౧. విభఙ్గవారో

హేతుపచ్చయో

౧. ఆచయగామిం ధమ్మం పటిచ్చ ఆచయగామీ ధమ్మో ఉప్పజ్జతి హేతుపచ్చయా – ఆచయగామిం ఏకం ఖన్ధం పటిచ్చ తయో ఖన్ధా…పే… ద్వే ఖన్ధే పటిచ్చ ద్వే ఖన్ధా. (౧)

ఆచయగామిం ధమ్మం పటిచ్చ నేవాచయగామినాపచయగామీ ధమ్మో ఉప్పజ్జతి హేతుపచ్చయా – ఆచయగామీ ఖన్ధే పటిచ్చ చిత్తసముట్ఠానం రూపం. (౨)

ఆచయగామిం ధమ్మం పటిచ్చ ఆచయగామీ చ నేవాచయగామినాపచయగామీ చ ధమ్మా ఉప్పజ్జన్తి హేతుపచ్చయా – ఆచయగామిం ఏకం ఖన్ధం పటిచ్చ తయో ఖన్ధా చిత్తసముట్ఠానఞ్చ రూపం…పే… ద్వే ఖన్ధే పటిచ్చ ద్వే ఖన్ధా చిత్తసముట్ఠానఞ్చ రూపం. (౩)

౨. అపచయగామిం ధమ్మం పటిచ్చ అపచయగామీ ధమ్మో ఉప్పజ్జతి హేతుపచ్చయా – అపచయగామిం ఏకం ఖన్ధం పటిచ్చ తయో ఖన్ధా…పే… ద్వే ఖన్ధే పటిచ్చ ద్వే ఖన్ధా. (౧)

అపచయగామిం ధమ్మం పటిచ్చ నేవాచయగామినాపచయగామీ ధమ్మో ఉప్పజ్జతి హేతుపచ్చయా – అపచయగామీ ఖన్ధే పటిచ్చ చిత్తసముట్ఠానం రూపం. (౨)

అపచయగామిం ధమ్మం పటిచ్చ అపచయగామీ చ నేవాచయగామినాపచయగామీ చ ధమ్మా ఉప్పజ్జన్తి హేతుపచ్చయా – అపచయగామిం ఏకం ఖన్ధం పటిచ్చ తయో ఖన్ధా చిత్తసముట్ఠానఞ్చ రూపం…పే… ద్వే ఖన్ధే పటిచ్చ ద్వే ఖన్ధా చిత్తసముట్ఠానఞ్చ రూపం. (౩)

౩. నేవాచయగామినాపచయగామిం ధమ్మం పటిచ్చ నేవాచయగామినాపచయగామీ ధమ్మో ఉప్పజ్జతి హేతుపచ్చయా – నేవాచయగామినాపచయగామిం ఏకం ఖన్ధం పటిచ్చ తయో ఖన్ధా చిత్తసముట్ఠానఞ్చ రూపం…పే… ద్వే ఖన్ధే…పే… పటిసన్ధిక్ఖణే నేవాచయగామినాపచయగామిం ఏకం ఖన్ధం పటిచ్చ తయో ఖన్ధా కటత్తా చ రూపం…పే… ద్వే ఖన్ధే…పే… ఖన్ధే పటిచ్చ వత్థు, వత్థుం పటిచ్చ ఖన్ధా; ఏకం మహాభూతం పటిచ్చ తయో మహాభూతా…పే… ద్వే మహాభూతే పటిచ్చ ద్వే మహాభూతా; మహాభూతే పటిచ్చ చిత్తసముట్ఠానం రూపం కటత్తారూపం ఉపాదారూపం. (౧)

ఆచయగామిఞ్చ నేవాచయగామినాపచయగామిఞ్చ ధమ్మం పటిచ్చ నేవాచయగామినాపచయగామీ ధమ్మో ఉప్పజ్జతి హేతుపచ్చయా – ఆచయగామీ ఖన్ధే చ మహాభూతే చ పటిచ్చ చిత్తసముట్ఠానం రూపం. (౧)

