பஞ்சவக்³கோ³

1. கம்மவக்³கோ³

482. சத்தாரி கம்மானி. அபலோகனகம்மம், ஞத்திகம்மம், ஞத்திது³தியகம்மம், ஞத்திசதுத்த²கம்மம் – இமானி சத்தாரி கம்மானி. கதிஹாகாரேஹி விபஜ்ஜந்தி? இமானி சத்தாரி கம்மானி பஞ்சஹாகாரேஹி விபஜ்ஜந்தி – வத்து²தோ வா ஞத்திதோ வா அனுஸ்ஸாவனதோ வா ஸீமதோ வா பரிஸதோ வா.

483. கத²ம் வத்து²தோ கம்மானி விபஜ்ஜந்தி? ஸம்முகா²கரணீயம் கம்மம் அஸம்முகா² கரோதி, வத்து²விபன்னம் அத⁴ம்மகம்மம்; படிபுச்சா²கரணீயம் கம்மம் அபடிபுச்சா² கரோதி, வத்து²விபன்னம் அத⁴ம்மகம்மம்; படிஞ்ஞாய கரணீயம் கம்மம் அபடிஞ்ஞாய கரோதி, வத்து²விபன்னம் அத⁴ம்மகம்மம்; ஸதிவினயாரஹஸ்ஸ அமூள்ஹவினயம் தே³தி, வத்து²விபன்னம் அத⁴ம்மகம்மம்; அமூள்ஹவினயாரஹஸ்ஸ தஸ்ஸபாபியஸிகாகம்மம் கரோதி, வத்து²விபன்னம் அத⁴ம்மகம்மம்; தஸ்ஸபாபியஸிகாகம்மாரஹஸ்ஸ தஜ்ஜனீயகம்மம் கரோதி, வத்து²விபன்னம் அத⁴ம்மகம்மம்; தஜ்ஜனீயகம்மாரஹஸ்ஸ நியஸ்ஸகம்மம் கரோதி, வத்து²விபன்னம் அத⁴ம்மகம்மம்; நியஸ்ஸகம்மாரஹஸ்ஸ பப்³பா³ஜனீயகம்மம் கரோதி, வத்து²விபன்னம் அத⁴ம்மகம்மம்; பப்³பா³ஜனீயகம்மாரஹஸ்ஸ படிஸாரணீயகம்மம் கரோதி, வத்து²விபன்னம் அத⁴ம்மகம்மம்; படிஸாரணீயகம்மாரஹஸ்ஸ உக்கே²பனீயகம்மம் கரோதி, வத்து²விபன்னம் அத⁴ம்மகம்மம்; உக்கே²பனீயகம்மாரஹஸ்ஸ பரிவாஸம் தே³தி, வத்து²விபன்னம் அத⁴ம்மகம்மம்; பரிவாஸாரஹம் மூலாய படிகஸ்ஸதி, வத்து²விபன்னம் அத⁴ம்மகம்மம்; மூலாயபடிகஸ்ஸனாரஹஸ்ஸ மானத்தம் தே³தி, வத்து²விபன்னம் அத⁴ம்மகம்மம்; மானத்தாரஹம் அப்³பே⁴தி, வத்து²விபன்னம் அத⁴ம்மகம்மம்; அப்³பா⁴னாரஹம் உபஸம்பாதே³தி, வத்து²விபன்னம் அத⁴ம்மகம்மம்; அனுபோஸதே² உபோஸத²ம் கரோதி, வத்து²விபன்னம் அத⁴ம்மகம்மம்; அபவாரணாய பவாரேதி, வத்து²விபன்னம் அத⁴ம்மகம்மம். ஏவம் வத்து²தோ கம்மானி விபஜ்ஜந்தி.

484. கத²ம் ஞத்திதோ கம்மானி விபஜ்ஜந்தி? பஞ்சஹாகாரேஹி ஞத்திதோ கம்மானி விபஜ்ஜந்தி – வத்து²ம் ந பராமஸதி, ஸங்க⁴ம் ந பராமஸதி, புக்³க³லம் ந பராமஸதி, ஞத்திம் ந பராமஸதி, பச்சா² வா ஞத்திம் ட²பேதி – இமேஹி பஞ்சஹாகாரேஹி ஞத்திதோ கம்மானி விபஜ்ஜந்தி.

485. கத²ம் அனுஸ்ஸாவனதோ கம்மானி விபஜ்ஜந்தி? பஞ்சஹாகாரேஹி அனுஸ்ஸாவனதோ கம்மானி விபஜ்ஜந்தி – வத்து²ம் ந பராமஸதி, ஸங்க⁴ம் ந பராமஸதி, புக்³க³லம் ந பராமஸதி, ஸாவனம் ஹாபேதி, அகாலே வா ஸாவேதி – இமேஹி பஞ்சஹாகாரேஹி அனுஸ்ஸாவனதோ கம்மானி விபஜ்ஜந்தி.

