2. கதாபத்திவாரோ

1. பாராஜிககண்ட³ம்

228. அவஸ்ஸுதா பி⁴க்கு²னீ அவஸ்ஸுதஸ்ஸ புரிஸபுக்³க³லஸ்ஸ காயஸம்ஸக்³க³ம் ஸாதி³யந்தீ கதி ஆபத்தியோ ஆபஜ்ஜதி? அவஸ்ஸுதா பி⁴க்கு²னீ அவஸ்ஸுதஸ்ஸ புரிஸபுக்³க³லஸ்ஸ காயஸம்ஸக்³க³ம் ஸாதி³யந்தீ திஸ்ஸோ ஆபத்தியோ ஆபஜ்ஜதி. அத⁴க்க²கம் உப்³ப⁴ஜாணுமண்ட³லம் க³ஹணம் ஸாதி³யதி, ஆபத்தி பாராஜிகஸ்ஸ; உப்³ப⁴க்க²கம் அதோ⁴ஜாணுமண்ட³லம் க³ஹணம் ஸாதி³யதி, ஆபத்தி து²ல்லச்சயஸ்ஸ; காயபடிப³த்³த⁴ம் க³ஹணம் ஸாதி³யதி, ஆபத்தி து³க்கடஸ்ஸ – அவஸ்ஸுதா பி⁴க்கு²னீ அவஸ்ஸுதஸ்ஸ புரிஸபுக்³க³லஸ்ஸ காயஸம்ஸக்³க³ம் ஸாதி³யந்தீ இமா திஸ்ஸோ ஆபத்தியோ ஆபஜ்ஜதி.

வஜ்ஜப்படிச்சா²தி³கா பி⁴க்கு²னீ வஜ்ஜம் படிச்சா²தே³ந்தீ கதி ஆபத்தியோ ஆபஜ்ஜதி? வஜ்ஜப்படிச்சா²தி³கா பி⁴க்கு²னீ வஜ்ஜம் படிச்சா²தே³ந்தீ திஸ்ஸோ ஆபத்தியோ ஆபஜ்ஜதி. ஜானம் பாராஜிகம் த⁴ம்மம் படிச்சா²தே³தி, ஆபத்தி பாராஜிகஸ்ஸ; வேமதிகா படிச்சா²தே³தி, ஆபத்தி து²ல்லச்சயஸ்ஸ; ஆசாரவிபத்திம் படிச்சா²தே³தி, ஆபத்தி து³க்கடஸ்ஸ – வஜ்ஜப்படிச்சா²தி³கா பி⁴க்கு²னீ வஜ்ஜம் படிச்சா²தே³ந்தீ இமா திஸ்ஸோ ஆபத்தியோ ஆபஜ்ஜதி.

உக்கி²த்தானுவத்திகா பி⁴க்கு²னீ யாவததியம் ஸமனுபா⁴ஸனாய ந படினிஸ்ஸஜ்ஜந்தீ கதி ஆபத்தியோ ஆபஜ்ஜதி? உக்கி²த்தானுவத்திகா பி⁴க்கு²னீ யாவததியம் ஸமனுபா⁴ஸனாய ந படினிஸ்ஸஜ்ஜந்தீ திஸ்ஸோ ஆபத்தியோ ஆபஜ்ஜதி. ஞத்தியா து³க்கடம்; த்³வீஹி கம்மவாசாஹி து²ல்லச்சயா; கம்மவாசாபரியோஸானே ஆபத்தி பாராஜிகஸ்ஸ – உக்கி²த்தானுவத்திகா பி⁴க்கு²னீ யாவததியம் ஸமனுபா⁴ஸனாய ந படினிஸ்ஸஜ்ஜந்தீ இமா திஸ்ஸோ ஆபத்தியோ ஆபஜ்ஜதி.

அட்ட²மம் வத்து²ம் பரிபூரேந்தீ கதி ஆபத்தியோ ஆபஜ்ஜதி? அட்ட²மம் வத்து²ம் பரிபூரேந்தீ திஸ்ஸோ ஆபத்தியோ ஆபஜ்ஜதி. புரிஸேன – ‘‘இத்த²ன்னாமம் ஓகாஸம் [இத்த²ன்னாமம் க³ஹனம் (ஸீ.), இத்த²ன்னாமம் க³ப்³ப⁴ம் (ஸ்யா.)] ஆக³ச்சா²’’தி வுத்தா க³ச்ச²தி, ஆபத்தி து³க்கடஸ்ஸ; புரிஸஸ்ஸ ஹத்த²பாஸம் ஓக்கந்தமத்தே ஆபத்தி து²ல்லச்சயஸ்ஸ; அட்ட²மம் வத்து²ம் பரிபூரேதி, ஆபத்தி பாராஜிகஸ்ஸ – அட்ட²மம் வத்து²ம் பரிபூரேந்தீ இமா திஸ்ஸோ ஆபத்தியோ ஆபஜ்ஜதி.

பாராஜிகா நிட்டி²தா.

2. ஸங்கா⁴தி³ஸேஸகண்ட³ம்

229. உஸ்ஸயவாதி³கா பி⁴க்கு²னீ அட்³ட³ம் கரோந்தீ திஸ்ஸோ ஆபத்தியோ ஆபஜ்ஜதி. ஏகஸ்ஸ ஆரோசேதி, ஆபத்தி து³க்கடஸ்ஸ; து³தியஸ்ஸ ஆரோசேதி, ஆபத்தி து²ல்லச்சயஸ்ஸ; அட்³ட³பரியோஸானே ஆபத்தி ஸங்கா⁴தி³ஸேஸஸ்ஸ.

சோரிம் வுட்டா²பேந்தீ திஸ்ஸோ ஆபத்தியோ ஆபஜ்ஜதி. ஞத்தியா து³க்கடம்; த்³வீஹி கம்மவாசாஹி து²ல்லச்சயா; கம்மவாசாபரியோஸானே ஆபத்தி ஸங்கா⁴தி³ஸேஸஸ்ஸ.

ஏகா கா³மந்தரம் க³ச்ச²ந்தீ திஸ்ஸோ ஆபத்தியோ ஆபஜ்ஜதி. க³ச்ச²தி, ஆபத்தி து³க்கடஸ்ஸ; பட²மம் பாத³ம் பரிக்கே²பம் அதிக்காமேதி, ஆபத்தி து²ல்லச்சயஸ்ஸ; து³தியம் பாத³ம் அதிக்காமேதி, ஆபத்தி ஸங்கா⁴தி³ஸேஸஸ்ஸ.

