగతేన చ సుఖసహగతేన చ చిత్తేన పీతిసహగతే పహీనే కిలేసే పచ్చవేక్ఖన్తి, విక్ఖమ్భితే కిలేసే పచ్చవేక్ఖన్తి, పుబ్బే సముదాచిణ్ణే కిలేసే జానన్తి. పీతిసహగతే ఖన్ధే పీతిసహగతేన చ సుఖసహగతేన చ చిత్తేన అనిచ్చతో దుక్ఖతో అనత్తతో విపస్సన్తి అస్సాదేన్తి అభినన్దన్తి; తం ఆరబ్భ పీతిసహగతో చ సుఖసహగతో చ రాగో ఉప్పజ్జతి, దిట్ఠి ఉప్పజ్జతి. పీతిసహగతే ఖన్ధే ఆరబ్భ పీతిసహగతా చ సుఖసహగతా చ ఖన్ధా ఉప్పజ్జన్తి. (౪)

౨౦. సుఖసహగతో ధమ్మో సుఖసహగతస్స ధమ్మస్స ఆరమ్మణపచ్చయేన పచ్చయో… సుఖసహగతో ధమ్మో పీతిసహగతస్స ధమ్మస్స…పే… ఉపేక్ఖాసహగతస్స ధమ్మస్స…పే… పీతిసహగతస్స చ సుఖసహగతస్స చ ధమ్మస్స ఆరమ్మణపచ్చయేన పచ్చయో – సుఖసహగతే ఖన్ధే ఆరబ్భ పీతిసహగతా చ సుఖసహగతా చ ఖన్ధా ఉప్పజ్జన్తి. (౪)

ఉపేక్ఖాసహగతో ధమ్మో ఉపేక్ఖాసహగతస్స ధమ్మస్స ఆరమ్మణపచ్చయేన పచ్చయో – ఉపేక్ఖాసహగతేన చిత్తేన దానం దత్వా సీలం సమాదియిత్వా ఉపోసథకమ్మం కత్వా తం ఉపేక్ఖాసహగతేన చిత్తేన పచ్చవేక్ఖతి, ఉపేక్ఖాసహగతా ఝానా వుట్ఠహిత్వా, మగ్గా వుట్ఠహిత్వా, ఫలా వుట్ఠహిత్వా తం ఉపేక్ఖాసహగతేన చిత్తేన పచ్చవేక్ఖతి. అరియా ఉపేక్ఖాసహగతేన చిత్తేన ఉపేక్ఖాసహగతే పహీనే కిలేసే పచ్చవేక్ఖన్తి, విక్ఖమ్భితే కిలేసే పచ్చవేక్ఖన్తి, పుబ్బే సముదాచిణ్ణే కిలేసే జానన్తి. ఉపేక్ఖాసహగతే ఖన్ధే ఉపేక్ఖాసహగతేన చిత్తేన అనిచ్చతో దుక్ఖతో అనత్తతో విపస్సన్తి అస్సాదేన్తి అభినన్దన్తి; తం ఆరబ్భ ఉపేక్ఖాసహగతో రాగో ఉప్పజ్జతి, దిట్ఠి ఉప్పజ్జతి, విచికిచ్ఛా ఉప్పజ్జతి, ఉద్ధచ్చం ఉప్పజ్జతి. చేతోపరియఞాణేన ఉపేక్ఖాసహగతచిత్తసమఙ్గిస్స చిత్తం జానాతి. ఆకాసానఞ్చాయతనం విఞ్ఞాణఞ్చాయతనస్స ఆరమ్మణపచ్చయేన పచ్చయో…పే… ఆకిఞ్చఞ్ఞాయతనం నేవసఞ్ఞానాసఞ్ఞాయతనస్స ఆరమ్మణపచ్చయేన పచ్చయో. ఉపేక్ఖాసహగతా ఖన్ధా ఇద్ధివిధఞాణస్స, చేతోపరియఞాణస్స, పుబ్బేనివాసానుస్సతిఞాణస్స, యథాకమ్మూపగఞాణస్స, అనాగతంసఞాణస్స ఆవజ్జనాయ ఆరమ్మణపచ్చయేన పచ్చయో. ఉపేక్ఖాసహగతే ఖన్ధే ఆరబ్భ ఉపేక్ఖాసహగతా ఖన్ధా ఉప్పజ్జన్తి. (౧)

ఉపేక్ఖాసహగతో ధమ్మో పీతిసహగతస్స ధమ్మస్స…పే… సుఖసహగతస్స ధమ్మస్స…పే… పీతిసహగతస్స చ సుఖసహగతస్స చ ధమ్మస్స ఆరమ్మణపచ్చయేన పచ్చయో – ఉపేక్ఖాసహగతేన చిత్తేన దానం దత్వా సీలం సమాదియిత్వా ఉపోసథకమ్మం కత్వా తం పీతిసహగతేన చ సుఖసహగతేన చ చిత్తేన పచ్చవేక్ఖతి, ఉపేక్ఖాసహగతా ఝానా వుట్ఠహిత్వా, మగ్గా వుట్ఠహిత్వా ఫలా వుట్ఠహిత్వా, తం పీతిసహగతేన చ సుఖసహగతేన చ చిత్తేన పచ్చవేక్ఖతి. అరియా పీతిసహగతేన చ సుఖసహగతేన చ చిత్తేన ఉపేక్ఖాసహగతే పహీనే కిలేసే పచ్చవేక్ఖన్తి, విక్ఖమ్భితే కిలేసే పచ్చవేక్ఖన్తి, పుబ్బే సముదాచిణ్ణే కిలేసే జానన్తి. ఉపేక్ఖాసహగతే ఖన్ధే పీతిసహగతేన చ సుఖసహగతేన చ చిత్తేన అనిచ్చతో దుక్ఖతో అనత్తతో విపస్సన్తి అస్సాదేన్తి అభినన్దన్తి; తం ఆరబ్భ పీతిసహగతో చ సుఖసహగతో చ రాగో ఉప్పజ్జతి, దిట్ఠి ఉప్పజ్జతి. ఉపేక్ఖాసహగతే ఖన్ధే ఆరబ్భ పీతిసహగతా చ సుఖసహగతా చ ఖన్ధా ఉప్పజ్జన్తి. (౩)