486. கத²ம் ஸீமதோ கம்மானி விபஜ்ஜந்தி? ஏகாத³ஸஹி ஆகாரேஹி ஸீமதோ கம்மானி விபஜ்ஜந்தி – அதிகு²த்³த³கம் ஸீமம் ஸம்மன்னதி, அதிமஹதிம் ஸீமம் ஸம்மன்னதி, க²ண்ட³னிமித்தம் ஸீமம் ஸம்மன்னதி, சா²யானிமித்தம் ஸீமம் ஸம்மன்னதி, அனிமித்தம் ஸீமம் ஸம்மன்னதி, ப³ஹிஸீமே டி²தோ ஸீமம் ஸம்மன்னதி, நதி³யா ஸீமம் ஸம்மன்னதி, ஸமுத்³தே³ ஸீமம் ஸம்மன்னதி, ஜாதஸ்ஸரே ஸீமம் ஸம்மன்னதி, ஸீமாய ஸீமம் ஸம்பி⁴ந்த³தி, ஸீமாய ஸீமம் அஜ்ஜோ²த்த²ரதி – இமேஹி ஏகாத³ஸஹி ஆகாரேஹி ஸீமதோ கம்மானி விபஜ்ஜந்தி.

487. கத²ம் பரிஸதோ கம்மானி விபஜ்ஜந்தி? த்³வாத³ஸஹி ஆகாரேஹி பரிஸதோ கம்மானி விபஜ்ஜந்தி – சதுவக்³க³கரணே கம்மே யாவதிகா பி⁴க்கூ² கம்மபத்தா தே அனாக³தா ஹோந்தி, ச²ந்தா³ரஹானம் ச²ந்தோ³ அனாஹடோ ஹோதி, ஸம்முகீ²பூ⁴தா படிக்கோஸந்தி, சதுவக்³க³கரணே கம்மே யாவதிகா பி⁴க்கூ² கம்மபத்தா தே ஆக³தா ஹோந்தி, ச²ந்தா³ரஹானம் ச²ந்தோ³ அனாஹடோ ஹோதி, ஸம்முகீ²பூ⁴தா படிக்கோஸந்தி, சதுவக்³க³கரணே கம்மே யாவதிகா பி⁴க்கூ² கம்மபத்தா தே ஆக³தா ஹோந்தி, ச²ந்தா³ரஹானம் ச²ந்தோ³ ஆஹடோ ஹோதி, ஸம்முகீ²பூ⁴தா படிக்கோஸந்தி. பஞ்சவக்³க³கரணே கம்மே…பே… த³ஸவக்³க³கரணே கம்மே…பே… வீஸதிவக்³க³கரணே கம்மே யாவதிகா பி⁴க்கூ² கம்மபத்தா தே அனாக³தா ஹோந்தி, ச²ந்தா³ரஹானம் ச²ந்தோ³ அனாஹடோ ஹோதி, ஸம்முகீ²பூ⁴தா படிக்கோஸந்தி, வீஸதிவக்³க³கரணே கம்மே யாவதிகா பி⁴க்கூ² கம்மபத்தா, தே ஆக³தா ஹோந்தி, ச²ந்தா³ரஹானம் ச²ந்தோ³ அனாஹடோ ஹோதி, ஸம்முகீ²பூ⁴தா படிக்கோஸந்தி, வீஸதிவக்³க³கரணே கம்மே யாவதிகா பி⁴க்கூ² கம்மபத்தா, தே ஆக³தா ஹோந்தி, ச²ந்தா³ரஹானம் ச²ந்தோ³ ஆஹடோ ஹோதி ஸம்முகீ²பூ⁴தா படிக்கோஸந்தி – இமேஹி த்³வாத³ஸஹி ஆகாரேஹி பரிஸதோ கம்மானி விபஜ்ஜந்தி.

488. சதுவக்³க³கரணே கம்மே சத்தாரோ பி⁴க்கூ² பகதத்தா கம்மபத்தா, அவஸேஸா பகதத்தா ச²ந்தா³ரஹா. யஸ்ஸ ஸங்கோ⁴ கம்மம் கரோதி ஸோ நேவ கம்மபத்தோ நாபி ச²ந்தா³ரஹோ, அபி ச கம்மாரஹோ. பஞ்சவக்³க³கரணே கம்மே பஞ்ச பி⁴க்கூ² பகதத்தா கம்மபத்தா, அவஸேஸா பகதத்தா ச²ந்தா³ரஹா. யஸ்ஸ ஸங்கோ⁴ கம்மம் கரோதி ஸோ நேவ கம்மபத்தோ நாபி ச²ந்தா³ரஹோ, அபி ச கம்மாரஹோ. த³ஸவக்³க³கரணே கம்மே த³ஸ பி⁴க்கூ² பகதத்தா கம்மபத்தா, அவஸேஸா பகதத்தா ச²ந்தா³ரஹா. யஸ்ஸ ஸங்கோ⁴ கம்மம் கரோதி ஸோ நேவ கம்மபத்தோ நாபி ச²ந்தா³ரஹோ, அபி ச கம்மாரஹோ. வீஸதிவக்³க³கரணே கம்மே வீஸதி பி⁴க்கூ² பகதத்தா கம்மபத்தா, அவஸேஸா பகதத்தா ச²ந்தா³ரஹா. யஸ்ஸ ஸங்கோ⁴ கம்மம் கரோதி ஸோ நேவ கம்மபத்தோ நாபி ச²ந்தா³ரஹோ, அபி ச கம்மாரஹோ.