ஸமக்³கே³ன ஸங்கே⁴ன உக்கி²த்தம் பி⁴க்கு²னிம் த⁴ம்மேன வினயேன ஸத்து²ஸாஸனேன அனபலோகேத்வா காரகஸங்க⁴ம் அனஞ்ஞாய க³ணஸ்ஸ ச²ந்த³ம் ஓஸாரேந்தீ திஸ்ஸோ ஆபத்தியோ ஆபஜ்ஜதி. ஞத்தியா து³க்கடம்; த்³வீஹி கம்மவாசாஹி து²ல்லச்சயா; கம்மவாசாபரியோஸானே ஆபத்தி ஸங்கா⁴தி³ஸேஸஸ்ஸ.

அவஸ்ஸுதா பி⁴க்கு²னீ அவஸ்ஸுதஸ்ஸ புரிஸபுக்³க³லஸ்ஸ ஹத்த²தோ கா²த³னீயம் வா போ⁴ஜனீயம் வா ஸஹத்தா² படிக்³க³ஹேத்வா பு⁴ஞ்ஜந்தீ திஸ்ஸோ ஆபத்தியோ ஆபஜ்ஜதி. ‘‘கா²தி³ஸ்ஸாமி பு⁴ஞ்ஜிஸ்ஸாமீ’’தி படிக்³க³ண்ஹாதி, ஆபத்தி து²ல்லச்சயஸ்ஸ; அஜ்ஜோ²ஹாரே அஜ்ஜோ²ஹாரே ஆபத்தி ஸங்கா⁴தி³ஸேஸஸ்ஸ; உத³கத³ந்தபோனம் படிக்³க³ண்ஹாதி, ஆபத்தி து³க்கடஸ்ஸ.

‘‘கிம் தே, அய்யே, ஏஸோ புரிஸபுக்³க³லோ கரிஸ்ஸதி அவஸ்ஸுதோ வா அனவஸ்ஸுதோ வா, யதோ த்வம் அனவஸ்ஸுதா! இங்க⁴, அய்யே, யம் தே ஏஸோ புரிஸபுக்³க³லோ தே³தி கா²த³னீயம் வா போ⁴ஜனீயம் வா, தம் த்வம் ஸஹத்தா² படிக்³க³ஹேத்வா கா²த³ வா பு⁴ஞ்ஜ வா’’தி உய்யோஜேந்தீ திஸ்ஸோ ஆபத்தியோ ஆபஜ்ஜதி. தஸ்ஸா வசனேன கா²தி³ஸ்ஸாமி பு⁴ஞ்ஜிஸ்ஸாமீதி படிக்³க³ண்ஹாதி, ஆபத்தி து³க்கடஸ்ஸ; அஜ்ஜோ²ஹாரே அஜ்ஜோ²ஹாரே ஆபத்தி து²ல்லச்சயஸ்ஸ; போ⁴ஜனபரியோஸானே ஆபத்தி ஸங்கா⁴தி³ஸேஸஸ்ஸ.

குபிதா பி⁴க்கு²னீ யாவததியம் ஸமனுபா⁴ஸனாய ந படினிஸ்ஸஜ்ஜந்தீ திஸ்ஸோ ஆபத்தியோ ஆபஜ்ஜதி. ஞத்தியா து³க்கடம்; த்³வீஹி கம்மவாசாஹி து²ல்லச்சயா; கம்மவாசாபரியோஸானே ஆபத்தி ஸங்கா⁴தி³ஸேஸஸ்ஸ.

கிஸ்மிஞ்சிதே³வ அதி⁴கரணே பச்சாகதா பி⁴க்கு²னீ யாவததியம் ஸமனுபா⁴ஸனாய ந படினிஸ்ஸஜ்ஜந்தீ திஸ்ஸோ ஆபத்தியோ ஆபஜ்ஜதி. ஞத்தியா து³க்கடம்; த்³வீஹி கம்மவாசாஹி து²ல்லச்சயா; கம்மவாசாபரியோஸானே ஆபத்தி ஸங்கா⁴தி³ஸேஸஸ்ஸ.

ஸம்ஸட்டா² பி⁴க்கு²னியோ யாவததியம் ஸமனுபா⁴ஸனாய ந படினிஸ்ஸஜ்ஜந்தியோ திஸ்ஸோ ஆபத்தியோ ஆபஜ்ஜந்தி. ஞத்தியா து³க்கடம்; த்³வீஹி கம்மவாசாஹி து²ல்லச்சயா; கம்மவாசாபரியோஸானே ஆபத்தி ஸங்கா⁴தி³ஸேஸஸ்ஸ.

‘‘ஸம்ஸட்டா²வ, அய்யே, தும்ஹே விஹரத². மா தும்ஹே நானா விஹரித்தா²’’தி உய்யோஜேந்தீ யாவததியம் ஸமனுபா⁴ஸனாய ந படினிஸ்ஸஜ்ஜந்தீ திஸ்ஸோ ஆபத்தியோ ஆபஜ்ஜதி. ஞத்தியா து³க்கடம்; த்³வீஹி கம்மவாசாஹி து²ல்லச்சயா; கம்மவாசாபரியோஸானே ஆபத்தி ஸங்கா⁴தி³ஸேஸஸ்ஸ.

ஸங்கா⁴தி³ஸேஸா நிட்டி²தா.

3. நிஸ்ஸக்³கி³யகண்ட³ம்

230. பத்தஸன்னிசயம் கரோந்தீ ஏகம் ஆபத்திம் ஆபஜ்ஜதி. நிஸ்ஸக்³கி³யம் பாசித்தியம்.

அகாலசீவரம் ‘‘காலசீவர’’ந்தி அதி⁴ட்ட²ஹித்வா பா⁴ஜாபேந்தீ த்³வே ஆபத்தியோ ஆபஜ்ஜதி. பா⁴ஜாபேதி, பயோகே³ து³க்கடம்; பா⁴ஜாபிதே நிஸ்ஸக்³கி³யம் பாசித்தியம்.

பி⁴க்கு²னியா ஸத்³தி⁴ம் சீவரம் பரிவத்தேத்வா அச்சி²ந்த³ந்தீ த்³வே ஆபத்தியோ ஆபஜ்ஜதி. அச்சி²ந்த³தி, பயோகே³ து³க்கடம்; அச்சி²ன்னே நிஸ்ஸக்³கி³யம் பாசித்தியம்.

அஞ்ஞம் விஞ்ஞாபேத்வா அஞ்ஞம் விஞ்ஞாபேந்தீ த்³வே ஆபத்தியோ ஆபஜ்ஜதி. விஞ்ஞாபேதி, பயோகே³ து³க்கடம்; விஞ்ஞாபிதே நிஸ்ஸக்³கி³யம் பாசித்தியம்.

அஞ்ஞம் சேதாபேத்வா அஞ்ஞம் சேதாபேந்தீ த்³வே ஆபத்தியோ ஆபஜ்ஜதி. சேதாபேதி, பயோகே³ து³க்கடம்; சேதாபிதே நிஸ்ஸக்³கி³யம் பாசித்தியம்.

