౧. విభఙ్గవారో
హేతుపచ్చయో
౬౬. సవితక్కసవిచారో ధమ్మో సవితక్కసవిచారస్స ధమ్మస్స హేతుపచ్చయేన పచ్చయో – సవితక్కసవిచారా హేతూ సమ్పయుత్తకానం ఖన్ధానం హేతుపచ్చయేన పచ్చయో. పటిసన్ధిక్ఖణే…పే…. (౧)
సవితక్కసవిచారో ధమ్మో అవితక్కవిచారమత్తస్స ధమ్మస్స హేతుపచ్చయేన పచ్చయో – సవితక్కసవిచారా హేతూ వితక్కస్స హేతుపచ్చయేన పచ్చయో. పటిసన్ధిక్ఖణే…పే…. (౨)
సవితక్కసవిచారో ధమ్మో అవితక్కఅవిచారస్స ధమ్మస్స హేతుపచ్చయేన పచ్చయో – సవితక్కసవిచారా హేతూ చిత్తసముట్ఠానానం రూపానం హేతుపచ్చయేన పచ్చయో. పటిసన్ధిక్ఖణే సవితక్కసవిచారా హేతూ కటత్తారూపానం హేతుపచ్చయేన పచ్చయో. (౩)
సవితక్కసవిచారో ధమ్మో సవితక్కసవిచారస్స చ అవితక్కఅవిచారస్స చ ధమ్మస్స హేతుపచ్చయేన పచ్చయో – సవితక్కసవిచారా హేతూ సమ్పయుత్తకానం ఖన్ధానం చిత్తసముట్ఠానానఞ్చ రూపానం హేతుపచ్చయేన పచ్చయో. పటిసన్ధిక్ఖణే సవితక్కసవిచారా హేతూ సమ్పయుత్తకానం ఖన్ధానం కటత్తా చ రూపానం హేతుపచ్చయేన పచ్చయో. (౪)
సవితక్కసవిచారో ధమ్మో అవితక్కవిచారమత్తస్స చ అవితక్కఅవిచారస్స చ ధమ్మస్స హేతుపచ్చయేన పచ్చయో – సవితక్కసవిచారా హేతూ వితక్కస్స చిత్తసముట్ఠానానఞ్చ రూపానం హేతుపచ్చయేన పచ్చయో. పటిసన్ధిక్ఖణే సవితక్కసవిచారా హేతూ వితక్కస్స కటత్తా చ రూపానం హేతుపచ్చయేన పచ్చయో. (౫)
సవితక్కసవిచారో ధమ్మో సవితక్కసవిచారస్స చ అవితక్కవిచారమత్తస్స చ ధమ్మస్స హేతుపచ్చయేన పచ్చయో – సవితక్కసవిచారా హేతూ సమ్పయుత్తకానం ఖన్ధానం వితక్కస్స చ హేతుపచ్చయేన పచ్చయో. పటిసన్ధిక్ఖణే సవితక్కసవిచారా హేతూ సమ్పయుత్తకానం ఖన్ధానం వితక్కస్స చ హేతుపచ్చయేన పచ్చయో. (౬)
సవితక్కసవిచారో ధమ్మో సవితక్కసవిచారస్స చ అవితక్కవిచారమత్తస్స చ అవితక్కఅవిచారస్స చ ధమ్మస్స హేతుపచ్చయేన పచ్చయో – సవితక్కసవిచారా హేతూ సమ్పయుత్తకానం ఖన్ధానం వితక్కస్స చ చిత్తసముట్ఠానానఞ్చ రూపానం హేతుపచ్చయేన పచ్చయో. పటిసన్ధిక్ఖణే సవితక్కసవిచారా హేతూ సమ్పయుత్తకానం ఖన్ధానం వితక్కస్స చ కటత్తా చ రూపానం హేతుపచ్చయేన పచ్చయో. (౭)
౬౭. అవితక్కవిచారమత్తో ధమ్మో అవితక్కవిచారమత్తస్స ధమ్మస్స హేతుపచ్చయేన పచ్చయో – అవితక్కవిచారమత్తా హేతూ సమ్పయుత్తకానం ఖన్ధానం హేతుపచ్చయేన పచ్చయో. పటిసన్ధిక్ఖణే అవితక్కవిచారమత్తా హేతూ సమ్పయుత్తకానం ఖన్ధానం హేతుపచ్చయేన పచ్చయో. (౧)
అవితక్కవిచారమత్తో ధమ్మో అవితక్కఅవిచారస్స ధమ్మస్స హేతుపచ్చయేన పచ్చయో – అవితక్కవిచారమత్తా హేతూ విచారస్స చిత్తసముట్ఠానానఞ్చ రూపానం హేతుపచ్చయేన పచ్చయో. పటిసన్ధిక్ఖణే అవితక్కవిచారమత్తా హేతూ విచారస్స చ కటత్తా చ రూపానం హేతుపచ్చయేన పచ్చయో. (౨)
అవితక్కవిచారమత్తో ధమ్మో అవితక్కవిచారమత్తస్స చ అవితక్కఅవిచారస్స చ ధమ్మస్స హేతుపచ్చయేన పచ్చయో – అవితక్కవిచారమత్తా హేతూ సమ్పయుత్తకానం ఖన్ధానం విచారస్స చ చిత్తసముట్ఠానానఞ్చ రూపానం హేతుపచ్చయేన పచ్చయో. పటిసన్ధిక్ఖణే అవితక్కవిచారమత్తా హేతూ సమ్పయుత్తకానం ఖన్ధానం విచారస్స చ కటత్తా చ రూపానం హేతుపచ్చయేన పచ్చయో. (౩)
౬౮. అవితక్కఅవిచారో ధమ్మో అవితక్కఅవిచారస్స ధమ్మస్స హేతుపచ్చయేన పచ్చయో – అవితక్కఅవిచారా హేతూ సమ్పయుత్తకానం ఖన్ధానం చిత్తసముట్ఠానానఞ్చ రూపానం హేతుపచ్చయేన పచ్చయో. పటిసన్ధిక్ఖణే అవితక్కఅవిచారా హేతూ సమ్పయుత్తకానం ఖన్ధానం కటత్తా చ రూపానం హేతుపచ్చయేన పచ్చయో. (౧)
ఆరమ్మణపచ్చయో
౬౯. సవితక్కసవిచారో ధమ్మో సవితక్కసవిచారస్స ధమ్మస్స ఆరమ్మణపచ్చయేన పచ్చయో – దానం దత్వా సీలం సమాదియిత్వా ఉపోసథకమ్మం కత్వా తం పచ్చవేక్ఖతి; పుబ్బే సుచిణ్ణాని పచ్చవేక్ఖతి; సవితక్కసవిచారా ఝానా వుట్ఠహిత్వా, మగ్గా వుట్ఠహిత్వా, ఫలా వుట్ఠహిత్వా ఫలం పచ్చవేక్ఖతి. అరియా పహీనే కిలేసే పచ్చవేక్ఖన్తి, విక్ఖమ్భితే కిలేసే పచ్చవేక్ఖన్తి, పుబ్బే సముదాచిణ్ణే కిలేసే జానన్తి. సవితక్కసవిచారే ఖన్ధే అనిచ్చతో దుక్ఖతో అనత్తతో విపస్సన్తి అస్సాదేన్తి అభినన్దన్తి; తం ఆరబ్భ రాగో ఉప్పజ్జతి…పే… దోమనస్సం ఉప్పజ్జతి. సవితక్కసవిచారే ఖన్ధే ఆరబ్భ సవితక్కసవిచారా ఖన్ధా ఉప్పజ్జన్తి. (౧)
సవితక్కసవిచారో ధమ్మో అవితక్కవిచారమత్తస్స ధమ్మస్స ఆరమ్మణపచ్చయేన పచ్చయో – దానం దత్వా సీలం సమాదియిత్వా ఉపోసథకమ్మం కత్వా తం పచ్చవేక్ఖతి; తం ఆరబ్భ వితక్కో ఉప్పజ్జతి. పుబ్బే సుచిణ్ణాని పచ్చవేక్ఖతి; సవితక్కసవిచారా ఝానా వుట్ఠహిత్వా, మగ్గా వుట్ఠహిత్వా, ఫలా వుట్ఠహిత్వా ఫలం పచ్చవేక్ఖతి; తం ఆరబ్భ వితక్కో ఉప్పజ్జతి. అరియా పహీనే కిలేసే పచ్చవేక్ఖన్తి, విక్ఖమ్భితే కిలేసే పచ్చవేక్ఖన్తి, పుబ్బే సముదాచిణ్ణే కిలేసే జానన్తి. సవితక్కసవిచారే ఖన్ధే అనిచ్చతో దుక్ఖతో అనత్తతో విపస్సన్తి అస్సాదేన్తి అభినన్దన్తి; తం ఆరబ్భ వితక్కో ఉప్పజ్జతి. సవితక్కసవిచారే ఖన్ధే ఆరబ్భ వితక్కో ఉప్పజ్జతి. (౨)
సవితక్కసవిచారో ధమ్మో అవితక్కఅవిచారస్స ధమ్మస్స ఆరమ్మణపచ్చయేన పచ్చయో – చేతోపరియఞాణేన సవితక్కసవిచారచిత్తసమఙ్గిస్స చిత్తం జానాతి; సవితక్కసవిచారా ఖన్ధా చేతోపరియఞాణస్స, పుబ్బేనివాసానుస్సతిఞాణస్స, యథాకమ్మూపగఞాణస్స, అనాగతంసఞాణస్స ఆరమ్మణపచ్చయేన పచ్చయో. సవితక్కసవిచారే ఖన్ధే ఆరబ్భ అవితక్కఅవిచారా ఖన్ధా ఉప్పజ్జన్తి. (౩)
సవితక్కసవిచారో ధమ్మో సవితక్కసవిచారస్స చ అవితక్కవిచారమత్తస్స చ ధమ్మస్స ఆరమ్మణపచ్చయేన పచ్చయో – దానం దత్వా సీలం సమాదియిత్వా ఉపోసథకమ్మం కత్వా తం పచ్చవేక్ఖతి; తం ఆరబ్భ సవితక్కసవిచారా ఖన్ధా చ వితక్కో చ ఉప్పజ్జన్తి. పుబ్బే సుచిణ్ణాని పచ్చవేక్ఖతి; సవితక్కసవిచారా ఝానా వుట్ఠహిత్వా, మగ్గా వుట్ఠహిత్వా, ఫలా వుట్ఠహిత్వా ఫలం పచ్చవేక్ఖతి; తం ఆరబ్భ సవితక్కసవిచారా ఖన్ధా చ వితక్కో చ ఉప్పజ్జన్తి. అరియా పహీనే కిలేసే పచ్చవేక్ఖన్తి, విక్ఖమ్భితే కిలేసే పచ్చవేక్ఖన్తి, పుబ్బే సముదాచిణ్ణే కిలేసే జానన్తి. సవితక్కసవిచారే ఖన్ధే అనిచ్చతో దుక్ఖతో అనత్తతో విపస్సన్తి అస్సాదేన్తి అభినన్దన్తి; తం ఆరబ్భ సవితక్కసవిచారా ఖన్ధా చ వితక్కో చ ఉప్పజ్జన్తి. సవితక్కసవిచారే ఖన్ధే ఆరబ్భ సవితక్కసవిచారా ఖన్ధా చ వితక్కో చ ఉప్పజ్జన్తి. (౪)
౭౦. అవితక్కవిచారమత్తో ధమ్మో అవితక్కవిచారమత్తస్స ధమ్మస్స ఆరమ్మణపచ్చయేన పచ్చయో – అవితక్కవిచారమత్తా ఝానా వుట్ఠహిత్వా, మగ్గా వుట్ఠహిత్వా, ఫలా వుట్ఠహిత్వా ఫలం పచ్చవేక్ఖతి; తం ఆరబ్భ వితక్కో ఉప్పజ్జతి. అవితక్కవిచారమత్తే ఖన్ధే చ వితక్కఞ్చ అనిచ్చతో దుక్ఖతో అనత్తతో విపస్సతి అస్సాదేతి అభినన్దతి; తం ఆరబ్భ వితక్కో ఉప్పజ్జతి. అవితక్కవిచారమత్తే ఖన్ధే చ వితక్కఞ్చ ఆరబ్భ వితక్కో ఉప్పజ్జతి. (౧)
అవితక్కవిచారమత్తో ధమ్మో సవితక్కసవిచారస్స ధమ్మస్స ఆరమ్మణపచ్చయేన పచ్చయో – అవితక్కవిచారమత్తా ఝానా వుట్ఠహిత్వా, మగ్గా వుట్ఠహిత్వా, ఫలా వుట్ఠహిత్వా ఫలం పచ్చవేక్ఖన్తి; తం ఆరబ్భ సవితక్కసవిచారా ఖన్ధా ఉప్పజ్జన్తి. అవితక్కవిచారమత్తే ఖన్ధే చ వితక్కఞ్చ అనిచ్చతో దుక్ఖతో అనత్తతో విపస్సతి అస్సాదేతి అభినన్దతి; తం ఆరబ్భ రాగో ఉప్పజ్జతి…పే… దోమనస్సం ఉప్పజ్జతి. అవితక్కవిచారమత్తే ఖన్ధే చ వితక్కఞ్చ ఆరబ్భ సవితక్కసవిచారా ఖన్ధా ఉప్పజ్జన్తి. (౨)
అవితక్కవిచారమత్తో ధమ్మో అవితక్కఅవిచారస్స ధమ్మస్స ఆరమ్మణపచ్చయేన పచ్చయో – చేతోపరియఞాణేన అవితక్కవిచారమత్తచిత్తసమఙ్గిస్స చిత్తం జానాతి. అవితక్కవిచారమత్తా ఖన్ధా చేతోపరియఞాణస్స, పుబ్బేనివాసానుస్సతిఞాణస్స, యథాకమ్మూపగఞాణస్స, అనాగతంసఞాణస్స ఆరమ్మణపచ్చయేన పచ్చయో. అవితక్కవిచారమత్తే ఖన్ధే చ వితక్కఞ్చ ఆరబ్భ అవితక్కఅవిచారా ఖన్ధా ఉప్పజ్జన్తి. (౩)
అవితక్కవిచారమత్తో ధమ్మో సవితక్కసవిచారస్స చ అవితక్కవిచారమత్తస్స చ ధమ్మస్స ఆరమ్మణపచ్చయేన పచ్చయో – అవితక్కవిచారమత్తా ఝానా వుట్ఠహిత్వా, మగ్గా వుట్ఠహిత్వా, ఫలా వుట్ఠహిత్వా ఫలం పచ్చవేక్ఖతి; తం ఆరబ్భ సవితక్కసవిచారా ఖన్ధా చ వితక్కో చ ఉప్పజ్జన్తి. అవితక్కవిచారమత్తే ఖన్ధే చ వితక్కఞ్చ అనిచ్చతో దుక్ఖతో అనత్తతో విపస్సతి అస్సాదేతి అభినన్దతి; తం ఆరబ్భ సవితక్కసవిచారా ఖన్ధా చ వితక్కో చ ఉప్పజ్జన్తి. అవితక్కవిచారమత్తే ఖన్ధే చ వితక్కఞ్చ ఆరబ్భ సవితక్కసవిచారా ఖన్ధా చ వితక్కో చ ఉప్పజ్జన్తి. (౪)