489. சத்தாரி கம்மானி – அபலோகனகம்மம், ஞத்திகம்மம், ஞத்திது³தியகம்மம், ஞத்திசதுத்த²கம்மம். இமானி சத்தாரி கம்மானி கதிஹாகாரேஹி விபஜ்ஜந்தி? இமானி சத்தாரி கம்மானி பஞ்சஹாகாரேஹி விபஜ்ஜந்தி – வத்து²தோ வா ஞத்திதோ வா அனுஸ்ஸாவனதோ வா ஸீமதோ வா பரிஸதோ வா.

490. கத²ம் வத்து²தோ கம்மானி விபஜ்ஜந்தி? பண்ட³கம் உபஸம்பாதே³தி, வத்து²விபன்னம் அத⁴ம்மகம்மம். தே²ய்யஸம்வாஸகம் உபஸம்பாதே³தி, வத்து²விபன்னம் அத⁴ம்மகம்மம். தித்தி²யபக்கந்தகம் உபஸம்பாதே³தி, வத்து²விபன்னம் அத⁴ம்மகம்மம். திரச்சா²னக³தம் உபஸம்பாதே³தி, வத்து²விபன்னம் அத⁴ம்மகம்மம். மாதுகா⁴தகம் உபஸம்பாதே³தி, வத்து²விபன்னம் அத⁴ம்மகம்மம். பிதுகா⁴தகம் உபஸம்பாதே³தி, வத்து²விபன்னம் அத⁴ம்மகம்மம். அரஹந்தகா⁴தகம் உபஸம்பாதே³தி, வத்து²விபன்னம் அத⁴ம்மகம்மம். பி⁴க்கு²னிதூ³ஸகம் உபஸம்பாதே³தி, வத்து²விபன்னம் அத⁴ம்மகம்மம். ஸங்க⁴பே⁴த³கம் உபஸம்பாதே³தி, வத்து²விபன்னம் அத⁴ம்மகம்மம். லோஹிதுப்பாத³கம் உபஸம்பாதே³தி, வத்து²விபன்னம் அத⁴ம்மகம்மம். உப⁴தோப்³யஞ்ஜனம் உபஸம்பாதே³தி, வத்து²விபன்னம் அத⁴ம்மகம்மம். ஊனவீஸதிவஸ்ஸம் புக்³க³லம் உபஸம்பாதே³தி, வத்து²விபன்னம் அத⁴ம்மகம்மம். ஏவம் வத்து²தோ கம்மானி விபஜ்ஜந்தி.

491. கத²ம் ஞத்திதோ கம்மானி விபஜ்ஜந்தி? பஞ்சஹாகாரேஹி ஞத்திதோ கம்மானி விபஜ்ஜந்தி. வத்து²ம் ந பராமஸதி, ஸங்க⁴ம் ந பராமஸதி, புக்³க³லம் ந பராமஸதி, ஞத்திம் ந பராமஸதி, பச்சா² வா ஞத்திம் ட²பேதி – இமேஹி பஞ்சஹாகாரேஹி ஞத்திதோ கம்மானி விபஜ்ஜந்தி.

492. கத²ம் அனுஸ்ஸாவனதோ கம்மானி விபஜ்ஜந்தி? பஞ்சஹாகாரேஹி அனுஸ்ஸாவனதோ கம்மானி விபஜ்ஜந்தி – வத்து²ம் ந பராமஸதி, ஸங்க⁴ம் ந பராமஸதி, புக்³க³லம் ந பராமஸதி, ஸாவனம் ஹாபேதி, அகாலே வா ஸாவேதி – இமேஹி பஞ்சஹாகாரேஹி அனுஸ்ஸாவனதோ கம்மானி விபஜ்ஜந்தி.

493. கத²ம் ஸீமதோ கம்மானி விபஜ்ஜந்தி? ஏகாத³ஸஹி ஆகாரேஹி ஸீமதோ கம்மானி விபஜ்ஜந்தி. அதிகு²த்³த³கம் ஸீமம் ஸம்மன்னதி, அதிமஹதிம் ஸீமம் ஸம்மன்னதி, க²ண்ட³னிமித்தம் ஸீமம் ஸம்மன்னதி, சா²யானிமித்தம் ஸீமம் ஸம்மன்னதி, அனிமித்தம் ஸீமம் ஸம்மன்னதி, ப³ஹிஸீமே டி²தோ ஸீமம் ஸம்மன்னதி, நதி³யா ஸீமம் ஸம்மன்னதி, ஸமுத்³தே³ ஸீமம் ஸம்மன்னதி, ஜாதஸ்ஸரே ஸீமம் ஸம்மன்னதி, ஸீமாய ஸீமம் ஸம்பி⁴ந்த³தி, ஸீமாய ஸீமம் அஜ்ஜோ²த்த²ரதி – இமேஹி ஏகாத³ஸஹி ஆகாரேஹி ஸீமதோ கம்மானி விபஜ்ஜந்தி.