౨౧. పీతిసహగతో చ సుఖసహగతో చ ధమ్మా పీతిసహగతస్స ధమ్మస్స…పే… సుఖసహగతస్స ధమ్మస్స…పే… ఉపేక్ఖాసహగతస్స ధమ్మస్స ఆరమ్మణపచ్చయేన పచ్చయో – పీతిసహగతేన చ సుఖసహగతేన చ చిత్తేన దానం దత్వా సీలం సమాదియిత్వా ఉపోసథకమ్మం కత్వా…పే… పీతిసహగతే చ సుఖసహగతే చ ఖన్ధే ఉపేక్ఖాసహగతేన చిత్తేన అనిచ్చతో దుక్ఖతో అనత్తతో విపస్సతి అస్సాదేతి అభినన్దతి; తం ఆరబ్భ ఉపేక్ఖాసహగతో రాగో ఉప్పజ్జతి, దిట్ఠి ఉప్పజ్జతి, విచికిచ్ఛా ఉప్పజ్జతి, ఉద్ధచ్చం ఉప్పజ్జతి. చేతోపరియఞాణేన పీతిసహగతసుఖసహగతచిత్తసమఙ్గిస్స చిత్తం జానాతి. పీతిసహగతా చ సుఖసహగతా చ ఖన్ధా చేతోపరియఞాణస్స, పుబ్బేనివాసానుస్సతిఞాణస్స, యథాకమ్మూపగఞాణస్స, అనాగతంసఞాణస్స, ఆవజ్జనాయ ఆరమ్మణపచ్చయేన పచ్చయో. పీతిసహగతే చ సుఖసహగతే చ ఖన్ధే ఆరబ్భ ఉపేక్ఖాసహగతా ఖన్ధా ఉప్పజ్జన్తి. (౩)

పీతిసహగతో చ సుఖసహగతో చ ధమ్మా పీతిసహగతస్స చ సుఖసహగతస్స చ ధమ్మస్స ఆరమ్మణపచ్చయేన పచ్చయో (సంఖిత్తం). (౪)

అధిపతిపచ్చయో

౨౨. పీతిసహగతో ధమ్మో పీతిసహగతస్స ధమ్మస్స అధిపతిపచ్చయేన పచ్చయో – ఆరమ్మణాధిపతి, సహజాతాధిపతి. ఆరమ్మణాధిపతి – పీతిసహగతేన చిత్తేన దానం దత్వా సీలం సమాదియిత్వా ఉపోసథకమ్మం కత్వా పీతిసహగతేన చిత్తేన తం గరుం కత్వా పచ్చవేక్ఖతి, పీతిసహగతా ఝానా వుట్ఠహిత్వా, మగ్గా వుట్ఠహిత్వా, ఫలా వుట్ఠహిత్వా పీతిసహగతేన చిత్తేన తం గరుం కత్వా పచ్చవేక్ఖతి. పీతిసహగతే ఖన్ధే పీతిసహగతేన చిత్తేన గరుం కత్వా అస్సాదేతి అభినన్దతి; తం గరుం కత్వా పీతిసహగతో రాగో ఉప్పజ్జతి, దిట్ఠి ఉప్పజ్జతి. సహజాతాధిపతి – పీతిసహగతాధిపతి సమ్పయుత్తకానం ఖన్ధానం అధిపతిపచ్చయేన పచ్చయో. (౧)

పీతిసహగతో ధమ్మో సుఖసహగతస్స ధమ్మస్స అధిపతిపచ్చయేన పచ్చయో – ఆరమ్మణాధిపతి, సహజాతాధిపతి. ఆరమ్మణాధిపతి – పీతిసహగతేన చిత్తేన దానం దత్వా…పే…. సహజాతాధిపతి – పీతిసహగతాధిపతి సమ్పయుత్తకానం సుఖసహగతానం ఖన్ధానం అధిపతిపచ్చయేన పచ్చయో. (౨)

పీతిసహగతో ధమ్మో ఉపేక్ఖాసహగతస్స ధమ్మస్స అధిపతిపచ్చయేన పచ్చయో. ఆరమ్మణాధిపతి – పీతిసహగతేన చిత్తేన దానం దత్వా…పే… ఉపేక్ఖాసహగతేన చిత్తేన (సంఖిత్తం). (౩)

పీతిసహగతో ధమ్మో పీతిసహగతస్స చ సుఖసహగతస్స చ ధమ్మస్స అధిపతిపచ్చయేన పచ్చయో – ఆరమ్మణాధిపతి, సహజాతాధిపతి. ఆరమ్మణాధిపతి – పీతిసహగతేన చిత్తేన దానం దత్వా…పే…. సహజాతాధిపతి – పీతిసహగతాధిపతి సమ్పయుత్తకానం పీతిసహగతానఞ్చ సుఖసహగతానఞ్చ ఖన్ధానం అధిపతిపచ్చయేన పచ్చయో. (౪)

౨౩. సుఖసహగతో ధమ్మో సుఖసహగతస్స ధమ్మస్స అధిపతిపచ్చయేన పచ్చయో – ఆరమ్మణాధిపతి, సహజాతాధిపతి. ఆరమ్మణాధిపతి – సుఖసహగతేన చిత్తేన దానం దత్వా…పే…. సహజాతాధిపతి – సుఖసహగతాధిపతి సమ్పయుత్తకానం ఖన్ధానం అధిపతిపచ్చయేన పచ్చయో. (౧)

సుఖసహగతో ధమ్మో పీతిసహగతస్స ధమ్మస్స అధిపతిపచ్చయేన పచ్చయో – ఆరమ్మణాధిపతి, సహజాతాధిపతి…పే…. సహజాతాధిపతి – సుఖసహగతాధిపతి సమ్పయుత్తకానం పీతిసహగతానం ఖన్ధానం అధిపతిపచ్చయేన పచ్చయో. (౨)

సుఖసహగతో ధమ్మో ఉపేక్ఖాసహగతస్స ధమ్మస్స అధిపతిపచ్చయేన పచ్చయో – ఆరమ్మణాధిపతి (సంఖిత్తం). (౩)

సుఖసహగతో ధమ్మో పీతిసహగతస్స చ సుఖసహగతస్స చ ధమ్మస్స అధిపతిపచ్చయేన పచ్చయో – ఆరమ్మణాధిపతి, సహజాతాధిపతి…పే…. సహజాతాధిపతి – సుఖసహగతాధిపతి సమ్పయుత్తకానం పీతిసహగతానఞ్చ సుఖసహగతానఞ్చ ఖన్ధానం అధిపతిపచ్చయేన పచ్చయో. (౪)

౨౪. ఉపేక్ఖాసహగతో ధమ్మో ఉపేక్ఖాసహగతస్స ధమ్మస్స అధిపతిపచ్చయేన పచ్చయో – ఆరమ్మణాధిపతి, సహజాతాధిపతి…పే…. సహజాతాధిపతి – ఉపేక్ఖాసహగతాధిపతి సమ్పయుత్తకానం ఖన్ధానం అధిపతిపచ్చయేన పచ్చయో. (౧)

ఉపేక్ఖాసహగతో ధమ్మో పీతిసహగతస్స ధమ్మస్స అధిపతిపచ్చయేన పచ్చయో – ఆరమ్మణాధిపతి (సంఖిత్తం). (౨)