அஞ்ஞத³த்தி²கேன பரிக்கா²ரேன அஞ்ஞுத்³தி³ஸிகேன ஸங்கி⁴கேன அஞ்ஞம் சேதாபேந்தீ த்³வே ஆபத்தியோ ஆபஜ்ஜதி. சேதாபேதி, பயோகே³ து³க்கடம்; சேதாபிதே நிஸ்ஸக்³கி³யம் பாசித்தியம்.

அஞ்ஞத³த்தி²கே பரிக்கா²ரேன அஞ்ஞுத்³தி³ஸிகேன ஸங்கி⁴கேன ஸம்யாசிகேன அஞ்ஞம் சேதாபேந்தீ த்³வே ஆபத்தியோ ஆபஜ்ஜதி. சேதாபேதி, பயோகே³ து³க்கடம்; சேதாபிதே நிஸ்ஸக்³கி³யம் பாசித்தியம்.

அஞ்ஞத³த்தி²கேன பரிக்கா²ரேன அஞ்ஞுத்³தி³ஸிகேன மஹாஜனிகேன அஞ்ஞம் சேதாபேந்தீ த்³வே ஆபத்தியோ ஆபஜ்ஜதி. சேதாபேதி, பயோகே³ து³க்கடம்; சேதாபிதே நிஸ்ஸக்³கி³யம் பாசித்தியம்.

அஞ்ஞத³த்தி²கேன பரிக்கா²ரேன அஞ்ஞுத்³தி³ஸிகேன மஹாஜனிகேன ஸம்யாசிகேன அஞ்ஞம் சேதாபேந்தீ த்³வே ஆபத்தியோ ஆபஜ்ஜதி. சேதாபேதி, பயோகே³ து³க்கடம்; சேதாபிதே நிஸ்ஸக்³கி³யம் பாசித்தியம்.

அஞ்ஞத³த்தி²கேன பரிக்கா²ரேன அஞ்ஞுத்³தி³ஸிகே புக்³க³லிகேன ஸம்யாசிகேன அஞ்ஞம் சேதாபேந்தீ த்³வே ஆபத்தியோ ஆபஜ்ஜதி. சேதாபேதி, பயோகே³ து³க்கடம்; சேதாபிதே நிஸ்ஸக்³கி³யம் பாசித்தியம்.

அதிரேகசதுக்கம்ஸபரமம் க³ருபாவுரணம் சேதாபேந்தீ த்³வே ஆபத்தியோ ஆபஜ்ஜதி. சேதாபேதி, பயோகே³ து³க்கடம்; சேதாபிதே நிஸ்ஸக்³கி³யம் பாசித்தியம்.

அதிரேகஅட்³ட⁴தேய்யகம்ஸபரமம் லஹுபாவுரணம் சேதாபேந்தீ த்³வே ஆபத்தியோ ஆபஜ்ஜதி. சேதாபேதி, பயோகே³ து³க்கடம்; சேதாபிதே நிஸ்ஸக்³கி³யம் பாசித்தியம்.

நிஸ்ஸக்³கி³யா பாசித்தியா நிட்டி²தா.

4. பாசித்தியகண்ட³ம்

1. லஸுணவக்³கோ³

231. லஸுணம் கா²த³ந்தீ த்³வே ஆபத்தியோ ஆபஜ்ஜதி. கா²தி³ஸ்ஸாமீதி படிக்³க³ண்ஹாதி, ஆபத்தி து³க்கடஸ்ஸ; அஜ்ஜோ²ஹாரே அஜ்ஜோ²ஹாரே ஆபத்தி பாசித்தியஸ்ஸ.

ஸம்பா³தே⁴ லோமம் ஸம்ஹராபேந்தீ த்³வே ஆபத்தியோ ஆபஜ்ஜதி. ஸம்ஹராபேதி, பயோகே³ து³க்கடம்; ஸம்ஹராபிதே ஆபத்தி பாசித்தியஸ்ஸ.

தலகா⁴தகம் கரோந்தீ த்³வே ஆபத்தியோ ஆபஜ்ஜதி. கரோதி, பயோகே³ து³க்கடம்; கதே ஆபத்தி பாசித்தியஸ்ஸ.

ஜதுமட்ட²கம் ஆதி³யந்தீ த்³வே ஆபத்தியோ ஆபஜ்ஜதி. ஆதி³யதி, பயோகே³ து³க்கடம், ஆதி³ன்னே ஆபத்தி பாசித்தியஸ்ஸ.

அதிரேகத்³வங்கு³லபப்³ப³பரமம் உத³கஸுத்³தி⁴கம் ஆதி³யந்தீ த்³வே ஆபத்தியோ ஆபஜ்ஜதி. ஆதி³யதி, பயோகே³ து³க்கடம்; ஆதி³ன்னே ஆபத்தி பாசித்தியஸ்ஸ.

பி⁴க்கு²ஸ்ஸ பு⁴ஞ்ஜந்தஸ்ஸ பானீயேன வா விதூ⁴பனேன வா உபதிட்ட²ந்தீ த்³வே ஆபத்தியோ ஆபஜ்ஜதி. ஹத்த²பாஸே திட்ட²தி, ஆபத்தி பாசித்தியஸ்ஸ; ஹத்த²பாஸம் விஜஹித்வா திட்ட²தி, ஆபத்தி து³க்கடஸ்ஸ.

ஆமகத⁴ஞ்ஞம் விஞ்ஞாபேத்வா பு⁴ஞ்ஜந்தீ த்³வே ஆபத்தியோ ஆபஜ்ஜதி. பு⁴ஞ்ஜிஸ்ஸாமீதி படிக்³க³ண்ஹாதி, ஆபத்தி து³க்கடஸ்ஸ; அஜ்ஜோ²ஹாரே அஜ்ஜோ²ஹாரே ஆபத்தி பாசித்தியஸ்ஸ.

உச்சாரம் வா பஸ்ஸாவம் வா ஸங்காரம் வா விகா⁴ஸம் வா திரோகுட்டே வா திரோபாகாரே வா ச²ட்³டே³ந்தீ த்³வே ஆபத்தியோ ஆபஜ்ஜதி. ச²ட்³டே³தி, பயோகே³ து³க்கடம்; ச²ட்³டி³தே ஆபத்தி பாசித்தியஸ்ஸ.

உச்சாரம் வா பஸ்ஸாவம் வா ஸங்காரம் வா விகா⁴ஸம் வா ஹரிதே ச²ட்³டே³ந்தீ த்³வே ஆபத்தியோ ஆபஜ்ஜதி. ச²ட்³டே³தி, பயோகே³ து³க்கடம்; ச²ட்³டி³தே ஆபத்தி பாசித்தியஸ்ஸ.