494. கத²ம் பரிஸதோ கம்மானி விபஜ்ஜந்தி? த்³வாத³ஸஹி ஆகாரேஹி பரிஸதோ கம்மானி விபஜ்ஜந்தி – சதுவக்³க³கரணே கம்மே யாவதிகா பி⁴க்கூ² கம்மபத்தா தே அனாக³தா ஹோந்தி, ச²ந்தா³ரஹானம் ச²ந்தோ³ அனாஹடோ ஹோதி, ஸம்முகீ²பூ⁴தா படிக்கோஸந்தி, சதுவக்³க³கரணே கம்மே யாவதிகா பி⁴க்கூ² கம்மபத்தா தே ஆக³தா ஹோந்தி, ச²ந்தா³ரஹானம் ச²ந்தோ³ அனாஹடோ ஹோதி, ஸம்முகீ²பூ⁴தா படிக்கோஸந்தி. சதுவக்³க³கரணே கம்மே யாவதிகா பி⁴க்கூ² கம்மபத்தா தே ஆக³தா ஹோந்தி, ச²ந்தா³ரஹானம் ச²ந்தோ³ ஆஹடோ ஹோதி ஸம்முகீ²பூ⁴தா படிக்கோஸந்தி. பஞ்சவக்³க³கரணே கம்மே…பே… த³ஸவக்³க³கரணே கம்மே…பே… வீஸதிவக்³க³கரணே கம்மே யாவதிகா பி⁴க்கூ² கம்மபத்தா தே அனாக³தா ஹோந்தி, ச²ந்தா³ரஹானம் ச²ந்தோ³ அனாஹடோ ஹோதி, ஸம்முகீ²பூ⁴தா படிக்கோஸந்தி. வீஸதிவக்³க³கரணே கம்மே யாவதிகா பி⁴க்கூ² கம்மபத்தா தே ஆக³தா ஹோந்தி, ச²ந்தா³ரஹானம் ச²ந்தோ³ அனாஹடோ ஹோதி, ஸம்முகீ²பூ⁴தா படிக்கோஸந்தி. வீஸதிவக்³க³கரணே கம்மே யாவதிகா பி⁴க்கூ² கம்மபத்தா தே ஆக³தா ஹோந்தி, ச²ந்தா³ரஹானம் ச²ந்தோ³ ஆஹடோ ஹோதி, ஸம்முகீ²பூ⁴தா படிக்கோஸந்தி – இமேஹி த்³வாத³ஸஹி ஆகாரேஹி பரிஸதோ கம்மானி விபஜ்ஜந்தி.

495. அபலோகனகம்மம் கதி டா²னானி க³ச்ச²தி? ஞத்திகம்மம் கதி டா²னானி க³ச்ச²தி? ஞத்திது³தியகம்மம் கதி டா²னானி க³ச்ச²தி? ஞத்திசதுத்த²கம்மம் கதி டா²னானி க³ச்ச²தி? அபலோகனகம்மம் பஞ்ச டா²னானி க³ச்ச²தி. ஞத்திகம்மம் நவ டா²னானி க³ச்ச²தி. ஞத்திது³தியகம்மம் ஸத்த டா²னானி க³ச்ச²தி. ஞத்திசதுத்த²கம்மம் ஸத்த டா²னானி க³ச்ச²தி.

496. அபலோகனகம்மம் கதமானி பஞ்ச டா²னானி க³ச்ச²தி? ஓஸாரணம், நிஸ்ஸாரணம், ப⁴ண்டு³கம்மம், ப்³ரஹ்மத³ண்ட³ம், கம்மலக்க²ணஞ்ஞேவ பஞ்சமம் – அபலோகனகம்மம் இமானி பஞ்ச டா²னானி க³ச்ச²தி. ஞத்திகம்மம் கதமானி நவ டா²னானி க³ச்ச²தி? ஓஸாரணம், நிஸ்ஸாரணம், உபோஸத²ம், பவாரணம், ஸம்முதிம், தா³னம், படிக்³க³ஹம், பச்சுக்கட்³ட⁴னம், கம்மலக்க²ணஞ்ஞேவ நவமம் – ஞத்திகம்மம் இமானி நவ டா²னானி க³ச்ச²தி. ஞத்திது³தியகம்மம் கதமானி ஸத்த டா²னானி க³ச்ச²தி? ஓஸாரணம், நிஸ்ஸாரணம், ஸம்முதிம், தா³னம், உத்³த⁴ரணம், தே³ஸனம், கம்மலக்க²ணஞ்ஞேவ ஸத்தமம் – ஞத்திது³தியகம்மம் இமானி ஸத்த டா²னானி க³ச்ச²தி. ஞத்திசதுத்த²கம்மம் கதமானி ஸத்த டா²னானி க³ச்ச²தி? ஓஸாரணம், நிஸ்ஸாரணம், ஸம்முதிம், தா³னம், நிக்³க³ஹம், ஸமனுபா⁴ஸனம், கம்மலக்க²ணஞ்ஞேவ ஸத்தமம் – ஞத்திசதுத்த²கம்மம் இமானி ஸத்த டா²னானி க³ச்ச²தி.

