౧౭. ఉప్పన్నత్తికం

౭. పఞ్హావారో

౧. పచ్చయానులోమం

౧. విభఙ్గవారో

హేతుపచ్చయో

౧. ఉప్పన్నో ధమ్మో ఉప్పన్నస్స ధమ్మస్స హేతుపచ్చయేన పచ్చయో – ఉప్పన్నా హేతూ సమ్పయుత్తకానం ఖన్ధానం చిత్తసముట్ఠానానఞ్చ రూపానం హేతుపచ్చయేన పచ్చయో. పటిసన్ధిక్ఖణే ఉప్పన్నా హేతూ సమ్పయుత్తకానం ఖన్ధానం కటత్తా చ రూపానం హేతుపచ్చయేన పచ్చయో. (౧)

ఆరమ్మణపచ్చయో

౨. ఉప్పన్నో ధమ్మో ఉప్పన్నస్స ధమ్మస్స ఆరమ్మణపచ్చయేన పచ్చయో – ఉప్పన్నం చక్ఖుం అనిచ్చతో దుక్ఖతో అనత్తతో విపస్సతి, అస్సాదేతి అభినన్దతి, తం ఆరబ్భ రాగో ఉప్పజ్జతి, దిట్ఠి ఉప్పజ్జతి, విచికిచ్ఛా…పే… ఉద్ధచ్చం…పే… దోమనస్సం ఉప్పజ్జతి. ఉప్పన్నం సోతం… ఘానం… జివ్హం… కాయం… రూపే… సద్దే… గన్ధే… రసే… ఫోట్ఠబ్బే… వత్థుం… ఉప్పన్నే ఖన్ధే అనిచ్చతో దుక్ఖతో అనత్తతో విపస్సతి…పే… దోమనస్సం ఉప్పజ్జతి. దిబ్బేన చక్ఖునా రూపం పస్సతి, దిబ్బాయ సోతధాతుయా సద్దం సుణాతి, రూపాయతనం చక్ఖువిఞ్ఞాణస్స …పే… ఫోట్ఠబ్బాయతనం కాయవిఞ్ఞాణస్స…పే… ఉప్పన్నా ఖన్ధా ఇద్ధివిధఞాణస్స ఆవజ్జనాయ ఆరమ్మణపచ్చయేన పచ్చయో. (౧)

౩. అనుప్పన్నో ధమ్మో ఉప్పన్నస్స ధమ్మస్స ఆరమ్మణపచ్చయేన పచ్చయో – అనుప్పన్నే రూపే… సద్దే… గన్ధే… రసే… ఫోట్ఠబ్బే… అనుప్పన్నే ఖన్ధే అనిచ్చతో దుక్ఖతో అనత్తతో విపస్సతి…పే… దోమనస్సం ఉప్పజ్జతి. అనుప్పన్నా ఖన్ధా ఇద్ధివిధఞాణస్స, చేతోపరియఞాణస్స, అనాగతంసఞాణస్స, ఆవజ్జనాయ ఆరమ్మణపచ్చయేన పచ్చయో. (౧)

౪. ఉప్పాదీ ధమ్మో ఉప్పన్నస్స ధమ్మస్స ఆరమ్మణపచ్చయేన పచ్చయో – ఉప్పాదిం చక్ఖుం…పే… కాయం… రూపే… గన్ధే… రసే… ఫోట్ఠబ్బే… వత్థుం… ఉప్పాదీ ఖన్ధే అనిచ్చతో దుక్ఖతో అనత్తతో…పే… దోమనస్సం ఉప్పజ్జతి. ఉప్పాదీ ఖన్ధా ఇద్ధివిధఞాణస్స, చేతోపరియఞాణస్స, అనాగతంసఞాణస్స, ఆవజ్జనాయ ఆరమ్మణపచ్చయేన పచ్చయో. (౧)