நச்சம் வா கீ³தம் வா வாதி³தம் வா த³ஸ்ஸனாய க³ச்ச²ந்தீ த்³வே ஆபத்தியோ ஆபஜ்ஜதி. க³ச்ச²தி, ஆபத்தி து³க்கடஸ்ஸ; யத்த² டி²தா பஸ்ஸதி வா ஸுணாதி வா, ஆபத்தி பாசித்தியஸ்ஸ.

லஸுணவக்³கோ³ பட²மோ.

2. ரத்தந்த⁴காரவக்³கோ³

232. ரத்தந்த⁴காரே அப்பதீ³பே புரிஸேன ஸத்³தி⁴ம் ஏகேனேகா ஸந்திட்ட²ந்தீ த்³வே ஆபத்தியோ ஆபஜ்ஜதி. ஹத்த²பாஸே திட்ட²தி, ஆபத்தி பாசித்தியஸ்ஸ; ஹத்த²பாஸம் விஜஹித்வா திட்ட²தி, ஆபத்தி து³க்கடஸ்ஸ.

படிச்ச²ன்னே ஓகாஸே புரிஸேன ஸத்³தி⁴ம் ஏகேனேகா ஸந்திட்ட²ந்தீ த்³வே ஆபத்தியோ ஆபஜ்ஜதி. ஹத்த²பாஸே திட்ட²தி, ஆபத்தி பாசித்தியஸ்ஸ; ஹத்த²பாஸம் விஜஹித்வா திட்ட²தி, ஆபத்தி து³க்கடஸ்ஸ.

அஜ்ஜோ²காஸே புரிஸேன ஸத்³தி⁴ம் ஏகேனேகா ஸந்திட்ட²ந்தீ த்³வே ஆபத்தியோ ஆபஜ்ஜதி. ஹத்த²பாஸே திட்ட²தி, ஆபத்தி பாசித்தியஸ்ஸ; ஹத்த²பாஸம் விஜஹித்வா திட்ட²தி, ஆபத்தி து³க்கடஸ்ஸ.

ரதி²காய வா ப்³யூஹே வா ஸிங்கா⁴டகே வா புரிஸேன ஸத்³தி⁴ம் ஏகேனேகா ஸந்திட்ட²ந்தீ த்³வே ஆபத்தியோ ஆபஜ்ஜதி. ஹத்த²பாஸே திட்ட²தி, ஆபத்தி பாசித்தியஸ்ஸ; ஹத்த²பாஸம் விஜஹித்வா திட்ட²தி, ஆபத்தி து³க்கடஸ்ஸ.

புரேப⁴த்தம் குலானி உபஸங்கமித்வா ஆஸனே நிஸீதி³த்வா ஸாமிகே அனாபுச்சா² பக்கமந்தீ த்³வே ஆபத்தியோ ஆபஜ்ஜதி. பட²மம் பாத³ம் அனோவஸ்ஸகம் அதிக்காமேதி, ஆபத்தி து³க்கடஸ்ஸ; து³தியம் பாத³ம் அதிக்காமேதி, ஆபத்தி பாசித்தியஸ்ஸ.

பச்சா²ப⁴த்தம் குலானி உபஸங்கமித்வா ஸாமிகே அனாபுச்சா² ஆஸனே நிஸீத³ந்தீ த்³வே ஆபத்தியோ ஆபஜ்ஜதி. நிஸீத³தி, பயோகே³ து³க்கடம்; நிஸின்னே ஆபத்தி பாசித்தியஸ்ஸ.

விகாலே குலானி உபஸங்கமித்வா ஸாமிகே அனாபுச்சா² ஸேய்யம் ஸந்த²ரித்வா வா ஸந்த²ராபேத்வா வா அபி⁴னிஸீத³ந்தீ த்³வே ஆபத்தியோ ஆபஜ்ஜதி. அபி⁴னிஸீத³தி, பயோகே³ து³க்கடம்; அபி⁴னிஸின்னே ஆபத்தி பாசித்தியஸ்ஸ.

து³க்³க³ஹிதேன தூ³பதா⁴ரிதேன பரம் உஜ்ஜா²பேந்தீ த்³வே ஆபத்தியோ ஆபஜ்ஜதி. உஜ்ஜா²பேதி, பயோகே³ து³க்கடம்; உஜ்ஜா²பிதே ஆபத்தி பாசித்தியஸ்ஸ.

அத்தானம் வா பரம் வா நிரயேன வா ப்³ரஹ்மசரியேன வா அபி⁴ஸபந்தீ த்³வே ஆபத்தியோ ஆபஜ்ஜதி. அபி⁴ஸபதி, பயோகே³ து³க்கடம்; அபி⁴ஸபிதே ஆபத்தி பாசித்தியஸ்ஸ.

அத்தானம் வதி⁴த்வா வதி⁴த்வா ரோத³ந்தீ த்³வே ஆபத்தியோ ஆபஜ்ஜதி. வத⁴தி ரோத³தி, ஆபத்தி பாசித்தியஸ்ஸ; வத⁴தி ந ரோத³தி, ஆபத்தி து³க்கடஸ்ஸ.

ரத்தந்த⁴காரவக்³கோ³ து³தியோ.

3. நஹானவக்³கோ³

233. நக்³கா³ நஹாயந்தீ த்³வே ஆபத்தியோ ஆபஜ்ஜதி. நஹாயதி, பயோகே³ து³க்கடம்; நஹானபரியோஸானே ஆபத்தி பாசித்தியஸ்ஸ.

பமாணாதிக்கந்தம் உத³கஸாடிகம் காராபேந்தீ த்³வே ஆபத்தியோ ஆபஜ்ஜதி. காராபேதி, பயோகே³ து³க்கடம்; காராபிதே, ஆபத்தி பாசித்தியஸ்ஸ.

பி⁴க்கு²னியா சீவரம் விஸிப்³பே³த்வா வா விஸிப்³பா³பேத்வா வா நேவ ஸிப்³பே³ந்தீ ந ஸிப்³பா³பனாய உஸ்ஸுக்கம் கரோந்தீ ஏகம் ஆபத்திம் ஆபஜ்ஜதி. பாசித்தியம்.

பஞ்சாஹிகம் ஸங்கா⁴டிசாரம் அதிக்காமேந்தீ ஏகம் ஆபத்திம் ஆபஜ்ஜதி. பாசித்தியம். சீவரஸங்கமனீயம் தா⁴ரேந்தீ த்³வே ஆபத்தியோ ஆபஜ்ஜதி. தா⁴ரேதி, பயோகே³ து³க்கடம்; தா⁴ரிதே, ஆபத்தி பாசித்தியஸ்ஸ.

க³ணஸ்ஸ சீவரலாப⁴ம் அந்தராயம் கரோந்தீ த்³வே ஆபத்தியோ ஆபஜ்ஜதி. கரோதி, பயோகே³ து³க்கடம்; கதே, ஆபத்தி பாசித்தியஸ்ஸ.