ఉపేక్ఖాసహగతో ధమ్మో సుఖసహగతస్స ధమ్మస్స అధిపతిపచ్చయేన పచ్చయో – ఆరమ్మణాధిపతి (సంఖిత్తం). (౩)

ఉపేక్ఖాసహగతో ధమ్మో పీతిసహగతస్స చ సుఖసహగతస్స చ ధమ్మస్స అధిపతిపచ్చయేన పచ్చయో – ఆరమ్మణాధిపతి (సంఖిత్తం). (౪)

౨౫. పీతిసహగతో చ సుఖసహగతో చ ధమ్మా పీతిసహగతస్స ధమ్మస్స అధిపతిపచ్చయేన పచ్చయో – ఆరమ్మణాధిపతి, సహజాతాధిపతి…పే…. సహజాతాధిపతి – పీతిసహగతా చ సుఖసహగతా చ అధిపతి సమ్పయుత్తకానం పీతిసహగతానం ఖన్ధానం అధిపతిపచ్చయేన పచ్చయో. (౧)

పీతిసహగతో చ సుఖసహగతో చ ధమ్మా సుఖసహగతస్స ధమ్మస్స అధిపతిపచ్చయేన పచ్చయో – ఆరమ్మణాధిపతి, సహజాతాధిపతి…పే…. సహజాతాధిపతి – పీతిసహగతా చ సుఖసహగతా చ అధిపతి సమ్పయుత్తకానం సుఖసహగతానం ఖన్ధానం అధిపతిపచ్చయేన పచ్చయో. (౨)

పీతిసహగతో చ సుఖసహగతో చ ధమ్మా ఉపేక్ఖాసహగతస్స ధమ్మస్స అధిపతిపచ్చయేన పచ్చయో – ఆరమ్మణాధిపతి (సంఖిత్తం). (౩)

పీతిసహగతో చ సుఖసహగతో చ ధమ్మా పీతిసహగతస్స చ సుఖసహగతస్స చ ధమ్మస్స అధిపతిపచ్చయేన పచ్చయో – ఆరమ్మణాధిపతి, సహజాతాధిపతి …పే…. సహజాతాధిపతి – పీతిసహగతా చ సుఖసహగతా చ అధిపతి సమ్పయుత్తకానం పీతిసహగతానఞ్చ సుఖసహగతానఞ్చ ఖన్ధానం అధిపతిపచ్చయేన పచ్చయో. (౪)

అనన్తరపచ్చయో

౨౬. పీతిసహగతో ధమ్మో పీతిసహగతస్స ధమ్మస్స అనన్తరపచ్చయేన పచ్చయో – పురిమా పురిమా పీతిసహగతా ఖన్ధా పచ్ఛిమానం పచ్ఛిమానం పీతిసహగతానం ఖన్ధానం అనన్తరపచ్చయేన పచ్చయో. పీతిసహగతం అనులోమం గోత్రభుస్స అనన్తరపచ్చయేన పచ్చయో. (ఇమినా కారణేన సబ్బేసం పదానం పచ్చయోతి దీపేతబ్బో). అనులోమం వోదానస్స… గోత్రభు మగ్గస్స… వోదానం మగ్గస్స… మగ్గో ఫలస్స… ఫలం ఫలస్స… అనులోమం పీతిసహగతాయ ఫలసమాపత్తియా అనన్తరపచ్చయేన పచ్చయో. (౧)

పీతిసహగతో ధమ్మో సుఖసహగతస్స ధమ్మస్స అనన్తరపచ్చయేన పచ్చయో – పురిమా పురిమా పీతిసహగతా ఖన్ధా పచ్ఛిమానం పచ్ఛిమానం సుఖసహగతానం ఖన్ధానం అనన్తరపచ్చయేన పచ్చయో. పీతిసహగతం అనులోమం సుఖసహగతస్స గోత్రభుస్స అనన్తరపచ్చయేన పచ్చయో. పీతిసహగతం అనులోమం సుఖసహగతస్స వోదానస్స అనన్తరపచ్చయేన పచ్చయో. పీతిసహగతం అనులోమం సుఖసహగతాయ ఫలసమాపత్తియా అనన్తరపచ్చయేన పచ్చయో. (౨)

పీతిసహగతో ధమ్మో ఉపేక్ఖాసహగతస్స ధమ్మస్స అనన్తరపచ్చయేన పచ్చయో – పీతిసహగతం చుతిచిత్తం ఉపేక్ఖాసహగతస్స ఉపపత్తిచిత్తస్స అనన్తరపచ్చయేన పచ్చయో. పీతిసహగతం భవఙ్గం ఆవజ్జనాయ అనన్తరపచ్చయేన పచ్చయో. పీతిసహగతా విపాకమనోవిఞ్ఞాణధాతు కిరియమనోవిఞ్ఞాణధాతుయా అనన్తరపచ్చయేన పచ్చయో. పీతిసహగతం భవఙ్గం ఉపేక్ఖాసహగతస్స భవఙ్గస్స అనన్తరపచ్చయేన పచ్చయో. పీతిసహగతం కుసలాకుసలం ఉపేక్ఖాసహగతస్స వుట్ఠానస్స… కిరియం వుట్ఠానస్స… ఫలం వుట్ఠానస్స అనన్తరపచ్చయేన పచ్చయో. (౩)

పీతిసహగతో ధమ్మో పీతిసహగతస్స చ సుఖసహగతస్స చ ధమ్మస్స అనన్తరపచ్చయేన పచ్చయో – పురిమా పురిమా పీతిసహగతా ఖన్ధా పచ్ఛిమానం పచ్ఛిమానం పీతిసహగతానఞ్చ సుఖసహగతానఞ్చ ఖన్ధానం అనన్తరపచ్చయేన పచ్చయో. పీతిసహగతం అనులోమం పీతిసహగతస్స చ సుఖసహగతస్స చ గోత్రభుస్స అనన్తరపచ్చయేన పచ్చయో…పే… పీతిసహగతం అనులోమం పీతిసహగతాయ చ సుఖసహగతాయ చ ఫలసమాపత్తియా అనన్తరపచ్చయేన పచ్చయో. (౪)

౨౭. సుఖసహగతో ధమ్మో సుఖసహగతస్స ధమ్మస్స అనన్తరపచ్చయేన పచ్చయో – పురిమా పురిమా సుఖసహగతా ఖన్ధా పచ్ఛిమానం పచ్ఛిమానం సుఖసహగతానం ఖన్ధానం అనన్తరపచ్చయేన పచ్చయో. సుఖసహగతం అనులోమం సుఖసహగతస్స గోత్రభుస్స అనన్తరపచ్చయేన పచ్చయో…పే… సుఖసహగతం అనులోమం సుఖసహగతాయ ఫలసమాపత్తియా అనన్తరపచ్చయేన పచ్చయో. (౧)