అధిపతిపచ్చయో

౫. ఉప్పన్నో ధమ్మో ఉప్పన్నస్స ధమ్మస్స అధిపతిపచ్చయేన పచ్చయో – ఆరమ్మణాధిపతి, సహజాతాధిపతి. ఆరమ్మణాధిపతి – ఉప్పన్నం చక్ఖుం గరుం కత్వా అస్సాదేతి అభినన్దతి, తం గరుం కత్వా రాగో ఉప్పజ్జతి, దిట్ఠి ఉప్పజ్జతి. ఉప్పన్నం సోతం… ఘానం… జివ్హం… కాయం… రూపే… సద్దే… గన్ధే… రసే… ఫోట్ఠబ్బే… వత్థుం… ఉప్పన్నే ఖన్ధే గరుం కత్వా అస్సాదేతి అభినన్దతి, తం గరుం కత్వా రాగో ఉప్పజ్జతి…పే…. సహజాతాధిపతి – ఉప్పన్నా అధిపతి సమ్పయుత్తకానం ఖన్ధానం చిత్తసముట్ఠానానఞ్చ రూపానం అధిపతిపచ్చయేన పచ్చయో. (౧)

అనుప్పన్నో ధమ్మో ఉప్పన్నస్స ధమ్మస్స అధిపతిపచ్చయేన పచ్చయో. ఆరమ్మణాధిపతి – అనుప్పన్నే రూపే… సద్దే… గన్ధే… రసే… ఫోట్ఠబ్బే… అనుప్పన్నే ఖన్ధే గరుం కత్వా అస్సాదేతి అభినన్దతి, తం గరుం కత్వా రాగో ఉప్పజ్జతి, దిట్ఠి ఉప్పజ్జతి. (౧)

ఉప్పాదీ ధమ్మో ఉప్పన్నస్స ధమ్మస్స అధిపతిపచ్చయేన పచ్చయో. ఆరమ్మణాధిపతి – ఉప్పాదిం చక్ఖుం…పే… కాయం… రూపే…పే… ఫోట్ఠబ్బే… వత్థుం… ఉప్పాదీ ఖన్ధే గరుం కత్వా అస్సాదేతి అభినన్దతి, తం గరుం కత్వా రాగో ఉప్పజ్జతి, దిట్ఠి ఉప్పజ్జతి. (౧)

సహజాతపచ్చయో

౬. ఉప్పన్నో ధమ్మో ఉప్పన్నస్స ధమ్మస్స సహజాతపచ్చయేన పచ్చయో – ఉప్పన్నో ఏకో ఖన్ధో తిణ్ణన్నం ఖన్ధానం చిత్తసముట్ఠానానఞ్చ రూపానం సహజాతపచ్చయేన పచ్చయో…పే… ద్వే ఖన్ధా ద్విన్నం ఖన్ధానం చిత్తసముట్ఠానానఞ్చ రూపానం సహజాతపచ్చయేన పచ్చయో. పటిసన్ధిక్ఖణే ఉప్పన్నో ఏకో ఖన్ధో తిణ్ణన్నం ఖన్ధానం కటత్తా చ రూపానం సహజాతపచ్చయేన పచ్చయో…పే… ద్వే ఖన్ధా ద్విన్నం ఖన్ధానం కటత్తా చ రూపానం సహజాతపచ్చయేన పచ్చయో. ఖన్ధా వత్థుస్స సహజాతపచ్చయేన పచ్చయో. వత్థు ఖన్ధానం సహజాతపచ్చయేన పచ్చయో. ఏకం మహాభూతం తిణ్ణన్నం మహాభూతానం సహజాతపచ్చయేన పచ్చయో…పే… ద్వే మహాభూతా…పే… మహాభూతా చిత్తసముట్ఠానానం రూపానం కటత్తారూపానం ఉపాదారూపానం సహజాతపచ్చయేన పచ్చయో. బాహిరం… ఆహారసముట్ఠానం… ఉతుసముట్ఠానం… అసఞ్ఞసత్తానం ఏకం మహాభూతం…పే… ద్వే మహాభూతా…పే… మహాభూతా కటత్తారూపానం ఉపాదారూపానం సహజాతపచ్చయేన పచ్చయో. (౧)