౭౧. అవితక్కఅవిచారో ధమ్మో అవితక్కఅవిచారస్స ధమ్మస్స ఆరమ్మణపచ్చయేన పచ్చయో – నిబ్బానం అవితక్కఅవిచారస్స మగ్గస్స ఫలస్స విచారస్స చ ఆరమ్మణపచ్చయేన పచ్చయో. దిబ్బేన చక్ఖునా రూపం పస్సతి, దిబ్బాయ సోతధాతుయా సద్దం సుణాతి, చేతోపరియఞాణేన అవితక్కఅవిచారచిత్తసమఙ్గిస్స చిత్తం జానాతి. ఆకాసానఞ్చాయతనం విఞ్ఞాణఞ్చాయతనస్స…పే… ఆకిఞ్చఞ్ఞాయతనం నేవసఞ్ఞానాసఞ్ఞాయతనస్స ఆరమ్మణపచ్చయేన పచ్చయో. రూపాయతనం చక్ఖువిఞ్ఞాణస్స…పే… ఫోట్ఠబ్బాయతనం కాయవిఞ్ఞాణస్స ఆరమ్మణపచ్చయేన పచ్చయో. అవితక్కఅవిచారా ఖన్ధా ఇద్ధివిధఞాణస్స, చేతోపరియఞాణస్స, పుబ్బేనివాసానుస్సతిఞాణస్స, యథాకమ్మూపగఞాణస్స, అనాగతంసఞాణస్స ఆరమ్మణపచ్చయేన పచ్చయో. అవితక్కఅవిచారే ఖన్ధే చ విచారఞ్చ ఆరబ్భ అవితక్కఅవిచారా ఖన్ధా ఉప్పజ్జన్తి. (౧)
అవితక్కఅవిచారో ధమ్మో సవితక్కసవిచారస్స ధమ్మస్స ఆరమ్మణపచ్చయేన పచ్చయో – అరియా అవితక్కఅవిచారా ఝానా వుట్ఠహిత్వా, మగ్గా వుట్ఠహిత్వా, ఫలా వుట్ఠహిత్వా ఫలం పచ్చవేక్ఖన్తి; తం ఆరబ్భ సవితక్కసవిచారా ఖన్ధా ఉప్పజ్జన్తి. అరియా నిబ్బానం పచ్చవేక్ఖన్తి, నిబ్బానం గోత్రభుస్స వోదానస్స సవితక్కసవిచారస్స మగ్గస్స ఫలస్స ఆవజ్జనాయ ఆరమ్మణపచ్చయేన పచ్చయో. చక్ఖుం అనిచ్చతో దుక్ఖతో అనత్తతో విపస్సతి అస్సాదేతి అభినన్దతి; తం ఆరబ్భ రాగో ఉప్పజ్జతి…పే… దోమనస్సం ఉప్పజ్జతి. సోతం… ఘానం … జివ్హం… కాయం… రూపే… సద్దే… గన్ధే… రసే… ఫోట్ఠబ్బే… వత్థుం… అవితక్కఅవిచారే ఖన్ధే చ విచారఞ్చ అనిచ్చతో దుక్ఖతో అనత్తతో విపస్సతి అస్సాదేతి అభినన్దతి; తం ఆరబ్భ రాగో ఉప్పజ్జతి…పే… దోమనస్సం ఉప్పజ్జతి. అవితక్కఅవిచారే ఖన్ధే చ విచారఞ్చ ఆరబ్భ సవితక్కసవిచారా ఖన్ధా ఉప్పజ్జన్తి. (౨)
అవితక్కఅవిచారో ధమ్మో అవితక్కవిచారమత్తస్స ధమ్మస్స ఆరమ్మణపచ్చయేన పచ్చయో – అరియా అవితక్కఅవిచారా ఝానా వుట్ఠహిత్వా, మగ్గా వుట్ఠహిత్వా, ఫలా వుట్ఠహిత్వా ఫలం పచ్చవేక్ఖన్తి; తం ఆరబ్భ వితక్కో ఉప్పజ్జతి. అరియా నిబ్బానం పచ్చవేక్ఖన్తి, నిబ్బానం అవితక్కవిచారమత్తస్స మగ్గస్స ఫలస్స వితక్కస్స చ ఆరమ్మణపచ్చయేన పచ్చయో. చక్ఖుం అనిచ్చతో దుక్ఖతో అనత్తతో…పే… వత్థుం… అవితక్కఅవిచారే ఖన్ధే చ విచారఞ్చ అనిచ్చతో దుక్ఖతో అనత్తతో విపస్సతి అస్సాదేతి అభినన్దతి; తం ఆరబ్భ వితక్కో ఉప్పజ్జతి. అవితక్కఅవిచారే ఖన్ధే చ విచారఞ్చ ఆరబ్భ వితక్కో ఉప్పజ్జతి. (౩)
అవితక్కఅవిచారో ధమ్మో అవితక్కవిచారమత్తస్స చ అవితక్కఅవిచారస్స చ ధమ్మస్స ఆరమ్మణపచ్చయేన పచ్చయో – నిబ్బానం అవితక్కవిచారమత్తస్స మగ్గస్స ఫలస్స విచారస్స చ ఆరమ్మణపచ్చయేన పచ్చయో. (౪)
అవితక్కఅవిచారో ధమ్మో సవితక్కసవిచారస్స చ అవితక్కవిచారమత్తస్స చ ధమ్మస్స ఆరమ్మణపచ్చయేన పచ్చయో – అరియా అవితక్కఅవిచారా ఝానా వుట్ఠహిత్వా, మగ్గా వుట్ఠహిత్వా, ఫలా వుట్ఠహిత్వా ఫలం పచ్చవేక్ఖన్తి; తం ఆరబ్భ సవితక్కసవిచారా ఖన్ధా చ వితక్కో చ ఉప్పజ్జన్తి. అరియా నిబ్బానం పచ్చవేక్ఖన్తి, నిబ్బానం గోత్రభుస్స వితక్కస్స చ వోదానస్స వితక్కస్స చ సవితక్కసవిచారస్స మగ్గస్స వితక్కస్స చ సవితక్కసవిచారస్స ఫలస్స వితక్కస్స చ ఆవజ్జనాయ వితక్కస్స చ ఆరమ్మణపచ్చయేన పచ్చయో. చక్ఖుం అనిచ్చతో దుక్ఖతో అనత్తతో విపస్సతి అస్సాదేతి అభినన్దతి; తం ఆరబ్భ సవితక్కసవిచారా ఖన్ధా చ వితక్కో చ ఉప్పజ్జన్తి. సోతం…పే… ఫోట్ఠబ్బం… వత్థుం… అవితక్కఅవిచారే ఖన్ధే చ విచారఞ్చ అనిచ్చతో దుక్ఖతో అనత్తతో విపస్సతి అస్సాదేతి అభినన్దతి; తం ఆరబ్భ సవితక్కసవిచారా ఖన్ధా చ వితక్కో చ ఉప్పజ్జన్తి. (౫)
౭౨. అవితక్కవిచారమత్తో చ అవితక్కఅవిచారో చ ధమ్మా సవితక్కసవిచారస్స ఆరమ్మణపచ్చయేన పచ్చయో – అవితక్కవిచారమత్తే ఖన్ధే చ విచారఞ్చ ఆరబ్భ సవితక్కసవిచారా ఖన్ధా ఉప్పజ్జన్తి. (౧)
అవితక్కవిచారమత్తో చ అవితక్కఅవిచారో చ ధమ్మా అవితక్కవిచారమత్తస్స ఆరమ్మణపచ్చయేన పచ్చయో – అవితక్కవిచారమత్తే ఖన్ధే చ విచారఞ్చ ఆరబ్భ వితక్కో ఉప్పజ్జతి. (౨)
అవితక్కవిచారమత్తో చ అవితక్కఅవిచారో చ ధమ్మా అవితక్కఅవిచారస్స ధమ్మస్స ఆరమ్మణపచ్చయేన పచ్చయో – అవితక్కవిచారమత్తా ఖన్ధా చ విచారో చ చేతోపరియఞాణస్స, పుబ్బేనివాసానుస్సతిఞాణస్స, యథాకమ్మూపగఞాణస్స, అనాగతంసఞాణస్స ఆరమ్మణపచ్చయేన పచ్చయో. అవితక్కవిచారమత్తే ఖన్ధే చ విచారఞ్చ ఆరబ్భ అవితక్కఅవిచారా ఖన్ధా ఉప్పజ్జన్తి. (౩)
అవితక్కవిచారమత్తో చ అవితక్కఅవిచారో చ ధమ్మా సవితక్కసవిచారస్స చ అవితక్కవిచారమత్తస్స చ ధమ్మస్స ఆరమ్మణపచ్చయేన పచ్చయో – అవితక్కవిచారమత్తే ఖన్ధే చ విచారఞ్చ ఆరబ్భ సవితక్కసవిచారా ఖన్ధా చ వితక్కో చ ఉప్పజ్జన్తి. (౪)
౭౩. సవితక్కసవిచారో చ అవితక్కవిచారమత్తో చ ధమ్మా సవితక్కసవిచారస్స ఆరమ్మణపచ్చయేన పచ్చయో – సవితక్కసవిచారే ఖన్ధే చ వితక్కఞ్చ ఆరబ్భ సవితక్కసవిచారా ఖన్ధా ఉప్పజ్జన్తి. (౧)
సవితక్కసవిచారో చ అవితక్కవిచారమత్తో చ ధమ్మా అవితక్కవిచారమత్తస్స ఆరమ్మణపచ్చయేన పచ్చయో – సవితక్కసవిచారే ఖన్ధే చ వితక్కఞ్చ ఆరబ్భ వితక్కో ఉప్పజ్జతి. (౨)
సవితక్కసవిచారో చ అవితక్కవిచారమత్తో చ ధమ్మా అవితక్కఅవిచారస్స ధమ్మస్స ఆరమ్మణపచ్చయేన పచ్చయో – సవితక్కసవిచారా ఖన్ధా చ వితక్కో చ చేతోపరియఞాణస్స, పుబ్బేనివాసానుస్సతిఞాణస్స, యథాకమ్మూపగఞాణస్స, అనాగతంసఞాణస్స ఆరమ్మణపచ్చయేన పచ్చయో. సవితక్కసవిచారే ఖన్ధే చ వితక్కఞ్చ ఆరబ్భ అవితక్కఅవిచారా ఖన్ధా ఉప్పజ్జన్తి. (౩)
సవితక్కసవిచారో చ అవితక్కవిచారమత్తో చ ధమ్మా సవితక్కసవిచారస్స చ అవితక్కవిచారమత్తస్స చ ధమ్మస్స ఆరమ్మణపచ్చయేన పచ్చయో – సవితక్కసవిచారే ఖన్ధే చ వితక్కఞ్చ ఆరబ్భ సవితక్కసవిచారా ఖన్ధా చ వితక్కో చ ఉప్పజ్జన్తి. (౪)
అధిపతిపచ్చయో
౭౪. సవితక్కసవిచారో ధమ్మో సవితక్కసవిచారస్స ధమ్మస్స అధిపతిపచ్చయేన పచ్చయో – ఆరమ్మణాధిపతి, సహజాతాధిపతి. ఆరమ్మణాధిపతి – దానం దత్వా సీలం సమాదియిత్వా ఉపోసథకమ్మం కత్వా తం గరుం కత్వా పచ్చవేక్ఖతి; పుబ్బే సుచిణ్ణాని గరుం కత్వా పచ్చవేక్ఖతి. సవితక్కసవిచారా ఝానా వుట్ఠహిత్వా, మగ్గా వుట్ఠహిత్వా, ఫలా వుట్ఠహిత్వా ఫలం గరుం కత్వా పచ్చవేక్ఖతి. సవితక్కసవిచారే ఖన్ధే గరుం కత్వా అస్సాదేతి అభినన్దతి; తం గరుం కత్వా రాగో ఉప్పజ్జతి, దిట్ఠి ఉప్పజ్జతి. సహజాతాధిపతి – సవితక్కసవిచారా అధిపతి సమ్పయుత్తకానం ఖన్ధానం అధిపతిపచ్చయేన పచ్చయో. (౧)
సవితక్కసవిచారో ధమ్మో అవితక్కవిచారమత్తస్స ధమ్మస్స అధిపతిపచ్చయేన పచ్చయో – ఆరమ్మణాధిపతి, సహజాతాధిపతి. ఆరమ్మణాధిపతి – దానం దత్వా సీలం సమాదియిత్వా ఉపోసథకమ్మం కత్వా తం గరుం కత్వా పచ్చవేక్ఖతి; తం గరుం కత్వా వితక్కో ఉప్పజ్జతి. పుబ్బే సుచిణ్ణాని గరుం కత్వా పచ్చవేక్ఖతి. సవితక్కసవిచారా ఝానా వుట్ఠహిత్వా, మగ్గా వుట్ఠహిత్వా, ఫలా వుట్ఠహిత్వా ఫలం గరుం కత్వా పచ్చవేక్ఖన్తి; తం గరుం కత్వా వితక్కో ఉప్పజ్జతి. సవితక్కసవిచారే ఖన్ధే గరుం కత్వా అస్సాదేతి అభినన్దతి; తం గరుం కత్వా వితక్కో ఉప్పజ్జతి. సహజాతాధిపతి – సవితక్కసవిచారా అధిపతి వితక్కస్స అధిపతిపచ్చయేన పచ్చయో. (౨)
సవితక్కసవిచారో ధమ్మో అవితక్కఅవిచారస్స ధమ్మస్స అధిపతిపచ్చయేన పచ్చయో. సహజాతాధిపతి – సవితక్కసవిచారా అధిపతి చిత్తసముట్ఠానానం రూపానం అధిపతిపచ్చయేన పచ్చయో. (౩)
సవితక్కసవిచారో ధమ్మో సవితక్కసవిచారస్స చ అవితక్కఅవిచారస్స చ ధమ్మస్స అధిపతిపచ్చయేన పచ్చయో. సహజాతాధిపతి – సవితక్కసవిచారా అధిపతి సమ్పయుత్తకానం ఖన్ధానం చిత్తసముట్ఠానానఞ్చ రూపానం అధిపతిపచ్చయేన పచ్చయో. (౪)
సవితక్కసవిచారో ధమ్మో అవితక్కవిచారమత్తస్స చ అవితక్కఅవిచారస్స చ ధమ్మస్స అధిపతిపచ్చయేన పచ్చయో. సహజాతాధిపతి – సవితక్కసవిచారా అధిపతి వితక్కస్స చ చిత్తసముట్ఠానానఞ్చ రూపానం అధిపతిపచ్చయేన పచ్చయో. (౫)