సుఖసహగతో ధమ్మో పీతిసహగతస్స ధమ్మస్స అనన్తరపచ్చయేన పచ్చయో – పురిమా పురిమా సుఖసహగతా ఖన్ధా పచ్ఛిమానం పచ్ఛిమానం పీతిసహగతానం ఖన్ధానం అనన్తరపచ్చయేన పచ్చయో…పే… సుఖసహగతం అనులోమం పీతిసహగతాయ ఫలసమాపత్తియా అనన్తరపచ్చయేన పచ్చయో. (౨)

సుఖసహగతో ధమ్మో ఉపేక్ఖాసహగతస్స ధమ్మస్స అనన్తరపచ్చయేన పచ్చయో – సుఖసహగతం చుతిచిత్తం ఉపేక్ఖాసహగతస్స ఉపపత్తిచిత్తస్స అనన్తరపచ్చయేన పచ్చయో. సుఖసహగతం భవఙ్గం ఆవజ్జనాయ అనన్తరపచ్చయేన పచ్చయో. సుఖసహగతం కాయవిఞ్ఞాణం విపాకమనోధాతుయా అనన్తరపచ్చయేన పచ్చయో. సుఖసహగతా విపాకమనోవిఞ్ఞాణధాతు కిరియమనోవిఞ్ఞాణధాతుయా అనన్తరపచ్చయేన పచ్చయో సుఖసహగతం భవఙ్గం ఉపేక్ఖాసహగతస్స భవఙ్గస్స అనన్తరపచ్చయేన పచ్చయో. సుఖసహగతం కుసలాకుసలం ఉపేక్ఖాసహగతస్స వుట్ఠానస్స… కిరియం వుట్ఠానస్స… ఫలం వుట్ఠానస్స అనన్తరపచ్చయేన పచ్చయో. (౩)

సుఖసహగతో ధమ్మో పీతిసహగతస్స చ సుఖసహగతస్స చ ధమ్మస్స అనన్తరపచ్చయేన పచ్చయో – పురిమా పురిమా సుఖసహగతా ఖన్ధా పచ్ఛిమానం పచ్ఛిమానం పీతిసహగతానఞ్చ సుఖసహగతానఞ్చ ఖన్ధానం అనన్తరపచ్చయేన పచ్చయో…పే… సుఖసహగతం అనులోమం పీతిసహగతాయ చ సుఖసహగతాయ చ ఫలసమాపత్తియా అనన్తరపచ్చయేన పచ్చయో. (౪)

౨౮. ఉపేక్ఖాసహగతో ధమ్మో ఉపేక్ఖాసహగతస్స ధమ్మస్స అనన్తరపచ్చయేన పచ్చయో – పురిమా పురిమా ఉపేక్ఖాసహగతా ఖన్ధా పచ్ఛిమానం పచ్ఛిమానం ఉపేక్ఖాసహగతానం ఖన్ధానం…పే… ఆవజ్జనా పఞ్చన్నం విఞ్ఞాణానం అనన్తరపచ్చయేన పచ్చయో. ఉపేక్ఖాసహగతం అనులోమం ఉపేక్ఖాసహగతాయ ఫలసమాపత్తియా… నిరోధా వుట్ఠహన్తస్స నేవసఞ్ఞానాసఞ్ఞాయతనం ఉపేక్ఖాసహగతాయ ఫలసమాపత్తియా అనన్తరపచ్చయేన పచ్చయో. (౧)

ఉపేక్ఖాసహగతో ధమ్మో పీతిసహగతస్స ధమ్మస్స అనన్తరపచ్చయేన పచ్చయో – ఉపేక్ఖాసహగతం చుతిచిత్తం పీతిసహగతస్స ఉపపత్తిచిత్తస్స…పే… ఆవజ్జనా పీతిసహగతానం ఖన్ధానం…పే… విపాకమనోధాతు పీతిసహగతాయ విపాకమనోవిఞ్ఞాణధాతుయా…పే… ఉపేక్ఖాసహగతం భవఙ్గం పీతిసహగతస్స భవఙ్గస్స…పే… ఉపేక్ఖాసహగతం కుసలాకుసలం పీతిసహగతస్స వుట్ఠానస్స… కిరియం వుట్ఠానస్స… ఫలం వుట్ఠానస్స… నిరోధా వుట్ఠహన్తస్స నేవసఞ్ఞానాసఞ్ఞాయతనం పీతిసహగతాయ ఫలసమాపత్తియా అనన్తరపచ్చయేన పచ్చయో. (౨)

ఉపేక్ఖాసహగతో ధమ్మో సుఖసహగతస్స ధమ్మస్స…పే… పీతిసహగతస్స చ సుఖసహగతస్స చ ధమ్మస్స అనన్తరపచ్చయేన పచ్చయో. (౪)

(తానియేవ చ గమనాని నియామేతబ్బాని.)

౨౯. పీతిసహగతో చ సుఖసహగతో చ ధమ్మా పీతిసహగతస్స ధమ్మస్స…పే… సుఖసహగతస్స ధమ్మస్స…పే… ఉపేక్ఖాసహగతస్స ధమ్మస్స అనన్తరపచ్చయేన పచ్చయో – పీతిసహగతఞ్చ సుఖసహగతఞ్చ చుతిచిత్తం ఉపేక్ఖాసహగతస్స ఉపపత్తిచిత్తస్స…పే… పీతిసహగతఞ్చ సుఖసహగతఞ్చ భవఙ్గం ఆవజ్జనాయ…పే… పీతిసహగతా చ సుఖసహగతా చ విపాకమనోవిఞ్ఞాణధాతు కిరియమనోవిఞ్ఞాణధాతుయా…పే… పీతిసహగతఞ్చ సుఖసహగతఞ్చ భవఙ్గం ఉపేక్ఖాసహగతస్స భవఙ్గస్స…పే… పీతిసహగతఞ్చ సుఖసహగతఞ్చ కుసలాకుసలం ఉపేక్ఖాసహగతస్స వుట్ఠానస్స… కిరియం వుట్ఠానస్స… ఫలం వుట్ఠానస్స అనన్తరపచ్చయేన పచ్చయో. (౩)

పీతిసహగతో చ సుఖసహగతో చ ధమ్మా పీతిసహగతస్స చ సుఖసహగతస్స చ ధమ్మస్స అనన్తరపచ్చయేన పచ్చయో – పురిమా పురిమా పీతిసహగతా చ సుఖసహగతా చ ఖన్ధా పచ్ఛిమానం పచ్ఛిమానం పీతిసహగతానఞ్చ సుఖసహగతానఞ్చ ఖన్ధానం…పే… పీతిసహగతఞ్చ సుఖసహగతఞ్చ అనులోమం పీతిసహగతాయ చ సుఖసహగతాయ చ ఫలసమాపత్తియా అనన్తరపచ్చయేన పచ్చయో. (౪)

సమనన్తరపచ్చయో

౩౦. పీతిసహగతో ధమ్మో పీతిసహగతస్స ధమ్మస్స సమనన్తరపచ్చయేన పచ్చయో (అనన్తరపచ్చయసదిసం).