అఞ్ఞమఞ్ఞపచ్చయో

౭. ఉప్పన్నో ధమ్మో ఉప్పన్నస్స ధమ్మస్స అఞ్ఞమఞ్ఞపచ్చయేన పచ్చయో – ఉప్పన్నో ఏకో ఖన్ధో తిణ్ణన్నం ఖన్ధానం అఞ్ఞమఞ్ఞపచ్చయేన పచ్చయో…పే… ద్వే ఖన్ధా…పే… పటిసన్ధిక్ఖణే ఉప్పన్నో ఏకో ఖన్ధో తిణ్ణన్నం ఖన్ధానం వత్థుస్స చ అఞ్ఞమఞ్ఞపచ్చయేన పచ్చయో. ద్వే ఖన్ధా…పే… ఖన్ధా వత్థుస్స అఞ్ఞమఞ్ఞపచ్చయేన పచ్చయో. వత్థు ఖన్ధానం అఞ్ఞమఞ్ఞపచ్చయేన పచ్చయో. ఏకం మహాభూతం…పే… బాహిరం… ఆహారసముట్ఠానం… ఉతుసముట్ఠానం… అసఞ్ఞసత్తానం ఏకం మహాభూతం తిణ్ణన్నం మహాభూతానం అఞ్ఞమఞ్ఞపచ్చయేన పచ్చయో…పే… ద్వే మహాభూతా…పే…. (౧)

నిస్సయపచ్చయో

౮. ఉప్పన్నో ధమ్మో ఉప్పన్నస్స ధమ్మస్స నిస్సయపచ్చయేన పచ్చయో – ఉప్పన్నో ఏకో ఖన్ధో తిణ్ణన్నం ఖన్ధానం చిత్తసముట్ఠానానఞ్చ రూపానం నిస్సయపచ్చయేన పచ్చయో…పే… ద్వే ఖన్ధా…పే… పటిసన్ధిక్ఖణే…పే… ఖన్ధా వత్థుస్స…పే… వత్థు ఖన్ధానం…పే… ఏకం మహాభూతం…పే… బాహిరం… ఆహారసముట్ఠానం… ఉతుసముట్ఠానం… అసఞ్ఞసత్తానం ఏకం మహాభూతం…పే… మహాభూతా చిత్తసముట్ఠానానం రూపానం కటత్తారూపానం ఉపాదారూపానం చక్ఖాయతనం చక్ఖువిఞ్ఞాణస్స…పే… కాయాయతనం కాయవిఞ్ఞాణస్స…పే… వత్థు ఉప్పన్నానం ఖన్ధానం నిస్సయపచ్చయేన పచ్చయో. (౧)

ఉపనిస్సయపచ్చయో

౯. ఉప్పన్నో ధమ్మో ఉప్పన్నస్స ధమ్మస్స ఉపనిస్సయపచ్చయేన పచ్చయో – ఆరమ్మణూపనిస్సయో, పకతూపనిస్సయో…పే… పకతూపనిస్సయో – ఉప్పన్నం ఉతుం ఉపనిస్సాయ ఝానం ఉప్పాదేతి, విపస్సనం…పే… మగ్గం…పే… అభిఞ్ఞం…పే… సమాపత్తిం ఉప్పాదేతి, మానం జప్పేతి, దిట్ఠిం గణ్హాతి. ఉప్పన్నం భోజనం…పే… సేనాసనం ఉపనిస్సాయ ఝానం ఉప్పాదేతి విపస్సనం…పే… మగ్గం…పే… అభిఞ్ఞం…పే… సమాపత్తిం ఉప్పాదేతి, మానం జప్పేతి, దిట్ఠిం గణ్హాతి. ఉప్పన్నం ఉతు… భోజనం… సేనాసనం ఉప్పన్నాయ సద్ధాయ…పే… పఞ్ఞాయ, కాయికస్స సుఖస్స, కాయికస్స దుక్ఖస్స, మగ్గస్స, ఫలసమాపత్తియా ఉపనిస్సయపచ్చయేన పచ్చయో. (౧)

అనుప్పన్నో ధమ్మో ఉప్పన్నస్స ధమ్మస్స ఉపనిస్సయపచ్చయేన పచ్చయో – ఆరమ్మణూపనిస్సయో, పకతూపనిస్సయో…పే…. పకతూపనిస్సయో – అనుప్పన్నం వణ్ణసమ్పదం పత్థయమానో దానం దేతి, సీలం సమాదియతి, ఉపోసథకమ్మం కరోతి. అనుప్పన్నం సద్దసమ్పదం… గన్ధసమ్పదం… రససమ్పదం… ఫోట్ఠబ్బసమ్పదం… అనుప్పన్నే ఖన్ధే పత్థయమానో దానం దేతి, సీలం సమాదియతి, ఉపోసథకమ్మం కరోతి. అనుప్పన్నా వణ్ణసమ్పదా…పే… అనుప్పన్నా ఖన్ధా ఉప్పన్నాయ సద్ధాయ…పే… పఞ్ఞాయ, కాయికస్స సుఖస్స, కాయికస్స దుక్ఖస్స, మగ్గస్స, ఫలసమాపత్తియా ఉపనిస్సయపచ్చయేన పచ్చయో. (౧)