த⁴ம்மிகம் சீவரவிப⁴ங்க³ம் படிபா³ஹந்தீ த்³வே ஆபத்தியோ ஆபஜ்ஜதி. படிபா³ஹதி, பயோகே³ து³க்கடம்; படிபா³ஹிதே, ஆபத்தி பாசித்தியஸ்ஸ.

அகா³ரிகஸ்ஸ வா பரிப்³பா³ஜகஸ்ஸ வா பரிப்³பா³ஜிகாய வா ஸமணசீவரம் தே³ந்தீ த்³வே ஆபத்தியோ ஆபஜ்ஜதி. தே³தி, பயோகே³ து³க்கடம்; தி³ன்னே, ஆபத்தி பாசித்தியஸ்ஸ.

து³ப்³ப³லசீவரபச்சாஸா சீவரகாலஸமயம் அதிக்காமேந்தீ த்³வே ஆபத்தியோ ஆபஜ்ஜதி. அதிக்காமேதி, பயோகே³ து³க்கடம்; அதிக்காமிதே, ஆபத்தி பாசித்தியஸ்ஸ.

த⁴ம்மிகம் கதி²னுத்³தா⁴ரம் படிபா³ஹந்தீ த்³வே ஆபத்தியோ ஆபஜ்ஜதி. படிபா³ஹதி, பயோகே³ து³க்கடம்; படிபா³ஹிதே, ஆபத்தி பாசித்தியஸ்ஸ.

நஹானவக்³கோ³ ததியோ.

4. துவட்டவக்³கோ³

234. த்³வே பி⁴க்கு²னியோ ஏகமஞ்சே துவட்டேந்தியோ த்³வே ஆபத்தியோ ஆபஜ்ஜந்தி. நிபஜ்ஜந்தி, பயோகே³ து³க்கடம்; நிபன்னே, ஆபத்தி பாசித்தியஸ்ஸ.

த்³வே பி⁴க்கு²னியோ ஏகத்த²ரணபாவுரணா துவட்டேந்தியோ த்³வே ஆபத்தியோ ஆபஜ்ஜந்தி. நிபஜ்ஜந்தி, பயோகே³ து³க்கடம்; நிபன்னே, ஆபத்தி பாசித்தியஸ்ஸ.

பி⁴க்கு²னியா ஸஞ்சிச்ச அபா²ஸும் கரோந்தீ த்³வே ஆபத்தியோ ஆபஜ்ஜதி. கரோதி, பயோகே³ து³க்கடம்; கதே, ஆபத்தி பாசித்தியஸ்ஸ.

து³க்கி²தம் ஸஹஜீவினிம் நேவ உபட்டே²ந்தீ ந உபட்டா²பனாய உஸ்ஸுக்கம் கரோந்தீ ஏகம் ஆபத்திம் ஆபஜ்ஜதி. பாசித்தியம்.

பி⁴க்கு²னியா உபஸ்ஸயம் த³த்வா குபிதா அனத்தமனா நிக்கட்³ட⁴ந்தீ த்³வே ஆபத்தியோ ஆபஜ்ஜதி. நிக்கட்³ட⁴தி, பயோகே³ து³க்கடம்; நிக்கட்³டி⁴தே, ஆபத்தி பாசித்தியஸ்ஸ.

ஸம்ஸட்டா² பி⁴க்கு²னீ யாவததியம் ஸமனுபா⁴ஸனாய ந படினிஸ்ஸஜ்ஜந்தீ த்³வே ஆபத்தியோ ஆபஜ்ஜதி. ஞத்தியா து³க்கடம்; கம்மவாசாபரியோஸானே ஆபத்தி பாசித்தியஸ்ஸ.

அந்தோரட்டே² ஸாஸங்கஸம்மதே ஸப்படிப⁴யே அஸத்தி²கா சாரிகம் சரந்தீ த்³வே ஆபத்தியோ ஆபஜ்ஜதி. படிபஜ்ஜதி, பயோகே³ து³க்கடம்; படிபன்னே, ஆபத்தி பாசித்தியஸ்ஸ.

திரோரட்டே² ஸாஸங்கஸம்மதே ஸப்படிப⁴யே அஸத்தி²கா சாரிகம் சரந்தீ த்³வே ஆபத்தியோ ஆபஜ்ஜதி. படிபஜ்ஜதி, பயோகே³ து³க்கடம்; படிபன்னே, ஆபத்தி பாசித்தியஸ்ஸ.

அந்தோவஸ்ஸம் சாரிகம் சரந்தீ த்³வே ஆபத்தியோ ஆபஜ்ஜதி. படிபஜ்ஜதி, பயோகே³ து³க்கடம்; படிபன்னே, ஆபத்தி பாசித்தியஸ்ஸ.

வஸ்ஸம்வுட்டா² பி⁴க்கு²னீ சாரிகம் ந பக்கமந்தீ ஏகம் ஆபத்திம் ஆபஜ்ஜதி. பாசித்தியம்.

துவட்டவக்³கோ³ சதுத்தோ².

5. சித்தாகா³ரவக்³கோ³

235. ராஜாகா³ரம் வா சித்தாகா³ரம் வா ஆராமம் வா உய்யானம் வா போக்க²ரணிம் வா த³ஸ்ஸனாய க³ச்ச²ந்தீ த்³வே ஆபத்தியோ ஆபஜ்ஜதி. க³ச்ச²தி, ஆபத்தி து³க்கடஸ்ஸ; யத்த² டி²தா பஸ்ஸதி, ஆபத்தி பாசித்தியஸ்ஸ.

ஆஸந்தி³ம் வா பல்லங்கம் வா பரிபு⁴ஞ்ஜந்தீ த்³வே ஆபத்தியோ ஆபஜ்ஜதி. பரிபு⁴ஞ்ஜதி, பயோகே³ து³க்கடம்; பரிபு⁴த்தே, ஆபத்தி பாசித்தியஸ்ஸ.

ஸுத்தம் கந்தந்தீ த்³வே ஆபத்தியோ ஆபஜ்ஜதி. கந்ததி, பயோகே³ து³க்கடம்; உஜ்ஜவுஜ்ஜவே, ஆபத்தி பாசித்தியஸ்ஸ.

கி³ஹிவேய்யாவச்சம் கரோந்தீ த்³வே ஆபத்தியோ ஆபஜ்ஜதி. கரோதி, பயோகே³ து³க்கடம்; கதே, ஆபத்தி பாசித்தியஸ்ஸ.

பி⁴க்கு²னியா – ‘‘ஏஹாய்யே இமம் அதி⁴கரணம் வூபஸமேஹீ’’தி வுச்சமானா – ‘‘ஸாதூ⁴’’தி படிஸ்ஸுணித்வா நேவ வூபஸமேந்தீ ந வூபஸமாய உஸ்ஸுக்கம் கரோந்தீ ஏகம் ஆபத்திம் ஆபஜ்ஜதி. பாசித்தியம்.