సవితక్కసవిచారో ధమ్మో సవితక్కసవిచారస్స చ అవితక్కవిచారమత్తస్స చ ధమ్మస్స అధిపతిపచ్చయేన పచ్చయో – ఆరమ్మణాధిపతి సహజాతాధిపతి. ఆరమ్మణాధిపతి – దానం దత్వా సీలం సమాదియిత్వా, ఉపోసథకమ్మం కత్వా తం గరుం కత్వా పచ్చవేక్ఖతి; తం గరుం కత్వా సవితక్కసవిచారా ఖన్ధా చ వితక్కో చ ఉప్పజ్జన్తి. పుబ్బే సుచిణ్ణాని గరుం కత్వా పచ్చవేక్ఖతి, సవితక్కసవిచారా ఝానా వుట్ఠహిత్వా, మగ్గా వుట్ఠహిత్వా, ఫలా వుట్ఠహిత్వా ఫలం గరుం కత్వా పచ్చవేక్ఖతి; తం గరుం కత్వా సవితక్కసవిచారా ఖన్ధా చ వితక్కో చ ఉప్పజ్జన్తి. సవితక్కసవిచారే ఖన్ధే గరుం కత్వా అస్సాదేతి అభినన్దతి; తం గరుం కత్వా సవితక్కసవిచారా ఖన్ధా చ వితక్కో చ ఉప్పజ్జన్తి. సహజాతాధిపతి – సవితక్కసవిచారా అధిపతి సమ్పయుత్తకానం ఖన్ధానం వితక్కస్స చ అధిపతిపచ్చయేన పచ్చయో. (౬)
సవితక్కసవిచారో ధమ్మో సవితక్కసవిచారస్స చ అవితక్కవిచారమత్తస్స చ అవితక్కఅవిచారస్స చ ధమ్మస్స అధిపతిపచ్చయేన పచ్చయో. సహజాతాధిపతి – సవితక్కసవిచారా అధిపతి సమ్పయుత్తకానం ఖన్ధానం వితక్కస్స చ చిత్తసముట్ఠానానఞ్చ రూపానం అధిపతిపచ్చయేన పచ్చయో. (౭)
౭౫. అవితక్కవిచారమత్తో ధమ్మో అవితక్కవిచారమత్తస్స ధమ్మస్స అధిపతిపచ్చయేన పచ్చయో – ఆరమ్మణాధిపతి, సహజాతాధిపతి. ఆరమ్మణాధిపతి – అవితక్కవిచారమత్తా ఝానా వుట్ఠహిత్వా, మగ్గా వుట్ఠహిత్వా, ఫలా వుట్ఠహిత్వా ఫలం గరుం కత్వా పచ్చవేక్ఖతి; తం గరుం కత్వా వితక్కో ఉప్పజ్జతి. అవితక్కవిచారమత్తే ఖన్ధే చ వితక్కఞ్చ గరుం కత్వా అస్సాదేతి అభినన్దతి; తం గరుం కత్వా వితక్కో ఉప్పజ్జతి. సహజాతాధిపతి – అవితక్కవిచారమత్తా అధిపతి సమ్పయుత్తకానం ఖన్ధానం అధిపతిపచ్చయేన పచ్చయో. (౧)
అవితక్కవిచారమత్తో ధమ్మో సవితక్కసవిచారస్స ధమ్మస్స అధిపతిపచ్చయేన పచ్చయో. ఆరమ్మణాధిపతి – అవితక్కవిచారమత్తా ఝానా వుట్ఠహిత్వా, మగ్గా వుట్ఠహిత్వా, ఫలా వుట్ఠహిత్వా ఫలం గరుం కత్వా పచ్చవేక్ఖతి; తం గరుం కత్వా సవితక్కసవిచారా ఖన్ధా ఉప్పజ్జన్తి. అవితక్కవిచారమత్తే ఖన్ధే చ వితక్కఞ్చ గరుం కత్వా అస్సాదేతి అభినన్దతి; తం గరుం కత్వా రాగో ఉప్పజ్జతి, దిట్ఠి ఉప్పజ్జతి. (౨)
అవితక్కవిచారమత్తో ధమ్మో అవితక్కఅవిచారస్స ధమ్మస్స అధిపతిపచ్చయేన పచ్చయో. సహజాతాధిపతి – అవితక్కవిచారమత్తా అధిపతి విచారస్స చిత్తసముట్ఠానానఞ్చ రూపానం అధిపతిపచ్చయేన పచ్చయో. (౩)
అవితక్కవిచారమత్తో ధమ్మో అవితక్కవిచారమత్తస్స చ అవితక్కఅవిచారస్స చ ధమ్మస్స అధిపతిపచ్చయేన పచ్చయో. సహజాతాధిపతి – అవితక్కవిచారమత్తా అధిపతి సమ్పయుత్తకానం ఖన్ధానం విచారస్స చ చిత్తసముట్ఠానానఞ్చ రూపానం అధిపతిపచ్చయేన పచ్చయో. (౪)
అవితక్కవిచారమత్తో ధమ్మో సవితక్కసవిచారస్స చ అవితక్కవిచారమత్తస్స చ ధమ్మస్స అధిపతిపచ్చయేన పచ్చయో. ఆరమ్మణాధిపతి – అవితక్కవిచారమత్తా ఝానా వుట్ఠహిత్వా, మగ్గా వుట్ఠహిత్వా, ఫలా వుట్ఠహిత్వా ఫలం గరుం కత్వా పచ్చవేక్ఖతి; తం గరుం కత్వా సవితక్కసవిచారా ఖన్ధా చ వితక్కో చ ఉప్పజ్జన్తి. అవితక్కవిచారమత్తే ఖన్ధే చ వితక్కఞ్చ గరుం కత్వా అస్సాదేతి అభినన్దతి; తం గరుం కత్వా సవితక్కసవిచారా ఖన్ధా చ వితక్కో చ ఉప్పజ్జన్తి. (౫)
౭౬. అవితక్కఅవిచారో ధమ్మో అవితక్కఅవిచారస్స ధమ్మస్స అధిపతిపచ్చయేన పచ్చయో – ఆరమ్మణాధిపతి, సహజాతాధిపతి. ఆరమ్మణాధిపతి – నిబ్బానం అవితక్కఅవిచారస్స మగ్గస్స ఫలస్స విచారస్స చ అధిపతిపచ్చయేన పచ్చయో. సహజాతాధిపతి – అవితక్కఅవిచారా అధిపతి సమ్పయుత్తకానం ఖన్ధానం చిత్తసముట్ఠానానఞ్చ రూపానం అధిపతిపచ్చయేన పచ్చయో. (౧)
అవితక్కఅవిచారో ధమ్మో సవితక్కసవిచారస్స ధమ్మస్స అధిపతిపచ్చయేన పచ్చయో. ఆరమ్మణాధిపతి – అరియా అవితక్కఅవిచారా ఝానా వుట్ఠహిత్వా, మగ్గా వుట్ఠహిత్వా, ఫలా వుట్ఠహిత్వా ఫలం గరుం కత్వా పచ్చవేక్ఖన్తి; తం గరుం కత్వా సవితక్కసవిచారా ఖన్ధా ఉప్పజ్జన్తి, అరియా నిబ్బానం గరుం కత్వా పచ్చవేక్ఖన్తి; నిబ్బానం గోత్రభుస్స వోదానస్స సవితక్కసవిచారస్స మగ్గస్స ఫలస్స అధిపతిపచ్చయేన పచ్చయో. చక్ఖుం గరుం కత్వా అస్సాదేతి అభినన్దతి; తం గరుం కత్వా రాగో ఉప్పజ్జతి, దిట్ఠి ఉప్పజ్జతి. సోతం… ఘానం… జివ్హం… కాయం… రూపే… సద్దే… గన్ధే… రసే… ఫోట్ఠబ్బే… వత్థుం… అవితక్కఅవిచారే ఖన్ధే చ విచారఞ్చ గరుం కత్వా అస్సాదేతి అభినన్దతి; తం గరుం కత్వా రాగో ఉప్పజ్జతి, దిట్ఠి ఉప్పజ్జతి. (౨)
అవితక్కఅవిచారో ధమ్మో అవితక్కవిచారమత్తస్స ధమ్మస్స అధిపతిపచ్చయేన పచ్చయో. ఆరమ్మణాధిపతి – అరియా అవితక్కఅవిచారా ఝానా వుట్ఠహిత్వా, మగ్గా వుట్ఠహిత్వా, ఫలా వుట్ఠహిత్వా ఫలం గరుం కత్వా పచ్చవేక్ఖన్తి; తం గరుం కత్వా వితక్కో ఉప్పజ్జతి, అరియా నిబ్బానం గరుం కత్వా పచ్చవేక్ఖన్తి; నిబ్బానం అవితక్కవిచారమత్తస్స మగ్గస్స ఫలస్స వితక్కస్స చ అధిపతిపచ్చయేన పచ్చయో. చక్ఖుం…పే… వత్థుం… అవితక్కఅవిచారే ఖన్ధే చ విచారఞ్చ గరుం కత్వా అస్సాదేతి అభినన్దతి; తం గరుం కత్వా వితక్కో ఉప్పజ్జతి. (౩)
అవితక్కఅవిచారో ధమ్మో అవితక్కవిచారమత్తస్స చ అవితక్కఅవిచారస్స చ ధమ్మస్స అధిపతిపచ్చయేన పచ్చయో. ఆరమ్మణాధిపతి – నిబ్బానం అవితక్కవిచారమత్తస్స మగ్గస్స ఫలస్స విచారస్స చ అధిపతిపచ్చయేన పచ్చయో. (౪)
అవితక్కఅవిచారో ధమ్మో సవితక్కసవిచారస్స చ అవితక్కవిచారమత్తస్స చ ధమ్మస్స అధిపతిపచ్చయేన పచ్చయో. ఆరమ్మణాధిపతి – అరియా అవితక్కఅవిచారా ఝానా వుట్ఠహిత్వా, మగ్గా వుట్ఠహిత్వా, ఫలా వుట్ఠహిత్వా ఫలం గరుం కత్వా పచ్చవేక్ఖన్తి; తం గరుం కత్వా సవితక్కసవిచారా ఖన్ధా చ వితక్కో చ ఉప్పజ్జన్తి, అరియా నిబ్బానం గరుం కత్వా పచ్చవేక్ఖన్తి; నిబ్బానం గోత్రభుస్స వితక్కస్స చ వోదానస్స వితక్కస్స చ సవితక్కసవిచారస్స మగ్గస్స వితక్కస్స చ సవితక్కసవిచారస్స ఫలస్స వితక్కస్స చ అధిపతిపచ్చయేన పచ్చయో. చక్ఖుం గరుం కత్వా…పే… వత్థుం… అవితక్కఅవిచారే ఖన్ధే చ విచారఞ్చ గరుం కత్వా అస్సాదేతి అభినన్దతి; తం గరుం కత్వా సవితక్కసవిచారా ఖన్ధా చ వితక్కో చ ఉప్పజ్జన్తి. (౫)
౭౭. అవితక్కవిచారమత్తో చ అవితక్కఅవిచారో చ ధమ్మా సవితక్కసవిచారస్స ధమ్మస్స అధిపతిపచ్చయేన పచ్చయో. ఆరమ్మణాధిపతి – అవితక్కవిచారమత్తే ఖన్ధే చ విచారఞ్చ గరుం కత్వా సవితక్కసవిచారా ఖన్ధా ఉప్పజ్జన్తి. (౧)
అవితక్కవిచారమత్తో చ అవితక్కఅవిచారో చ ధమ్మా అవితక్కవిచారమత్తస్స ధమ్మస్స అధిపతిపచ్చయేన పచ్చయో. ఆరమ్మణాధిపతి – అవితక్కవిచారమత్తే ఖన్ధే చ విచారఞ్చ గరుం కత్వా వితక్కో ఉప్పజ్జతి. (౨)
అవితక్కవిచారమత్తో చ అవితక్కఅవిచారో చ ధమ్మా సవితక్కసవిచారస్స చ అవితక్కవిచారమత్తస్స చ ధమ్మస్స అధిపతిపచ్చయేన పచ్చయో. ఆరమ్మణాధిపతి – అవితక్కవిచారమత్తే ఖన్ధే చ విచారఞ్చ గరుం కత్వా సవితక్కసవిచారా ఖన్ధా చ వితక్కో చ ఉప్పజ్జన్తి. (౩)
౭౮. సవితక్కసవిచారో చ అవితక్కవిచారమత్తో చ ధమ్మా సవితక్కసవిచారస్స ధమ్మస్స అధిపతిపచ్చయేన పచ్చయో. ఆరమ్మణాధిపతి – సవితక్కసవిచారే ఖన్ధే చ వితక్కఞ్చ గరుం కత్వా సవితక్కసవిచారా ఖన్ధా ఉప్పజ్జన్తి. (౧)
సవితక్కసవిచారో చ అవితక్కవిచారమత్తో చ ధమ్మా అవితక్కవిచారమత్తస్స ధమ్మస్స అధిపతిపచ్చయేన పచ్చయో. ఆరమ్మణాధిపతి – సవితక్కసవిచారే ఖన్ధే చ వితక్కఞ్చ గరుం కత్వా వితక్కో ఉప్పజ్జతి. (౨)
సవితక్కసవిచారో చ అవితక్కవిచారమత్తో చ ధమ్మా సవితక్కసవిచారస్స చ అవితక్కవిచారమత్తస్స చ ధమ్మస్స అధిపతిపచ్చయేన పచ్చయో. ఆరమ్మణాధిపతి – సవితక్కసవిచారే ఖన్ధే చ వితక్కఞ్చ గరుం కత్వా సవితక్కసవిచారా ఖన్ధా చ వితక్కో చ ఉప్పజ్జన్తి. (౩)
అనన్తరపచ్చయో
౭౯. సవితక్కసవిచారో ధమ్మో సవితక్కసవిచారస్స ధమ్మస్స అనన్తరపచ్చయేన పచ్చయో – పురిమా పురిమా సవితక్కసవిచారా ఖన్ధా పచ్ఛిమానం పచ్ఛిమానం సవితక్కసవిచారానం ఖన్ధానం అనన్తరపచ్చయేన పచ్చయో. అనులోమం గోత్రభుస్స… అనులోమం వోదానస్స… గోత్రభు సవితక్కసవిచారస్స మగ్గస్స… వోదానం సవితక్కసవిచారస్స మగ్గస్స… సవితక్కసవిచారో మగ్గో సవితక్కసవిచారస్స ఫలస్స… సవితక్కసవిచారం ఫలం సవితక్కసవిచారస్స ఫలస్స… అనులోమం సవితక్కసవిచారాయ ఫలసమాపత్తియా అనన్తరపచ్చయేన పచ్చయో. (౧)