ఉప్పాదీ ధమ్మో ఉప్పన్నస్స ధమ్మస్స ఉపనిస్సయపచ్చయేన పచ్చయో – ఆరమ్మణూపనిస్సయో, పకతూపనిస్సయో…పే…. పకతూపనిస్సయో – ఉప్పాదిం చక్ఖుసమ్పదం పత్థయమానో దానం దేతి, సీలం సమాదియతి, ఉపోసథకమ్మం కరోతి. ఉప్పాదిం సోతసమ్పదం…పే… కాయసమ్పదం…పే… వణ్ణసమ్పదం … గన్ధసమ్పదం… రససమ్పదం… ఫోట్ఠబ్బసమ్పదం… ఉప్పాదీ ఖన్ధే పత్థయమానో దానం దేతి, సీలం సమాదియతి, ఉపోసథకమ్మం కరోతి. ఉప్పాదీ చక్ఖుసమ్పదా…పే… కాయసమ్పదా… వణ్ణసమ్పదా…పే… ఫోట్ఠబ్బసమ్పదా… ఉప్పాదీ ఖన్ధా ఉప్పన్నాయ సద్ధాయ…పే… పఞ్ఞాయ, కాయికస్స సుఖస్స, కాయికస్స దుక్ఖస్స, మగ్గస్స, ఫలసమాపత్తియా ఉపనిస్సయపచ్చయేన పచ్చయో. (౧)

పురేజాతపచ్చయో

౧౦. ఉప్పన్నో ధమ్మో ఉప్పన్నస్స ధమ్మస్స పురేజాతపచ్చయేన పచ్చయో – ఆరమ్మణపురేజాతం, వత్థుపురేజాతం. ఆరమ్మణపురేజాతం – చక్ఖుం…పే… వత్థుం అనిచ్చతో దుక్ఖతో అనత్తతో విపస్సతి, అస్సాదేతి అభినన్దతి, తం ఆరబ్భ రాగో ఉప్పజ్జతి…పే… దోమనస్సం ఉప్పజ్జతి దిబ్బేన చక్ఖునా రూపం పస్సతి, దిబ్బాయ సోతధాతుయా సద్దం సుణాతి, రూపాయతనం చక్ఖువిఞ్ఞాణస్స…పే… ఫోట్ఠబ్బాయతనం కాయవిఞ్ఞాణస్స పురేజాతపచ్చయేన పచ్చయో. వత్థుపురేజాతం – చక్ఖాయతనం చక్ఖువిఞ్ఞాణస్స…పే… వత్థు ఉప్పన్నానం ఖన్ధానం పురేజాతపచ్చయేన పచ్చయో. (౧)

పచ్ఛాజాతపచ్చయో

౧౧. ఉప్పన్నో ధమ్మో ఉప్పన్నస్స ధమ్మస్స పచ్ఛాజాతపచ్చయేన పచ్చయో – పచ్ఛాజాతా ఉప్పన్నా ఖన్ధా పురేజాతస్స ఇమస్స కాయస్స పచ్ఛాజాతపచ్చయేన పచ్చయో. (౧)

కమ్మపచ్చయో

౧౨. ఉప్పన్నో ధమ్మో ఉప్పన్నస్స ధమ్మస్స కమ్మపచ్చయేన పచ్చయో – ఉప్పన్నా చేతనా సమ్పయుత్తకానం ఖన్ధానం చిత్తసముట్ఠానానఞ్చ రూపానం కమ్మపచ్చయేన పచ్చయో. పటిసన్ధిక్ఖణే ఉప్పన్నా చేతనా సమ్పయుత్తకానం ఖన్ధానం కటత్తా చ రూపానం కమ్మపచ్చయేన పచ్చయో. (౧)