అపచయగామిఞ్చ నేవాచయగామినాపచయగామిఞ్చ ధమ్మం పటిచ్చ నేవాచయగామినాపచయగామీ ధమ్మో ఉప్పజ్జతి హేతుపచ్చయా – అపచయగామీ ఖన్ధే చ మహాభూతే చ పటిచ్చ చిత్తసముట్ఠానం రూపం. (౧)

ఆరమ్మణపచ్చయో

౪. ఆచయగామిం ధమ్మం పటిచ్చ ఆచయగామీ ధమ్మో ఉప్పజ్జతి ఆరమ్మణపచ్చయా – ఆచయగామిం ఏకం ఖన్ధం పటిచ్చ తయో ఖన్ధా…పే… ద్వే ఖన్ధే…పే…. (౧)

అపచయగామిం ధమ్మం పటిచ్చ అపచయగామీ ధమ్మో ఉప్పజ్జతి ఆరమ్మణపచ్చయా – అపచయగామిం ఏకం ఖన్ధం పటిచ్చ తయో ఖన్ధా…పే… ద్వే ఖన్ధే…పే…. (౧)

నేవాచయగామినాపచయగామిం ధమ్మం పటిచ్చ నేవాచయగామినాపచయగామీ ధమ్మో ఉప్పజ్జతి ఆరమ్మణపచ్చయా – నేవాచయగామినాపచయగామిం ఏకం ఖన్ధం పటిచ్చ తయో ఖన్ధా…పే… ద్వే ఖన్ధే పటిచ్చ ద్వే ఖన్ధా. పటిసన్ధిక్ఖణే…పే… వత్థుం పటిచ్చ ఖన్ధా. (౧)

అధిపతిపచ్చయో

౫. ఆచయగామిం ధమ్మం పటిచ్చ ఆచయగామీ ధమ్మో ఉప్పజ్జతి అధిపతిపచ్చయా… తీణి.

అపచయగామిం ధమ్మం పటిచ్చ అపచయగామీ ధమ్మో ఉప్పజ్జతి అధిపతిపచ్చయా… తీణి.

నేవాచయగామినాపచయగామిం ధమ్మం పటిచ్చ నేవాచయగామినాపచయగామీ ధమ్మో… ఏకం (పటిసన్ధి నత్థి); ఏకం మహాభూతం పటిచ్చ తయో మహాభూతా…పే… మహాభూతే పటిచ్చ చిత్తసముట్ఠానం రూపం ఉపాదారూపం. (౧)

ఆచయగామిఞ్చ నేవాచయగామినాపచయగామిఞ్చ ధమ్మం పటిచ్చ నేవాచయగామినాపచయగామీ ధమ్మో ఉప్పజ్జతి అధిపతిపచ్చయా – ఆచయగామీ ఖన్ధే చ మహాభూతే చ పటిచ్చ చిత్తసముట్ఠానం రూపం. (౧)

అపచయగామిఞ్చ నేవాచయగామినాపచయగామిఞ్చ ధమ్మం పటిచ్చ నేవాచయగామినాపచయగామీ ధమ్మో ఉప్పజ్జతి అధిపతిపచ్చయా – అపచయగామీ ఖన్ధే చ మహాభూతే చ పటిచ్చ చిత్తసముట్ఠానం రూపం. (౧)

అనన్తరపచ్చయాది

౬. ఆచయగామిం ధమ్మం పటిచ్చ, ఆచయగామీ ధమ్మో ఉప్పజ్జతి అనన్తరపచ్చయా… సమనన్తరపచ్చయా … సహజాతపచ్చయా (సబ్బేపి మహాభూతా కాతబ్బా)… అఞ్ఞమఞ్ఞపచ్చయా (చిత్తసముట్ఠానమ్పి కటత్తారూపమ్పి ఉపాదారూపమ్పి నత్థి)… నిస్సయపచ్చయా… ఉపనిస్సయపచ్చయా… పురేజాతపచ్చయా… ఆసేవనపచ్చయా… కమ్మపచ్చయా… విపాకపచ్చయా… ఆహారపచ్చయా… ఇన్ద్రియపచ్చయా… ఝానపచ్చయా… మగ్గపచ్చయా… సమ్పయుత్తపచ్చయా… విప్పయుత్తపచ్చయా… అత్థిపచ్చయా… నత్థిపచ్చయా… విగతపచ్చయా… అవిగతపచ్చయా….