౨. పచ్చనీయుద్ధారో

౫౯. మిచ్ఛత్తనియతో ధమ్మో మిచ్ఛత్తనియతస్స ధమ్మస్స సహజాతపచ్చయేన పచ్చయో… ఉపనిస్సయపచ్చయేన పచ్చయో. (౧)

మిచ్ఛత్తనియతో ధమ్మో అనియతస్స ధమ్మస్స ఆరమ్మణపచ్చయేన పచ్చయో… సహజాతపచ్చయేన పచ్చయో… ఉపనిస్సయపచ్చయేన పచ్చయో… పచ్ఛాజాతపచ్చయేన పచ్చయో… కమ్మపచ్చయేన పచ్చయో. (౨)

మిచ్ఛత్తనియతో ధమ్మో మిచ్ఛత్తనియతస్స చ అనియతస్స చ ధమ్మస్స సహజాతపచ్చయేన పచ్చయో. (౩)

సమ్మత్తనియతో ధమ్మో సమ్మత్తనియతస్స ధమ్మస్స సహజాతపచ్చయేన పచ్చయో… ఉపనిస్సయపచ్చయేన పచ్చయో. (౧)

సమ్మత్తనియతో ధమ్మో అనియతస్స ధమ్మస్స ఆరమ్మణపచ్చయేన పచ్చయో… సహజాతపచ్చయేన పచ్చయో… ఉపనిస్సయపచ్చయేన పచ్చయో… పచ్ఛాజాతపచ్చయేన పచ్చయో. (౨)

సమ్మత్తనియతో ధమ్మో సమ్మత్తనియతస్స చ అనియతస్స చ ధమ్మస్స సహజాతపచ్చయేన పచ్చయో. (౩)

౬౦. అనియతో ధమ్మో అనియతస్స ధమ్మస్స ఆరమ్మణపచ్చయేన పచ్చయో… సహజాతపచ్చయేన పచ్చయో… ఉపనిస్సయపచ్చయేన పచ్చయో… పురేజాతపచ్చయేన పచ్చయో… పచ్ఛాజాతపచ్చయేన పచ్చయో… కమ్మపచ్చయేన పచ్చయో… ఆహారపచ్చయేన పచ్చయో… ఇన్ద్రియపచ్చయేన పచ్చయో. (౧)

అనియతో ధమ్మో మిచ్ఛత్తనియతస్స ధమ్మస్స ఆరమ్మణపచ్చయేన పచ్చయో… ఉపనిస్సయపచ్చయేన పచ్చయో… పురేజాతపచ్చయేన పచ్చయో. (౨)

అనియతో ధమ్మో సమ్మత్తనియతస్స ధమ్మస్స ఉపనిస్సయపచ్చయేన పచ్చయో… పురేజాతపచ్చయేన పచ్చయో. (౩)

మిచ్ఛత్తనియతో చ అనియతో చ ధమ్మా మిచ్ఛత్తనియతస్స ధమ్మస్స సహజాతం, పురేజాతం. (౧)

మిచ్ఛత్తనియతో చ అనియతో చ ధమ్మా అనియతస్స ధమ్మస్స సహజాతం, పచ్ఛాజాతం, ఆహారం, ఇన్ద్రియం. (౨)

సమ్మత్తనియతో చ అనియతో చ ధమ్మా సమ్మత్తనియతస్స ధమ్మస్స సహజాతం, పురేజాతం. (౧)

సమ్మత్తనియతో చ అనియతో చ ధమ్మా అనియతస్స ధమ్మస్స సహజాతం, పచ్ఛాజాతం, ఆహారం, ఇన్ద్రియం. (౨)