సవితక్కసవిచారో ధమ్మో అవితక్కవిచారమత్తస్స ధమ్మస్స అనన్తరపచ్చయేన పచ్చయో – పురిమా పురిమా సవితక్కసవిచారా ఖన్ధా పచ్ఛిమస్స పచ్ఛిమస్స వితక్కస్స అనన్తరపచ్చయేన పచ్చయో. సవితక్కసవిచారం చుతిచిత్తం అవితక్కవిచారమత్తస్స ఉపపత్తిచిత్తస్స…పే… సవితక్కసవిచారా ఖన్ధా అవితక్కవిచారమత్తస్స వుట్ఠానస్స వితక్కస్స చ…పే… అవితక్కవిచారమత్తస్స ఝానస్స పరికమ్మం అవితక్కవిచారమత్తస్స ఝానస్స… గోత్రభు అవితక్కవిచారమత్తస్స మగ్గస్స… వోదానం అవితక్కవిచారమత్తస్స మగ్గస్స… అనులోమం అవితక్కవిచారమత్తాయ ఫలసమాపత్తియా వితక్కస్స చ అనన్తరపచ్చయేన పచ్చయో. (౨)
సవితక్కసవిచారో ధమ్మో అవితక్కఅవిచారస్స ధమ్మస్స అనన్తరపచ్చయేన పచ్చయో – సవితక్కసవిచారం చుతిచిత్తం అవితక్కఅవిచారస్స ఉపపత్తిచిత్తస్స విచారస్స చ అనన్తరపచ్చయేన పచ్చయో – ఆవజ్జనా పఞ్చన్నం విఞ్ఞాణానం అనన్తరపచ్చయేన పచ్చయో. సవితక్కసవిచారా ఖన్ధా అవితక్కఅవిచారస్స వుట్ఠానస్స విచారస్స చ…పే… దుతియస్స ఝానస్స పరికమ్మం దుతియే ఝానే విచారస్స అనన్తరపచ్చయేన పచ్చయో. తతియస్స ఝానస్స పరికమ్మం …పే… చతుత్థస్స ఝానస్స పరికమ్మం…పే… ఆకాసానఞ్చాయతనస్స పరికమ్మం…పే… విఞ్ఞాణఞ్చాయతనస్స పరికమ్మం…పే… ఆకిఞ్చఞ్ఞాయతనస్స పరికమ్మం…పే… నేవసఞ్ఞానాసఞ్ఞాయతనస్స పరికమ్మం…పే… దిబ్బస్స చక్ఖుస్స పరికమ్మం…పే… దిబ్బాయ సోతధాతుయా పరికమ్మం…పే… ఇద్ధివిధఞాణస్స పరికమ్మం…పే… చేతోపరియఞాణస్స పరికమ్మం…పే… పుబ్బేనివాసానుస్సతిఞాణస్స పరికమ్మం…పే… యథాకమ్మూపగఞాణస్స పరికమ్మం…పే… అనాగతంసఞాణస్స పరికమ్మం…పే… గోత్రభు అవితక్కఅవిచారస్స మగ్గస్స విచారస్స చ… వోదానం అవితక్కఅవిచారస్స మగ్గస్స విచారస్స చ… అనులోమం అవితక్కఅవిచారాయ ఫలసమాపత్తియా విచారస్స చ అనన్తరపచ్చయేన పచ్చయో. (౩)
సవితక్కసవిచారో ధమ్మో అవితక్కవిచారమత్తస్స చ అవితక్కఅవిచారస్స చ ధమ్మస్స అనన్తరపచ్చయేన పచ్చయో – సవితక్కసవిచారం చుతిచిత్తం అవితక్కవిచారమత్తస్స ఉపపత్తిచిత్తస్స విచారస్స చ అనన్తరపచ్చయేన పచ్చయో. సవితక్కసవిచారా ఖన్ధా అవితక్కవిచారమత్తస్స వుట్ఠానస్స విచారస్స చ అనన్తరపచ్చయేన పచ్చయో. అవితక్కవిచారమత్తస్స ఝానస్స పరికమ్మం అవితక్కవిచారమత్తస్స ఝానస్స విచారస్స చ అనన్తరపచ్చయేన పచ్చయో. గోత్రభు అవితక్కవిచారమత్తస్స మగ్గస్స విచారస్స చ… వోదానం అవితక్కవిచారమత్తస్స మగ్గస్స విచారస్స చ… అనులోమం అవితక్కవిచారమత్తాయ ఫలసమాపత్తియా విచారస్స చ అనన్తరపచ్చయేన పచ్చయో. (౪)
సవితక్కసవిచారో ధమ్మో సవితక్కసవిచారస్స చ అవితక్కవిచారమత్తస్స చ ధమ్మస్స అనన్తరపచ్చయేన పచ్చయో – పురిమా పురిమా సవితక్కసవిచారా ఖన్ధా పచ్ఛిమానం పచ్ఛిమానం సవితక్కసవిచారానం ఖన్ధానం వితక్కస్స చ అనన్తరపచ్చయేన పచ్చయో. అనులోమం గోత్రభుస్స వితక్కస్స చ… అనులోమం వోదానస్స వితక్కస్స చ… గోత్రభు సవితక్కసవిచారస్స మగ్గస్స వితక్కస్స చ… వోదానం సవితక్కసవిచారస్స మగ్గస్స వితక్కస్స చ… సవితక్కసవిచారో మగ్గో సవితక్కసవిచారస్స ఫలస్స వితక్కస్స చ… సవితక్కసవిచారం ఫలం సవితక్కసవిచారస్స ఫలస్స వితక్కస్స చ… అనులోమం సవితక్కసవిచారాయ ఫలసమాపత్తియా వితక్కస్స చ అనన్తరపచ్చయేన పచ్చయో. (౫)
౮౦. అవితక్కవిచారమత్తో ధమ్మో అవితక్కవిచారమత్తస్స ధమ్మస్స అనన్తరపచ్చయేన పచ్చయో – పురిమో పురిమో వితక్కో పచ్ఛిమస్స పచ్ఛిమస్స వితక్కస్స అనన్తరపచ్చయేన పచ్చయో. పురిమా పురిమా అవితక్కవిచారమత్తా ఖన్ధా పచ్ఛిమానం పచ్ఛిమానం అవితక్కవిచారమత్తానం ఖన్ధానం అనన్తరపచ్చయేన పచ్చయో. అవితక్కవిచారమత్తో మగ్గో అవితక్కవిచారమత్తస్స ఫలస్స… అవితక్కవిచారమత్తం ఫలం అవితక్కవిచారమత్తస్స ఫలస్స అనన్తరపచ్చయేన పచ్చయో. (౧)
అవితక్కవిచారమత్తో ధమ్మో సవితక్కసవిచారస్స ధమ్మస్స అనన్తరపచ్చయేన పచ్చయో – పురిమో పురిమో వితక్కో పచ్ఛిమానం పచ్ఛిమానం సవితక్కసవిచారానం ఖన్ధానం అనన్తరపచ్చయేన పచ్చయో. అవితక్కవిచారమత్తం చుతిచిత్తం సవితక్కసవిచారస్స ఉపపత్తిచిత్తస్స అనన్తరపచ్చయేన పచ్చయో. అవితక్కవిచారమత్తం భవఙ్గం ఆవజ్జనాయ అనన్తరపచ్చయేన పచ్చయో. అవితక్కవిచారమత్తా ఖన్ధా సవితక్కసవిచారస్స వుట్ఠానస్స అనన్తరపచ్చయేన పచ్చయో. (౨)
అవితక్కవిచారమత్తో ధమ్మో అవితక్కఅవిచారస్స ధమ్మస్స అనన్తరపచ్చయేన పచ్చయో – పురిమా పురిమా అవితక్కవిచారమత్తా ఖన్ధా పచ్ఛిమస్స పచ్ఛిమస్స విచారస్స అనన్తరపచ్చయేన పచ్చయో. అవితక్కవిచారమత్తం చుతిచిత్తం వితక్కో చ అవితక్కఅవిచారస్స ఉపపత్తిచిత్తస్స విచారస్స చ అనన్తరపచ్చయేన పచ్చయో. అవితక్కవిచారమత్తా ఖన్ధా వితక్కో చ అవితక్కఅవిచారస్స వుట్ఠానస్స విచారస్స చ అనన్తరపచ్చయేన పచ్చయో. (౩)
అవితక్కవిచారమత్తో ధమ్మో అవితక్కవిచారమత్తస్స చ అవితక్కఅవిచారస్స చ ధమ్మస్స అనన్తరపచ్చయేన పచ్చయో – పురిమా పురిమా అవితక్కవిచారమత్తా ఖన్ధా పచ్ఛిమానం పచ్ఛిమానం అవితక్కవిచారమత్తానం ఖన్ధానం విచారస్స చ అనన్తరపచ్చయేన పచ్చయో. అవితక్కవిచారమత్తో మగ్గో అవితక్కవిచారమత్తస్స ఫలస్స విచారస్స చ… అవితక్కవిచారమత్తం ఫలం అవితక్కవిచారమత్తస్స ఫలస్స విచారస్స చ అనన్తరపచ్చయేన పచ్చయో. (౪)
అవితక్కవిచారమత్తో ధమ్మో సవితక్కసవిచారస్స చ అవితక్కవిచారమత్తస్స చ ధమ్మస్స అనన్తరపచ్చయేన పచ్చయో – పురిమో పురిమో వితక్కో పచ్ఛిమానం పచ్ఛిమానం సవితక్కసవిచారానం ఖన్ధానం వితక్కస్స చ అనన్తరపచ్చయేన పచ్చయో. అవితక్కవిచారమత్తం చుతిచిత్తం సవితక్కసవిచారస్స ఉపపత్తిచిత్తస్స వితక్కస్స చ అనన్తరపచ్చయేన పచ్చయో. అవితక్కవిచారమత్తం భవఙ్గం ఆవజ్జనాయ వితక్కస్స చ అనన్తరపచ్చయేన పచ్చయో. అవితక్కవిచారమత్తా ఖన్ధా సవితక్కసవిచారస్స వుట్ఠానస్స వితక్కస్స చ అనన్తరపచ్చయేన పచ్చయో. (౫)
౮౧. అవితక్కఅవిచారో ధమ్మో అవితక్కఅవిచారస్స ధమ్మస్స అనన్తరపచ్చయేన పచ్చయో – పురిమో పురిమో విచారో పచ్ఛిమస్స పచ్ఛిమస్స విచారస్స అనన్తరపచ్చయేన పచ్చయో. పురిమా పురిమా అవితక్కఅవిచారా ఖన్ధా పచ్ఛిమానం పచ్ఛిమానం అవితక్కఅవిచారానం ఖన్ధానం అనన్తరపచ్చయేన పచ్చయో. అవితక్కఅవిచారో మగ్గో అవితక్కఅవిచారస్స ఫలస్స… అవితక్కఅవిచారం ఫలం అవితక్కఅవిచారస్స ఫలస్స అనన్తరపచ్చయేన పచ్చయో. నిరోధా వుట్ఠహన్తస్స నేవసఞ్ఞానాసఞ్ఞాయతనం అవితక్కఅవిచారాయ ఫలసమాపత్తియా విచారస్స చ అనన్తరపచ్చయేన పచ్చయో. (౧)
అవితక్కఅవిచారో ధమ్మో సవితక్కసవిచారస్స ధమ్మస్స అనన్తరపచ్చయేన పచ్చయో – అవితక్కఅవిచారం చుతిచిత్తం విచారో చ సవితక్కసవిచారస్స ఉపపత్తిచిత్తస్స అనన్తరపచ్చయేన పచ్చయో. అవితక్కఅవిచారం భవఙ్గం విచారో చ ఆవజ్జనాయ అనన్తరపచ్చయేన పచ్చయో. అవితక్కఅవిచారా ఖన్ధా విచారో చ సవితక్కసవిచారస్స వుట్ఠానస్స అనన్తరపచ్చయేన పచ్చయో. నిరోధా వుట్ఠహన్తస్స నేవసఞ్ఞానాసఞ్ఞాయతనం సవితక్కసవిచారాయ ఫలసమాపత్తియా అనన్తరపచ్చయేన పచ్చయో. (౨)
అవితక్కఅవిచారో ధమ్మో అవితక్కవిచారమత్తస్స ధమ్మస్స అనన్తరపచ్చయేన పచ్చయో – పురిమో పురిమో విచారో పచ్ఛిమానం పచ్ఛిమానం అవితక్కవిచారమత్తానం ఖన్ధానం అనన్తరపచ్చయేన పచ్చయో. అవితక్కఅవిచారం చుతిచిత్తం విచారో చ అవితక్కవిచారమత్తస్స ఉపపత్తిచిత్తస్స వితక్కస్స చ అనన్తరపచ్చయేన పచ్చయో. అవితక్కఅవిచారా ఖన్ధా విచారో చ అవితక్కవిచారమత్తస్స వుట్ఠానస్స వితక్కస్స చ అనన్తరపచ్చయేన పచ్చయో. నిరోధా వుట్ఠహన్తస్స నేవసఞ్ఞానాసఞ్ఞాయతనం అవితక్కవిచారమత్తాయ ఫలసమాపత్తియా వితక్కస్స చ అనన్తరపచ్చయేన పచ్చయో. (౩)
అవితక్కఅవిచారో ధమ్మో అవితక్కవిచారమత్తస్స చ అవితక్కఅవిచారస్స చ ధమ్మస్స అనన్తరపచ్చయేన పచ్చయో – పురిమో పురిమో విచారో పచ్ఛిమానం పచ్ఛిమానం అవితక్కవిచారమత్తానం ఖన్ధానం విచారస్స చ అనన్తరపచ్చయేన పచ్చయో. అవితక్కఅవిచారం చుతిచిత్తం అవితక్కవిచారమత్తస్స ఉపపత్తిచిత్తస్స విచారస్స చ అనన్తరపచ్చయేన పచ్చయో. అవితక్కఅవిచారా ఖన్ధా అవితక్కవిచారమత్తస్స వుట్ఠానస్స విచారస్స చ అనన్తరపచ్చయేన పచ్చయో. నిరోధా వుట్ఠహన్తస్స నేవసఞ్ఞానాసఞ్ఞాయతనం అవితక్కవిచారమత్తాయ ఫలసమాపత్తియా విచారస్స చ అనన్తరపచ్చయేన పచ్చయో. (౪)
