(౨౮) ౮. రాగపేయ్యాలం

౧. సతిపట్ఠానసుత్తం

౨౭౪. ‘‘రాగస్స, భిక్ఖవే, అభిఞ్ఞాయ చత్తారో ధమ్మా భావేతబ్బా. కతమే చత్తారో? ఇధ, భిక్ఖవే, భిక్ఖు కాయే కాయానుపస్సీ విహరతి ఆతాపీ సమ్పజానో సతిమా వినేయ్య లోకే అభిజ్ఝాదోమనస్సం; వేదనాసు…పే… చిత్తే…పే… ధమ్మేసు ధమ్మానుపస్సీ విహరతి ఆతాపీ సమ్పజానో సతిమా వినేయ్య లోకే అభిజ్ఝాదోమనస్సం. రాగస్స, భిక్ఖవే, అభిఞ్ఞాయ ఇమే చత్తారో ధమ్మా భావేతబ్బా’’తి. పఠమం.

౨. సమ్మప్పధానసుత్తం

౨౭౫. ‘‘రాగస్స, భిక్ఖవే, అభిఞ్ఞాయ చత్తారో ధమ్మా భావేతబ్బా. కతమే చత్తారో? ఇధ, భిక్ఖవే, భిక్ఖు అనుప్పన్నానం పాపకానం అకుసలానం ధమ్మానం అనుప్పాదాయ ఛన్దం జనేతి వాయమతి వీరియం ఆరభతి చిత్తం పగ్గణ్హాతి పదహతి; ఉప్పన్నానం పాపకానం అకుసలానం ధమ్మానం పహానాయ…పే… అనుప్పన్నానం కుసలానం ధమ్మానం ఉప్పాదాయ…పే… ఉప్పన్నానం కుసలానం ధమ్మానం ఠితియా అసమ్మోసాయ భియ్యోభావాయ వేపుల్లాయ భావనాయ పారిపూరియా ఛన్దం జనేతి వాయమతి వీరియం ఆరభతి చిత్తం పగ్గణ్హాతి పదహతి. రాగస్స, భిక్ఖవే, అభిఞ్ఞాయ ఇమే చత్తారో ధమ్మా భావేతబ్బా’’తి. దుతియం.

౩. ఇద్ధిపాదసుత్తం

౨౭౬. ‘‘రాగస్స, భిక్ఖవే, అభిఞ్ఞాయ చత్తారో ధమ్మా భావేతబ్బా. కతమే చత్తారో? ఇధ, భిక్ఖవే, భిక్ఖు ఛన్దసమాధిపధానసఙ్ఖారసమన్నాగతం ఇద్ధిపాదం భావేతి; వీరియసమాధి…పే… చిత్తసమాధి…పే… వీమంసాసమాధిపధానసఙ్ఖారసమన్నాగతం ఇద్ధిపాదం భావేతి. రాగస్స, భిక్ఖవే, అభిఞ్ఞాయ ఇమే చత్తారో ధమ్మా భావేతబ్బా’’తి. తతియం.

౪-౩౦. పరిఞ్ఞాదిసుత్తాని

౨౭౭-౩౦౩. ‘‘రాగస్స, భిక్ఖవే, పరిఞ్ఞాయ…పే… పరిక్ఖయాయ… పహానాయ… ఖయాయ … వయాయ… విరాగాయ… నిరోధాయ… చాగాయ… పటినిస్సగ్గాయ చత్తారో ధమ్మా భావేతబ్బా…పే…. తింసతిమం.

౩౧-౫౧౦. దోసఅభిఞ్ఞాదిసుత్తాని

౩౦౪-౭౮౩. ‘‘దోసస్స…పే… మోహస్స… కోధస్స… ఉపనాహస్స… మక్ఖస్స… పళాసస్స… ఇస్సాయ… మచ్ఛరియస్స… మాయాయ… సాఠేయ్యస్స… థమ్భస్స… సారమ్భస్స… మానస్స… అతిమానస్స… మదస్స… పమాదస్స అభిఞ్ఞాయ… పరిఞ్ఞాయ… పరిక్ఖయాయ… పహానాయ… ఖయాయ… వయాయ… విరాగాయ… నిరోధాయ… చాగాయ… పటినిస్సగ్గాయ ఇమే చత్తారో ధమ్మా భావేతబ్బా’’తి. దసుత్తరపఞ్చసతిమం.

రాగపేయ్యాలం నిట్ఠితం.