1. பாராஜிகம்

470. அத்தா²பத்தி அசித்தகோ ஆபஜ்ஜதி, ஸசித்தகோ வுட்டா²தி. அத்தா²பத்தி ஸசித்தகோ ஆபஜ்ஜதி, அசித்தகோ வுட்டா²தி. அத்தா²பத்தி அசித்தகோ ஆபஜ்ஜதி, அசித்தகோ வுட்டா²தி. அத்தா²பத்தி ஸசித்தகோ ஆபஜ்ஜதி, ஸசித்தகோ வுட்டா²தி. அத்தா²பத்தி குஸலசித்தோ ஆபஜ்ஜதி, குஸலசித்தோ வுட்டா²தி. அத்தா²பத்தி குஸலசித்தோ ஆபஜ்ஜதி, அகுஸலசித்தோ வுட்டா²தி. அத்தா²பத்தி குஸலசித்தோ ஆபஜ்ஜதி, அப்³யாகதசித்தோ வுட்டா²தி. அத்தா²பத்தி அகுஸலசித்தோ ஆபஜ்ஜதி, குஸலசித்தோ வுட்டா²தி. அத்தா²பத்தி அகுஸலசித்தோ ஆபஜ்ஜதி, அகுஸலசித்தோ வுட்டா²தி. அத்தா²பத்தி அகுஸலசித்தோ ஆபஜ்ஜதி, அப்³யாகதசித்தோ வுட்டா²தி. அத்தா²பத்தி அப்³யாகதசித்தோ ஆபஜ்ஜதி, குஸலசித்தோ வுட்டா²தி. அத்தா²பத்தி அப்³யாகதசித்தோ ஆபஜ்ஜதி, அகுஸலசித்தோ வுட்டா²தி. அத்தா²பத்தி அப்³யாகதசித்தோ ஆபஜ்ஜதி, அப்³யாகதசித்தோ வுட்டா²தி.

பட²மம் பாராஜிகம் கதிஹி ஸமுட்டா²னேஹி ஸமுட்டா²தி? பட²மம் பாராஜிகம் ஏகேன ஸமுட்டா²னேன ஸமுட்டா²தி. காயதோ ச சித்ததோ ச ஸமுட்டா²தி, ந வாசதோ.

து³தியம் பாராஜிகம் கதிஹி ஸமுட்டா²னேஹி ஸமுட்டா²தி? து³தியம் பாராஜிகம் தீஹி ஸமுட்டா²னேஹி ஸமுட்டா²தி – ஸியா காயதோ ச சித்ததோ ச ஸமுட்டா²தி, ந வாசதோ; ஸியா வாசதோ ச சித்ததோ ச ஸமுட்டா²தி, ந காயதோ; ஸியா காயதோ ச வாசதோ ச சித்ததோ ச ஸமுட்டா²தி.

ததியம் பாராஜிகம் கதிஹி ஸமுட்டா²னேஹி ஸமுட்டா²தி? ததியம் பாராஜிகம் தீஹி ஸமுட்டா²னேஹி ஸமுட்டா²தி – ஸியா காயதோ ச சித்ததோ ச ஸமுட்டா²தி, ந வாசதோ; ஸியா வாசதோ ச சித்ததோ ச ஸமுட்டா²தி, ந காயதோ; ஸியா காயதோ ச வாசதோ ச சித்ததோ ச ஸமுட்டா²தி.

சதுத்த²ம் பாராஜிகம் கதிஹி ஸமுட்டா²னேஹி ஸமுட்டா²தி? சதுத்த²ம் பாராஜிகம் தீஹி ஸமுட்டா²னேஹி ஸமுட்டா²தி – ஸியா காயதோ ச சித்ததோ ச ஸமுட்டா²தி, ந வாசதோ; ஸியா வாசதோ ச சித்ததோ ச ஸமுட்டா²தி, ந காயதோ; ஸியா காயதோ ச வாசதோ ச சித்ததோ ச ஸமுட்டா²தி.

சத்தாரோ பாராஜிகா நிட்டி²தா.