సహజాతపచ్చయో

౩౧. పీతిసహగతో ధమ్మో పీతిసహగతస్స ధమ్మస్స సహజాతపచ్చయేన పచ్చయో – పీతిసహగతో ఏకో ఖన్ధో తిణ్ణన్నం ఖన్ధానం సహజాతపచ్చయేన పచ్చయో…పే… ద్వే ఖన్ధా ద్విన్నం ఖన్ధానం సహజాతపచ్చయేన పచ్చయో…పే… (పటిచ్చసదిసం సహజాతే దస పఞ్హా).

అఞ్ఞమఞ్ఞ-నిస్సయపచ్చయా

౩౨. పీతిసహగతో ధమ్మో పీతిసహగతస్స ధమ్మస్స అఞ్ఞమఞ్ఞపచ్చయేన పచ్చయో… నిస్సయపచ్చయేన పచ్చయో (దస పఞ్హా కాతబ్బా).

ఉపనిస్సయపచ్చయో

౩౩. పీతిసహగతో ధమ్మో పీతిసహగతస్స ధమ్మస్స ఉపనిస్సయపచ్చయేన పచ్చయో – ఆరమ్మణూపనిస్సయో, అనన్తరూపనిస్సయో, పకతూపనిస్సయో…పే…. పకతూపనిస్సయో – పీతిసహగతం సద్ధం ఉపనిస్సాయ పీతిసహగతేన చిత్తేన దానం దేతి, సీలం సమాదియతి, ఉపోసథకమ్మం కరోతి, పీతిసహగతం ఝానం ఉప్పాదేతి, విపస్సనం ఉప్పాదేతి, మగ్గం ఉప్పాదేతి, సమాపత్తిం ఉప్పాదేతి, మానం జప్పేతి, దిట్ఠిం గణ్హాతి. పీతిసహగతం సీలం… సుతం… చాగం… పఞ్ఞం ఉపనిస్సాయ పీతిసహగతేన చిత్తేన దానం దేతి, సీలం సమాదియతి…పే… మానం జప్పేతి, దిట్ఠిం గణ్హాతి. పీతిసహగతం రాగం… మోహం… మానం… దిట్ఠిం… పత్థనం ఉపనిస్సాయ పీతిసహగతేన చిత్తేన దానం దేతి, సీలం సమాదియతి, ఉపోసథకమ్మం కరోతి, పీతిసహగతం ఝానం ఉప్పాదేతి…పే… సమాపత్తిం ఉప్పాదేతి. పీతిసహగతేన చిత్తేన అదిన్నం ఆదియతి, ముసా భణతి, పిసుణం భణతి, సమ్ఫం పలపతి, సన్ధిం ఛిన్దతి, నిల్లోపం హరతి, ఏకాగారికం కరోతి, పరిపన్థే తిట్ఠతి, పరదారం గచ్ఛతి, గామఘాతం కరోతి, నిగమఘాతం కరోతి. పీతిసహగతా సద్ధా… సీలం… సుతం… చాగో… పఞ్ఞా… రాగో… మోహో… మానో… దిట్ఠి… పత్థనా పీతిసహగతాయ సద్ధాయ… సీలస్స… సుతస్స… చాగస్స… పఞ్ఞాయ… రాగస్స… మోహస్స… మానస్స… దిట్ఠియా… పత్థనాయ ఉపనిస్సయపచ్చయేన పచ్చయో. (౧)

పీతిసహగతో ధమ్మో సుఖసహగతస్స ధమ్మస్స ఉపనిస్సయపచ్చయేన పచ్చయో – ఆరమ్మణూపనిస్సయో, అనన్తరూపనిస్సయో, పకతూపనిస్సయో…పే…. పకతూపనిస్సయో – పీతిసహగతం సద్ధం ఉపనిస్సాయ సుఖసహగతేన చిత్తేన దానం దేతి…పే… సమాపత్తిం ఉప్పాదేతి, మానం జప్పేతి, దిట్ఠిం గణ్హాతి. పీతిసహగతం సీలం… సుతం… చాగం… పఞ్ఞం… రాగం… మోహం… మానం… దిట్ఠిం… పత్థనం ఉపనిస్సాయ సుఖసహగతేన చిత్తేన దానం దేతి…పే… సమాపత్తిం ఉప్పాదేతి. సుఖసహగతేన చిత్తేన అదిన్నం ఆదియతి…పే… నిగమఘాతం కరోతి. పీతిసహగతా సద్ధా…పే… పత్థనా సుఖసహగతాయ సద్ధాయ…పే… పత్థనాయ సుఖసహగతస్స కాయవిఞ్ఞాణస్స ఉపనిస్సయపచ్చయేన పచ్చయో. (౨)

పీతిసహగతో ధమ్మో ఉపేక్ఖాసహగతస్స ధమ్మస్స ఉపనిస్సయపచ్చయేన పచ్చయో – ఆరమ్మణూపనిస్సయో, అనన్తరూపనిస్సయో, పకతూపనిస్సయో…పే…. పకతూపనిస్సయో – పీతిసహగతం సద్ధం ఉపనిస్సాయ ఉపేక్ఖాసహగతేన చిత్తేన దానం దేతి…పే… అభిఞ్ఞం ఉప్పాదేతి, సమాపత్తిం ఉప్పాదేతి, మానం జప్పేతి, దిట్ఠిం గణ్హాతి. పీతిసహగతం సీలం…పే… పత్థనం ఉపనిస్సాయ ఉపేక్ఖాసహగతేన చిత్తేన దానం దేతి…పే… నిగమఘాతం కరోతి. పీతిసహగతా సద్ధా…పే… పత్థనా ఉపేక్ఖాసహగతాయ సద్ధాయ…పే… పత్థనాయ ఉపనిస్సయపచ్చయేన పచ్చయో. (౩)

పీతిసహగతో ధమ్మో పీతిసహగతస్స చ సుఖసహగతస్స చ ధమ్మస్స ఉపనిస్సయపచ్చయేన పచ్చయో – ఆరమ్మణూపనిస్సయో, అనన్తరూపనిస్సయో, పకతూపనిస్సయో…పే…. పకతూపనిస్సయో – పీతిసహగతం సద్ధం ఉపనిస్సాయ పీతిసహగతేన చ సుఖసహగతేన చ చిత్తేన దానం దేతి…పే… దిట్ఠిం గణ్హాతి. పీతిసహగతం సీలం…పే… పత్థనం ఉపనిస్సాయ పీతిసహగతేన చ సుఖసహగతేన చ చిత్తేన దానం దేతి…పే… నిగమఘాతం కరోతి. పీతిసహగతా సద్ధా…పే… పత్థనా పీతిసహగతాయ చ సుఖసహగతాయ చ సద్ధాయ…పే… పత్థనాయ ఉపనిస్సయపచ్చయేన పచ్చయో. (౪)