அகா³ரிகஸ்ஸ வா பரிப்³பா³ஜகஸ்ஸ வா பரிப்³பா³ஜிகாய வா ஸஹத்தா² கா²த³னீயம் வா போ⁴ஜனீயம் வா தே³ந்தீ த்³வே ஆபத்தியோ ஆபஜ்ஜதி. தே³தி, பயோகே³ து³க்கடம்; தி³ன்னே, ஆபத்தி பாசித்தியஸ்ஸ.

ஆவஸத²சீவரம் அனிஸ்ஸஜ்ஜித்வா பரிபு⁴ஞ்ஜந்தீ த்³வே ஆபத்தியோ ஆபஜ்ஜதி. பரிபு⁴ஞ்ஜதி, பயோகே³ து³க்கடம்; பரிபு⁴த்தே, ஆபத்தி பாசித்தியஸ்ஸ.

ஆவஸத²ம் அனிஸ்ஸஜ்ஜித்வா சாரிகம் பக்கமந்தீ த்³வே ஆபத்தியோ ஆபஜ்ஜதி. பட²மம் பாத³ம் பரிக்கே²பம் அதிக்காமேதி, ஆபத்தி து³க்கடஸ்ஸ; து³தியம் பாத³ம் அதிக்காமேதி, ஆபத்தி பாசித்தியஸ்ஸ.

திரச்சா²னவிஜ்ஜம் பரியாபுணந்தீ த்³வே ஆபத்தியோ ஆபஜ்ஜதி. பரியாபுணாதி, பயோகே³ து³க்கடம்; பதே³ பதே³ ஆபத்தி பாசித்தியஸ்ஸ.

திரச்சா²னவிஜ்ஜம் வாசேந்தீ த்³வே ஆபத்தியோ ஆபஜ்ஜதி. வாசேதி, பயோகே³ து³க்கடம்; பதே³ பதே³ ஆபத்தி பாசித்தியஸ்ஸ.

சித்தாகா³ரவக்³கோ³ பஞ்சமோ.

6. ஆராமவக்³கோ³

236. ஜானம் ஸபி⁴க்கு²கம் ஆராமம் அனாபுச்சா² பவிஸந்தீ த்³வே ஆபத்தியோ ஆபஜ்ஜதி. பட²மம் பாத³ம் பரிக்கே²பம் அதிக்காமேதி, ஆபத்தி து³க்கடஸ்ஸ; து³தியம் பாத³ம் அதிக்காமேதி, ஆபத்தி பாசித்தியஸ்ஸ.

பி⁴க்கு²ம் அக்கோஸந்தீ பரிபா⁴ஸந்தீ த்³வே ஆபத்தியோ ஆபஜ்ஜதி. அக்கோஸதி, பயோகே³ து³க்கடம்; அக்கோஸிதே, ஆபத்தி பாசித்தியஸ்ஸ.

சண்டீ³கதா க³ணம் பரிபா⁴ஸந்தீ த்³வே ஆபத்தியோ ஆபஜ்ஜதி. பரிபா⁴ஸதி, பயோகே³ து³க்கடம்; பரிபா⁴ஸிதே, ஆபத்தி பாசித்தியஸ்ஸ.

நிமந்திதா வா பவாரிதா வா கா²த³னீயம் வா போ⁴ஜனீயம் வா பு⁴ஞ்ஜந்தீ த்³வே ஆபத்தியோ ஆபஜ்ஜதி. ‘‘கா²தி³ஸ்ஸாமி பு⁴ஞ்ஜிஸ்ஸாமீ’’தி படிக்³க³ண்ஹாதி, ஆபத்தி து³க்கடஸ்ஸ; அஜ்ஜோ²ஹாரே அஜ்ஜோ²ஹாரே ஆபத்தி பாசித்தியஸ்ஸ.

குலம் மச்ச²ராயந்தீ த்³வே ஆபத்தியோ ஆபஜ்ஜதி. மச்ச²ராயதி, பயோகே³ து³க்கடம்; மச்ச²ரிதே, ஆபத்தி பாசித்தியஸ்ஸ.

அபி⁴க்கு²கே ஆவாஸே வஸ்ஸம் வஸந்தீ த்³வே ஆபத்தியோ ஆபஜ்ஜதி. ‘‘வஸ்ஸம் வஸிஸ்ஸாமீ’’தி ஸேனாஸனம் பஞ்ஞபேதி பானீயம் பரிபோ⁴ஜனீயம் உபட்ட²பேதி பரிவேணம் ஸம்மஜ்ஜதி, ஆபத்தி து³க்கடஸ்ஸ; ஸஹ அருணுக்³க³மனா ஆபத்தி பாசித்தியஸ்ஸ.

வஸ்ஸம்வுட்டா² பி⁴க்கு²னீ உப⁴தோஸங்கே⁴ தீஹி டா²னேஹி ந பவாரேந்தீ ஏகம் ஆபத்திம் ஆபஜ்ஜதி. பாசித்தியம்.

ஓவாதா³ய வா ஸம்வாஸாய வா ந க³ச்ச²ந்தீ ஏகம் ஆபத்திம் ஆபஜ்ஜதி. பாசித்தியம்.

உபோஸத²ம்பி ந புச்ச²ந்தீ ஓவாத³ம்பி ந யாசந்தீ ஏகம் ஆபத்திம் ஆபஜ்ஜதி. பாசித்தியம்.

பஸாகே² ஜாதம் க³ண்ட³ம் வா ருதி⁴தம் வா அனபலோகேத்வா ஸங்க⁴ம் வா க³ணம் வா புரிஸேன ஸத்³தி⁴ம் ஏகேனேகா பே⁴தா³பேந்தீ த்³வே ஆபத்தியோ ஆபஜ்ஜதி. பே⁴தா³பேதி, பயோகே³ து³க்கடம்; பி⁴ன்னே, ஆபத்தி பாசித்தியஸ்ஸ.

ஆராமவக்³கோ³ ச²ட்டோ².

7. க³ப்³பி⁴னீவக்³கோ³

237. க³ப்³பி⁴னிம் வுட்டா²பேந்தீ த்³வே ஆபத்தியோ ஆபஜ்ஜதி. வுட்டா²பேதி, பயோகே³ து³க்கடம்; வுட்டா²பிதே, ஆபத்தி பாசித்தியஸ்ஸ.

பாயந்திம் வுட்டா²பேந்தீ த்³வே ஆபத்தியோ ஆபஜ்ஜதி. வுட்டா²பேதி, பயோகே³ து³க்கடம்; வுட்டா²பிதே, ஆபத்தி பாசித்தியஸ்ஸ.

