౭-౧౩. దుతియఝానసుత్తాదిసత్తకం

౨౫౭-౨౬౩. ‘‘పఞ్చిమే, భిక్ఖవే, ధమ్మే అప్పహాయ అభబ్బో దుతియం ఝానం…పే… అభబ్బో తతియం ఝానం… అభబ్బో చతుత్థం ఝానం… అభబ్బో సోతాపత్తిఫలం… అభబ్బో సకదాగామిఫలం… అభబ్బో అనాగామిఫలం… అభబ్బో అరహత్తం [అరహత్తఫలం (సీ.)] సచ్ఛికాతుం. కతమే పఞ్చ? ఆవాసమచ్ఛరియం, కులమచ్ఛరియం, లాభమచ్ఛరియం, వణ్ణమచ్ఛరియం, ధమ్మమచ్ఛరియం – ఇమే ఖో, భిక్ఖవే, పఞ్చ ధమ్మే అప్పహాయ అభబ్బో అరహత్తం సచ్ఛికాతుం.

‘‘పఞ్చిమే, భిక్ఖవే, ధమ్మే పహాయ భబ్బో దుతియం ఝానం…పే… భబ్బో తతియం ఝానం… భబ్బో చతుత్థం ఝానం… భబ్బో సోతాపత్తిఫలం… భబ్బో సకదాగామిఫలం… భబ్బో అనాగామిఫలం… భబ్బో అరహత్తం సచ్ఛికాతుం. కతమే పఞ్చ? ఆవాసమచ్ఛరియం, కులమచ్ఛరియం, లాభమచ్ఛరియం, వణ్ణమచ్ఛరియం, ధమ్మమచ్ఛరియం – ఇమే ఖో, భిక్ఖవే, పఞ్చ ధమ్మే పహాయ భబ్బో అరహత్తం సచ్ఛికాతు’’న్తి. తేరసమం.