౩౪. సుఖసహగతో ధమ్మో సుఖసహగతస్స ధమ్మస్స ఉపనిస్సయపచ్చయేన పచ్చయో – ఆరమ్మణూపనిస్సయో, అనన్తరూపనిస్సయో, పకతూపనిస్సయో…పే…. పకతూపనిస్సయో – సుఖసహగతం సద్ధం ఉపనిస్సాయ సుఖసహగతేన చిత్తేన దానం దేతి…పే… దిట్ఠిం గణ్హాతి. సుఖసహగతం సీలం…పే… పత్థనం సుఖసహగతం కాయవిఞ్ఞాణం ఉపనిస్సాయ సుఖసహగతేన చిత్తేన దానం దేతి…పే… నిగమఘాతం కరోతి. సుఖసహగతా సద్ధా…పే… పత్థనా సుఖసహగతం కాయవిఞ్ఞాణం సుఖసహగతాయ సద్ధాయ…పే… పత్థనాయ సుఖసహగతస్స కాయవిఞ్ఞాణస్స ఉపనిస్సయపచ్చయేన పచ్చయో. (౧)

సుఖసహగతో ధమ్మో పీతిసహగతస్స ధమ్మస్స ఉపనిస్సయపచ్చయేన పచ్చయో – ఆరమ్మణూపనిస్సయో, అనన్తరూపనిస్సయో, పకతూపనిస్సయో…పే…. పకతూపనిస్సయో – సుఖసహగతం సద్ధం ఉపనిస్సాయ పీతిసహగతేన చిత్తేన దానం దేతి…పే… దిట్ఠిం గణ్హాతి. సుఖసహగతం సీలం…పే… పత్థనం సుఖసహగతం కాయవిఞ్ఞాణం ఉపనిస్సాయ పీతిసహగతేన చిత్తేన దానం దేతి…పే… నిగమఘాతం కరోతి. సుఖసహగతా సద్ధా…పే… పత్థనా సుఖసహగతం కాయవిఞ్ఞాణం పీతిసహగతాయ సద్ధాయ…పే… పత్థనాయ ఉపనిస్సయపచ్చయేన పచ్చయో. (౨)

సుఖసహగతో ధమ్మో ఉపేక్ఖాసహగతస్స ధమ్మస్స ఉపనిస్సయపచ్చయేన పచ్చయో – ఆరమ్మణూపనిస్సయో, అనన్తరూపనిస్సయో, పకతూపనిస్సయో…పే…. పకతూపనిస్సయో – సుఖసహగతం సద్ధం ఉపనిస్సాయ ఉపేక్ఖాసహగతేన చిత్తేన దానం దేతి…పే… అభిఞ్ఞం ఉప్పాదేతి…పే… దిట్ఠిం గణ్హాతి. సుఖసహగతం సీలం…పే… పత్థనం సుఖసహగతం కాయవిఞ్ఞాణం ఉపనిస్సాయ ఉపేక్ఖాసహగతేన చిత్తేన దానం దేతి…పే… నిగమఘాతం కరోతి. సుఖసహగతా సద్ధా…పే… పత్థనా సుఖసహగతం కాయవిఞ్ఞాణం ఉపేక్ఖాసహగతాయ సద్ధాయ…పే… పత్థనాయ ఉపనిస్సయపచ్చయేన పచ్చయో. (౩)

సుఖసహగతో ధమ్మో పీతిసహగతస్స చ సుఖసహగతస్స చ ధమ్మస్స ఉపనిస్సయపచ్చయేన పచ్చయో – ఆరమ్మణూపనిస్సయో, అనన్తరూపనిస్సయో, పకతూపనిస్సయో …పే…. పకతూపనిస్సయో – సుఖసహగతం సద్ధం ఉపనిస్సాయ పీతిసహగతేన చ సుఖసహగతేన చ చిత్తేన దానం దేతి…పే… దిట్ఠిం గణ్హాతి. సుఖసహగతం సీలం…పే… పత్థనం సుఖసహగతం కాయవిఞ్ఞాణం ఉపనిస్సాయ పీతిసహగతేన చ సుఖసహగతేన చ చిత్తేన దానం దేతి…పే… నిగమఘాతం కరోతి. సుఖసహగతా సద్ధా…పే… పత్థనా సుఖసహగతం కాయవిఞ్ఞాణం పీతిసహగతాయ చ సుఖసహగతాయ చ సద్ధాయ…పే… పత్థనాయ ఉపనిస్సయపచ్చయేన పచ్చయో. (౪)

౩౫. ఉపేక్ఖాసహగతో ధమ్మో ఉపేక్ఖాసహగతస్స ధమ్మస్స ఉపనిస్సయపచ్చయేన పచ్చయో – ఆరమ్మణూపనిస్సయో, అనన్తరూపనిస్సయో, పకతూపనిస్సయో…పే…. పకతూపనిస్సయో – ఉపేక్ఖాసహగతం సద్ధం ఉపనిస్సాయ ఉపేక్ఖాసహగతేన చిత్తేన దానం దేతి…పే… అభిఞ్ఞం ఉప్పాదేతి…పే… దిట్ఠిం గణ్హాతి. ఉపేక్ఖాసహగతం సీలం…పే… పత్థనం ఉపనిస్సాయ ఉపేక్ఖాసహగతేన చిత్తేన దానం దేతి…పే… నిగమఘాతం కరోతి. ఉపేక్ఖాసహగతా సద్ధా…పే… పత్థనా ఉపేక్ఖాసహగతాయ సద్ధాయ…పే… పత్థనాయ ఉపనిస్సయపచ్చయేన పచ్చయో. (౧)

ఉపేక్ఖాసహగతో ధమ్మో పీతిసహగతస్స ధమ్మస్స ఉపనిస్సయపచ్చయేన పచ్చయో – ఆరమ్మణూపనిస్సయో, అనన్తరూపనిస్సయో, పకతూపనిస్సయో…పే…. పకతూపనిస్సయో – ఉపేక్ఖాసహగతం సద్ధం ఉపనిస్సాయ పీతిసహగతేన చిత్తేన దానం దేతి…పే… దిట్ఠిం గణ్హాతి. ఉపేక్ఖాసహగతం సీలం…పే… పత్థనం ఉపనిస్సాయ పీతిసహగతేన చిత్తేన దానం దేతి…పే… నిగమఘాతం కరోతి. ఉపేక్ఖాసహగతా సద్ధా…పే… పత్థనా పీతిసహగతాయ సద్ధాయ…పే… పత్థనాయ ఉపనిస్సయపచ్చయేన పచ్చయో. (౨)

