౧. విభఙ్గవారో

నహేతుపచ్చయో

౨౯. అనియతం ధమ్మం సంసట్ఠో అనియతో ధమ్మో ఉప్పజ్జతి నహేతుపచ్చయా – అహేతుకం అనియతం ఏకం ఖన్ధం సంసట్ఠా తయో ఖన్ధా…పే… ద్వే ఖన్ధే…పే… అహేతుకపటిసన్ధిక్ఖణే…పే…. (౧)

నఅధిపతిపచ్చయో

౩౦. మిచ్ఛత్తనియతం ధమ్మం సంసట్ఠో మిచ్ఛత్తనియతో ధమ్మో ఉప్పజ్జతి నఅధిపతిపచ్చయా – మిచ్ఛత్తనియతే ఖన్ధే సంసట్ఠో మిచ్ఛత్తనియతాధిపతి. (౧)

సమ్మత్తనియతం ధమ్మం సంసట్ఠో సమ్మత్తనియతో ధమ్మో ఉప్పజ్జతి నఅధిపతిపచ్చయా – సమ్మత్తనియతే ఖన్ధే సంసట్ఠో సమ్మత్తనియతాధిపతి. (౧)

అనియతం ధమ్మం సంసట్ఠో అనియతో ధమ్మో ఉప్పజ్జతి నఅధిపతిపచ్చయా – అనియతం ఏకం ఖన్ధం సంసట్ఠా తయో ఖన్ధా…పే… ద్వే ఖన్ధే…పే… పటిసన్ధిక్ఖణే…పే….(౧)

నపురేజాతపచ్చయాది

౩౧. సమ్మత్తనియతం ధమ్మం సంసట్ఠో సమ్మత్తనియతో ధమ్మో ఉప్పజ్జతి నపురేజాతపచ్చయా – అరూపే సమ్మత్తనియతం ఏకం ఖన్ధం సంసట్ఠా తయో ఖన్ధా…పే… ద్వే ఖన్ధే…పే…. (౧)

అనియతం ధమ్మం సంసట్ఠో అనియతో ధమ్మో ఉప్పజ్జతి నపురేజాతపచ్చయా – అరూపే అనియతం ఏకం ఖన్ధం సంసట్ఠా తయో ఖన్ధా…పే… ద్వే ఖన్ధే…పే… పటిసన్ధిక్ఖణే…పే…. (౧)

మిచ్ఛత్తనియతం ధమ్మం సంసట్ఠో మిచ్ఛత్తనియతో ధమ్మో ఉప్పజ్జతి నపచ్ఛాజాతపచ్చయా (పరిపుణ్ణం).

నఆసేవనపచ్చయాది

౩౨. అనియతం ధమ్మం సంసట్ఠో అనియతో ధమ్మో ఉప్పజ్జతి నఆసేవనపచ్చయా – అనియతం ఏకం ఖన్ధం సంసట్ఠా తయో ఖన్ధా…పే… ద్వే ఖన్ధే…పే… పటిసన్ధిక్ఖణే…పే…. (౧)

మిచ్ఛత్తనియతం ధమ్మం సంసట్ఠో మిచ్ఛత్తనియతో ధమ్మో ఉప్పజ్జతి నకమ్మపచ్చయా, నవిపాకపచ్చయా (సంఖిత్తం).

అనియతం ధమ్మం సంసట్ఠో అనియతో ధమ్మో ఉప్పజ్జతి నఝానపచ్చయా – పఞ్చవిఞ్ఞాణం…పే… నమగ్గపచ్చయా – అహేతుకం అనియతం…పే….

సమ్మత్తనియతం ధమ్మం సంసట్ఠో సమ్మత్తనియతో ధమ్మో ఉప్పజ్జతి నవిప్పయుత్తపచ్చయా – అరూపే సమ్మత్తనియతం ఏకం ఖన్ధం సంసట్ఠా తయో ఖన్ధా…పే… ద్వే ఖన్ధే…పే…. (౧)

అనియతం ధమ్మం సంసట్ఠో అనియతో ధమ్మో ఉప్పజ్జతి నవిప్పయుత్తపచ్చయా – అరూపే అనియతం ఏకం ఖన్ధం సంసట్ఠా తయో ఖన్ధా…పే… ద్వే ఖన్ధే…పే…. (౧)