విపాకపచ్చయో

౧౩. ఉప్పన్నో ధమ్మో ఉప్పన్నస్స ధమ్మస్స విపాకపచ్చయేన పచ్చయో – విపాకో ఉప్పన్నో ఏకో ఖన్ధో తిణ్ణన్నం ఖన్ధానం చిత్తసముట్ఠానానఞ్చ రూపానం విపాకపచ్చయేన పచ్చయో…పే… ద్వే ఖన్ధా…పే… పటిసన్ధిక్ఖణే ఉప్పన్నో ఏకో ఖన్ధో తిణ్ణన్నం ఖన్ధానం కటత్తా చ రూపానం…పే… ద్వే ఖన్ధా…పే… ఖన్ధా వత్థుస్స విపాకపచ్చయేన పచ్చయో. (౧)

ఆహారపచ్చయో

౧౪. ఉప్పన్నో ధమ్మో ఉప్పన్నస్స ధమ్మస్స ఆహారపచ్చయేన పచ్చయో – ఉప్పన్నా ఆహారా సమ్పయుత్తకానం ఖన్ధానం చిత్తసముట్ఠానానఞ్చ రూపానం ఆహారపచ్చయేన పచ్చయో. పటిసన్ధిక్ఖణే…పే… కబళీకారో ఆహారో ఇమస్స కాయస్స ఆహారపచ్చయేన పచ్చయో. (౧)

ఇన్ద్రియపచ్చయో

౧౫. ఉప్పన్నో ధమ్మో ఉప్పన్నస్స ధమ్మస్స ఇన్ద్రియపచ్చయేన పచ్చయో – ఉప్పన్నా ఇన్ద్రియా సమ్పయుత్తకానం ఖన్ధానం చిత్తసముట్ఠానానఞ్చ రూపానం ఇన్ద్రియపచ్చయేన పచ్చయో. పటిసన్ధిక్ఖణే…పే… చక్ఖున్ద్రియం చక్ఖువిఞ్ఞాణస్స…పే… కాయిన్ద్రియం కాయవిఞ్ఞాణస్స…పే… రూపజీవితిన్ద్రియం కటత్తారూపానం ఇన్ద్రియపచ్చయేన పచ్చయో. (౧)

ఝానపచ్చయాది

౧౬. ఉప్పన్నో ధమ్మో ఉప్పన్నస్స ధమ్మస్స ఝానపచ్చయేన పచ్చయో… మగ్గపచ్చయేన పచ్చయో… సమ్పయుత్తపచ్చయేన పచ్చయో… విప్పయుత్తపచ్చయేన పచ్చయో – సహజాతం, పురేజాతం, పచ్ఛాజాతం. సహజాతా – ఉప్పన్నా ఖన్ధా చిత్తసముట్ఠానానం రూపానం విప్పయుత్తపచ్చయేన పచ్చయో. పటిసన్ధిక్ఖణే ఉప్పన్నా ఖన్ధా కటత్తారూపానం విప్పయుత్తపచ్చయేన పచ్చయో. ఖన్ధా వత్థుస్స, వత్థు ఖన్ధానం విప్పయుత్తపచ్చయేన పచ్చయో. పురేజాతం – చక్ఖాయతనం చక్ఖువిఞ్ఞాణస్స …పే… కాయాయతనం కాయవిఞ్ఞాణస్స… వత్థు ఉప్పన్నానం ఖన్ధానం విప్పయుత్తపచ్చయేన పచ్చయో. పచ్ఛాజాతా – ఉప్పన్నా ఖన్ధా పురేజాతస్స ఇమస్స కాయస్స విప్పయుత్తపచ్చయేన పచ్చయో. (౧)

అత్థిపచ్చయో

౧౭. ఉప్పన్నో ధమ్మో ఉప్పన్నస్స ధమ్మస్స అత్థిపచ్చయేన పచ్చయో – సహజాతం, పురేజాతం, పచ్ఛాజాతం, ఆహారం, ఇన్ద్రియం. సహజాతో – ఉప్పన్నో ఏకో ఖన్ధో తిణ్ణన్నం ఖన్ధానం చిత్తసముట్ఠానానఞ్చ రూపానం అత్థిపచ్చయేన పచ్చయో…పే… ద్వే ఖన్ధా…పే… పటిసన్ధిక్ఖణే…పే… ఏకం మహాభూతం…పే… బాహిరం… ఆహారసముట్ఠానం… ఉతుసముట్ఠానం… అసఞ్ఞసత్తానం…పే…. పురేజాతం – చక్ఖుం అనిచ్చతో…పే… వత్థుం అనిచ్చతో…పే… దోమనస్సం ఉప్పజ్జతి, దిబ్బేన చక్ఖునా రూపం పస్సతి, దిబ్బాయ సోతుధాతుయా సద్దం సుణాతి, రూపాయతనం చక్ఖువిఞ్ఞాణస్స…పే… ఫోట్ఠబ్బాయతనం కాయవిఞ్ఞాణస్స అత్థిపచ్చయేన పచ్చయో. చక్ఖాయతనం చక్ఖువిఞ్ఞాణస్స…పే… కాయాయతనం కాయవిఞ్ఞాణస్స…పే… వత్థు ఉప్పన్నానం ఖన్ధానం అత్థిపచ్చయేన పచ్చయో. పచ్ఛాజాతా – ఉప్పన్నా ఖన్ధా పురేజాతస్స ఇమస్స కాయస్స అత్థిపచ్చయేన పచ్చయో. కబళీకారో ఆహారో ఇమస్స కాయస్స అత్థిపచ్చయేన పచ్చయో. రూపజీవితిన్ద్రియం కటత్తారూపానం అత్థిపచ్చయేన పచ్చయో. (౧)