అవితక్కఅవిచారో ధమ్మో సవితక్కసవిచారస్స చ అవితక్కవిచారమత్తస్స చ ధమ్మస్స అనన్తరపచ్చయేన పచ్చయో – అవితక్కఅవిచారం చుతిచిత్తం విచారో చ సవితక్కసవిచారస్స ఉపపత్తిచిత్తస్స వితక్కస్స చ అనన్తరపచ్చయేన పచ్చయో. అవితక్కఅవిచారం భవఙ్గఞ్చ విచారో చ ఆవజ్జనాయ వితక్కస్స చ అనన్తరపచ్చయేన పచ్చయో. అవితక్కఅవిచారా ఖన్ధా విచారో చ సవితక్కసవిచారస్స వుట్ఠానస్స వితక్కస్స చ అనన్తరపచ్చయేన పచ్చయో. నిరోధా వుట్ఠహన్తస్స నేవసఞ్ఞానాసఞ్ఞాయతనం సవితక్కసవిచారాయ ఫలసమాపత్తియా వితక్కస్స చ అనన్తరపచ్చయేన పచ్చయో. (౫)
౮౨. అవితక్కవిచారమత్తో చ అవితక్కఅవిచారో చ ధమ్మా సవితక్కసవిచారస్స ధమ్మస్స అనన్తరపచ్చయేన పచ్చయో – అవితక్కవిచారమత్తం చుతిచిత్తఞ్చ విచారో చ సవితక్కసవిచారస్స ఉపపత్తిచిత్తస్స అనన్తరపచ్చయేన పచ్చయో. అవితక్కవిచారమత్తం భవఙ్గఞ్చ విచారో చ ఆవజ్జనాయ అనన్తరపచ్చయేన పచ్చయో. అవితక్కవిచారమత్తా ఖన్ధా చ విచారో చ సవితక్కసవిచారస్స వుట్ఠానస్స అనన్తరపచ్చయేన పచ్చయో. (౧)
అవితక్కవిచారమత్తో చ అవితక్కఅవిచారో చ ధమ్మా అవితక్కవిచారమత్తస్స ధమ్మస్స అనన్తరపచ్చయేన పచ్చయో – పురిమా పురిమా అవితక్కవిచారమత్తా ఖన్ధా చ విచారో చ పచ్ఛిమానం పచ్ఛిమానం అవితక్కవిచారమత్తానం ఖన్ధానం అనన్తరపచ్చయేన పచ్చయో. అవితక్కవిచారమత్తో మగ్గో చ విచారో చ అవితక్కవిచారమత్తస్స ఫలస్స అనన్తరపచ్చయేన పచ్చయో. అవితక్కవిచారమత్తం ఫలఞ్చ విచారో చ అవితక్కవిచారమత్తస్స ఫలస్స అనన్తరపచ్చయేన పచ్చయో. (౨)
అవితక్కవిచారమత్తో చ అవితక్కఅవిచారో చ ధమ్మా అవితక్కఅవిచారస్స ధమ్మస్స అనన్తరపచ్చయేన పచ్చయో – పురిమా పురిమా అవితక్కవిచారమత్తా ఖన్ధా చ విచారో చ పచ్ఛిమస్స పచ్ఛిమస్స విచారస్స అనన్తరపచ్చయేన పచ్చయో. అవితక్కవిచారమత్తం చుతిచిత్తఞ్చ విచారో చ అవితక్కఅవిచారస్స ఉపపత్తిచిత్తస్స అనన్తరపచ్చయేన పచ్చయో. అవితక్కవిచారమత్తా ఖన్ధా చ విచారో చ అవితక్కఅవిచారస్స వుట్ఠానస్స అనన్తరపచ్చయేన పచ్చయో. (౩)
అవితక్కవిచారమత్తో చ అవితక్కఅవిచారో చ ధమ్మా అవితక్కవిచారమత్తస్స చ అవితక్కఅవిచారస్స చ ధమ్మస్స అనన్తరపచ్చయేన పచ్చయో – పురిమా పురిమా అవితక్కవిచారమత్తా ఖన్ధా చ విచారో చ పచ్ఛిమానం పచ్ఛిమానం అవితక్కవిచారమత్తానం ఖన్ధానం విచారస్స చ అనన్తరపచ్చయేన పచ్చయో. అవితక్కవిచారమత్తో మగ్గో చ విచారో చ అవితక్కవిచారమత్తస్స ఫలస్స విచారస్స చ అనన్తరపచ్చయేన పచ్చయో. అవితక్కవిచారమత్తం ఫలఞ్చ విచారో చ అవితక్కవిచారమత్తస్స ఫలస్స చ విచారస్స చ అనన్తరపచ్చయేన పచ్చయో. (౪)
అవితక్కవిచారమత్తో చ అవితక్కఅవిచారో చ ధమ్మా సవితక్కసవిచారస్స చ అవితక్కవిచారమత్తస్స చ ధమ్మస్స అనన్తరపచ్చయేన పచ్చయో – అవితక్కవిచారమత్తం చుతిచిత్తఞ్చ విచారో చ సవితక్కసవిచారస్స ఉపపత్తిచిత్తస్స వితక్కస్స చ అనన్తరపచ్చయేన పచ్చయో. అవితక్కవిచారమత్తం భవఙ్గఞ్చ విచారో చ ఆవజ్జనాయ వితక్కస్స చ అనన్తరపచ్చయేన పచ్చయో. అవితక్కవిచారమత్తా ఖన్ధా చ విచారో చ సవితక్కసవిచారస్స వుట్ఠానస్స వితక్కస్స చ అనన్తరపచ్చయేన పచ్చయో. (౫)
౮౩. సవితక్కసవిచారో చ అవితక్కవిచారమత్తో చ ధమ్మా సవితక్కసవిచారస్స ధమ్మస్స అనన్తరపచ్చయేన పచ్చయో – పురిమా పురిమా సవితక్కసవిచారా ఖన్ధా చ వితక్కో చ పచ్ఛిమానం పచ్ఛిమానం సవితక్కసవిచారానం ఖన్ధానం అనన్తరపచ్చయేన పచ్చయో. అనులోమఞ్చ వితక్కో చ గోత్రభుస్స… అనులోమఞ్చ వితక్కో చ వోదానస్స… గోత్రభు చ వితక్కో చ సవితక్కసవిచారస్స మగ్గస్స… వోదానఞ్చ వితక్కో చ సవితక్కసవిచారస్స మగ్గస్స… సవితక్కసవిచారో మగ్గో చ వితక్కో చ సవితక్కసవిచారస్స ఫలస్స… సవితక్కసవిచారం ఫలఞ్చ వితక్కో చ సవితక్కసవిచారస్స ఫలస్స… అనులోమఞ్చ వితక్కో చ సవితక్కసవిచారాయ ఫలసమాపత్తియా అనన్తరపచ్చయేన పచ్చయో. (౧)
సవితక్కసవిచారో చ అవితక్కవిచారమత్తో చ ధమ్మా అవితక్కవిచారమత్తస్స ధమ్మస్స అనన్తరపచ్చయేన పచ్చయో – పురిమా పురిమా సవితక్కసవిచారా ఖన్ధా చ వితక్కో చ పచ్ఛిమస్స పచ్ఛిమస్స వితక్కస్స అనన్తరపచ్చయేన పచ్చయో. సవితక్కసవిచారం చుతిచిత్తఞ్చ వితక్కో చ అవితక్కవిచారమత్తస్స ఉపపత్తిచిత్తస్స అనన్తరపచ్చయేన పచ్చయో. సవితక్కసవిచారా ఖన్ధా చ వితక్కో చ అవితక్కవిచారమత్తస్స వుట్ఠానస్స అనన్తరపచ్చయేన పచ్చయో. అవితక్కవిచారమత్తస్స ఝానస్స పరికమ్మఞ్చ వితక్కో చ అవితక్కవిచారమత్తస్స ఝానస్స అనన్తరపచ్చయేన పచ్చయో. గోత్రభు చ వితక్కో చ అవితక్కవిచారమత్తస్స మగ్గస్స… వోదానఞ్చ వితక్కో చ అవితక్కవిచారమత్తస్స మగ్గస్స … అనులోమఞ్చ వితక్కో చ అవితక్కవిచారమత్తాయ ఫలసమాపత్తియా అనన్తరపచ్చయేన పచ్చయో. (౨)
సవితక్కసవిచారో చ అవితక్కవిచారమత్తో చ ధమ్మా అవితక్కఅవిచారస్స ధమ్మస్స అనన్తరపచ్చయేన పచ్చయో – సవితక్కసవిచారం చుతిచిత్తఞ్చ వితక్కో చ అవితక్కఅవిచారస్స ఉపపత్తిచిత్తస్స విచారస్స చ అనన్తరపచ్చయేన పచ్చయో. ఆవజ్జనా చ వితక్కో చ పఞ్చన్నం విఞ్ఞాణానం అనన్తరపచ్చయేన పచ్చయో. సవితక్కసవిచారా ఖన్ధా చ వితక్కో చ అవితక్కఅవిచారస్స వుట్ఠానస్స చ విచారస్స చ అనన్తరపచ్చయేన పచ్చయో. దుతియస్స ఝానస్స పరికమ్మఞ్చ వితక్కో చ దుతియే ఝానే విచారస్స అనన్తరపచ్చయేన పచ్చయో. తతియస్స ఝానస్స పరికమ్మఞ్చ వితక్కో చ…పే… చతుత్థస్స ఝానస్స పరికమ్మఞ్చ వితక్కో చ…పే… ఆకాసానఞ్చాయతనస్స పరికమ్మఞ్చ వితక్కో చ…పే… విఞ్ఞాణఞ్చాయతనస్స పరికమ్మఞ్చ వితక్కో చ…పే… ఆకిఞ్చఞ్ఞాయతనస్స పరికమ్మఞ్చ వితక్కో చ…పే… నేవసఞ్ఞానాసఞ్ఞాయతనస్స పరికమ్మఞ్చ వితక్కో చ …పే… దిబ్బస్స చక్ఖుస్స పరికమ్మఞ్చ వితక్కో చ…పే… దిబ్బాయ సోతధాతుయా పరికమ్మఞ్చ వితక్కో చ…పే… ఇద్ధివిధఞాణస్స పరికమ్మఞ్చ వితక్కో చ…పే… చేతోపరియఞాణస్స పరికమ్మఞ్చ వితక్కో చ…పే… పుబ్బేనివాసానుస్సతిఞాణస్స పరికమ్మఞ్చ వితక్కో చ…పే… యథాకమ్మూపగఞాణస్స పరికమ్మఞ్చ వితక్కో చ…పే… అనాగతంసఞాణస్స పరికమ్మఞ్చ వితక్కో చ…పే… గోత్రభు చ వితక్కో చ అవితక్కఅవిచారస్స మగ్గస్స విచారస్స చ… వోదానఞ్చ వితక్కో చ అవితక్కఅవిచారస్స మగ్గస్స విచారస్స చ… అనులోమఞ్చ వితక్కో చ అవితక్కఅవిచారాయ ఫలసమాపత్తియా విచారస్స చ అనన్తరపచ్చయేన పచ్చయో. (౩)
సవితక్కసవిచారో చ అవితక్కవిచారమత్తో చ ధమ్మా అవితక్కవిచారమత్తస్స చ అవితక్కఅవిచారస్స చ ధమ్మస్స అనన్తరపచ్చయేన పచ్చయో – సవితక్కసవిచారం చుతిచిత్తఞ్చ వితక్కో చ అవితక్కవిచారమత్తస్స ఉపపత్తిచిత్తస్స చ విచారస్స చ అనన్తరపచ్చయేన పచ్చయో. సవితక్కసవిచారా ఖన్ధా చ వితక్కో చ అవితక్కవిచారమత్తస్స వుట్ఠానస్స చ విచారస్స చ అనన్తరపచ్చయేన పచ్చయో. అవితక్కవిచారమత్తస్స ఝానస్స పరికమ్మఞ్చ వితక్కో చ అవితక్కవిచారమత్తస్స ఝానస్స చ విచారస్స చ అనన్తరపచ్చయేన పచ్చయో. గోత్రభు చ వితక్కో చ అవితక్కవిచారమత్తస్స మగ్గస్స చ విచారస్స చ అనన్తరపచ్చయేన పచ్చయో. వోదానఞ్చ వితక్కో చ అవితక్కవిచారమత్తస్స మగ్గస్స చ విచారస్స చ… అనులోమఞ్చ వితక్కో చ అవితక్కవిచారమత్తాయ ఫలసమాపత్తియా చ విచారస్స చ అనన్తరపచ్చయేన పచ్చయో. (౪)
సవితక్కసవిచారో చ అవితక్కవిచారమత్తో చ ధమ్మా సవితక్కసవిచారస్స చ అవితక్కవిచారమత్తస్స చ ధమ్మస్స అనన్తరపచ్చయేన పచ్చయో – పురిమా పురిమా సవితక్కసవిచారా ఖన్ధా చ వితక్కో చ పచ్ఛిమానం పచ్ఛిమానం సవితక్కసవిచారానం ఖన్ధానం వితక్కస్స చ అనన్తరపచ్చయేన పచ్చయో. అనులోమఞ్చ వితక్కో చ గోత్రభుస్స చ వితక్కస్స చ… అనులోమఞ్చ వితక్కో చ వోదానస్స చ వితక్కస్స చ… గోత్రభు చ వితక్కో చ సవితక్కసవిచారస్స చ మగ్గస్స చ వితక్కస్స చ… వోదానఞ్చ వితక్కో చ సవితక్కసవిచారస్స మగ్గస్స చ వితక్కస్స చ అనన్తరపచ్చయేన పచ్చయో. సవితక్కసవిచారో మగ్గో చ వితక్కో చ సవితక్కసవిచారస్స ఫలస్స చ వితక్కస్స చ … సవితక్కసవిచారం ఫలఞ్చ వితక్కో చ సవితక్కసవిచారస్స ఫలస్స చ వితక్కస్స చ… అనులోమఞ్చ వితక్కో చ సవితక్కసవిచారాయ ఫలసమాపత్తియా చ వితక్కస్స చ అనన్తరపచ్చయేన పచ్చయో. (౫)
సమనన్తరపచ్చయో
౮౪. సవితక్కసవిచారో ధమ్మో సవితక్కసవిచారస్స ధమ్మస్స సమనన్తరపచ్చయేన పచ్చయో (అనన్తరపచ్చయోపి సమనన్తరపచ్చయోపి సదిసో).
