౨. సఙ్ఖ్యావారో

సుద్ధం

౬౮. హేతుయా సత్త, ఆరమ్మణే సత్త, అధిపతియా దస, అనన్తరే ఛ, సమనన్తరే ఛ, సహజాతే నవ, అఞ్ఞమఞ్ఞే తీణి, నిస్సయే తేరస, ఉపనిస్సయే నవ, పురేజాతే తీణి, పచ్ఛాజాతే తీణి, ఆసేవనే తీణి, కమ్మే సత్త, విపాకే ఏకం, ఆహారే సత్త, ఇన్ద్రియే సత్త, ఝానే సత్త, మగ్గే సత్త, సమ్పయుత్తే తీణి, విప్పయుత్తే పఞ్చ, అత్థియా తేరస, నత్థియా ఛ, విగతే ఛ, అవిగతే తేరస.

అనులోమం.

పచ్చనీయుద్ధారో

౬౯. ఆచయగామీ ధమ్మో ఆచయగామిస్స ధమ్మస్స ఆరమ్మణపచ్చయేన పచ్చయో… సహజాతపచ్చయేన పచ్చయో… ఉపనిస్సయపచ్చయేన పచ్చయో. (౧)

ఆచయగామీ ధమ్మో అపచయగామిస్స ధమ్మస్స ఉపనిస్సయపచ్చయేన పచ్చయో. (౨)

ఆచయగామీ ధమ్మో నేవాచయగామినాపచయగామిస్స ధమ్మస్స ఆరమ్మణపచ్చయేన పచ్చయో… సహజాతపచ్చయేన పచ్చయో… ఉపనిస్సయపచ్చయేన పచ్చయో… పచ్ఛాజాతపచ్చయేన పచ్చయో… కమ్మపచ్చయేన పచ్చయో. (౩)

ఆచయగామీ ధమ్మో ఆచయగామిస్స చ నేవాచయగామినాపచయగామిస్స చ ధమ్మస్స సహజాతపచ్చయేన పచ్చయో. (౪)

౭౦. అపచయగామీ ధమ్మో అపచయగామిస్స ధమ్మస్స సహజాతపచ్చయేన పచ్చయో… ఉపనిస్సయపచ్చయేన పచ్చయో. (౧)

అపచయగామీ ధమ్మో ఆచయగామిస్స ధమ్మస్స ఆరమ్మణపచ్చయేన పచ్చయో… ఉపనిస్సయపచ్చయేన పచ్చయో. (౨)

అపచయగామీ ధమ్మో నేవాచయగామినాపచయగామిస్స ధమ్మస్స ఆరమ్మణపచ్చయేన పచ్చయో… సహజాతపచ్చయేన పచ్చయో… ఉపనిస్సయపచ్చయేన పచ్చయో… పచ్ఛాజాతపచ్చయేన పచ్చయో. (౩)

అపచయగామీ ధమ్మో అపచయగామిస్స చ నేవాచయగామినాపచయగామిస్స చ ధమ్మస్స సహజాతపచ్చయేన పచ్చయో. (౪)

౭౧. నేవాచయగామినాపచయగామీ ధమ్మో నేవాచయగామినాపచయగామిస్స ధమ్మస్స ఆరమ్మణపచ్చయేన పచ్చయో… సహజాతపచ్చయేన పచ్చయో… ఉపనిస్సయపచ్చయేన పచ్చయో… పురేజాతపచ్చయేన పచ్చయో… పచ్ఛాజాతపచ్చయేన పచ్చయో… ఆహారపచ్చయేన పచ్చయో… ఇన్ద్రియపచ్చయేన పచ్చయో. (౧)

నేవాచయగామినాపచయగామీ ధమ్మో ఆచయగామిస్స ధమ్మస్స ఆరమ్మణపచ్చయేన పచ్చయో… ఉపనిస్సయపచ్చయేన పచ్చయో… పురేజాతపచ్చయేన పచ్చయో. (౨)

నేవాచయగామినాపచయగామీ ధమ్మో అపచయగామిస్స ధమ్మస్స ఉపనిస్సయపచ్చయేన పచ్చయో… పురేజాతపచ్చయేన పచ్చయో. (౩)

౭౨. ఆచయగామీ చ నేవాచయగామినాపచయగామీ చ ధమ్మా ఆచయగామిస్స ధమ్మస్స సహజాతం, పురేజాతం. (౧)

ఆచయగామీ చ నేవాచయగామినాపచయగామీ చ ధమ్మా నేవాచయగామినాపచయగామిస్స ధమ్మస్స సహజాతం, పచ్ఛాజాతం, ఆహారం, ఇన్ద్రియం. (౨)

అపచయగామీ చ నేవాచయగామినాపచయగామీ చ ధమ్మా అపచయగామిస్స ధమ్మస్స సహజాతం, పురేజాతం. (౧)

అపచయగామీ చ నేవాచయగామినాపచయగామీ చ ధమ్మా నేవాచయగామినాపచయగామిస్స ధమ్మస్స సహజాతం, పచ్ఛాజాతం, ఆహారం, ఇన్ద్రియం. (౨)