ఉపేక్ఖాసహగతో ధమ్మో సుఖసహగతస్స ధమ్మస్స ఉపనిస్సయపచ్చయేన పచ్చయో – ఆరమ్మణూపనిస్సయో, అనన్తరూపనిస్సయో, పకతూపనిస్సయో…పే…. పకతూపనిస్సయో – ఉపేక్ఖాసహగతం సద్ధం ఉపనిస్సాయ సుఖసహగతేన చిత్తేన దానం దేతి…పే… దిట్ఠిం గణ్హాతి. ఉపేక్ఖాసహగతం సీలం…పే… పత్థనం ఉపనిస్సాయ సుఖసహగతేన చిత్తేన దానం దేతి…పే… నిగమఘాతం కరోతి. ఉపేక్ఖాసహగతా సద్ధా…పే… పత్థనా సుఖసహగతాయ సద్ధాయ…పే… పత్థనాయ సుఖసహగతస్స కాయవిఞ్ఞాణస్స ఉపనిస్సయపచ్చయేన పచ్చయో. (౩)

ఉపేక్ఖాసహగతో ధమ్మో పీతిసహగతస్స చ సుఖసహగతస్స చ ధమ్మస్స ఉపనిస్సయపచ్చయేన పచ్చయో – ఆరమ్మణూపనిస్సయో, అనన్తరూపనిస్సయో, పకతూపనిస్సయో…పే…. పకతూపనిస్సయో – ఉపేక్ఖాసహగతం సద్ధం ఉపనిస్సాయ పీతిసహగతేన చ సుఖసహగతేన చ చిత్తేన దానం దేతి…పే… దిట్ఠిం గణ్హాతి. ఉపేక్ఖాసహగతం సీలం…పే… పత్థనం ఉపనిస్సాయ పీతిసహగతేన చ సుఖసహగతేన చ చిత్తేన దానం దేతి…పే… నిగమఘాతం కరోతి. ఉపేక్ఖాసహగతా సద్ధా…పే… పత్థనా పీతిసహగతాయ చ సుఖసహగతాయ చ సద్ధాయ…పే… పత్థనాయ ఉపనిస్సయపచ్చయేన పచ్చయో. (౪)

౩౬. పీతిసహగతో చ సుఖసహగతో చ ధమ్మా పీతిసహగతస్స ధమ్మస్స ఉపనిస్సయపచ్చయేన పచ్చయో – ఆరమ్మణూపనిస్సయో, అనన్తరూపనిస్సయో, పకతూపనిస్సయో…పే…. పకతూపనిస్సయో – పీతిసహగతఞ్చ సుఖసహగతఞ్చ సద్ధం ఉపనిస్సాయ పీతిసహగతేన చిత్తేన దానం దేతి…పే… దిట్ఠిం గణ్హాతి. పీతిసహగతఞ్చ సుఖసహగతఞ్చ సీలం…పే… పత్థనం ఉపనిస్సాయ పీతిసహగతేన చిత్తేన దానం దేతి…పే… నిగమఘాతం కరోతి. పీతిసహగతా చ సుఖసహగతా చ సద్ధా…పే… పత్థనా పీతిసహగతాయ సద్ధాయ…పే… పత్థనాయ ఉపనిస్సయపచ్చయేన పచ్చయో. (౧)

పీతిసహగతో చ సుఖసహగతో చ ధమ్మా సుఖసహగతస్స ధమ్మస్స ఉపనిస్సయపచ్చయేన పచ్చయో – ఆరమ్మణూపనిస్సయో, అనన్తరూపనిస్సయో, పకతూపనిస్సయో…పే…. పకతూపనిస్సయో – పీతిసహగతఞ్చ సుఖసహగతఞ్చ సద్ధం ఉపనిస్సాయ సుఖసహగతేన చిత్తేన దానం దేతి…పే… దిట్ఠిం గణ్హాతి. పీతిసహగతఞ్చ సుఖసహగతఞ్చ సీలం…పే… పత్థనం ఉపనిస్సాయ సుఖసహగతేన చిత్తేన దానం దేతి…పే… నిగమఘాతం కరోతి. పీతిసహగతా చ సుఖసహగతా చ సద్ధా…పే… పత్థనా సుఖసహగతాయ సద్ధాయ…పే… పత్థనాయ సుఖసహగతస్స కాయవిఞ్ఞాణస్స ఉపనిస్సయపచ్చయేన పచ్చయో. (౨)

పీతిసహగతో చ సుఖసహగతో చ ధమ్మా ఉపేక్ఖాసహగతస్స ధమ్మస్స ఉపనిస్సయపచ్చయేన పచ్చయో – ఆరమ్మణూపనిస్సయో, అనన్తరూపనిస్సయో, పకతూపనిస్సయో…పే…. పకతూపనిస్సయో – పీతిసహగతఞ్చ సుఖసహగతఞ్చ సద్ధం ఉపనిస్సాయ ఉపేక్ఖాసహగతేన చిత్తేన దానం దేతి …పే… అభిఞ్ఞం ఉప్పాదేతి…పే… దిట్ఠిం గణ్హాతి. పీతిసహగతఞ్చ సుఖసహగతఞ్చ సీలం…పే… పత్థనం ఉపనిస్సాయ ఉపేక్ఖాసహగతేన చిత్తేన దానం దేతి…పే… నిగమఘాతం కరోతి. పీతిసహగతా చ సుఖసహగతా చ సద్ధా…పే… పత్థనా ఉపేక్ఖాసహగతాయ సద్ధాయ…పే… పత్థనాయ ఉపనిస్సయపచ్చయేన పచ్చయో. (౩)

పీతిసహగతో చ సుఖసహగతో చ ధమ్మా పీతిసహగతస్స చ సుఖసహగతస్స చ ధమ్మస్స ఉపనిస్సయపచ్చయేన పచ్చయో – ఆరమ్మణూపనిస్సయో, అనన్తరూపనిస్సయో, పకతూపనిస్సయో…పే…. పకతూపనిస్సయో – పీతిసహగతఞ్చ సుఖసహగతఞ్చ సద్ధం ఉపనిస్సాయ పీతిసహగతేన చ సుఖసహగతేన చ చిత్తేన దానం దేతి, సీలం సమాదియతి, ఉపోసథకమ్మం కరోతి. పీతిసహగతఞ్చ సుఖసహగతఞ్చ ఝానం ఉప్పాదేతి, విపస్సనం ఉప్పాదేతి, మగ్గం ఉప్పాదేతి, సమాపత్తిం ఉప్పాదేతి, మానం జప్పేతి, దిట్ఠిం గణ్హాతి. పీతిసహగతఞ్చ సుఖసహగతఞ్చ సీలం… సుతం… చాగం… పఞ్ఞం… రాగం… మోహం… మానం… దిట్ఠిం… పత్థనం ఉపనిస్సాయ పీతిసహగతేన చ సుఖసహగతేన చ చిత్తేన దానం దేతి, సీలం సమాదియతి, ఉపోసథకమ్మం కరోతి. పీతిసహగతఞ్చ సుఖసహగతఞ్చ ఝానం ఉప్పాదేతి…పే… సమాపత్తిం ఉప్పాదేతి. పీతిసహగతేన చ సుఖసహగతేన చ చిత్తేన అదిన్నం ఆదియతి, ముసా భణతి, పిసుణం భణతి, సమ్ఫం పలపతి, సన్ధిం ఛిన్దతి, నిల్లోపం హరతి, ఏకాగారికం కరోతి, పరిపన్థే తిట్ఠతి, పరదారం గచ్ఛతి, గామఘాతం కరోతి, నిగమఘాతం కరోతి. పీతిసహగతా చ సుఖసహగతా చ సద్ధా…పే… పత్థనా పీతిసహగతాయ చ సుఖసహగతాయ చ సద్ధాయ…పే… పత్థనాయ ఉపనిస్సయపచ్చయేన పచ్చయో. (౪)