సహజాతపచ్చయో
౮౫. సవితక్కసవిచారో ధమ్మో సవితక్కసవిచారస్స ధమ్మస్స సహజాతపచ్చయేన పచ్చయో – సవితక్కసవిచారో ఏకో ఖన్ధో తిణ్ణన్నం ఖన్ధానం సహజాతపచ్చయేన పచ్చయో. తయో ఖన్ధా ఏకస్స ఖన్ధస్స సహజాతపచ్చయేన పచ్చయో. ద్వే ఖన్ధా ద్విన్నం ఖన్ధానం సహజాతపచ్చయేన పచ్చయో. పటిసన్ధిక్ఖణే సవితక్కసవిచారో ఏకో ఖన్ధో తిణ్ణన్నం ఖన్ధానం…పే… ద్వే ఖన్ధా ద్విన్నం ఖన్ధానం…పే…. (౧)
సవితక్కసవిచారో ధమ్మో అవితక్కవిచారమత్తస్స ధమ్మస్స సహజాతపచ్చయేన పచ్చయో – సవితక్కసవిచారా ఖన్ధా వితక్కస్స సహజాతపచ్చయేన పచ్చయో. పటిసన్ధిక్ఖణే…పే…. (౨)
సవితక్కసవిచారో ధమ్మో అవితక్కఅవిచారస్స ధమ్మస్స సహజాతపచ్చయేన పచ్చయో – సవితక్కసవిచారా ఖన్ధా చిత్తసముట్ఠానానం రూపానం సహజాతపచ్చయేన పచ్చయో. పటిసన్ధిక్ఖణే…పే… కటత్తారూపానం…పే…. (౩)
సవితక్కసవిచారో ధమ్మో సవితక్కసవిచారస్స చ అవితక్కఅవిచారస్స చ ధమ్మస్స సహజాతపచ్చయేన పచ్చయో – సవితక్కసవిచారో ఏకో ఖన్ధో తిణ్ణన్నం ఖన్ధానం చిత్తసముట్ఠానానఞ్చ రూపానం సహజాతపచ్చయేన పచ్చయో…పే… ద్వే ఖన్ధా ద్విన్నం ఖన్ధానం చిత్తసముట్ఠానానఞ్చ రూపానం సహజాతపచ్చయేన పచ్చయో. పటిసన్ధిక్ఖణే…పే…. (౪)
సవితక్కసవిచారో ధమ్మో అవితక్కవిచారమత్తస్స చ అవితక్కఅవిచారస్స చ ధమ్మస్స సహజాతపచ్చయేన పచ్చయో – సవితక్కసవిచారా ఖన్ధా వితక్కస్స చ చిత్తసముట్ఠానానఞ్చ రూపానం సహజాతపచ్చయేన పచ్చయో. పటిసన్ధిక్ఖణే…పే…. (౫)
సవితక్కసవిచారో ధమ్మో సవితక్కసవిచారస్స చ అవితక్కవిచారమత్తస్స చ ధమ్మస్స సహజాతపచ్చయేన పచ్చయో – సవితక్కసవిచారో ఏకో ఖన్ధో తిణ్ణన్నం ఖన్ధానం వితక్కస్స చ సహజాతపచ్చయేన పచ్చయో…పే… ద్వే ఖన్ధా ద్విన్నం ఖన్ధానం వితక్కస్స చ సహజాతపచ్చయేన పచ్చయో. పటిసన్ధిక్ఖణే…పే…. (౬)
సవితక్కసవిచారో ధమ్మో సవితక్కసవిచారస్స చ అవితక్కవిచారమత్తస్స చ అవితక్కఅవిచారస్స చ ధమ్మస్స సహజాతపచ్చయేన పచ్చయో – సవితక్కసవిచారో ఏకో ఖన్ధో తిణ్ణన్నం ఖన్ధానం వితక్కస్స చ చిత్తసముట్ఠానానఞ్చ రూపానం సహజాతపచ్చయేన పచ్చయో…పే… ద్వే ఖన్ధా ద్విన్నం ఖన్ధానం వితక్కస్స చ చిత్తసముట్ఠానానఞ్చ రూపానం…పే… పటిసన్ధిక్ఖణే…పే…. (౭)
౮౬. అవితక్కవిచారమత్తో ధమ్మో అవితక్కవిచారమత్తస్స ధమ్మస్స సహజాతపచ్చయేన పచ్చయో – అవితక్కవిచారమత్తో ఏకో ఖన్ధో తిణ్ణన్నం ఖన్ధానం సహజాతపచ్చయేన పచ్చయో…పే… ద్వే ఖన్ధా ద్విన్నం ఖన్ధానం…పే… పటిసన్ధిక్ఖణే…పే…. (౧)
అవితక్కవిచారమత్తో ధమ్మో సవితక్కసవిచారస్స ధమ్మస్స సహజాతపచ్చయేన పచ్చయో – వితక్కో సవితక్కసవిచారానం ఖన్ధానం సహజాతపచ్చయేన పచ్చయో. పటిసన్ధిక్ఖణే…పే…. (౨)
అవితక్కవిచారమత్తో ధమ్మో అవితక్కఅవిచారస్స ధమ్మస్స సహజాతపచ్చయేన పచ్చయో – అవితక్కవిచారమత్తా ఖన్ధా విచారస్స చిత్తసముట్ఠానానఞ్చ రూపానం సహజాతపచ్చయేన పచ్చయో, వితక్కో చిత్తసముట్ఠానానం రూపానం సహజాతపచ్చయేన పచ్చయో. పటిసన్ధిక్ఖణే…పే…. (౩)
అవితక్కవిచారమత్తో ధమ్మో సవితక్కసవిచారస్స చ అవితక్కఅవిచారస్స చ ధమ్మస్స సహజాతపచ్చయేన పచ్చయో – వితక్కో సవితక్కసవిచారానం ఖన్ధానం చిత్తసముట్ఠానానఞ్చ రూపానం సహజాతపచ్చయేన పచ్చయో. పటిసన్ధిక్ఖణే…పే…. (౪)
అవితక్కవిచారమత్తో ధమ్మో అవితక్కవిచారమత్తస్స చ అవితక్కఅవిచారస్స చ ధమ్మస్స సహజాతపచ్చయేన పచ్చయో – అవితక్కవిచారమత్తో ఏకో ఖన్ధో తిణ్ణన్నం ఖన్ధానం విచారస్స చ చిత్తసముట్ఠానానఞ్చ రూపానం సహజాతపచ్చయేన పచ్చయో…పే… ద్వే ఖన్ధా ద్విన్నం ఖన్ధానం విచారస్స చ చిత్తసముట్ఠానానఞ్చ రూపానం…పే… పటిసన్ధిక్ఖణే…పే…. (౫)
౮౭. అవితక్కఅవిచారో ధమ్మో అవితక్కఅవిచారస్స ధమ్మస్స సహజాతపచ్చయేన పచ్చయో – అవితక్కఅవిచారో ఏకో ఖన్ధో తిణ్ణన్నం ఖన్ధానం చిత్తసముట్ఠానానఞ్చ రూపానం సహజాతపచ్చయేన పచ్చయో…పే… ద్వే ఖన్ధా ద్విన్నం ఖన్ధానం చిత్తసముట్ఠానానఞ్చ రూపానం సహజాతపచ్చయేన పచ్చయో. విచారో చిత్తసముట్ఠానానం రూపానం…పే… పటిసన్ధిక్ఖణే అవితక్కఅవిచారో ఏకో ఖన్ధో తిణ్ణన్నం ఖన్ధానం కటత్తా చ రూపానం…పే… ద్వే ఖన్ధా ద్విన్నం ఖన్ధానం కటత్తా చ రూపానం…పే… విచారో కటత్తారూపానం…పే… ఖన్ధా వత్థుస్స…పే… వత్థు ఖన్ధానం…పే… విచారో వత్థుస్స…పే… వత్థు విచారస్స…పే… ఏకం మహాభూతం తిణ్ణన్నం మహాభూతానం…పే… మహాభూతా చిత్తసముట్ఠానానం రూపానం కటత్తారూపానం ఉపాదారూపానం…పే… బాహిరం… ఆహారసముట్ఠానం… ఉతుసముట్ఠానం… అసఞ్ఞసత్తానం ఏకం మహాభూతం…పే… మహాభూతా కటత్తారూపానం ఉపాదారూపానం సహజాతపచ్చయేన పచ్చయో. (౧)
అవితక్కఅవిచారో ధమ్మో సవితక్కసవిచారస్స ధమ్మస్స సహజాతపచ్చయేన పచ్చయో – పటిసన్ధిక్ఖణే వత్థు సవితక్కసవిచారానం ఖన్ధానం సహజాతపచ్చయేన పచ్చయో. (౨)
అవితక్కఅవిచారో ధమ్మో అవితక్కవిచారమత్తస్స ధమ్మస్స సహజాతపచ్చయేన పచ్చయో – విచారో అవితక్కవిచారమత్తానం ఖన్ధానం సహజాతపచ్చయేన పచ్చయో. పటిసన్ధిక్ఖణే విచారో అవితక్కవిచారమత్తానం ఖన్ధానం సహజాతపచ్చయేన పచ్చయో. పటిసన్ధిక్ఖణే వత్థు అవితక్కవిచారమత్తానం ఖన్ధానం సహజాతపచ్చయేన పచ్చయో. పటిసన్ధిక్ఖణే వత్థు వితక్కస్స సహజాతపచ్చయేన పచ్చయో. (౩)
అవితక్కఅవిచారో ధమ్మో అవితక్కవిచారమత్తస్స చ అవితక్కఅవిచారస్స చ ధమ్మస్స సహజాతపచ్చయేన పచ్చయో – విచారో అవితక్కవిచారమత్తానం ఖన్ధానం చిత్తసముట్ఠానానఞ్చ రూపానం సహజాతపచ్చయేన పచ్చయో. పటిసన్ధిక్ఖణే విచారో అవితక్కవిచారమత్తానం ఖన్ధానం కటత్తా చ రూపానం…పే… పటిసన్ధిక్ఖణే వత్థు అవితక్కవిచారమత్తానం ఖన్ధానం విచారస్స చ సహజాతపచ్చయేన పచ్చయో. (౪)
అవితక్కఅవిచారో ధమ్మో సవితక్కసవిచారస్స చ అవితక్కవిచారమత్తస్స చ ధమ్మస్స సహజాతపచ్చయేన పచ్చయో – పటిసన్ధిక్ఖణే వత్థు సవితక్కసవిచారానం ఖన్ధానం వితక్కస్స చ సహజాతపచ్చయేన పచ్చయో. (౫)
౮౮. సవితక్కసవిచారో చ అవితక్కఅవిచారో చ ధమ్మా సవితక్కసవిచారస్స ధమ్మస్స సహజాతపచ్చయేన పచ్చయో – పటిసన్ధిక్ఖణే సవితక్కసవిచారో ఏకో ఖన్ధో చ వత్థు చ తిణ్ణన్నం ఖన్ధానం సహజాతపచ్చయేన పచ్చయో…పే… ద్వే ఖన్ధా చ వత్థు చ ద్విన్నం ఖన్ధానం సహజాతపచ్చయేన పచ్చయో. (౧)
సవితక్కసవిచారో చ అవితక్కఅవిచారో చ ధమ్మా అవితక్కవిచారమత్తస్స ధమ్మస్స సహజాతపచ్చయేన పచ్చయో – పటిసన్ధిక్ఖణే సవితక్కసవిచారా ఖన్ధా చ వత్థు చ వితక్కస్స సహజాతపచ్చయేన పచ్చయో. (౨)
సవితక్కసవిచారో చ అవితక్కఅవిచారో చ ధమ్మా అవితక్కఅవిచారస్స ధమ్మస్స సహజాతపచ్చయేన పచ్చయో – సవితక్కసవిచారా ఖన్ధా చ మహాభూతా చ చిత్తసముట్ఠానానం రూపానం సహజాతపచ్చయేన పచ్చయో. పటిసన్ధిక్ఖణే సవితక్కసవిచారా ఖన్ధా చ మహాభూతా చ కటత్తారూపానం సహజాతపచ్చయేన పచ్చయో. (౩)
సవితక్కసవిచారో చ అవితక్కఅవిచారో చ ధమ్మా సవితక్కసవిచారస్స చ అవితక్కవిచారమత్తస్స చ ధమ్మస్స సహజాతపచ్చయేన పచ్చయో – పటిసన్ధిక్ఖణే సవితక్కసవిచారో ఏకో ఖన్ధో చ వత్థు చ తిణ్ణన్నం ఖన్ధానం వితక్కస్స చ…పే… ద్వే ఖన్ధా చ వత్థు చ ద్విన్నం ఖన్ధానం వితక్కస్స చ సహజాతపచ్చయేన పచ్చయో. (౪)
