10. ஸமதா² ஸமத²ஸ்ஸ தப்³பா⁴கி³யவாரோ

300. ஸமதா² ஸமத²ஸ்ஸ தப்³பா⁴கி³யா, ஸமதா² ஸமத²ஸ்ஸ அஞ்ஞபா⁴கி³யா. ஸியா ஸமதா² ஸமத²ஸ்ஸ தப்³பா⁴கி³யா, ஸியா ஸமதா² ஸமத²ஸ்ஸ அஞ்ஞபா⁴கி³யா.

கத²ம் ஸியா ஸமதா² ஸமத²ஸ்ஸ தப்³பா⁴கி³யா? கத²ம் ஸியா ஸமதா² ஸமத²ஸ்ஸ அஞ்ஞபா⁴கி³யா? யேபு⁴ய்யஸிகா ஸம்முகா²வினயஸ்ஸ தப்³பா⁴கி³யா, ஸதிவினயஸ்ஸ அமூள்ஹவினயஸ்ஸ படிஞ்ஞாதகரணஸ்ஸ தஸ்ஸபாபியஸிகாய திணவத்தா²ரகஸ்ஸ அஞ்ஞபா⁴கி³யா.

ஸதிவினயோ ஸம்முகா²வினயஸ்ஸ தப்³பா⁴கி³யோ, அமூள்ஹவினயஸ்ஸ படிஞ்ஞாதகரணஸ்ஸ தஸ்ஸபாபியஸிகாய திணவத்தா²ரகஸ்ஸ யேபு⁴ய்யஸிகாய அஞ்ஞபா⁴கி³யோ.

அமூள்ஹவினயோ ஸம்முகா²வினயஸ்ஸ தப்³பா⁴கி³யோ, படிஞ்ஞாதகரணஸ்ஸ தஸ்ஸபாபியஸிகாய திணவத்தா²ரகஸ்ஸ யேபு⁴ய்யஸிகாய ஸதிவினயஸ்ஸ அஞ்ஞபா⁴கி³யோ.

படிஞ்ஞாதகரணம் ஸம்முகா²வினயஸ்ஸ தப்³பா⁴கி³யம், தஸ்ஸபாபியஸிகாய திணவத்தா²ரகஸ்ஸ யேபு⁴ய்யஸிகாய ஸதிவினயஸ்ஸ அமூள்ஹவினயஸ்ஸ அஞ்ஞபா⁴கி³யம்.

தஸ்ஸபாபியஸிகா ஸம்முகா²வினயஸ்ஸ தப்³பா⁴கி³யா, திணவத்தா²ரகஸ்ஸ யேபு⁴ய்யஸிகாய ஸதிவினயஸ்ஸ அமூள்ஹவினயஸ்ஸ படிஞ்ஞாதகரணஸ்ஸ அஞ்ஞபா⁴கி³யா.

திணவத்தா²ரகோ ஸம்முகா²வினயஸ்ஸ தப்³பா⁴கி³யோ, யேபு⁴ய்யஸிகாய ஸதிவினயஸ்ஸ அமூள்ஹவினயஸ்ஸ படிஞ்ஞாதகரணஸ்ஸ தஸ்ஸபாபியஸிகாய அஞ்ஞபா⁴கி³யோ. ஏவம் ஸியா ஸமதா² ஸமத²ஸ்ஸ தப்³பா⁴கி³யா, ஏவம் ஸியா ஸமதா² ஸமத²ஸ்ஸ அஞ்ஞபா⁴கி³யா.

ஸமதா² ஸமத²ஸ்ஸ தப்³பா⁴கி³யவாரோ நிட்டி²தோ த³ஸமோ.