497. சதுவக்³க³கரணே கம்மே சத்தாரோ பி⁴க்கூ² பகதத்தா கம்மபத்தா, அவஸேஸா பகதத்தா ச²ந்தா³ரஹா. யஸ்ஸ ஸங்கோ⁴ கம்மம் கரோதி ஸோ நேவ கம்மபத்தோ நாபி ச²ந்தா³ரஹோ, அபி ச கம்மாரஹோ. பஞ்சவக்³க³கரணே கம்மே பஞ்ச பி⁴க்கூ² பகதத்தா கம்மபத்தா, அவஸேஸா பகதத்தா ச²ந்தா³ரஹா. யஸ்ஸ ஸங்கோ⁴ கம்மம் கரோதி ஸோ நேவ கம்மபத்தோ நாபி ச²ந்தா³ரஹோ, அபி ச கம்மாரஹோ. த³ஸவக்³க³கரணே கம்மே த³ஸ பி⁴க்கூ² பகதத்தா கம்மபத்தா, அவஸேஸா பகதத்தா ச²ந்தா³ரஹா. யஸ்ஸ ஸங்கோ⁴ கம்மம் கரோதி ஸோ நேவ கம்மபத்தோ நாபி ச²ந்தா³ரஹோ, அபி ச கம்மாரஹோ. வீஸதிவக்³க³கரணே கம்மே வீஸதி பி⁴க்கூ² பகதத்தா கம்மபத்தா, அவஸேஸா பகதத்தா ச²ந்தா³ரஹா. யஸ்ஸ ஸங்கோ⁴ கம்மம் கரோதி ஸோ நேவ கம்மபத்தோ நாபி ச²ந்தா³ரஹோ, அபி ச கம்மாரஹோ.

கம்மவக்³கோ³ நிட்டி²தோ பட²மோ.

2. அத்த²வஸவக்³கோ³

498. [அ. நி. 2.201-230] த்³வே அத்த²வஸே படிச்ச ததா²க³தேன ஸாவகானம் ஸிக்கா²பத³ம் பஞ்ஞத்தம். ஸங்க⁴ஸுட்டு²தாய, ஸங்க⁴பா²ஸுதாய – இமே த்³வே அத்த²வஸே படிச்ச ததா²க³தேன ஸாவகானம் ஸிக்கா²பத³ம் பஞ்ஞத்தம். த்³வே அத்த²வஸே படிச்ச ததா²க³தேன ஸாவகானம் ஸிக்கா²பத³ம் பஞ்ஞத்தம். து³ம்மங்கூனம் புக்³க³லானம் நிக்³க³ஹாய, பேஸலானம் பி⁴க்கூ²னம் பா²ஸுவிஹாராய – இமே த்³வே அத்த²வஸே படிச்ச ததா²க³தே ஸாவகானம் ஸிக்கா²பத³ம் பஞ்ஞத்தம். த்³வே அத்த²வஸே படிச்ச ததா²க³தேன ஸாவகானம் ஸிக்கா²பத³ம் பஞ்ஞத்தம். தி³ட்ட²த⁴ம்மிகானம் ஆஸவானம் ஸம்வராய, ஸம்பராயிகானம் ஆஸவானம் படிகா⁴தாய – இமே த்³வே அத்த²வஸே படிச்ச ததா²க³தேன ஸாவகானம் ஸிக்கா²பத³ம் பஞ்ஞத்தம். த்³வே அத்த²வஸே படிச்ச ததா²க³தேன ஸாவகானம் ஸிக்கா²பத³ம் பஞ்ஞத்தம். தி³ட்ட²த⁴ம்மிகானம் வேரானம் ஸம்வராய, ஸம்பராயிகானம் வேரானம் படிகா⁴தாய – இமே த்³வே அத்த²வஸே படிச்ச ததா²க³தேன ஸாவகானம் ஸிக்கா²பத³ம் பஞ்ஞத்தம். த்³வே அத்த²வஸே படிச்ச ததா²க³தேன ஸாவகானம் ஸிக்கா²பத³ம் பஞ்ஞத்தம். தி³ட்ட²த⁴ம்மிகானம் வஜ்ஜானம் ஸம்வராய, ஸம்பராயிகானம் வஜ்ஜானம் படிகா⁴தாய – இமே த்³வே அத்த²வஸே படிச்ச ததா²க³தேன ஸாவகானம் ஸிக்கா²பத³ம் பஞ்ஞத்தம். த்³வே அத்த²வஸே படிச்ச ததா²க³தேன ஸாவகானம் ஸிக்கா²பத³ம் பஞ்ஞத்தம். தி³ட்ட²த⁴ம்மிகானம் ப⁴யானம் ஸம்வராய, ஸம்பராயிகானம் ப⁴யானம் படிகா⁴தாய – இமே த்³வே அத்த²வஸே படிச்ச ததா²க³தேன ஸாவகானம் ஸிக்கா²பத³ம் பஞ்ஞத்தம். த்³வே அத்த²வஸே படிச்ச ததா²க³தேன ஸாவகானம் ஸிக்கா²பத³ம் பஞ்ஞத்தம். தி³ட்ட²த⁴ம்மிகானம் அகுஸலானம் த⁴ம்மானம் ஸம்வராய, ஸம்பராயிகானம் அகுஸலானம் த⁴ம்மானம் படிகா⁴தாய – இமே த்³வே அத்த²வஸே படிச்ச ததா²க³தேன ஸாவகானம் ஸிக்கா²பத³ம் பஞ்ஞத்தம். த்³வே அத்த²வஸே படிச்ச ததா²க³தேன ஸாவகானம் ஸிக்கா²பத³ம் பஞ்ஞத்தம். கி³ஹீனம் அனுகம்பாய, பாபிச்சா²னம் பக்கு²பச்சே²தா³ய – இமே த்³வே அத்த²வஸே படிச்ச ததா²க³தேன ஸாவகானம் ஸிக்கா²பத³ம் பஞ்ஞத்தம். த்³வே அத்த²வஸே படிச்ச ததா²க³தேன ஸாவகானம் ஸிக்கா²பத³ம் பஞ்ஞத்தம். அப்பஸன்னானம் பஸாதா³ய, பஸன்னானம் பி⁴ய்யோபா⁴வாய – இமே த்³வே அத்த²வஸே படிச்ச ததா²க³தேன ஸாவகானம் ஸிக்கா²பத³ம் பஞ்ஞத்தம். த்³வே அத்த²வஸே படிச்ச ததா²க³தேன ஸாவகானம் ஸிக்கா²பத³ம் பஞ்ஞத்தம். ஸத்³த⁴ம்மட்டி²தியா, வினயானுக்³க³ஹாய – இமே த்³வே அத்த²வஸே படிச்ச ததா²க³தேன ஸாவகானம் ஸிக்கா²பத³ம் பஞ்ஞத்தம்.