ఆసేవనపచ్చయో

౩౭. పీతిసహగతో ధమ్మో పీతిసహగతస్స ధమ్మస్స ఆసేవనపచ్చయేన పచ్చయో – పురిమా పురిమా పీతిసహగతా ఖన్ధా పచ్ఛిమానం పచ్ఛిమానం పీతిసహగతానం ఖన్ధానం ఆసేవనపచ్చయేన పచ్చయో. పీతిసహగతం అనులోమం పీతిసహగతస్స గోత్రభుస్స… అనులోమం వోదానస్స… గోత్రభు మగ్గస్స… వోదానం మగ్గస్స ఆసేవనపచ్చయేన పచ్చయో. (౧)

పీతిసహగతో ధమ్మో సుఖసహగతస్స ధమ్మస్స ఆసేవనపచ్చయేన పచ్చయో – పురిమా పురిమా పీతిసహగతా ఖన్ధా పచ్ఛిమానం పచ్ఛిమానం సుఖసహగతానం ఖన్ధానం ఆసేవనపచ్చయేన పచ్చయో. పీతిసహగతం అనులోమం సుఖసహగతస్స గోత్రభుస్స ఆసేవనపచ్చయేన పచ్చయో. పీతిసహగతం అనులోమం సుఖసహగతస్స వోదానస్స ఆసేవనపచ్చయేన పచ్చయో. పీతిసహగతం గోత్రభు సుఖసహగతస్స మగ్గస్స… పీతిసహగతం వోదానం సుఖసహగతస్స మగ్గస్స ఆసేవనపచ్చయేన పచ్చయో. (౨)

పీతిసహగతో ధమ్మో పీతిసహగతస్స చ సుఖసహగతస్స చ ధమ్మస్స ఆసేవనపచ్చయేన పచ్చయో – పురిమా పురిమా పీతిసహగతా ఖన్ధా పచ్ఛిమానం పచ్ఛిమానం పీతిసహగతానఞ్చ సుఖసహగతానఞ్చ ఆసేవనపచ్చయేన పచ్చయో…పే… పీతిసహగతం వోదానం పీతిసహగతస్స చ సుఖసహగతస్స చ మగ్గస్స ఆసేవనపచ్చయేన పచ్చయో. (౩)

౩౮. సుఖసహగతో ధమ్మో సుఖసహగతస్స ధమ్మస్స…పే… పీతిసహగతస్స ధమ్మస్స…పే… పీతిసహగతస్స చ సుఖసహగతస్స చ ధమ్మస్స ఆసేవనపచ్చయేన పచ్చయో (సంఖిత్తం. పీతినయం పస్సిత్వా కాతబ్బం).

ఉపేక్ఖాసహగతో ధమ్మో ఉపేక్ఖాసహగతస్స ధమ్మస్స ఆసేవనపచ్చయేన పచ్చయో – పురిమా పురిమా ఉపేక్ఖాసహగతా ఖన్ధా పచ్ఛిమానం పచ్ఛిమానం ఉపేక్ఖాసహగతానం ఖన్ధానం…పే… ఉపేక్ఖాసహగతం వోదానం ఉపేక్ఖాసహగతస్స మగ్గస్స ఆసేవనపచ్చయేన పచ్చయో. (౧)

౩౯. పీతిసహగతో చ సుఖసహగతో చ ధమ్మా పీతిసహగతస్స ధమ్మస్స…పే… సుఖసహగతస్స ధమ్మస్స…పే… పీతిసహగతస్స చ సుఖసహగతస్స చ ధమ్మస్స ఆసేవనపచ్చయేన పచ్చయో – పురిమా పురిమా పీతిసహగతా చ సుఖసహగతా చ ఖన్ధా పచ్ఛిమానం పచ్ఛిమానం పీతిసహగతానఞ్చ సుఖసహగతానఞ్చ ఖన్ధానం ఆసేవనపచ్చయేన పచ్చయో…పే… పీతిసహగతఞ్చ సుఖసహగతఞ్చ వోదానం పీతిసహగతస్స చ సుఖసహగతస్స చ మగ్గస్స ఆసేవనపచ్చయేన పచ్చయో. (౩)

కమ్మపచ్చయో

౪౦. పీతిసహగతో ధమ్మో పీతిసహగతస్స ధమ్మస్స కమ్మపచ్చయేన పచ్చయో – సహజాతా, నానాక్ఖణికా [నానాఖణికా (స్యా. క.)]. సహజాతా – పీతిసహగతా చేతనా సమ్పయుత్తకానం ఖన్ధానం కమ్మపచ్చయేన పచ్చయో. పటిసన్ధిక్ఖణే పీతిసహగతా చేతనా సమ్పయుత్తకానం ఖన్ధానం కమ్మపచ్చయేన పచ్చయో. నానాక్ఖణికా – పీతిసహగతా చేతనా విపాకానం పీతిసహగతానం ఖన్ధానం కమ్మపచ్చయేన పచ్చయో. (౧)

పీతిసహగతో ధమ్మో సుఖసహగతస్స ధమ్మస్స కమ్మపచ్చయేన పచ్చయో – సహజాతా, నానాక్ఖణికా. సహజాతా – పీతిసహగతా చేతనా సమ్పయుత్తకానం సుఖసహగతానం ఖన్ధానం కమ్మపచ్చయేన పచ్చయో. పటిసన్ధిక్ఖణే పీతిసహగతా చేతనా సమ్పయుత్తకానం సుఖసహగతానం ఖన్ధానం కమ్మపచ్చయేన పచ్చయో. నానాక్ఖణికా – పీతిసహగతా చేతనా విపాకానం సుఖసహగతానం ఖన్ధానం కమ్మపచ్చయేన పచ్చయో. (౨)