నమో తస్స భగవతో అరహతో సమ్మాసమ్బుద్ధస్స
అభిధమ్మపిటకే
ధమ్మసఙ్గణీపాళి
మాతికా
౧. తికమాతికా
౧. (క) కుసలా ధమ్మా.
(ఖ) అకుసలా ధమ్మా.
(గ) అబ్యాకతా ధమ్మా.
౨. (క) సుఖాయ వేదనాయ సమ్పయుత్తా ధమ్మా.
(ఖ) దుక్ఖాయ వేదనాయ సమ్పయుత్తా ధమ్మా.
(గ) అదుక్ఖమసుఖాయ వేదనాయ సమ్పయుత్తా ధమ్మా.
౩. (క) విపాకా ధమ్మా.
(ఖ) విపాకధమ్మధమ్మా.
(గ) నేవవిపాకనవిపాకధమ్మధమ్మా.
౪. (క) ఉపాదిణ్ణుపాదానియా [ఉపాదిన్నుపాదానియా (స్యా.)] ధమ్మా.
(ఖ) అనుపాదిణ్ణుపాదానియా ధమ్మా.
(గ) అనుపాదిణ్ణఅనుపాదానియా [అనుపాదిన్నానుపాదానియా (స్యా.)] ధమ్మా.
౫. (క) సంకిలిట్ఠసంకిలేసికా ధమ్మా.
(ఖ) అసంకిలిట్ఠసంకిలేసికా ధమ్మా.
(గ) అసంకిలిట్ఠఅసంకిలేసికా [అసంకిలిట్ఠాసంకిలేసికా (స్యా.)] ధమ్మా.
౬. (క) సవితక్కసవిచారా ధమ్మా.
(ఖ) అవితక్కవిచారమత్తా ధమ్మా.
(గ) అవితక్కఅవిచారా [అవితక్కావిచారా (స్యా.)] ధమ్మా.
౭. (క) పీతిసహగతా ధమ్మా.
(ఖ) సుఖసహగతా ధమ్మా.
(గ) ఉపేక్ఖాసహగతా ధమ్మా.
౮. (క) దస్సనేన పహాతబ్బా ధమ్మా.
(ఖ) భావనాయ పహాతబ్బా ధమ్మా.
(గ) నేవ దస్సనేన న భావనాయ పహాతబ్బా ధమ్మా.
౯. (క) దస్సనేన పహాతబ్బహేతుకా ధమ్మా.
(ఖ) భావనాయ పహాతబ్బహేతుకా ధమ్మా.
(గ) నేవ దస్సనేన న భావనాయ పహాతబ్బహేతుకా ధమ్మా.
౧౦. (క) ఆచయగామినో ధమ్మా.
(ఖ) అపచయగామినో ధమ్మా.
(గ) నేవాచయగామినాపచయగామినో [నేవాచయగామినో నాపచయగామినో (స్యా.)] ధమ్మా.
౧౧. (క) సేక్ఖా ధమ్మా.
(ఖ) అసేక్ఖా ధమ్మా.
(గ) నేవసేక్ఖనాసేక్ఖా [నేవసేక్ఖానాసేక్ఖా (సీ. స్యా.)] ధమ్మా.
౧౨. (క) పరిత్తా ధమ్మా.
(ఖ) మహగ్గతా ధమ్మా.
(గ) అప్పమాణా ధమ్మా.
౧౩. (క) పరిత్తారమ్మణా ధమ్మా.
(ఖ) మహగ్గతారమ్మణా ధమ్మా.
(గ) అప్పమాణారమ్మణా ధమ్మా.
౧౪. (క) హీనా ధమ్మా.
(ఖ) మజ్ఝిమా ధమ్మా.
(గ) పణీతా ధమ్మా.
౧౫. (క) మిచ్ఛత్తనియతా ధమ్మా.
(ఖ) సమ్మత్తనియతా ధమ్మా.
(గ) అనియతా ధమ్మా.
౧౬. (క) మగ్గారమ్మణా ధమ్మా.
(ఖ) మగ్గహేతుకా ధమ్మా.
(గ) మగ్గాధిపతినో ధమ్మా.
౧౭. (క) ఉప్పన్నా ధమ్మా.
(ఖ) అనుప్పన్నా ధమ్మా.
(గ) ఉప్పాదినో ధమ్మా.
౧౮. (క) అతీతా ధమ్మా.
(ఖ) అనాగతా ధమ్మా.
(గ) పచ్చుప్పన్నా ధమ్మా.
౧౯. (క) అతీతారమ్మణా ధమ్మా.
(ఖ) అనాగతారమ్మణా ధమ్మా.
(గ) పచ్చుప్పన్నారమ్మణా ధమ్మా.
౨౦. (క) అజ్ఝత్తా ధమ్మా.
(ఖ) బహిద్ధా ధమ్మా.
(గ) అజ్ఝత్తబహిద్ధా ధమ్మా.
౨౧. (క) అజ్ఝత్తారమ్మణా ధమ్మా.
(ఖ) బహిద్ధారమ్మణా ధమ్మా.
(గ) అజ్ఝత్తబహిద్ధారమ్మణా ధమ్మా.
౨౨. (క) సనిదస్సనసప్పటిఘా ధమ్మా.
(ఖ) అనిదస్సనసప్పటిఘా ధమ్మా.
(గ) అనిదస్సనఅప్పటిఘా [అనిదస్సనాప్పటిఘా (స్యా.)] ధమ్మా.