அத்த²வஸவக்³கோ³ நிட்டி²தோ து³தியோ.

3. பஞ்ஞத்தவக்³கோ³

499. த்³வே அத்த²வஸே படிச்ச ததா²க³தேன ஸாவகானம் பாதிமோக்க²ம் பஞ்ஞத்தம்…பே… பாதிமோக்கு²த்³தே³ஸோ பஞ்ஞத்தோ… பாதிமோக்க²ட்ட²பனம் பஞ்ஞத்தம்… பவாரணா பஞ்ஞத்தா… பவாரணாட²பனம் பஞ்ஞத்தம்… தஜ்ஜனீயகம்மம் பஞ்ஞத்தம்… நியஸ்ஸகம்மம் பஞ்ஞத்தம்… பப்³பா³ஜனீயகம்மம் பஞ்ஞத்தம்… படிஸாரணீயகம்மம் பஞ்ஞத்தம்… உக்கே²பனீயகம்மம் பஞ்ஞத்தம்… பரிவாஸதா³னம் பஞ்ஞத்தம்… மூலாயபடிகஸ்ஸனா பஞ்ஞத்தா… மானத்ததா³னம் பஞ்ஞத்தம்… அப்³பா⁴னம் பஞ்ஞத்தம்… ஓஸாரணீயம் பஞ்ஞத்தம்… நிஸ்ஸாரணீயம் பஞ்ஞத்தம்… உபஸம்பத³ம் பஞ்ஞத்தம்… அபலோகனகம்மம் பஞ்ஞத்தம்… ஞத்திகம்மம் பஞ்ஞத்தம்… ஞத்திது³தியகம்மம் பஞ்ஞத்தம்… ஞத்திசதுத்த²கம்மம் பஞ்ஞத்தம்…பே….

பஞ்ஞத்தவக்³கோ³ நிட்டி²தோ ததியோ.