த்³வே வஸ்ஸானி ச²ஸு த⁴ம்மேஸு அஸிக்கி²தஸிக்க²ம் ஸிக்க²மானம் வுட்டா²பேந்தீ த்³வே ஆபத்தியோ ஆபஜ்ஜதி. வுட்டா²பேதி, பயோகே³ து³க்கடம்; வுட்டா²பிதே, ஆபத்தி பாசித்தியஸ்ஸ.

த்³வே வஸ்ஸானி ச²ஸு த⁴ம்மேஸு ஸிக்கி²தஸிக்க²ம் ஸிக்க²மானம் ஸங்கே⁴ன அஸம்மதம் வுட்டா²பேந்தீ த்³வே ஆபத்தியோ ஆபஜ்ஜதி. வுட்டா²பேதி, பயோகே³ து³க்கடம்; வுட்டா²பிதே, ஆபத்தி பாசித்தியஸ்ஸ.

ஊனத்³வாத³ஸவஸ்ஸம் கி³ஹிக³தம் வுட்டா²பேந்தீ த்³வே ஆபத்தியோ ஆபஜ்ஜதி. வுட்டா²பேதி, பயோகே³ து³க்கடம்; வுட்டா²பிதே, ஆபத்தி பாசித்தியஸ்ஸ.

பரிபுண்ணத்³வாத³ஸவஸ்ஸம் கி³ஹிக³தம் த்³வே வஸ்ஸானி ச²ஸு த⁴ம்மேஸு அஸிக்கி²தஸிக்க²ம் வுட்டா²பேந்தீ த்³வே ஆபத்தியோ ஆபஜ்ஜதி. வுட்டா²பேதி, பயோகே³ து³க்கடம்; வுட்டா²பிதே, ஆபத்தி பாசித்தியஸ்ஸ.

பரிபுண்ணத்³வாத³ஸவஸ்ஸம் கி³ஹிக³தம் த்³வே வஸ்ஸானி ச²ஸு த⁴ம்மேஸு ஸிக்கி²தஸிக்க²ம் ஸங்கே⁴ன அஸம்மதம் வுட்டா²பேந்தீ த்³வே ஆபத்தியோ ஆபஜ்ஜதி. வுட்டா²பேதி, பயோகே³ து³க்கடம்; வுட்டா²பிதே, ஆபத்தி பாசித்தியஸ்ஸ.

ஸஹஜீவினிம் வுட்டா²பேத்வா த்³வே வஸ்ஸானி நேவ அனுக்³க³ண்ஹந்தீ நானுக்³க³ண்ஹாபேந்தீ ஏகம் ஆபத்திம் ஆபஜ்ஜதி. பாசித்தியம்.

வுட்டா²பிதம் பவத்தினிம் த்³வே வஸ்ஸானி நானுப³ந்த⁴ந்தீ ஏகம் ஆபத்திம் ஆபஜ்ஜதி. பாசித்தியம்.

ஸஹஜீவினிம் வுட்டா²பேத்வா நேவ வூபகாஸேந்தீ ந வூபகாஸாபேந்தீ ஏகம் ஆபத்திம் ஆபஜ்ஜதி. பாசித்தியம்.

க³ப்³பி⁴னீவக்³கோ³ ஸத்தமோ.

8. குமாரீபூ⁴தவக்³கோ³

238. ஊனவீஸதிவஸ்ஸம் குமாரிபூ⁴தம் வுட்டா²பேந்தீ த்³வே ஆபத்தியோ ஆபஜ்ஜதி. வுட்டா²பேதி, பயோகே³ து³க்கடம்; வுட்டா²பிதே, ஆபத்தி பாசித்தியஸ்ஸ.

பரிபுண்ணவீஸதிவஸ்ஸம் குமாரிபூ⁴தம் த்³வே வஸ்ஸானி ச²ஸு த⁴ம்மேஸு அஸிக்கி²தஸிக்க²ம் வுட்டா²பேந்தீ த்³வே ஆபத்தியோ ஆபஜ்ஜதி. வுட்டா²பேதி, பயோகே³ து³க்கடம்; வுட்டா²பிதே, ஆபத்தி பாசித்தியஸ்ஸ.

பரிபுண்ணவீஸதிவஸ்ஸம் குமாரிபூ⁴தம் த்³வே வஸ்ஸானி ச²ஸு த⁴ம்மேஸு ஸிக்கி²தஸிக்க²ம் ஸங்கே⁴ன அஸம்மதம் வுட்டா²பேந்தீ த்³வே ஆபத்தியோ ஆபஜ்ஜதி. வுட்டா²பேதி, பயோகே³ து³க்கடம்; வுட்டா²பிதே, ஆபத்தி பாசித்தியஸ்ஸ.

ஊனத்³வாத³ஸவஸ்ஸா வுட்டா²பேந்தீ த்³வே ஆபத்தியோ ஆபஜ்ஜதி. வுட்டா²பேதி, பயோகே³ து³க்கடம்; வுட்டா²பிதே, ஆபத்தி பாசித்தியஸ்ஸ.

பரிபுண்ணத்³வாத³ஸவஸ்ஸா ஸங்கே⁴ன அஸம்மதா வுட்டா²பேந்தீ த்³வே ஆபத்தியோ ஆபஜ்ஜதி. வுட்டா²பேதி, பயோகே³ து³க்கடம்; வுட்டா²பிதே, ஆபத்தி பாசித்தியஸ்ஸ.

‘‘அலம் தாவ தே, அய்யே, வுட்டா²பிதேனா’’தி வுச்சமானா ‘‘ஸாதூ⁴’’தி படிஸ்ஸுணித்வா பச்சா² கீ²யனத⁴ம்மம் ஆபஜ்ஜந்தீ த்³வே ஆபத்தியோ ஆபஜ்ஜதி. கி²ய்யதி, பயோகே³ து³க்கடம்; கி²ய்யிதே, ஆபத்தி பாசித்தியஸ்ஸ.

ஸிக்க²மானம் – ‘‘ஸசே மே த்வம், அய்யே, சீவரம் த³ஸ்ஸஸி, ஏவாஹம் தம் வுட்டா²பேஸ்ஸாமீ’’தி வத்வா நேவ வுட்டா²பேந்தீ ந வுட்டா²பனாய உஸ்ஸுக்கம் கரோந்தீ ஏகம் ஆபத்திம் ஆபஜ்ஜதி. பாசித்தியம்.

ஸிக்க²மானம் – ‘‘ஸசே மம் த்வம், அய்யே, த்³வே வஸ்ஸானி அனுப³ந்தி⁴ஸ்ஸஸி, ஏவாஹம் தம் வுட்டா²பேஸ்ஸாமீ’’தி வத்வா நேவ வுட்டா²பேந்தீ ந வுட்டா²பனாய உஸ்ஸுக்கம் கரோந்தீ ஏகம் ஆபத்திம் ஆபஜ்ஜதி. பாசித்தியம்.