తికమాతికా.
౨. దుకమాతికా
హేతుగోచ్ఛకం
౧. (క) హేతూ ధమ్మా.
(ఖ) న హేతూ ధమ్మా.
౨. (క) సహేతుకా ధమ్మా.
(ఖ) అహేతుకా ధమ్మా.
౩. (క) హేతుసమ్పయుత్తా ధమ్మా.
(ఖ) హేతువిప్పయుత్తా ధమ్మా.
౪. (క) హేతూ చేవ ధమ్మా సహేతుకా చ.
(ఖ) సహేతుకా చేవ ధమ్మా న చ హేతూ.
౫. (క) హేతూ చేవ ధమ్మా హేతుసమ్పయుత్తా చ.
(ఖ) హేతుసమ్పయుత్తా చేవ ధమ్మా న చ హేతూ.
౬. (క) న హేతూ ఖో పన ధమ్మా సహేతుకాపి.
(ఖ) అహేతుకాపి.
హేతుగోచ్ఛకం.
చూళన్తరదుకం
౭. (క) సప్పచ్చయా ధమ్మా.
(ఖ) అప్పచ్చయా ధమ్మా.
౮. (క) సఙ్ఖతా ధమ్మా.
(ఖ) అసఙ్ఖతా ధమ్మా.
౯. (క) సనిదస్సనా ధమ్మా.
(ఖ) అనిదస్సనా ధమ్మా.
౧౦. (క) సప్పటిఘా ధమ్మా.
(ఖ) అప్పటిఘా ధమ్మా.
౧౧. (క) రూపినో ధమ్మా.
(ఖ) అరూపినో ధమ్మా.
౧౨. (క) లోకియా ధమ్మా.
(ఖ) లోకుత్తరా ధమ్మా.
౧౩. (క) కేనచి విఞ్ఞేయ్యా ధమ్మా.
(ఖ) కేనచి న విఞ్ఞేయ్యా ధమ్మా.
చూళన్తరదుకం.
ఆసవగోచ్ఛకం
౧౪. (క) ఆసవా ధమ్మా.
(ఖ) నో ఆసవా ధమ్మా.
౧౫. (క) సాసవా ధమ్మా.
(ఖ) అనాసవా ధమ్మా.
౧౬. (క) ఆసవసమ్పయుత్తా ధమ్మా.
(ఖ) ఆసవవిప్పయుత్తా ధమ్మా.
౧౭. (క) ఆసవా చేవ ధమ్మా సాసవా చ.
(ఖ) సాసవా చేవ ధమ్మా నో చ ఆసవా.
౧౮. (క) ఆసవా చేవ ధమ్మా ఆసవసమ్పయుత్తా చ.
(ఖ) ఆసవసమ్పయుత్తా చేవ ధమ్మా నో చ ఆసవా.
౧౯. (క) ఆసవవిప్పయుత్తా ఖో పన ధమ్మా సాసవాపి.
(ఖ) అనాసవాపి.
ఆసవగోచ్ఛకం.
సంయోజనగోచ్ఛకం
౨౦. (క) సంయోజనా ధమ్మా.
(ఖ) నో సంయోజనా ధమ్మా.
౨౧. (క) సంయోజనియా ధమ్మా.
(ఖ) అసంయోజనియా ధమ్మా.
౨౨. (క) సంయోజనసమ్పయుత్తా ధమ్మా.
(ఖ) సంయోజనవిప్పయుత్తా ధమ్మా.
౨౩. (క) సంయోజనా చేవ ధమ్మా సంయోజనియా చ.
(ఖ) సంయోజనియా చేవ ధమ్మా నో చ సంయోజనా.
౨౪. (క) సంయోజనా చేవ ధమ్మా సంయోజనసమ్పయుత్తా చ.
(ఖ) సంయోజనసమ్పయుత్తా చేవ ధమ్మా నో చ సంయోజనా.
౨౫. (క) సంయోజనవిప్పయుత్తా ఖో పన ధమ్మా సంయోజనియాపి.
(ఖ) అసంయోజనియాపి.
సంయోజనగోచ్ఛకం.
గన్థగోచ్ఛకం
౨౬. (క) గన్థా ధమ్మా.
(ఖ) నో గన్థా ధమ్మా.
౨౭. (క) గన్థనియా ధమ్మా.
(ఖ) అగన్థనియా ధమ్మా.
౨౮. (క) గన్థసమ్పయుత్తా ధమ్మా.
(ఖ) గన్థవిప్పయుత్తా ధమ్మా.
౨౯. (క) గన్థా చేవ ధమ్మా గన్థనియా చ.
(ఖ) గన్థనియా చేవ ధమ్మా నో చ గన్థా.
౩౦. (క) గన్థా చేవ ధమ్మా గన్థసమ్పయుత్తా చ.
(ఖ) గన్థసమ్పయుత్తా చేవ ధమ్మా నో చ గన్థా.
౩౧. (క) గన్థవిప్పయుత్తా ఖో పన ధమ్మా గన్థనియాపి.
(ఖ) అగన్థనియాపి.
గన్థగోచ్ఛకం.
ఓఘగోచ్ఛకం
౩౨. (క) ఓఘా ధమ్మా.
(ఖ) నో ఓఘా ధమ్మా.
౩౩. (క) ఓఘనియా ధమ్మా.
(ఖ) అనోఘనియా ధమ్మా.