౩. సామణేరసుత్తం

౨౫౩. [మహావ. ౮౪] ‘‘పఞ్చహి, భిక్ఖవే, ధమ్మేహి సమన్నాగతేన భిక్ఖునా సామణేరో ఉపట్ఠాపేతబ్బో. కతమేహి పఞ్చహి? ఇధ, భిక్ఖవే, భిక్ఖు అసేఖేన సీలక్ఖన్ధేన సమన్నాగతో హోతి; అసేఖేన సమాధిక్ఖన్ధేన… అసేఖేన పఞ్ఞాక్ఖన్ధేన… అసేఖేన విముత్తిక్ఖన్ధేన… అసేఖేన విముత్తిఞాణదస్సనక్ఖన్ధేన సమన్నాగతో హోతి. ఇమేహి ఖో, భిక్ఖవే, పఞ్చహి ధమ్మేహి సమన్నాగతేన భిక్ఖునా సామణేరో ఉపట్ఠాపేతబ్బో’’తి. తతియం.