2. து³தியபாராஜிகஸமுட்டா²னம்

259. அதி³ன்னம் விக்³க³ஹுத்தரி, து³ட்டு²ல்லா அத்தகாமினம்;

அமூலா அஞ்ஞபா⁴கி³யா, அனியதா து³தியிகா.

அச்சி²ந்தே³ பரிணாமனே, முஸா ஓமஸபேஸுணா;

து³ட்டு²ல்லா பத²வீக²ணே, பூ⁴தம் அஞ்ஞாய உஜ்ஜா²பே.

நிக்கட்³ட⁴னம் ஸிஞ்சனஞ்ச, ஆமிஸஹேது பு⁴த்தாவீ;

ஏஹி அனாத³ரி பி⁴ம்ஸா, அபனிதே⁴ ச ஜீவிதம்.

ஜானம் ஸப்பாணகம் கம்மம், ஊனஸம்வாஸனாஸனா;

ஸஹத⁴ம்மிகவிலேகா², மோஹோ அமூலகேன ச.

குக்குச்சம் த⁴ம்மிகம் சீவரம், த³த்வா [குக்குச்சம் த⁴ம்மிகம் சீவரம் (ஸீ.), குக்குச்சம் த⁴ம்மிகம் த³த்வா (ஸ்யா.)] பரிணாமேய்ய புக்³க³லே;

கிம் தே அகாலம் அச்சி²ந்தே³, து³க்³க³ஹீ நிரயேன ச.

க³ணம் விப⁴ங்க³ம் து³ப்³ப³லம், கதி²னாபா²ஸுபஸ்ஸயம்;

அக்கோஸசண்டீ³ மச்ச²ரீ, க³ப்³பி⁴னீ ச பாயந்தியா.

த்³வேவஸ்ஸம் ஸிக்கா² ஸங்கே⁴ன, தயோ சேவ கி³ஹீக³தா;

குமாரிபூ⁴தா திஸ்ஸோ ச, ஊனத்³வாத³ஸஸம்மதா.

அலம் தாவ ஸோகாவாஸம், ச²ந்தா³ அனுவஸ்ஸா ச த்³வே;

ஸிக்கா²பதா³ ஸத்ததிமே, ஸமுட்டா²னா திகா கதா.

காயசித்தேன ந வாசா, வாசாசித்தம் ந காயிகம்;

தீஹி த்³வாரேஹி ஜாயந்தி, பாராஜிகம் து³தியம் யதா².

து³தியபாராஜிகஸமுட்டா²னம் நிட்டி²தம்.