అవిగతపచ్చయో

౧౮. ఉప్పన్నో ధమ్మో ఉప్పన్నస్స ధమ్మస్స అవిగతపచ్చయేన పచ్చయో…పే….

౧. పచ్చయానులోమం

౨. సఙ్ఖ్యావారో

౧౯. హేతుయా ఏకం, ఆరమ్మణే తీణి, అధిపతియా తీణి, సహజాతే ఏకం, అఞ్ఞమఞ్ఞే ఏకం, నిస్సయే ఏకం, ఉపనిస్సయే తీణి, పురేజాతే ఏకం, పచ్ఛాజాతే కమ్మే విపాకే ఆహారే ఇన్ద్రియే ఝానే మగ్గే సమ్పయుత్తే విప్పయుత్తే అత్థియా అవిగతే ఏకం (ఏవం గణేతబ్బం).

అనులోమం.

పచ్చనీయుద్ధారో

౨౦. ఉప్పన్నో ధమ్మో ఉప్పన్నస్స ధమ్మస్స ఆరమ్మణపచ్చయేన పచ్చయో… సహజాతపచ్చయేన పచ్చయో… ఉపనిస్సయపచ్చయేన పచ్చయో… పురేజాతపచ్చయేన పచ్చయో… పచ్ఛాజాతపచ్చయేన పచ్చయో… ఆహారపచ్చయేన పచ్చయో… ఇన్ద్రియపచ్చయేన పచ్చయో. (౧)

అనుప్పన్నో ధమ్మో ఉప్పన్నస్స ధమ్మస్స ఆరమ్మణపచ్చయేన పచ్చయో, ఉపనిస్సయపచ్చయేన పచ్చయో. (౧)

ఉప్పాదీ ధమ్మో ఉప్పన్నస్స ధమ్మస్స ఆరమ్మణపచ్చయేన పచ్చయో… ఉపనిస్సయపచ్చయేన పచ్చయో. (౧)

౨. పచ్చయపచ్చనీయం

౨. సఙ్ఖ్యావారో

౨౧. నహేతుయా తీణి, నఆరమ్మణే తీణి, నఅధిపతియా తీణి…పే… నవిప్పయుత్తే తీణి, నోఅత్థియా ద్వే, నోనత్థియా తీణి, నోవిగతే తీణి, నోఅవిగతే ద్వే (ఏవం గణేతబ్బం).

పచ్చనీయం.

౩. పచ్చయానులోమపచ్చనీయం

౨౨. హేతుపచ్చయా నఆరమ్మణే ఏకం…పే… నోనత్థియా నోవిగతే ఏకం.

అనులోమపచ్చనీయం.

౪. పచ్చనీయానులోమం

౨౩. నహేతుపచ్చయా ఆరమ్మణే తీణి, అధిపతియా తీణి, సహజాతే ఏకం, అఞ్ఞమఞ్ఞే ఏకం, నిస్సయే ఏకం, ఉపనిస్సయే తీణి, పురేజాతే ఏకం, పచ్ఛాజాతే ఏకం, కమ్మే విపాకే ఆహారే ఇన్ద్రియే ఝానే మగ్గే సమ్పయుత్తే విప్పయుత్తే అత్థియా అవిగతే ఏకం.

పచ్చనీయానులోమం.

ఉప్పన్నత్తికం నిట్ఠితం.