4. அபஞ்ஞத்தே பஞ்ஞத்தவக்³கோ³

500. …பே… அபஞ்ஞத்தே பஞ்ஞத்தம், பஞ்ஞத்தே அனுபஞ்ஞத்தம்…பே… ஸம்முகா²வினயோ பஞ்ஞத்தோ…பே… ஸதிவினயோ பஞ்ஞத்தோ…பே… அமூள்ஹவினயோ பஞ்ஞத்தோ…பே… படிஞ்ஞாதகரணம் பஞ்ஞத்தம்…பே… யேபு⁴ய்யஸிகா பஞ்ஞத்தா…பே… தஸ்ஸபாபியஸிகா பஞ்ஞத்தா…பே… திணவத்தா²ரகோ பஞ்ஞத்தோ ஸங்க⁴ஸுட்டு²தாய, ஸங்க⁴பா²ஸுதாய – இமே த்³வே அத்த²வஸே படிச்ச ததா²க³தேன ஸாவகானம் திணவத்தா²ரகோ பஞ்ஞத்தோ. த்³வே அத்த²வஸே படிச்ச ததா²க³தேன ஸாவகானம் திணவத்தா²ரகோ பஞ்ஞத்தோ. து³ம்மங்கூனம் புக்³க³லானம் நிக்³க³ஹாய, பேஸலானம் பி⁴க்கூ²னம் பா²ஸுவிஹாராய – இமே த்³வே அத்த²வஸே படிச்ச ததா²க³தேன ஸாவகானம் திணவத்தா²ரகோ பஞ்ஞத்தோ. த்³வே அத்த²வஸே படிச்ச ததா²க³தேன ஸாவகானம் திணவத்தா²ரகோ பஞ்ஞத்தோ. தி³ட்ட²த⁴ம்மிகானம் ஆஸவானம் ஸம்வராய, ஸம்பராயிகானம் ஆஸவானம் படிகா⁴தாய – இமே த்³வே அத்த²வஸே படிச்ச ததா²க³தேன ஸாவகானம் திணவத்தா²ரகோ பஞ்ஞத்தோ. த்³வே அத்த²வஸே படிச்ச ததா²க³தேன ஸாவகானம் திணவத்தா²ரகோ பஞ்ஞத்தோ. தி³ட்ட²த⁴ம்மிகானம் வேரானம் ஸம்வராய, ஸம்பராயிகானம் வேரானம் படிகா⁴தாய – இமே த்³வே அத்த²வஸே படிச்ச ததா²க³தேன ஸாவகானம் திணவத்தா²ரகோ பஞ்ஞத்தோ. த்³வே அத்த²வஸே படிச்ச ததா²க³தேன ஸாவகானம் திணவத்தா²ரகோ பஞ்ஞத்தோ. தி³ட்ட²த⁴ம்மிகானம் வஜ்ஜானம் ஸம்வராய, ஸம்பராயிகானம் வஜ்ஜானம் படிகா⁴தாய – இமே த்³வே அத்த²வஸே படிச்ச ததா²க³தேன ஸாவகானம் திணவத்தா²ரகோ பஞ்ஞத்தோ. த்³வே அத்த²வஸே படிச்ச ததா²க³தேன ஸாவகானம் திணவத்தா²ரகோ பஞ்ஞத்தோ. தி³ட்ட²த⁴ம்மிகானம் ப⁴யானம் ஸம்வராய, ஸம்பராயிகானம் ப⁴யானம் படிகா⁴தாய – இமே த்³வே அத்த²வஸே படிச்ச ததா²க³தேன ஸாவகானம் திணவத்தா²ரகோ பஞ்ஞத்தோ. த்³வே அத்த²வஸே படிச்ச ததா²க³தேன ஸாவகானம் திணவத்தா²ரகோ பஞ்ஞத்தோ. தி³ட்ட²த⁴ம்மிகானம் அகுஸலானம் த⁴ம்மானம் ஸம்வராய, ஸம்பராயிகானம் அகுஸலானம் த⁴ம்மானம் படிகா⁴தாய – இமே த்³வே அத்த²வஸே படிச்ச ததா²க³தேன ஸாவகானம் திணவத்தா²ரகோ பஞ்ஞத்தோ. த்³வே அத்த²வஸே படிச்ச ததா²க³தேன ஸாவகானம் திணவத்தா²ரகோ பஞ்ஞத்தோ. கி³ஹீனம் அனுகம்பாய, பாபிச்சா²னம் பக்கு²பச்சே²தா³ய – இமே த்³வே அத்த²வஸே படிச்ச ததா²க³தேன ஸாவகானம் திணவத்தா²ரகோ பஞ்ஞத்தோ. த்³வே அத்த²வஸே படிச்ச ததா²க³தேன ஸாவகானம் திணவத்தா²ரகோ பஞ்ஞத்தோ. அப்பஸன்னானம் பஸாதா³ய, பஸன்னானம் பி⁴ய்யோபா⁴வாய – இமே த்³வே அத்த²வஸே படிச்ச ததா²க³தேன ஸாவகானம் திணவத்தா²ரகோ பஞ்ஞத்தோ. த்³வே அத்த²வஸே படிச்ச ததா²க³தேன ஸாவகானம் திணவத்தா²ரகோ பஞ்ஞத்தோ. ஸத்³த⁴ம்மட்டி²தியா, வினயானுக்³க³ஹாய – இமே த்³வே அத்த²வஸே படிச்ச ததா²க³தேன ஸாவகானம் திணவத்தா²ரகோ பஞ்ஞத்தோ.

அபஞ்ஞத்தே பஞ்ஞத்தவக்³கோ³ நிட்டி²தோ சதுத்தோ².

5. நவஸங்க³ஹவக்³கோ³

501. நவஸங்க³ஹா – வத்து²ஸங்க³ஹோ, விபத்திஸங்க³ஹோ ஆபத்திஸங்க³ஹோ, நிதா³னஸங்க³ஹோ, புக்³க³லஸங்க³ஹோ, க²ந்த⁴ஸங்க³ஹோ, ஸமுட்டா²னஸங்க³ஹோ, அதி⁴கரணஸங்க³ஹோ, ஸமத²ஸங்க³ஹோதி.

அதி⁴கரணே ஸமுப்பன்னே ஸசே உபோ⁴ அத்த²பச்சத்தி²கா ஆக³ச்ச²ந்தி உபி⁴ன்னம்பி வத்து² ஆரோசாபேதப்³ப³ம். உபி⁴ன்னம்பி வத்து² ஆரோசாபேத்வா உபி⁴ன்னம்பி படிஞ்ஞா ஸோதப்³பா³. உபி⁴ன்னம்பி படிஞ்ஞம் ஸுத்வா உபோ⁴பி வத்தப்³பா³ – ‘‘அம்ஹாகம் இமஸ்மிம் அதி⁴கரணே வூபஸமிதே [வூபஸமேபி (க.)] உபோ⁴பி துட்டா² ப⁴விஸ்ஸதா²’’தி. ஸசே ஆஹம்ஸு – ‘‘உபோ⁴பி துட்டா² ப⁴விஸ்ஸாமா’’தி, ஸங்கே⁴ன தம் அதி⁴கரணம் ஸம்படிச்சி²தப்³ப³ம். ஸசே அலஜ்ஜுஸ்ஸன்னா ஹோதி, பரிஸா உப்³பா³ஹிகாய வூபஸமேதப்³ப³ம். ஸசே பா³லுஸ்ஸன்னா ஹோதி, பரிஸா வினயத⁴ரோ பரியேஸிதப்³போ³ யேன த⁴ம்மேன யேன வினயேன யேன ஸத்து²ஸாஸனேன தம் அதி⁴கரணம் வூபஸம்மதி. ததா² தம் அதி⁴கரணம் வூபஸமேதப்³ப³ம்.