౮౯. అవితక్కవిచారమత్తో చ అవితక్కఅవిచారో చ ధమ్మా సవితక్కసవిచారస్స ధమ్మస్స సహజాతపచ్చయేన పచ్చయో – పటిసన్ధిక్ఖణే వితక్కో చ వత్థు చ సవితక్కసవిచారానం ఖన్ధానం సహజాతపచ్చయేన పచ్చయో. (౧)
అవితక్కవిచారమత్తో చ అవితక్కఅవిచారో చ ధమ్మా అవితక్కవిచారమత్తస్స ధమ్మస్స సహజాతపచ్చయేన పచ్చయో – అవితక్కవిచారమత్తో ఏకో ఖన్ధో చ విచారో చ తిణ్ణన్నం ఖన్ధానం…పే… ద్వే ఖన్ధా చ విచారో చ ద్విన్నం ఖన్ధానం సహజాతపచ్చయేన పచ్చయో. పటిసన్ధిక్ఖణే అవితక్కవిచారమత్తో ఏకో ఖన్ధో చ విచారో చ తిణ్ణన్నం ఖన్ధానం…పే… ద్వే ఖన్ధా చ విచారో చ ద్విన్నం ఖన్ధానం…పే… పటిసన్ధిక్ఖణే అవితక్కవిచారమత్తో ఏకో ఖన్ధో చ వత్థు చ తిణ్ణన్నం ఖన్ధానం సహజాతపచ్చయేన పచ్చయో. (౨)
అవితక్కవిచారమత్తో చ అవితక్కఅవిచారో చ ధమ్మా అవితక్కఅవిచారస్స ధమ్మస్స సహజాతపచ్చయేన పచ్చయో – అవితక్కవిచారమత్తా ఖన్ధా చ విచారో చ చిత్తసముట్ఠానానం రూపానం సహజాతపచ్చయేన పచ్చయో. అవితక్కవిచారమత్తా ఖన్ధా చ మహాభూతా చ చిత్తసముట్ఠానానం రూపానం…పే… వితక్కో చ మహాభూతా చ చిత్తసముట్ఠానానం రూపానం…పే… పటిసన్ధిక్ఖణే అవితక్కవిచారమత్తా ఖన్ధా చ విచారో చ కటత్తారూపానం…పే… పటిసన్ధిక్ఖణే అవితక్కవిచారమత్తా ఖన్ధా చ మహాభూతా చ కటత్తారూపానం…పే… పటిసన్ధిక్ఖణే వితక్కో చ మహాభూతా చ కటత్తారూపానం…పే… పటిసన్ధిక్ఖణే అవితక్కవిచారమత్తా ఖన్ధా చ వత్థు చ విచారస్స సహజాతపచ్చయేన పచ్చయో. (౩)
అవితక్కవిచారమత్తో చ అవితక్కఅవిచారో చ ధమ్మా అవితక్కవిచారమత్తస్స చ అవితక్కఅవిచారస్స చ ధమ్మస్స సహజాతపచ్చయేన పచ్చయో – అవితక్కవిచారమత్తో ఏకో ఖన్ధో చ విచారో చ తిణ్ణన్నం ఖన్ధానం చిత్తసముట్ఠానానఞ్చ రూపానం సహజాతపచ్చయేన పచ్చయో. తయో ఖన్ధా చ విచారో చ ఏకస్స ఖన్ధస్స చిత్తసముట్ఠానానఞ్చ రూపానం సహజాతపచ్చయేన పచ్చయో. ద్వే ఖన్ధా చ విచారో చ ద్విన్నం ఖన్ధానం చిత్తసముట్ఠానానఞ్చ రూపానం సహజాతపచ్చయేన పచ్చయో. పటిసన్ధిక్ఖణే అవితక్కవిచారమత్తో ఏకో ఖన్ధో చ విచారో చ తిణ్ణన్నం ఖన్ధానం కటత్తా చ రూపానం సహజాతపచ్చయేన పచ్చయో…పే… ద్వే ఖన్ధా…పే… పటిసన్ధిక్ఖణే అవితక్కవిచారమత్తో ఏకో ఖన్ధో చ వత్థు చ తిణ్ణన్నం ఖన్ధానం విచారస్స చ సహజాతపచ్చయేన పచ్చయో…పే… ద్వే ఖన్ధా చ వత్థు చ ద్విన్నం ఖన్ధానం విచారస్స చ సహజాతపచ్చయేన పచ్చయో. (౪)
౯౦. సవితక్కసవిచారో చ అవితక్కవిచారమత్తో చ ధమ్మా సవితక్కసవిచారస్స ధమ్మస్స సహజాతపచ్చయేన పచ్చయో – సవితక్కసవిచారో ఏకో ఖన్ధో చ వితక్కో చ తిణ్ణన్నం ఖన్ధానం సహజాతపచ్చయేన పచ్చయో…పే… ద్వే ఖన్ధా చ వితక్కో చ ద్విన్నం ఖన్ధానం సహజాతపచ్చయేన పచ్చయో. పటిసన్ధిక్ఖణే…పే…. (౧)
సవితక్కసవిచారో చ అవితక్కవిచారమత్తో చ ధమ్మా అవితక్కఅవిచారస్స ధమ్మస్స సహజాతపచ్చయేన పచ్చయో – సవితక్కసవిచారా ఖన్ధా చ వితక్కో చ చిత్తసముట్ఠానానం రూపానం సహజాతపచ్చయేన పచ్చయో. పటిసన్ధిక్ఖణే…పే…. (౨)
సవితక్కసవిచారో చ అవితక్కవిచారమత్తో చ ధమ్మా సవితక్కసవిచారస్స చ అవితక్కఅవిచారస్స చ ధమ్మస్స సహజాతపచ్చయేన పచ్చయో – సవితక్కసవిచారో ఏకో ఖన్ధో చ వితక్కో చ తిణ్ణన్నం ఖన్ధానం చిత్తసముట్ఠానానఞ్చ రూపానం సహజాతపచ్చయేన పచ్చయో…పే… ద్వే ఖన్ధా చ వితక్కో చ ద్విన్నం ఖన్ధానం చిత్తసముట్ఠానానఞ్చ రూపానం సహజాతపచ్చయేన పచ్చయో. పటిసన్ధిక్ఖణే…పే…. (౩)
౯౧. సవితక్కసవిచారో చ అవితక్కవిచారమత్తో చ అవితక్కఅవిచారో చ ధమ్మా సవితక్కసవిచారస్స ధమ్మస్స సహజాతపచ్చయేన పచ్చయో – పటిసన్ధిక్ఖణే సవితక్కసవిచారో ఏకో ఖన్ధో చ వితక్కో చ వత్థు చ తిణ్ణన్నం ఖన్ధానం సహజాతపచ్చయేన పచ్చయో…పే… ద్వే ఖన్ధా చ వితక్కో చ వత్థు చ ద్విన్నం ఖన్ధానం సహజాతపచ్చయేన పచ్చయో. (౧)
సవితక్కసవిచారో చ అవితక్కవిచారమత్తో చ అవితక్కఅవిచారో చ ధమ్మా అవితక్కఅవిచారస్స ధమ్మస్స సహజాతపచ్చయేన పచ్చయో – సవితక్కసవిచారా ఖన్ధా చ వితక్కో చ మహాభూతా చ చిత్తసముట్ఠానానం రూపానం సహజాతపచ్చయేన పచ్చయో. పటిసన్ధిక్ఖణే సవితక్కసవిచారా ఖన్ధా చ వితక్కో చ మహాభూతా చ కటత్తారూపానం సహజాతపచ్చయేన పచ్చయో. (౨)
అఞ్ఞమఞ్ఞపచ్చయో
౯౨. సవితక్కసవిచారో ధమ్మో సవితక్కసవిచారస్స ధమ్మస్స అఞ్ఞమఞ్ఞపచ్చయేన పచ్చయో – సవితక్కసవిచారో ఏకో ఖన్ధో తిణ్ణన్నం ఖన్ధానం అఞ్ఞమఞ్ఞపచ్చయేన పచ్చయో…పే… పటిసన్ధిక్ఖణే సవితక్కసవిచారో ఏకో ఖన్ధో తిణ్ణన్నం ఖన్ధానం అఞ్ఞమఞ్ఞపచ్చయేన పచ్చయో…పే… ద్వే ఖన్ధా ద్విన్నం ఖన్ధానం అఞ్ఞమఞ్ఞపచ్చయేన పచ్చయో. (౧)
సవితక్కసవిచారో ధమ్మో అవితక్కవిచారమత్తస్స ధమ్మస్స అఞ్ఞమఞ్ఞపచ్చయేన పచ్చయో – సవితక్కసవిచారా ఖన్ధా వితక్కస్స అఞ్ఞమఞ్ఞపచ్చయేన పచ్చయో. పటిసన్ధిక్ఖణే…పే…. (౨)
సవితక్కసవిచారో ధమ్మో అవితక్కఅవిచారస్స ధమ్మస్స అఞ్ఞమఞ్ఞపచ్చయేన పచ్చయో – పటిసన్ధిక్ఖణే సవితక్కసవిచారా ఖన్ధా వత్థుస్స అఞ్ఞమఞ్ఞపచ్చయేన పచ్చయో. (౩)
సవితక్కసవిచారో ధమ్మో సవితక్కసవిచారస్స చ అవితక్కఅవిచారస్స చ ధమ్మస్స అఞ్ఞమఞ్ఞపచ్చయేన పచ్చయో – పటిసన్ధిక్ఖణే సవితక్కసవిచారో ఏకో ఖన్ధో తిణ్ణన్నం ఖన్ధానం వత్థుస్స చ అఞ్ఞమఞ్ఞపచ్చయేన పచ్చయో…పే… ద్వే ఖన్ధా ద్విన్నం ఖన్ధానం వత్థుస్స చ అఞ్ఞమఞ్ఞపచ్చయేన పచ్చయో. (౪)
సవితక్కసవిచారో ధమ్మో అవితక్కవిచారమత్తస్స చ అవితక్కఅవిచారస్స చ ధమ్మస్స అఞ్ఞమఞ్ఞపచ్చయేన పచ్చయో – పటిసన్ధిక్ఖణే సవితక్కసవిచారా ఖన్ధా వితక్కస్స చ వత్థుస్స చ అఞ్ఞమఞ్ఞపచ్చయేన పచ్చయో. (౫)
సవితక్కసవిచారో ధమ్మో సవితక్కసవిచారస్స చ అవితక్కవిచారమత్తస్స చ ధమ్మస్స అఞ్ఞమఞ్ఞపచ్చయేన పచ్చయో – సవితక్కసవిచారో ఏకో ఖన్ధో తిణ్ణన్నం ఖన్ధానం వితక్కస్స చ అఞ్ఞమఞ్ఞపచ్చయేన పచ్చయో…పే… ద్వే ఖన్ధా ద్విన్నం ఖన్ధానం వితక్కస్స చ అఞ్ఞమఞ్ఞపచ్చయేన పచ్చయో. పటిసన్ధిక్ఖణే…పే…. (౬)
సవితక్కసవిచారో ధమ్మో సవితక్కసవిచారస్స చ అవితక్కవిచారమత్తస్స చ అవితక్కఅవిచారస్స చ ధమ్మస్స అఞ్ఞమఞ్ఞపచ్చయేన పచ్చయో – పటిసన్ధిక్ఖణే సవితక్కసవిచారో ఏకో ఖన్ధో తిణ్ణన్నం ఖన్ధానం వితక్కస్స చ వత్థుస్స చ అఞ్ఞమఞ్ఞపచ్చయేన పచ్చయో…పే… ద్వే ఖన్ధా ద్విన్నం ఖన్ధానం వితక్కస్స చ వత్థుస్స చ అఞ్ఞమఞ్ఞపచ్చయేన పచ్చయో. (౭)
౯౩. అవితక్కవిచారమత్తో ధమ్మో అవితక్కవిచారమత్తస్స ధమ్మస్స అఞ్ఞమఞ్ఞపచ్చయేన పచ్చయో – అవితక్కవిచారమత్తో ఏకో ఖన్ధో తిణ్ణన్నం ఖన్ధానం అఞ్ఞమఞ్ఞపచ్చయేన పచ్చయో…పే… ద్వే ఖన్ధా ద్విన్నం ఖన్ధానం అఞ్ఞమఞ్ఞపచ్చయేన పచ్చయో. పటిసన్ధిక్ఖణే…పే…. (౧)
అవితక్కవిచారమత్తో ధమ్మో సవితక్కసవిచారస్స ధమ్మస్స అఞ్ఞమఞ్ఞపచ్చయేన పచ్చయో – వితక్కో సవితక్కసవిచారానం ఖన్ధానం అఞ్ఞమఞ్ఞపచ్చయేన పచ్చయో. పటిసన్ధిక్ఖణే…పే…. (౨)
అవితక్కవిచారమత్తో ధమ్మో అవితక్కఅవిచారస్స ధమ్మస్స అఞ్ఞమఞ్ఞపచ్చయేన పచ్చయో – అవితక్కవిచారమత్తా ఖన్ధా విచారస్స అఞ్ఞమఞ్ఞపచ్చయేన పచ్చయో. పటిసన్ధిక్ఖణే అవితక్కవిచారమత్తా ఖన్ధా విచారస్స చ వత్థుస్స చ అఞ్ఞమఞ్ఞపచ్చయేన పచ్చయో. పటిసన్ధిక్ఖణే వితక్కో వత్థుస్స అఞ్ఞమఞ్ఞపచ్చయేన పచ్చయో. (౩)