புரிஸஸம்ஸட்ட²ம் குமாரகஸம்ஸட்ட²ம் சண்டி³ம் ஸோகாவாஸம் ஸிக்க²மானம் வுட்டா²பேந்தீ த்³வே ஆபத்தியோ ஆபஜ்ஜதி. வுட்டா²பேதி, பயோகே³ து³க்கடம்; வுட்டா²பிதே, ஆபத்தி பாசித்தியஸ்ஸ.

மாதாபிதூஹி வா ஸாமிகேன வா அனனுஞ்ஞாதம் ஸிக்க²மானம் வுட்டா²பேந்தீ த்³வே ஆபத்தியோ ஆபஜ்ஜதி. வுட்டா²பேதி, பயோகே³ து³க்கடம்; வுட்டா²பிதே, ஆபத்தி பாசித்தியஸ்ஸ.

பாரிவாஸிகச²ந்த³தா³னே ஸிக்க²மானம் வுட்டா²பேந்தீ த்³வே ஆபத்தியோ ஆபஜ்ஜதி. வுட்டா²பேதி, பயோகே³ து³க்கடம்; வுட்டா²பிதே, ஆபத்தி பாசித்தியஸ்ஸ.

அனுவஸ்ஸம் வுட்டா²பேந்தீ த்³வே ஆபத்தியோ ஆபஜ்ஜதி. வுட்டா²பேதி, பயோகே³ து³க்கடம்; வுட்டா²பிதே, ஆபத்தி பாசித்தியஸ்ஸ.

ஏகம் வஸ்ஸம் த்³வே வுட்டா²பேந்தீ த்³வே ஆபத்தியோ ஆபஜ்ஜதி. வுட்டா²பேதி, பயோகே³ து³க்கடம்; வுட்டா²பிதே, ஆபத்தி பாசித்தியஸ்ஸ.

குமாரீபூ⁴தவக்³கோ³ அட்ட²மோ.

9. ச²த்துபாஹனவக்³கோ³

239. ச²த்துபாஹனம் தா⁴ரேந்தீ த்³வே ஆபத்தியோ ஆபஜ்ஜதி. தா⁴ரேதி, பயோகே³ து³க்கடம்; தா⁴ரிதே, ஆபத்தி பாசித்தியஸ்ஸ.

யானேன யாயந்தீ த்³வே ஆபத்தியோ ஆபஜ்ஜதி. யாயதி, பயோகே³ து³க்கடம்; யாயிதே, ஆபத்தி பாசித்தியஸ்ஸ.

ஸங்கா⁴ணிம் தா⁴ரேந்தீ த்³வே ஆபத்தியோ ஆபஜ்ஜதி. தா⁴ரேதி, பயோகே³ து³க்கடம்; தா⁴ரிதே, ஆபத்தி பாசித்தியஸ்ஸ.

இத்தா²லங்காரம் தா⁴ரேந்தீ த்³வே ஆபத்தியோ ஆபஜ்ஜதி. தா⁴ரேதி, பயோகே³ து³க்கடம்; தா⁴ரிதே, ஆபத்தி பாசித்தியஸ்ஸ.

க³ந்த⁴வண்ணகேன நஹாயந்தீ த்³வே ஆபத்தியோ ஆபஜ்ஜதி. நஹாயதி, பயோகே³ து³க்கடம்; நஹானபரியோஸானே, ஆபத்தி பாசித்தியஸ்ஸ.

வாஸிதகேன பிஞ்ஞாகேன நஹாயந்தீ த்³வே ஆபத்தியோ ஆபஜ்ஜதி. நஹாயதி, பயோகே³ து³க்கடம்; நஹானபரியோஸானே, ஆபத்தி பாசித்தியஸ்ஸ.

பி⁴க்கு²னியா உம்மத்³தா³பேந்தீ பரிமத்³தா³பேந்தீ த்³வே ஆபத்தியோ ஆபஜ்ஜதி. உம்மத்³தா³பேதி, பயோகே³ து³க்கடம்; உம்மத்³தி³தே, ஆபத்தி பாசித்தியஸ்ஸ.

ஸிக்க²மானாய உம்மத்³தா³பேந்தீ பரிமத்³தா³பேந்தீ த்³வே ஆபத்தியோ ஆபஜ்ஜதி. உம்மத்³தா³பேதி, பயோகே³ து³க்கடம்; உம்மத்³தி³தே, ஆபத்தி பாசித்தியஸ்ஸ.

ஸாமணேரியா உம்மத்³தா³பேந்தீ பரிமத்³தா³பேந்தீ த்³வே ஆபத்தியோ ஆபஜ்ஜதி. உம்மத்³தா³பேதி, பயோகே³ து³க்கடம்; உம்மத்³தி³தே, ஆபத்தி பாசித்தியஸ்ஸ.

கி³ஹினியா உம்மத்³தா³பேந்தீ பரிமத்³தா³பேந்தீ த்³வே ஆபத்தியோ ஆபஜ்ஜதி. உம்மத்³தா³பேதி, பயோகே³ து³க்கடம்; உம்மத்³தி³தே, ஆபத்தி பாசித்தியஸ்ஸ.

பி⁴க்கு²ஸ்ஸ புரதோ அனாபுச்சா² ஆஸனே நிஸீத³ந்தீ த்³வே ஆபத்தியோ ஆபஜ்ஜதி. நிஸீத³தி, பயோகே³ து³க்கடம்; நிஸின்னே, ஆபத்தி பாசித்தியஸ்ஸ.

அனோகாஸகதம் பி⁴க்கு²ம் பஞ்ஹம் புச்ச²ந்தீ த்³வே ஆபத்தியோ ஆபஜ்ஜதி. புச்ச²தி, பயோகே³ து³க்கடம்; புச்சி²தே, ஆபத்தி பாசித்தியஸ்ஸ.

அஸங்கச்சிகா கா³மம் பவிஸந்தீ த்³வே ஆபத்தியோ ஆபஜ்ஜதி. பட²மம் பாத³ம் பரிக்கே²பம் அதிக்காமேதி, ஆபத்தி து³க்கடஸ்ஸ; து³தியம் பாத³ம் அதிக்காமேதி, ஆபத்தி பாசித்தியஸ்ஸ.

ச²த்துபாஹனவக்³கோ³ நவமோ.

கு²த்³த³கம் நிட்டி²தம்.

5. பாடிதே³ஸனீயகண்ட³ம்

240. ஸப்பிம் விஞ்ஞாபேத்வா பு⁴ஞ்ஜந்தீ த்³வே ஆபத்தியோ ஆபஜ்ஜதி. பு⁴ஞ்ஜிஸ்ஸாமீதி படிக்³க³ண்ஹாதி, ஆபத்தி து³க்கடஸ்ஸ; அஜ்ஜோ²ஹாரே அஜ்ஜோ²ஹாரே ஆபத்தி பாடிதே³ஸனீயஸ்ஸ.