வத்து² ஜானிதப்³ப³ம், கோ³த்தம் ஜானிதப்³ப³ம், நாமம் ஜானிதப்³ப³ம், ஆபத்தி ஜானிதப்³பா³.

மேது²னத⁴ம்மோதி வத்து² சேவ கோ³த்தஞ்ச – பாராஜிகந்தி நாமஞ்சேவ ஆபத்தி ச.

அதி³ன்னாதா³னந்தி வத்து² சேவ கோ³த்தஞ்ச – பாராஜிகந்தி நாமஞ்சேவ ஆபத்தி ச.

மனுஸ்ஸவிக்³க³ஹோதி வத்து² சேவ கோ³த்தஞ்ச – பாராஜிகந்தி நாமஞ்சேவ ஆபத்தி ச.

உத்தரிமனுஸ்ஸத⁴ம்மோதி வத்து² சேவ கோ³த்தஞ்ச – பாராஜிகந்தி நாமஞ்சேவ ஆபத்தி ச.

ஸுக்கவிஸ்ஸட்டீ²தி வத்து² சேவ கோ³த்தஞ்ச – ஸங்கா⁴தி³ஸேஸோதி நாமஞ்சேவ ஆபத்தி ச.

காயஸம்ஸக்³கோ³தி வத்து² சேவ கோ³த்தஞ்ச – ஸங்கா⁴தி³ஸேஸோதி நாமஞ்சேவ ஆபத்தி ச.

து³ட்டு²ல்லவாசாதி வத்து² சேவ கோ³த்தஞ்ச – ஸங்கா⁴தி³ஸேஸோதி நாமஞ்சேவ ஆபத்தி ச.

அத்தகாமந்தி வத்து² சேவ கோ³த்தஞ்ச – ஸங்கா⁴தி³ஸேஸோதி நாமஞ்சேவ ஆபத்தி ச.

ஸஞ்சரித்தந்தி வத்து² சேவ கோ³த்தஞ்ச – ஸங்கா⁴தி³ஸேஸோதி நாமஞ்சேவ ஆபத்தி ச.

ஸஞ்ஞாசிகாய குடிம் காராபனந்தி வத்து² சேவ கோ³த்தஞ்ச – ஸங்கா⁴தி³ஸேஸோதி நாமஞ்சேவ ஆபத்தி ச.

மஹல்லகம் விஹாரம் காராபனந்தி வத்து² சேவ கோ³த்தஞ்ச – ஸங்கா⁴தி³ஸேஸோதி நாமஞ்சேவ ஆபத்தி ச.

பி⁴க்கு²ம் அமூலகேன பாராஜிகேன த⁴ம்மேன அனுத்³த⁴ம்ஸனந்தி வத்து² சேவ கோ³த்தஞ்ச – ஸங்கா⁴தி³ஸேஸோதி நாமஞ்சேவ ஆபத்தி ச.

பி⁴க்கு²ம் அஞ்ஞபா⁴கி³யஸ்ஸ அதி⁴கரணஸ்ஸ கிஞ்சி தே³ஸம் லேஸமத்தம் உபாதா³ய பாராஜிகேன த⁴ம்மேன அனுத்³த⁴ம்ஸனந்தி வத்து² சேவ கோ³த்தஞ்ச – ஸங்கா⁴தி³ஸேஸோதி நாமஞ்சேவ ஆபத்தி ச.

ஸங்க⁴பே⁴த³கஸ்ஸ பி⁴க்கு²னோ யாவததியம் ஸமனுபா⁴ஸனாய ந படினிஸ்ஸஜ்ஜனந்தி வத்து² சேவ கோ³த்தஞ்ச – ஸங்கா⁴தி³ஸேஸோதி நாமஞ்சேவ ஆபத்தி ச.

பே⁴த³கானுவத்தகானம் பி⁴க்கூ²னம் யாவததியம் ஸமனுபா⁴ஸனாய ந படினிஸ்ஸஜ்ஜனந்தி வத்து² சேவ கோ³த்தஞ்ச – ஸங்கா⁴தி³ஸேஸோதி நாமஞ்சேவ ஆபத்தி ச.

து³ப்³ப³சஸ்ஸ பி⁴க்கு²னோ யாவததியம் ஸமனுபா⁴ஸனாய ந படினிஸ்ஸஜ்ஜனந்தி வத்து² சேவ கோ³த்தஞ்ச – ஸங்கா⁴தி³ஸேஸோதி நாமஞ்சேவ ஆபத்தி ச.

குலதூ³ஸகஸ்ஸ பி⁴க்கு²னோ யாவததியம் ஸமனுபா⁴ஸனாய ந படினிஸ்ஸஜ்ஜனந்தி வத்து² சேவ கோ³த்தஞ்ச – ஸங்கா⁴தி³ஸேஸோதி நாமஞ்சேவ ஆபத்தி ச…பே….

அனாத³ரியம் படிச்ச உத³கே உச்சாரம் வா பஸ்ஸாவம் வா கே²ளம் வா கரணந்தி வத்து² சேவ கோ³த்தஞ்ச – து³க்கடந்தி நாமஞ்சேவ ஆபத்தி சாதி.

நவஸங்க³ஹவக்³கோ³ நிட்டி²தோ பஞ்சமோ.