అవితక్కవిచారమత్తో ధమ్మో సవితక్కసవిచారస్స చ అవితక్కఅవిచారస్స చ ధమ్మస్స అఞ్ఞమఞ్ఞపచ్చయేన పచ్చయో – పటిసన్ధిక్ఖణే వితక్కో సవితక్కసవిచారానం ఖన్ధానం వత్థుస్స చ అఞ్ఞమఞ్ఞపచ్చయేన పచ్చయో. (౪)
అవితక్కవిచారమత్తో ధమ్మో అవితక్కవిచారమత్తస్స చ అవితక్కఅవిచారస్స చ ధమ్మస్స అఞ్ఞమఞ్ఞపచ్చయేన పచ్చయో – అవితక్కవిచారమత్తో ఏకో ఖన్ధో తిణ్ణన్నం ఖన్ధానం విచారస్స చ అఞ్ఞమఞ్ఞపచ్చయేన పచ్చయో…పే… ద్వే ఖన్ధా ద్విన్నం ఖన్ధానం విచారస్స చ అఞ్ఞమఞ్ఞపచ్చయేన పచ్చయో. పటిసన్ధిక్ఖణే అవితక్కవిచారమత్తో ఏకో ఖన్ధో తిణ్ణన్నం ఖన్ధానం విచారస్స చ వత్థుస్స చ అఞ్ఞమఞ్ఞపచ్చయేన పచ్చయో…పే… ద్వే ఖన్ధా ద్విన్నం ఖన్ధానం విచారస్స చ వత్థుస్స చ అఞ్ఞమఞ్ఞపచ్చయేన పచ్చయో. (౫)
౯౪. అవితక్కఅవిచారో ధమ్మో అవితక్కఅవిచారస్స ధమ్మస్స అఞ్ఞమఞ్ఞపచ్చయేన పచ్చయో – అవితక్కఅవిచారో ఏకో ఖన్ధో తిణ్ణన్నం ఖన్ధానం అఞ్ఞమఞ్ఞపచ్చయేన పచ్చయో…పే… ద్వే ఖన్ధా ద్విన్నం ఖన్ధానం అఞ్ఞమఞ్ఞపచ్చయేన పచ్చయో. పటిసన్ధిక్ఖణే అవితక్కఅవిచారో ఏకో ఖన్ధో తిణ్ణన్నం ఖన్ధానం వత్థుస్స చ అఞ్ఞమఞ్ఞపచ్చయేన పచ్చయో…పే… ద్వే ఖన్ధా ద్విన్నం ఖన్ధానం వత్థుస్స చ అఞ్ఞమఞ్ఞపచ్చయేన పచ్చయో. ఖన్ధా వత్థుస్స…పే… వత్థు ఖన్ధానం…పే… విచారో వత్థుస్స…పే… వత్థు విచారస్స…పే… ఏకం మహాభూతం తిణ్ణన్నం మహాభూతానం…పే… బాహిరం… ఆహారసముట్ఠానం… ఉతుసముట్ఠానం… అసఞ్ఞసత్తానం ఏకం మహాభూతం…పే…. (౧)
అవితక్కఅవిచారో ధమ్మో సవితక్కసవిచారస్స ధమ్మస్స అఞ్ఞమఞ్ఞపచ్చయేన పచ్చయో – పటిసన్ధిక్ఖణే వత్థు సవితక్కసవిచారానం ఖన్ధానం అఞ్ఞమఞ్ఞపచ్చయేన పచ్చయో. (౨)
అవితక్కఅవిచారో ధమ్మో అవితక్కవిచారమత్తస్స ధమ్మస్స అఞ్ఞమఞ్ఞపచ్చయేన పచ్చయో – విచారో అవితక్కవిచారమత్తానం ఖన్ధానం అఞ్ఞమఞ్ఞపచ్చయేన పచ్చయో. పటిసన్ధిక్ఖణే విచారో అవితక్కవిచారమత్తానం ఖన్ధానం అఞ్ఞమఞ్ఞపచ్చయేన పచ్చయో. పటిసన్ధిక్ఖణే వత్థు అవితక్కవిచారమత్తానం ఖన్ధానం అఞ్ఞమఞ్ఞపచ్చయేన పచ్చయో. పటిసన్ధిక్ఖణే వత్థు వితక్కస్స అఞ్ఞమఞ్ఞపచ్చయేన పచ్చయో. (౩)
అవితక్కఅవిచారో ధమ్మో అవితక్కవిచారమత్తస్స చ అవితక్కఅవిచారస్స చ ధమ్మస్స అఞ్ఞమఞ్ఞపచ్చయేన పచ్చయో – పటిసన్ధిక్ఖణే విచారో అవితక్కవిచారమత్తానం ఖన్ధానం వత్థుస్స చ అఞ్ఞమఞ్ఞపచ్చయేన పచ్చయో. పటిసన్ధిక్ఖణే వత్థు అవితక్కవిచారమత్తానం ఖన్ధానం విచారస్స చ అఞ్ఞమఞ్ఞపచ్చయేన పచ్చయో. (౪)
అవితక్కఅవిచారో ధమ్మో సవితక్కసవిచారస్స చ అవితక్కవిచారమత్తస్స చ ధమ్మస్స అఞ్ఞమఞ్ఞపచ్చయేన పచ్చయో – పటిసన్ధిక్ఖణే వత్థు సవితక్కసవిచారానం ఖన్ధానం వితక్కస్స చ అఞ్ఞమఞ్ఞపచ్చయేన పచ్చయో. (౫)
౯౫. సవితక్కసవిచారో చ అవితక్కఅవిచారో చ ధమ్మా సవితక్కసవిచారస్స ధమ్మస్స అఞ్ఞమఞ్ఞపచ్చయేన పచ్చయో – పటిసన్ధిక్ఖణే సవితక్కసవిచారో ఏకో ఖన్ధో చ వత్థు చ తిణ్ణన్నం ఖన్ధానం…పే… ద్వే ఖన్ధా చ వత్థు చ ద్విన్నం ఖన్ధానం అఞ్ఞమఞ్ఞపచ్చయేన పచ్చయో. (౧)
సవితక్కసవిచారో చ అవితక్కఅవిచారో చ ధమ్మా అవితక్కవిచారమత్తస్స ధమ్మస్స అఞ్ఞమఞ్ఞపచ్చయేన పచ్చయో – పటిసన్ధిక్ఖణే సవితక్కసవిచారా ఖన్ధా చ వత్థు చ వితక్కస్స అఞ్ఞమఞ్ఞపచ్చయేన పచ్చయో. (౨)
సవితక్కసవిచారో చ అవితక్కఅవిచారో చ ధమ్మా సవితక్కసవిచారస్స చ అవితక్కవిచారమత్తస్స చ ధమ్మస్స అఞ్ఞమఞ్ఞపచ్చయేన పచ్చయో – పటిసన్ధిక్ఖణే సవితక్కసవిచారో ఏకో ఖన్ధో చ వత్థు చ తిణ్ణన్నం ఖన్ధానం వితక్కస్స చ అఞ్ఞమఞ్ఞపచ్చయేన పచ్చయో…పే… ద్వే ఖన్ధా చ వత్థు చ ద్విన్నం ఖన్ధానం వితక్కస్స చ అఞ్ఞమఞ్ఞపచ్చయేన పచ్చయో. (౩)
౯౬. అవితక్కవిచారమత్తో చ అవితక్కఅవిచారో చ ధమ్మా సవితక్కసవిచారస్స ధమ్మస్స అఞ్ఞమఞ్ఞపచ్చయేన పచ్చయో – పటిసన్ధిక్ఖణే వితక్కో చ వత్థు చ సవితక్కసవిచారానం ఖన్ధానం అఞ్ఞమఞ్ఞపచ్చయేన పచ్చయో. (౧)
అవితక్కవిచారమత్తో చ అవితక్కఅవిచారో చ ధమ్మా అవితక్కవిచారమత్తస్స ధమ్మస్స అఞ్ఞమఞ్ఞపచ్చయేన పచ్చయో – అవితక్కవిచారమత్తో ఏకో ఖన్ధో చ విచారో చ తిణ్ణన్నం ఖన్ధానం అఞ్ఞమఞ్ఞపచ్చయేన పచ్చయో…పే… ద్వే ఖన్ధా చ విచారో చ ద్విన్నం ఖన్ధానం అఞ్ఞమఞ్ఞపచ్చయేన పచ్చయో. పటిసన్ధిక్ఖణే అవితక్కవిచారమత్తో ఏకో ఖన్ధో చ విచారో చ వత్థు చ తిణ్ణన్నం ఖన్ధానం…పే… ద్వే ఖన్ధా చ విచారో చ వత్థు చ ద్విన్నం ఖన్ధానం అఞ్ఞమఞ్ఞపచ్చయేన పచ్చయో. (౨)
అవితక్కవిచారమత్తో చ అవితక్కఅవిచారో చ ధమ్మా అవితక్కఅవిచారస్స ధమ్మస్స అఞ్ఞమఞ్ఞపచ్చయేన పచ్చయో – పటిసన్ధిక్ఖణే అవితక్కవిచారమత్తా ఖన్ధా చ విచారో చ వత్థుస్స అఞ్ఞమఞ్ఞపచ్చయేన పచ్చయో. పటిసన్ధిక్ఖణే అవితక్కవిచారమత్తా ఖన్ధా చ వత్థు చ విచారస్స అఞ్ఞమఞ్ఞపచ్చయేన పచ్చయో. (౩)
అవితక్కవిచారమత్తో చ అవితక్కఅవిచారో చ ధమ్మా అవితక్కవిచారమత్తస్స చ అవితక్కఅవిచారస్స చ ధమ్మస్స అఞ్ఞమఞ్ఞపచ్చయేన పచ్చయో – పటిసన్ధిక్ఖణే అవితక్కవిచారమత్తో ఏకో ఖన్ధో చ విచారో చ తిణ్ణన్నం ఖన్ధానం వత్థుస్స చ అఞ్ఞమఞ్ఞపచ్చయేన పచ్చయో…పే… ద్వే ఖన్ధా చ విచారో చ ద్విన్నం ఖన్ధానం వత్థుస్స చ అఞ్ఞమఞ్ఞపచ్చయేన పచ్చయో. పటిసన్ధిక్ఖణే అవితక్కవిచారమత్తో ఏకో ఖన్ధో చ వత్థు చ తిణ్ణన్నం ఖన్ధానం విచారస్స చ అఞ్ఞమఞ్ఞపచ్చయేన పచ్చయో…పే… ద్వే ఖన్ధా చ వత్థు చ ద్విన్నం ఖన్ధానం విచారస్స చ అఞ్ఞమఞ్ఞపచ్చయేన పచ్చయో. (౪)
౯౭. సవితక్కసవిచారో చ అవితక్కవిచారమత్తో చ ధమ్మా సవితక్కసవిచారస్స ధమ్మస్స అఞ్ఞమఞ్ఞపచ్చయేన పచ్చయో – సవితక్కసవిచారో ఏకో ఖన్ధో చ వితక్కో చ తిణ్ణన్నం ఖన్ధానం అఞ్ఞమఞ్ఞపచ్చయేన పచ్చయో…పే… ద్వే ఖన్ధా చ వితక్కో చ ద్విన్నం ఖన్ధానం అఞ్ఞమఞ్ఞపచ్చయేన పచ్చయో. పటిసన్ధిక్ఖణే…పే…. (౧)
సవితక్కసవిచారో చ అవితక్కవిచారమత్తో చ ధమ్మా అవితక్కఅవిచారస్స ధమ్మస్స అఞ్ఞమఞ్ఞపచ్చయేన పచ్చయో – పటిసన్ధిక్ఖణే సవితక్కసవిచారా ఖన్ధా చ వితక్కో చ వత్థుస్స అఞ్ఞమఞ్ఞపచ్చయేన పచ్చయో. (౨)
సవితక్కసవిచారో చ అవితక్కవిచారమత్తో చ ధమ్మా సవితక్కసవిచారస్స చ అవితక్కఅవిచారస్స చ ధమ్మస్స అఞ్ఞమఞ్ఞపచ్చయేన పచ్చయో – పటిసన్ధిక్ఖణే సవితక్కసవిచారో ఏకో ఖన్ధో చ వితక్కో చ తిణ్ణన్నం ఖన్ధానం వత్థుస్స చ అఞ్ఞమఞ్ఞపచ్చయేన పచ్చయో…పే… ద్వే ఖన్ధా చ వితక్కో చ ద్విన్నం ఖన్ధానం వత్థుస్స చ అఞ్ఞమఞ్ఞపచ్చయేన పచ్చయో. (౩)
సవితక్కసవిచారో చ అవితక్కవిచారమత్తో చ అవితక్కఅవిచారో చ ధమ్మా సవితక్కసవిచారస్స ధమ్మస్స అఞ్ఞమఞ్ఞపచ్చయేన పచ్చయో – పటిసన్ధిక్ఖణే సవితక్కసవిచారో ఏకో ఖన్ధో చ వితక్కో చ వత్థు చ తిణ్ణన్నం ఖన్ధానం అఞ్ఞమఞ్ఞపచ్చయేన పచ్చయో…పే… ద్వే ఖన్ధా చ వితక్కో చ వత్థు చ ద్విన్నం ఖన్ధానం అఞ్ఞమఞ్ఞపచ్చయేన పచ్చయో. (౧)
నిస్సయపచ్చయో
౯౮. సవితక్కసవిచారో ధమ్మో సవితక్కసవిచారస్స ధమ్మస్స నిస్సయపచ్చయేన పచ్చయో – సవితక్కసవిచారో ఏకో ఖన్ధో తిణ్ణన్నం ఖన్ధానం (సంఖిత్తం) సత్త.
అవితక్కవిచారమత్తో ధమ్మో అవితక్కవిచారమత్తస్స ధమ్మస్స నిస్సయపచ్చయేన పచ్చయో (సంఖిత్తం) పఞ్చ.